Puas muaj zaum twg koj hnov cuag li yus tab tom sawv ntawm tus ciam txoj kev ua zoo, twb mus deb yus qhov chaw pib, tiamsis yeej tseem mus tsis tau txog lub homphiaj tiag? Hauv lub neej sab ntsujplig, ntau zaug peb kuj ntsib dhau tej lub sijhawm zoo li ntawd. Twb mus tau ib ntu kev ntev, saj tau Vajtswv txoj kev ncaj ncees, tiamsis thaum mus yuav txog chaw, kuv ob txhais taw cuag li cia li ntshaus ntsho. Tej zaug koj tab tom nyob ze ze yus thaj av cog lus tseg, tsuas tshuav ib kaujruam ntxiv thiab xwb. Yog li vim li cas koj ho tsis tau mus txog?

Hnub no, yog hnub 19/08/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Lori Wilkerson Stewart dhau ntawm Zaj kawm TXHOB RAUG DAIG RAU NTAWM CIA TEB COG LUS TSEG

“Nej tseem yuav tos txog thaum twg nej mam li mus tua thiab txeeb lub tebchaws uas tus Tswv uas yog nej cov yawgkoob tus Vajtswv twb muab rau nej lawm?” (Yausuas 18:3).

Puas tau muaj ib zaum twg koj yuav ib yam khoom uas yog cov hlwb hlau thiab xav twjywm tias: “Zoo lawm ntag! Hom no ntshe lawv yuav tsis tsim dua yam tshiab ntxiv lawm, vim nws twb zoo heev lawm!” Kuv twb xav li ntawd thaum yuav lub đầu đĩa DVD thawj zaug hauv lub neej.

Thaum ntawd, wb ob niam txiv nyiam saib movies heev, yog li wb thiaj nrhiav yuav kom txaus cov movies DVD yog tej zaj movies nto npe heev lub sijhawm ntawd. Hli twg los wb yeej tseg ib qhov nyiaj los yuav ib cov movies tshiab. Txhua zaug uas yuav tau movies tshiab los tso rau hauv lub chaw rau khoom mas wb zoo siab heev! Saib tej movies ntau zuj zus tuaj, wb xav tias wb tab tom npaj rau lub neej tom ntej.

Tiamsis thaum no, wb ho daig rau hauv cov movies DVD paug tshauv nyho no uas tsis muaj leej twg siv, kuj tsis paub muab pub rau leej twg…

Koj puas ntxub qhov uas hnov cuag li raug daig cia? Tej zaug yeej tsis muaj leej twg nyiam qhov kev xav no. Nyob hauv txoj kev nrog tus Tswv mus, ntau zaug peb kuj poob mus rau qhov “raug daig zoo ib yam li ntawd rau ntawm sab ntsujplig”

Zoo ib yam li cov neeg Yixalayees thaum ub, muaj ntau tus ntseeg niaj hnub nim no kuj raug daig rau tom moj sab qhua, ntau zaug tseem daig rau ntawm ciam teb cog lus tseg uas muab pub rau yus, yeej nkag tsis tau rau hauv!

Yam uas txaus nyuaj siab yog thaum uas koj tab tom yuav txhais ruam mus rau hauv tebchaws cog lus tseg, tiamsis ho raug daig cia! Nyob hauv txoj kev txomnyem ntawd, Vajtswv twb ua ntau qhov txujci. Koj twb mus txog chaw, thaj av rog thiab muaj zib tab tom nyob ntawm koj qhov muag. Yeej tsis yog ib qhov kev lam xav, tiamsis Vajtswv qhib rau koj ntsia pom tag nrho daim duab loj loj, zoo kawg nkaus ntawm thaj av uas ntxim hlub no.

Thaum ntawd, koj yooj yim tso siab thiab xav tias: “Npaum no xwb txaus lawm”. Koj twb khiav dim lub caijnyoog ua qhev, moj sab qhua tsuas yog yav dhau los lawm xwb. Koj kuj tsis cheem tsum mana thiab noog ncuab ntxiv lawm.

Tiamsis yog tsuas nres rau ntawm ciam teb xwb, tsis paub koj puas khuv xim? Vajtswv hais rau Yausuas:

“Txhua thaj av uas nej txhais kotaw mus tsuj, kuv yuav muab rau nej .” (Yausuas 1:3).

Cov Yixalayees yuav tau tshais ruam mus tiag tiag thiaj yuav txais tau daim av ntawd.

Lawv tej kev muaj yeej me thiaj yuav muaj qhov khoom plig loj nrog. Vajluskub sau tseg tias lawv yuav sau tau tej qoob uas tsis yog lawv tseb, thiab ua lub neej nyob rau hauv tej tsev uas tsis yog lawv ua. Tej qhov khoom plig no muaj nqis heev puas yog!

Tiamsis txoj kev tso siab rau ntawm tus ciam teb cog lus tseg ua rau ntau tus tsis xav tshais ruam mus ntxiv. Muaj qee xeem neeg lawv xav tias: “Txeeb tau npaum no av xwb ces zoo lawm, tseem zoo dua li uas tsis tau dabtsi!” Hnov cuag li yog kev thiab, puas yog?

Tiamsis tsis yog li ntawd! Nws yog ib lub ntxiab cuab. Vim thaum peb nres rau qhov ntawd, yeebncuab yuav vij puas ncig koj.

Tus yeebncuab ntawd yog kev muaj tsis txaus. Koj tab tom ua lub neej saj tsis tau Vajtswv txoj kev muab pub nplua mias. Tej zaug koj yeej tseem them taus tej nyiaj uas cheem tsum, tiamsis yeej tsis seem ib qhov li.

Tus yeebncuab ntawd yog kev txhawj ntshai. Koj puas kam ntseeg Vajtswv.

Vajtswv tej lus zoo yam li yog ib yam uas tsis tso siab, yog li koj yuav xaiv nyob twjywm lossis mus ntxiv.

Tus yeebncuab ntawd yog kev txhaum. Koj maj mam txais txoj kev ua neej nrog tej yam yuam kev. Koj cia kev txhaum rhau cag rau hauv yus lub tsev, thiab ua rau yus tejmenyuam ntsib teeb meem.

Yausuas raug daig rau ntawm tus ciam teb sab no. Nyob hauv Phau Yausuas, koj yuav pom yawg yeej tsis maj mam lossis ua xyem xyav rau txhua ntsus kev tsov rog. Koj yuav ntsib tej lo lus hais mus hais los: “Yausuas mus txeeb” “Yausuas mus tua” “Yausuas mus vij” “Yausuas teeb ib lub thaj” thiab “Yausuas mus ntxiv”.

Ntawm no yog ib cov haujlwm muaj zog kos tau daim duab ciaj sia txog ib tug neeg mus rau tom ntej tsis so! Tsuas yog xya xyoo xwb, Yausuas ntaus yeej 31 tus vajntxwv! Cov neeg Yixalayees txeeb tau tebchaws cog lus tseg. Thiab Yausuas samhwm kom txhua xeem neeg nyias yuav tsum raws kom tag nyias cov yeebncuab tawm kom tag hauv lawv feem av mus.

Tiamsis yeej tshuav qee xeem lawv daig rau ntawm lawv qhov ciam teb. Yausuas nug lawv:

“Nej tseem yuav tos txog thaum twg nej mam li mus tua thiab txeeb lub tebchaws uas tus Tswv uas yog nej cov yawgkoob tus Vajtswv twb muab rau nej lawm?” (Yausuas 18:3).

Hnub no, Vajtswv tab tom nug koj lo lus nug ntawd. Yog li, koj tseem tab tom tos dabtsi? Yuav tau muaj lub siab tawv sawv tsees txeeb kom tau yam uas Vajtswv ib txwm muab pub rau koj puag thaum pib los.

Thov caw nrog kuv peb thov Vajtswv ua ke: Tus Tswv, kuv ua Koj tsaug rau ntu kev tau koob hmoov uas koj nrog nraim kuv. Tiamsis muaj tej lub sijhawm kuv qaug zog thiab nres ntawm kev. Muaj tej lub sijhawm kuv txaus siab rau txoj kev muaj yeej ib nrab, thiab txais yuav rau tej yam uas nyob ib vuag. Thov Vajtswv pab kom kuv muaj lub siab tawv nkag mus rau hauv thaj av uas Koj tau cog lus yuav pub. Thov tshem tej kev ntshai, rub kom kuv khiav deb txoj kev ua xyem xyav kom kuv ntseeg tias Koj yuav nrog kuv tawm tsam kom yeej. Kuv thov hauv Tswv Yexus Khetos lub npe. Amees.

Cov kwv tij txhua tus, Vajtswv tsis xav kom peb nres rau ntawm tus ciam teb cog lus tseg thiab ua neej tso siab lug rau qhov ntawd. Vajtswv nqua hu kom peb khov kho mus rau tom ntej thiab txeeb kom tau tej uas Vajtswv twb npaj rau peb lawm. Txhob cia tej kev ntshai, kev qaug zog lossis tej yam qub qub tuav koj cia. Thaj av cog lus tseg nyob ntawm koj xub ntiag. Hnub no, cia li ua lub siab tawv mus tom ntej thiab mus kom txog tus ciam kawg, kom tau txais tej yam uas zoo kawg nkaus Vajtswv tus ncaj ncees tau cog lus pub rau peb.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.