Tej zaus yeej muaj ntau tus ntsib dhau qhov uas tsis paub ua li cas ntawm tej kev sib tshuam, nyob hauv tej kev xaiv hauv lub neej no. Ntau zaug peb tsis paub xaiv txoj kev twg; los ntawm tej kev txiav txim siab tseem ceeb xws li yuav xaiv txoj kev kawm twg, tes haujlwm dabtsi lossis yus tus txijnkawm… txog rau tej kev xaiv uas me tshaj nyob hauv lub neej txhua hnub. Nyob rau tej lub sijhawm uas peb pom cuag li yus yuam kev, yeej tseem tshuav qhov pom kev taw kev: ntawd yog Vajtswv tej lus.

Hnub no, yog hnub 11/08/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Diane Virginia dhau ntawm Zaj kawm LUB TEEB CI RAU KUV TXHAIS TAW POM KEV.

“Koj txojlus zoo ib yam li lub teeb uas taws ua kuv ntej thiab ci rau kuv txoj hau kev” (Ntawv Nkauj 119:105).

Kuv pheej xav tias qhov uas nrhiav kev ntawm qhov chaw ua haujlwm tshiab mus rau ntawm kev loj yuav yooj yim, tiamsis kuv ho tsis swm qhov chaw no. txhua yam cuag li yim ntxhov nyho vim muaj qee daim duab taw kev ploj lawm. Tib lub cim ua rau kuv paub yog muaj cov menyuam ib lub pob nyob ntawm lub tshav puam hauv ib yim neeg lub tsev. Tomqab kuv tsav tsheb dhau lub pob ntawd peb zaug, kuv yuav raug nres tsheb ntawm ntus kev, so hws ntawm tes thiab thov Vajtswv: “Vajtswv, thov coj kuv kev. Kuv tsuas xav tau mus tsev xwb”.

Tamsim ntawd, muaj ib tug neeg xa ntawv nws thiaj tig tsheb rov qab los. Nws nug: “Koj tab tom nrhiav kev mus qhov twg?” Kuv teb: “Kuv tab tom nrhiav kev mus rau tom txoj kev 95”. Tus xa ntawv thiaj taw kev rau kuv, thiab kuv thiaj mus ntxiv. Cia siab tias zaum no yuav nrhiav tau kev mus tom kev loj. Tiamsis, kuv rov qab ntsib dua ib txoj kev tshuam tsis muaj duab taw kev. Kuv thiaj cim civ nug tias yus tau ua poob qhov chaw tshuam twg lawm? Yog li kuv thiaj tsav tsheb rov qab, mus nrhiav lub pob uas kuv pom tom tshav puam thiab nres twjywm ntawd.

Ntawm kuv lub tsom tsheb, kuv rov qab ntsia pom tus yawm xa ntawv. Yawg tsav tsheb los ze kuv thiab nug: “Koj yeej tseem tab tom nrhiav kev los?” kuv ncaws hau, siv zog zais kuv txoj kev tsis paub ua cas. Tus hluas ntawd hais tias: “Tos kuv ib pliag. Kuv tseem tshuav peb tsab ntawv yuav tau xa thiab. Kuv mam rov qab los.” Raws li tus xa ntawv tej lus cog tseg, nws rov qab los thiab tsav tsheb coj kuv kev mus txog ntua rau ntawm txoj kev tshuam kiag rau saum kev loj. Tseeb tiag, qhov kev tshuam uas tsis muaj dabtsi taw kev ntawd yog qhov chaw uas kuv yuav tau tshuam mus thaum pib. Kuv yeej tseem nco daim duab tus neeg xa ntawd nyo hau xa kuv thaum uas kuv tsav tsheb nkag saum kev loj lawm.

Hauv lub neej, ntau zaug qhov uas peb txiav txim siab kuj zoo li qhov uas peb tsav tsheb tsis muaj duab taw kev. Vajtswv nkag siab tej ntawd. Vim Vajtswv paub thaum twg peb cheem tsum kev taw kev, yog li Vajtswv thiaj pub tej lus cev lus rau peb.

Ntawv Nkauj 119:11a sau tias: “Kuv zais koj tej lus rau hauv kuv lub siab.”

Thaum cim nco Vajtswv tej lus, kuv thiaj txhais ruam mus khov kho zoo li tus xa ntawv. Nws cim nco txhua txoj kev hauv cheeb tsam ntawd. Kuv xam tias nws tseem paub tus menyuam uas tso lub pob ntawm tshav puam tib si, thiab kuj paub sawv daws txhua tus lub npe nyob hauv lub zos ntawd.

Ntawv Nkauj 119:105 hais tias: “Koj txojlus zoo ib yam li lub teeb uas taws ua kuv ntej thiab ci rau kuv txoj hau kev”

Zoo li tus xa ntawv coj kuv mus rau ntawm kev loj, Vajtswv txojlus kuj taw kev rau peb lub neej. Nyob hauv 176 nqe ntawm Ntawv Nkauj tshooj 119, tus sau nws hais txog qhov tseem ceeb thaum peb muab Vajtswv txojlus coj los siv rau hauv lub neej txhua hnub. kuj zoo ib yam li tus neg xa ntawv pab kom kuv mus txog qhov chaw kuv yuav tau mus, Vajtswv kuj pub Vajtswv tej lus rau peb zoo li tus tshim ntsuas cia rau peb pheeb rau.

Thov caw nrog kuv peb thov Vajtswv ua ke: Tus Vajtswv uas muaj kev hlub, tus pub koj tej lus ciaj sia rau peb. Kuv ua Vajtswv tsaug vim Koj tej lus yog tus nplaim taws ci rau kuv txoj kev, yog qhov kaj rau kuv. Thov qhia kom kuv paub hlub thiab nrhiav Koj tej lus nyob rau txhua lub caijnyoog hauv lub neej. Thov kom Vajtswv tej lus nkag los rau hauv kuv lub neej, hloov pauv kuv, thiab pab kom kuv ua raws li Vajtswv lub siab rau txhua txoj kev txiav txim siab. Kuv thov hauv Tswv Yexus Khetos lub npe. Amees.

Cov kwv tij, koj phau Vajluskub puas tab tom muab kaw cia rau tej hnub dhau los? Yog tias peb yeej tseem hnov tsis muaj kev kaj siab, yuam kev, tag kev cia siab… tej zaug yog vim peb yeej tseem tsis tau xub nrhiav Vajtswv ua tus qhia kev dhau ntawm Vajluskub. Peb yuav ua tsis tau lub neej puv npo lub hwjchim yog tias peb tseg tsis nyeem thiab tsis kawm Vajtswv tejlus. Thov Vajtswv pub rau koj muaj lub siab ntshaw kawm Vajtswv tej lus, kom koj paub tej lus ntawd zoo li tus duab teeb ci rau koj pom kev, yog qhov kaj rau yus lub neej. Thov kom koj lub neej yuav loj hlob hauv Vajtswv tej lus, kuj tau “zoo kawg nkaus thiab npaj txhij los ua txhua txoj haujlwm zoo” (2 Timautes 3:17).

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.