Di gơlăn oă cau neh git lam bơta tis nrah, kơlôi rvăng di gùl ală sơnah gùng pleh, digùl bơta sac rwah tòm rài kis do. Gơs tŭ bol he ò git pal sac gùng lơi: bơh di ală bơta lơh nề dờng mang be sac rwah bơta bơtê, broă lơh hala sac cau bơyô rài…jơl tùs ală ƀơta sac rwah dềt rhền tòm rài kís kòp ngai. Tòm ală tŭ bol he gŏ he gơlơh be chŭ gùng, găm gơs dô bơta àng sol pơndàng gùng bol he: hơ̆ la jơnau Yàng Tom Trồ dê.

Ngai do, ngai 11/08/2025, tơnggu hòi dăn kờp ngai dăn ja ông mo oh mi kơlôi sơnơng bal jơnau Yàng kơnòm bơta dong kơl Diane Virginia bơh tơnggu mê ÔS ĐÈNG JƠNG KÒN IN.

“Jơnau Yàng la ồs đèng jơng añ in, là bơta àng gùng dà añ jê.” (Đơs Crih 119: 105)

Añ kừ kơlôi joi gùng bơh tiah lơh broă pa lik tús gùng ntoat mhằr rơp ƀuôn, mơya añ ò mơng tiah ơm do. Jơh ală bơta gơlik kalkê rlau tai bơh mpan yal tơnggit gùng roh. Til sơnio mìng dùl nàng añ rgơi đal git hơ̆ la dô nơm plai coh kơnòm dèt di ơm tòm blang jơng dô nơm hiu dê. tơnơ̆ mơ tŭ neh ăt rơndeh lòt găn plai coh hơ̆ pê dơ̆, ăñ ơn rơndeh digah gùng, jut dà bơhàl di mpang tê mơ hoi dăn : “Khoai Yàng, dan sonio lam kòn in, kòn ming kờn geh ri hiu.”

Tòm toh di tŭ hơ̆, dô nă cau pơyoa sră nisơna wơl rơndeh. Bi hơ̆ lùp: “Ai gam joi gùng lòt tiah lơi taih?” Añ hơ lah: “Añ gam joi gùng lik tùs xa lộ liên bang 95.” Cau pơyoa sră sonio añ in mơ, mơ añ pơnjat lòt gung. Añ kơnòm tŭ do he ròp joi bàn gùng ntoat mhằr. Mơya, añ tìp wơl dô sơnah poan ndai ò gơs mpan sonio gùng. Añ lùp is he neh săng lơi dô sơnah pleh lơi tai sơl? Behơ̆ tàng tờrwơl rơndeh, lòt joi plai coh mòng mơ dơh wơl ting hơ̆.

Tòm krơh pơnđang, añ sền gŏ rùp cau pơyoa sră. Bi hơ̆ ăt rơndeh tùs rềp mơ lùp: “Ai gam joi gùng lah? Añ kùnbồ, pơnđơl nàng pun bơta kalkê. Cau pơnu do đơs. “Ơm gơn dô êt yơ. Añ găm pê nơm sră pơyoa añ pal jao. Añ rờp wơl tai” Tòm toh mơ jơnau hơ, bi hơ̆ wơl mơ ăt rơndeh lòt lai hơđăp lăm gùng añ in tùs di sơnah pleh mùt hơ gùng ntoat mhằr. Hoá ra, sơnah poan ò gơs mpan sonio hŏ la tiah an pal cang pleh bơn sơnròp. Añ găm kah rùp cau pơyoa sră kù bồ còp să añ tŭ añ mùt bal mơ mpơl rơndeh hơđăng gùng ntoat mhằr.

Tòm rai kis, gơs dơ̆ broă lơh nền kùng ndrơm mơ broă at rơndeh mơ ò gơs mpan sơnio gùng. Yàng tom Trồ wil tơl wờng git bơta hơ̆. Bơh Kơnràñ git bol he pal càng bơta tề lăm, gè tàng neh ai bol he in Jơnau Kơnràñ.

Đơs Crih 119: 11a cih lah: “Añ neh prap Jơnau Yàng tòm nùs añ.”

Tòm tŭ kah prap Jơnau Yàng, añ rgơi cơnđòa lòt dô bă kơ̆ cề mơ khin chà, ndrơm be cau pơyoa sră ne. Bi hơ̆ kah prap kòp ală sơnah gùng pleh tom pơnah tiah hơ̆. Añ kơlôi bi hơ̆ kùng găm git cau kơnòm neh ơn plai coh di đap blang jơng hiu mơ kùng git sơnđăn ală cau ơm tòm tiah hơ̆.

Đơs Crih 119: 105 đơs lah: “Jơnau Yàng la ồs đèng jơng añ in, là bơta àng gùng dà añ jê.”

Ndrơm be cau pơyoa sră tề lăm añ tùs hơ gùng ntoat mhằr, Jơnau Yàng Tom kufng tề lăm rài kis bol he. Tòm jơh 176 sèng Đơs Crih 119 dê, cau cih sră ò dơh đơs pràn bơta dờng màng broă ngui jơnau sŏng tơm Jơnau Yàng dê tòm rài kis kòp ngai. Kùng be cau pơyoa sră neh dŏng kờl añ tùs tơnggu an pal càng tùs, Yàng Tom Trồ neh ai bol he in Jơnau Kơnràñ dê be la dô nơm mpan sơnio nàng bol he in sơđing.

Dan jà bol he dô nùs bal tòm bơta hòi dan: Khoai Yàng kờñ gơboh, Bơtau neh ai kòn in Jơnau Bơta Kis Kơnràñ dê. Kòn ưn ngai Yàng bơh Jơnau Kơnràñ la ồs đèng sòl jơng kòn in, la bơta àng ai gùng dà kon dê. Dan bơto kòn git kờñ gơboh mơ joi jat Jonau kơnràñ tòm jơh ală bơta gơlik gơs rài kis dê. Dan Jơnau Yàng mut tòm rai kis kòn dê, tòm gơl kòn, mơ dŏng jkòn dòn duh nùs kờñ Kơnràñ dê tòm jơh ală bơta lơh nền. Kon jơh nùs hoi dăn, tòm sơnđăn Yàng Jessu Krist, Amen.

Ơ ală ồng mo oh mi kơñ gơboh, Sră Goh ông mò oh mi di gơs kal tòm ală ngai neh rlau sơl? Dilah bol he găm gơs nùs ò ring lơngai, tis nrah, roh gơn kơnòm,…di gơlăn la bơh bol he găm ò hềt ơn lai bơta joi jăt bơta tề lăm Yàng dê găn Jơnau Sră Goh. Bol he ò rgơi kòp gơn dô rài kis bềng gơnap gơnoăr dilah săng lơi tŭ jơ sền mơ bơtê Jơnau Yàng. dăn tĕ mơ Yàng ai ông mo oh mi in bơta jê gloh tơhìr Jơnau Yàng, nàng ông mo oh mi dòp git jơnau hơ̆ be la ồs đeng pơnđang cơnđòa lòt, la bơta ang rài kis he dê. Dan rai kis ông mò oh mi de geh tih dơng bơh Jơnau Yàng, kùng geh “geh wil-tơl mơ rcăng sìr wil-tơl nàng lơh jơh ală broă niam”. (2 Timôthe 3: 17)

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.