Peb yeej paub zoo txog qhov muaj nqis thaum mus dhia ua si thiab noj haus kom yog? Feem ntau peb sawv daws yeej paub, tiamsis tsis yog tias tus twg twb ua tau. Qhov txawv ntawm txoj kev paub qhov yog nrog rau teg haujlwm uas yog, thiab ua lub neej raws li tej yog ntawd, ntau zaug nws yog nws lawm ib txoj kev deb.

Kuj ib yam li ntawd, tej zaug peb paub tej uas Vajluskub qhia txog kev hlub, kev zam txim thiab txoj kev hwm Vajtswv. Peb kuj muaj cuab kav teb yog txhua lo lus nug txog kev ntseeg. Tiamsis tsis paub ntawd puas yog tej kev hloov pauv hauv peb lub neej? Thiab qhov tseem ceeb dua yog, qhov ntawd puas yuav txaus coj peb mus txais tau txoj kev cawmdim mus ib txhis?

Hnub no, yog hnub 12/08/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Tori Troncone dhau ntawm Zaj kawm PAUB LO LUS TEB XWB TSIS TAU TXAUS!

“Tiamsis Xatefanaus puv npo Vaj Ntsujplig tus Dawbhuv, nws tsa qhovmuag saib saum ntuj; nws porn Vajtswv lub tshwjchim uas ci ntsa iab porn Yexus sawv ntawm Vajtswv sab xis” (Tes Haujlwm 7:55).

Kuv tau mus koom ib lub rooj kawm rau lub tsev kawm ntawv qib siab nto npe lug tias yog yooj yim – tsis yog tej uas lawv qhia yooj yim lossis lawv tsis kom ua haujlwm ntau, tiamsis yog txoj kev uas tej xibhwb qhia lawv npaj rau peb ua ntej yuav txog tej lub sijhawm tshuaj. Ua ntej yuav txog lub sijhawm tshuaj yuav tas ib tshooj, tus kws qhia nws qhia rau peb paub cov lus teb ua ntej. Tsis yog zaj qhia kawm kom nco, kuj tsis yog tej nqe cim lossis tus txheej txheem ntawm txhua tshooj, tiamsis yog cov lus teb ntawm tej lus nug yuav tshuaj. Ua ntej yuav txog lub sijhawm tshuaj, txhua tus tub kawm puav leej tau kws qhia ntawv muab cov lus nug uas yuav nug rau thiab cov lus teb ntawm txhua lo lus nug ntawd.

Txawm yog txhua tus tub kawm puav leej txais tau cov lus teb ib yam los, tsis yog tus twg twb twv tau A hauv lub rooj kawm. ntau zaug tseem muaj qho tus kawm twv tsis dhau txhua zaj tshuaj! Uas twb muab lo lus teb tiamsis tsis txaus tab pov tias yuav ua tau tiav.

Nyob hauv Tes Haujlwm Tshooj 7, Xatefanaus raug coj mus sawv ntawm lub rooj tu plaub. Muaj ib txhia neeg tau iab liam yawg, liam tias yawg hais lus saib tsis taus Vajtswv (Tes Haujlwm 6:9-15).

Tus pov thawj hlob nug Xatefanaus: “Puas muaj tseeb li ntawd?”

Ntawm no yog Xatefanaus cov lus teb: “Nej cov uas ua kwv ua tij thiab ua txiv, nej cia li mloog kuv hais! Thaum peb yawgkoob Anplahas tseem nyob tim tebchaws Mexuputamias uas nws tseem tsis tau khiav mus nyob pem lub nroog Halas, Vajtswv lub tshwjchim uas ci ntsa iab tau tshwm los rau nws pom” (Tes Haujlwm 7:1-2).

Pauv qhov uas yawg cim civ hais daws yawg zaj thaum muaj tej lus iab liam yawg, Xatefanaus mus hais txog Vajluskub Qub ntawm lub rooj tu plaub xub ntiag. Txij thaum Anplahas los txog Daviv, Xatefanaus tham meej meej, puv npo Vaj Ntsujplig txog Vajtswv tej lus, tawm rau lawv paub tias Tswv Yexus yog tus Mexiyas (Nqe 1-50).

Zoo kawg li, vim Xatefanaus tab tom tham txog zaj xwm txheej no rau cov tub txawg Vajluskub Qub. Lub rooj tu plaub no, muaj cov neeg Yudais cov Pov thawj hlob. Lawv ib txwm paub zoo tej xwm txheej uas Xatefanaus hais txog. Tag nrho Xatefanaus thiab cov tu plaub lawv puav leej muaj “tib lo lus teb”!

Tiamsis, zoo li qhov uas muaj lo lus teb ntawd tsis tab pov rau kuv txoj kev kawm kom tau zoo nyob hauv kuv lub tsev kawm ntawv qib siab, qhov uas muaj lo lus teb ua ntej yeej pab tsis tau kom lub rooj tu plaub lees tias Tswv Yexus yog tus Mexiyas. Tseeb tiag, lawv tau tawm tsam Xatefanaus txog qhov no! Yawg zaj lus qhia ntawm lub rooj tu plaub no ua rau yawg dhau los ua thawj tug xub tuag ua ntej tshaj plaws rau txoj kev ntseeg nyob rau hauv keeb kwm Pawg Ntseeg (nqe 57-60).

Qhov txawv ntawm Xatefanaus thiab cov tub txawg zaum hauv rooj tu plaub tsis yog lawv tsis muaj kev totaub, tsis muaj kev txawj ntse, lossis tsis paub Vajluskub, tiamsis yog lawv tab tom nyeem xwb! Qhov txawv yog Xatefanaus tau hloov pauv nyob hauv txoj kev sib raug zoo nrog Yexus Khetos thiab tau puv npo Vaj Ntsujplig (Tes Haujlwm 6:5). Yawg ntseeg tias Tswv Yexus yog tus Mexiyas txog qhov uas yawg kam muab nws txojsia los tuag nthuav qhia qhov tseeb.

Ib yam li Paulus tau txhawb Pawg Ntseeg Filipis: “Kuv saib tej ntawd zoo ib yam li tej liamsim uas luag muab povtseg lawm xwb; kuv ua li ntawd kom kuv thiaj tau Yexus Khetos los ua kuv tus Tswv” (Filipis 3:8).

Peb yuav tau kawm Vajluskub los ntawm lub siab xav kom paub Yexus Khetos tob dua. Txhob cia peb txoj kev nyeem Vajluskub tsuas zoo li qhov uas peb paub lo lus teb hauv lub neej tiamsis “lo lus teb” ntawd tsis muaj sia, tsis hloov pauv peb kom dhau los zoo li Tswv Yexus. Cia li thov Vaj Ntsujplig tsis yog tsuas tso cai rau peb lub hlwb nkag siab tej uas peb tab tom nyeem xwb, tiamsis thov Vaj Ntsujplig hloov pauv peb lub siab. Peb dhau los ua cov neeg uas yog Vajtswv tug puv npo qhov tseeb txog qhov uas qhov tseeb ntws phwj yaws hauv peb lub neej.

Yuav tsum tig mus rau qhov uas paub Yexus Khetos, ua rau Yexus Khetos qhov kev zoo nkauj puv npo hauv peb lub neej. “Nej ib tug yuav tsum ua tib zoo qhia ib tug, thiab ib tug ntuas ib tug tsis txhob lam tau lam hais li tej neeg uas tsis muaj tswvyim. Thaum nej hu nkauj , tsis hais tej nkauj uas Daviv sau lossis tej nkauj qhuas Vajtswv lossis tej nkauj uas cov ntseeg ibtxwm hu qhuas Vajtswv, nej yuav tsum zoo siab hlo ua Vajtswv tsaug” (Kaulauxais 3:16).

Thov caw nrog kuv peb thov Vajtswv ua ke: Leej Txiv saum ntuj, kuv ua Koj tsaug, vim Koj tau pub Koj tej lus rau kuv thiab Koj tej lus yog lus zoo, tsis hloov pauv. Kuv thov Vajtswv kom dhau ntawm kuv txoj kev sib raug zoo nrog Tswv Yexus, Vaj Ntsujplig yuav puv npo hauv kuv, pub lub hwjchim rau kuv kom paub thiab totaub Vajtswv tejlus kom meej kom tshiab. Thov pauv kuv txoj kev hlub tseg rau Koj. Thov pub kom kuv muaj lub siab ntshaw kawm Vajtswv tej lus, ua raws li tej lus ntawd kom dhau los muaj sia, thiab hloov pauv peb lub neej dhau los zoo li Vajtswv. Kuv thov hauv Tswv Yexus Khetos lub npe. Amees.

Cov kwv tij txhua tus, peb tab tom nrhiav lo lus teb rau peb lub neej ntawm Vajluskub zoo li cas? Vajtswv txojlus puas chwv, puas hloov pauv peb lossis tsuas yog tej nyuag xov xwm peb paub xwb?

Yuav tsum txav los mus rau qhov uas paub Yexus Khetos hauv txojkev sib raug zoo ciaj sia nrog Nws tsis yog tsuas nres ntawm qhov uas paub raws li ntaub ntawv qhia xwb. Cia Nws nyob hauv peb, tswj peb lub neej los ntawm Nws tej lus, thiab ua rau Yexus Khetos txoj kev zoo nkauj puv npo hauv koj lub neej. “Nej ib tug yuav tsum ua tib zoo qhia ib tug, thiab ib tug ntuas ib tug tsis txhob lam tau lam hais li tej neeg uas tsis muaj tswvyim. Thaum nej hu nkauj , tsis hais tej nkauj uas Daviv sau lossis tej nkauj qhuas Vajtswv lossis tej nkauj uas cov ntseeg ibtxwm hu qhuas Vajtswv, nej yuav tsum zoo siab hlo ua Vajtswv tsaug.” (Kaulauxais 3:16).
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.