Nyob hauv lub neej, txhua zaug ntsib kev txomnyem, tshwj xeeb yog thaum txomnyem txog nyiaj txiag, peb tau txhawb zog tias: “Yuav tau ntseeg siab rau Vajtswv, vim Vajtswv yuav yog tus pab”. Tiamsis, thaum tej kev cheem tsum dhau los loj dhau thiab ntau tshaj peb lub peev xwm lawm, yuav nyuaj rau peb ntsia pom Vajtswv txoj kev pab. Tej lub sijhawm zoo li no, koj tau ntuas txog yam dabtsi?

Hnub no, yog hnub 17/08/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Gordon Robertson dhau ntawm Zaj kawm TUS PUB RAU NPLUA MIAS

“Koj mus qiv tej neeg zej zog tej hub uas khoom ntau lub los, tsis txhob qiv lub puav xwb,” (II Vajntxwv 4:3).

Muaj ib lo pajlug tau nrhiav pom nyob hauv Vajluskub hais tias: “Ua neeg siab dawb siab zoo, koj lub neej thiaj yuav vammeej. Pab lwm tus, luag thiaj yuav pab koj” (Pajlug 11:25)

Zoo kawg nkaus thaum peb paub txog ib tug neeg los ntawm nws lub siab dav siab zoo. Tiamsis yam zoo tshaj yog Vajluskub tau qhia tawm peb tus Vajtswv yog tus zoo li ntawd. Ib yam li Yauhas 3:16 tau sau: “Rau qhov Vajtswv hlub neeg ntiajteb kawg li, nws thiaj txib nws tib Leeg Tub los rau hauv ntiajteb. Tus uas ntseeg nws Leej Tub, tus ntawd yuav tsis tuag, tiamsis yuav tau txojsia ntev dhawv mus ibtxhis”

Vajtswv yog tus muaj siab dav pub nplua mias thiab Vajtswv kuj nthuav tawm yam ntawd dhau ntawm tej haujlwm meej meej.

Peb nrhiav pom qhov no nyob hauv zaj xwm txheej txog tus pojntsuam pluag mus cuag Elises thiab hais tias pog tsis tshuav dabtsi tsuas tshuav ib hwj roj me me lawm xwb. Yawg teb: “Koj mus qiv tej neeg zej zog tej hub uas khoom ntau lub los, tsis txhob qiv lub puav xwb,” (II Vajntxwv 4:3).

Los ntawm pog txoj kev ntseeg, pog mus txhua qhov qiv txais tej lub hub uas siv tsis txog. Thaum pog mloog lus, txujci tshwm tuaj: pog muab roj hliv rau, tej lub hub ntawd cia li muaj roj puv nkaus.

Zaj xwm txheej ntawv ntuas peb tias: Yog peb tos Vajtswv ua haujlwm, ces Vajtswv kuj tos kom peb yuav tau ua kom tas peb feem, ntawd yog ntseeg tias Vajtswv muaj cuab kav hliv kom puv nkaus tej hub qhuav ntawd.

Kuv nyiam tham txog zaj xwm hauv xov tooj cua CBN thaum nyuam qhuav pib nyob rau thawj hnub. Thaum ntawd, kuv txiv xa ntawv mus thov kom tsim muaj lub koom haum CBN txawm yog yawg tsis muaj dabtsi ntawm tes. Yawg muaj ib “lub khob” cia Vajtswv hliv kom puv nkaus. “Lub Khob” ntawd tej zaug yog ib tug tài khoản tso nyiaj. Yog li yawg thiaj mus rau ntawm ib lub tsev cia nyiaj uas Vajtswv tau tshoov yawg siab nyob rau Portsmouth, Virginia. Tomqab yawg ua ntawv thiab xuam npe xaiv tus lej nyiaj tas, tus teev nyiaj hais tias: “Koj yuav tau muaj ib qhov nyiaj tso ua ntej thaum pib.”

Hauv kuv txiv lub hnab tsuas tshuav 3 dola thiab 25 daim lawm xwb, yawg yuav tau tseg 25 daim them se kev thaum rov qab los tsev. Yog li yawg thiaj cev rau tus teev nyiaj 3 dola ntsws ntsws. Nws luag thiab hais tias: “Daim ntawv teev nyiaj muaj 6 dola” Kuv txiv thiaj nug: “Kuv txais nyiaj tso rau hauv puas tau?” Tsis paub ua cas, nws kuj thooj yim. Thaum kuv saib rau tes haujlwm hauv CBN niaj hnub nim no, kuv pom muaj ntau yam loj pib los ntawm qhov nyiaj me me ntawd!

Txhua hnub peb yuav tau npaj “tej lub hub” tsis muaj dabtsi cia Vajtswv ua kom puv: Lub neej, nyiaj txiag, thiab tej yam uas peb tos kom Vajtswv ua rau tom ntej. Txawm yog tsuas pib los ntawm tej yam uas me me, los Vajtswv yog tus yuav ua tej haujlwm loj, vim Vajtswv yog tus cawm, tus hu, tus tshoov, pub zog thiab pub rau peb.

Yam muaj nqis tshaj uas peb muaj yog sijhawm. Txoj kev uas siv lub sijhawm ntawd kom zoo yog yuav tau muab peb lub neej fij mus qhia Txojmoo Zoo rau txhua haiv neeg, txhua yam lus, txhua xeem neeg thiab txhua lub tebchaws. Peb yuav tau ua neej pub rau tej yam uas ua rau kom ntuj ceebtsheej muaj kev zoo siab.

Yaxayas 61:11 cog lus tias: “Ib yam li tej noob qoob uas muab tseb lawm yeej yuav tuaj taus kaus, Tus Tswv uas kav ib puas yam tsav yuav cawm nws haivneeg. Thiab txhua haivneeg yuav qhuas tus Tswv”

Tus neeg no tseb, tus tod ywg dej, tiamsis Vajtswv thiaj yog tus ua rau kom loj hlob tuaj.

Thov caw nrog kuv peb thov Vajtswv ua ke: Tus Tswv, kuv ua Koj tsaug vim Koj yog tus pub kom muaj nplua mias! Kuv ntseeg tias koj yuav tu kuv lub neej, txawm yog muaj tej lub sijhawm kuv tsis nkag siab tag nrho Koj tej kev muab pub zoo li tus pojntsuam thaum ub: tsuas muaj ib hwj roj me me xwb tiamsis tau Vajtswv koj ua rau kom puv nkaus. Thov ntxiv kev ntseeg rau kuv, kom kuv txhais ruam mus nrog txojkev ntseeg, tsis yog raws li tej kuv qhov muag pom, tiamsis los ntawm kuv lub siab ntseeg koj tus pub. Kuv thov hauv Tswv Yexus Khetos lub npe. Amees.

Cov kwv tij, Vajtswv tus uas peb tab tom pehawm yog tus pub kom peb muaj nplua mias. Yam uas Vajtswv tos ntsoov ntawm peb yog lub neej ntseeg rau Vajtswv ua tus tu peb, txawm nyob rau lub sijhawm muaj txaus lossis muaj tsis txaus. Vajtswv tsis yog tsuas yog tus “cawm” thaum peb nrhiav Nws rau lub sijhawm txomnyem xwb, tiamsis Nws hlub peb thiab nrog peb ua ke txhua hnub, txhua qhov teeb meem hauv lub neej.

Koj puas muaj tej kev npau suav loj rau Vajtswv lub tebchaws hauv ntiajteb no? koj puas tab tom npaj lub homphiaj tshaj tawm lossis ib lub homphiaj twg kom ncav cuag lub zej zos, tiamsis nyiaj txiag, lub zog tseem tsis tau txaus? Txhob txhawj! Muab txhua yam ntawd fij rau Vajtswv. Vajtswv yog tus mloog, teb, thiab pab txhua yam uas koj cheem tsum thaum koj paub muab txhua yam kev cheem tsum fij rau Vajtswv.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.