Peb lub neej thaum twg twb maj nroos thiab hloov pauv tsis tseg. Muaj tej lub sijhawm txhua yam cuag li tsis ua cas tiamsis tib pliag cia li yoj yees. Muaj ib qhov xov tsis zoo, ib qhov teeb meem tab tom tshwm tuaj, thiab peb pom tias: Yus yeej sawv tsis tau khov kho los ntawm tej yam zoo nkauj sab nraud, tiamsis yog vam rau txoj kev ruaj khov sab hauv tus ntsujplig. Tiamsis tus cag ntawd puas tau txhawm txhua hnub, los ntawm ua lub neej thiab ua raws li Vajtswv tej lus – tus uas muaj hwjchim tab tom tuav rawv peb kom sawv khov kho rau ntawm tej nthwv cua daj cua dub hauv lub neej.

Hnub no, yog hnub 15/08/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Dr. Paul J. Palma dhau ntawm SAWV KHOV KHO NTAWM NTHWV CUA LOJ

“Tus ntawd zoo ib yam li tus kws ua tsev, nws khawb qhov ncej tob tob, muab pobzeb los pua, mam li muab ncej los txhos rau. Thaum dej huam los ntaus lub tsev ntawd, lub tsev tsis ua zog, rau qhov nws ua lub tsev ntawd khov heev.” (Lukas 6:48).

Leej twg ua haujlwm hauv txoj kev tsim vaj tsev kuj puav leej paub tias: feem tseem ceeb ntawm lub tsev tsis yog nyob qhov twg, tiamsis yog tus ncej txheem. Hais txog qhov yuam kev thaum ua tus ncej txheem, ces yuav hais txog tus pejthuam qaug nyob ntawm Pisa tebchaws Ý. Txawm yog qhov no yog ib qhov chaw ua si nto npe lug rau châu Âu, los nyob rau hauv txhua lub rooj kawm ua tsev, nws tau siv los qhia txog qhov uas tau “puab yuam kev”. Qhov uas ua rau lub tsev qaug vim yog nws ua rau saum thaj av muag, nrog rau muaj suab zeb, thiab tej txhais qwj. Yog tsis vam khom tej cuab yeej zoo rov qab los kho, ces tej zaug zaum no lub tsev twb vau pob puas tas lawm.

Tswv Yexus kuj qhia peb txog tus ncej txheem ruaj khov ntawm txoj kev ntseeg. Tus ncej txheem no tsis yog nyob ntawm tej uas peb hnov lossis peb hais, tiamsis yog tej uas peb ua. Nyob hauv Lukas 6:46, Tswv Yexus hais meej meej tias tsis yog tsuas hu “Vajtswv” xwb yeej tsis tau txaus:

“Vim li cas nej hu kuv ua: “Tus Tswv, Tus Tswv! Nej ho tsis ua raws li kuv hais”.

Yog tej haujlwm peb ua tsis nthuav tawm yog yam uas peb ntseeg thiab peb lees tawm, ces ntxov lig kuj yuav muaj sijhawm qaug – vim lub zog nyhav ntawm txoj kev txhaum, lub nra, thiab tej kev sim siab hauv lub neej. Tswv Yexus twb piv cov neeg mloog thiab ua lub neej raws li Vajtswv “Tus ntawd zoo ib yam li tus kws ua tsev, nws khawb qhov ncej tob tob, muab pobzeb los pua, mam li muab ncej los txhos rau. Thaum dej huam los ntaus lub tsev ntawd, lub tsev tsis ua zog, rau qhov nws ua lub tsev ntawd khov heev” (Lukas 6:48).

Tsis tas li, Tswv Yexus tseem ceeb toom cov neeg uas tsuas mloog xwb tsis ua raws li ntawd:

“Tus uas hnov kuv tej lus, tiamsis tsis ua raws li, tus ntawd zoo ib yam li tus kws ua tsev uas khawb qhov ncej tsis tob. Thaum dej huam los ntaus lub tsev, lub tsev ntawd txawm vau thiab puastsuaj tas huv tibsi lawm.” (Lukas 6:49).

Tus neeg uas nws ua tus ncej txheem kom ruaj tsis yog tsuas mloog tas tso cia rau ntawd, tsis yog tsuas hais kom zoo tiamsis nws yeej ua lub neej raws li tej lus Vajtswv qhia tiag tiag. Thaum cua daj cua dub tuaj, tus ntawd yeej sawv khov kho. Kuv pom tias, thaum ua siab ntev thov Vajtswv, xav txog Vajtswv tej lus thiab ua lub neej nyob hauv lub zej zos nrog cov neeg uas muaj lub siab nrhiav Yexus Khetos, kuj tab pov ntsib tim ntsej tim muag tej nthwv cua daj cua dub hauv lub neej no.

Peb txhua tus yeej yuav ntsib teeb meem sim siab. Tswv Yexus tsis tau muaj ib zaum twg zas cov ntseeg Vajtswv lub neej kom zoo – tsis tau muaj ib zaum twg hais tias txoj kev nrog Nws mus thaum twg twb yooj yim, tso siab! Yuav muaj tej lub sijhawm peb ntsib tej kev nyuaj siab, tej kev tag kev cia siab iab siab, thiab tej kev puas tshuaj xav cuag li loj dhau. Yog xav sawv kom khov kho hauv nthwv cua ntawd, peb yuav tau ua tus ncej txheem kom zoo. Yuav tau siv zog txhua hnub hloov pauv txoj kev ua neej, kom ua li cas thiaj tsim nyog rau tej lus ciaj sia uas peb tau hnov. Tsuas yog li xwb, peb thiaj txheem tau tus ncej ruaj ruaj ntawm Vajtswv tej lus, thiab thaum cua daj cua dub loj tshaj yuav tsis ua rau tus ncej txheem ntawd yoj yees.

Thov caw nrog kuv peb thov Vajtswv ua ke: Vajtswv, kuv ua Koj tsaug rau Koj tej lus puv npo kev cia siab, nrog txoj sia puv ntoob, thiab muaj lub hwjchim saum ntuj ceebtsheej. Thov zam txim rau kuv vim muaj tej lub sijhawm kuv tsuas mloog thiab hais xwb, tiamsis ho tsis ua lub neej yog raws li tej uas Koj qhia. Hnub no, thov pab kom kuv tso lub neej ua xyem xyav, tsuas mloog xwb pov tseg mus. Thov tso hauv kuv lub siab muaj txoj kev ntshaw kom ua lub neej mloog Koj lus, kom kuv muaj zog sawv khov kho dhau ntawm tej kev sim siab hauv txua kev nrog koj mus. Kuv thov hauv Tswv Yexus Khetos lub npe. Amees.

Cov kwv tij, koj thiab kuv yuav tsis muaj hnub zam dhau tej nthwv cua daj cua dub. Tiamsis yam txawv nyob ntawm qhov uas peb puas yuav sawv taus khov kho thaum muaj cua daj cua dub loj. Qhov no nyob ntawm thaj chaw uas peb xaiv los ua peb lub tsev rau saum. Yog peb xaiv ua lub neej thiab ua raws li Vajtswv tej lus, ces txawm yog muaj cua daj cua dub los, peb lub siab yeej muaj kev kaj siab ruaj khov. Thov kom peb txhua tus yuav ceev tau yus lub neej zoo pheeb ruaj ruaj rau ntawm Vajtswv tej lus uas ciaj sia txhua hnub.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.