Dà lơgar ngai do găm bềng tơl ală bơta moat jrùng, ală nùs nhơm bơcah lề mơ ală hwềng soàn tìs nrah. Blàng sre Yàng dê gam kơp gơn nàng geh toès – oă ngan cau bơdìh ne pal càng geh ƀư tus gan dê bơta kòñ gơboh mơ jơnau song bơh Yàng. Yàng Tòm Trồ la Yàng kơnhai toès dê, mơ Kơnràñ gam hòi jà bol he mut tòm bơta dong klàs Yàng dê. Yàng hòi jà bol he rcang sir nùs nnhơm duh broă mơ rcang sir cơnđòa tơm bơta tề lăm Yàng Hwềng Goh dê.

Ngai do, ngai 16/08/2025,Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl mò Tori Troncone bơh tơnggume: KƠNHAI TOÈS KƠP GƠN

‘ Kơnhai toès la dờng, mơya cau toès la dô êt. Behơ̆ hòi dan tĕ mơ Yàng kơnhai toès sồr ală cau toès lòt tus hơ kơnhai toès Kơnràñ dê. ‘ (Luka 10:2)

Tŭ gơs dô nơm hiu dềt is sa tòm he in, bơta sơnròp añ kòñ lơh hơ̆ la tăm dô nơm sươn nha ƀô kơlhu. Añ kòñ gơm sa mơ biếp pa kòp tŭ añ kòñ. Añ kơ lôi sơ nơng tŭ jơ cơn đòa mut tòm sươn, pik dô êt nha biếp mơ cèng mut tòm hiu nàng gơm sa. Ngan, gơlơh niam mơ chò hòp ngan!

Añ neh lòi tŭ jơ pŏ tiah, lơh rbòng nàng tam, gơrwàng wơl jơh sươn nàng gơlik niam, mơ kơ̆ cê rsih ngar mơ tuh dà kòp ngai. Ò jŏ tơnơ̆, suơn biếp geh hòr tơrlir, ƀô kơlhu. Mơya, añ mìng ngùi biếp hơ̆ mìng dô dơ̆ gòi. Tơnơ̆ mơ roh ò git nđò tŭ jơ kung be sang bơta pràn kơldang, añ mìng pik biếp dô dơ̆ gòi nàng gơm să dô dơ̆ sa dềt gòi. Digơlan sươn biếp rgơi dong oă ngan tòm cơ nơng sa hiu nha dê bềng tơl bơta chò hòp, mơya tài bơh añ ò wơl rê nàng toès, gen tàng lồi dut bol gơ mìng la sươn biếp – hàng mơnĕ mat mơya ò gơs kwơ lơi.

Tòm Luka tap 10, Yàng Jesu sôr ală cau bơtê lòt tòm ală ƀòn dờng mơ ală ƀòn dềt nàng bơto yal Jơnau Niam, sơm bòi cau kòp jê mơ yal tơnggit bol khai in git lah Lơgar Yàng Tòm Trồ neh tus rềp rau.

‘ Kơnràñ đơs mơ bol khai lah: “Kơnhai toès la dờng, mơya cau toès la dô êt. Behơ̆ hòi dan tĕ mơ Yàng kơnhai toès sồr ală cau toès lòt tus hơ kơnhai toès Kơnràñ dê. ‘ (Luka 10:2)

Cau bơtê Pol pơyoa jơnau hòi jà kung dròm behơ Hiu Jum tòm Rôma.

“Mơya bol khai òhềt dòn Kơnràñ gen mbe rgơi hòi dan taih? Òhềt kơno đơs bơh Kơnràñ, gen mbe rgơi dòn taih? Dilah ò gơs cau bơto yal gen mbe rgơi kơno taih? Mơ dilah ò gơs cau geh sồr lòt, gen mbe rgơi bơto yal taih?’’ (Rôma 10:14-15)

Sră Goh ai bol e in git bol he kis tòm dà lơgar tis glài. (Sơn ròp gơlik gơs 3).

Dunnia do bềng tơl ală kòn mơ nus moat jrùng, kòp jê, ơm is, bơcah lề mơ ò gơs siơu siar. Yàng Jesu bềng bơta nđàc sơngit neh wèt sền dunnia, go bol khai “bòl glar, mơ nrah nring be belàt ò gơs cau ê’’. (Mathiơ 9:36). Kòp nă kung rgơi git làm bơta tòm gơl, lơh pa wơl mơ gơlik sàng goh tòm bơta tòm klac mơ Yàng Jesu Christ. Mơya, dilah ò gơs cau lơi cèng tus bol khai in bơta kơp gơn Jơnau Niam dê, gen bol khai rơp sùm tis gùng, dơrcul mơ ò git tiah lơi la tiah king cru hwềng soan he dê.

Gen tàng, ngai do, bol he dô nus bal nàng kơnhai toes dưm hơđap mat mơ ò prong preh be sươn biếp an jê. Dan nus nhơm he geh bư tus, nàng kơ cê hòi dan, dan Yàng sôr tai oă cau lik lòt hơđang blàng srê dờng ơnàng Yàng dê – ală cau niam nus rsih, toes mơ cèng bơta kơp gơn tus oă hwềng soàn kơp gơn nàng dong tă.

‘Hàng mơnĕ ò git nđò hơđang ală mơnơm, ală mpàng jơng ală cau cèng jơnau niam, bơto yal bơta lơngap lơngai, yal tơlik bơta dong klàs, mơ đơs mơ Siôn lah: “Yàng Tom Trồ mê at bồ!” ‘ (Esai 52:7)

Dan jà bol he dô nùs bal tòm bơta hòi dan: Khoai Bèp kòñ gơboh la Yàng ală kơnhai toès,dan Yàng rcang sir mơ sôr să tòm kòn kung be oă cau ndai tai cơnđòa mut tòmblàng sre nàng tòm pà bơta kòn gơboh mơ jơnau song Yàng dê dunnia bềng bơta sơrlồng sơrlàng. Dan Yàng pò mat nàng kòn go oă cầu pal càng git Yàng gùt dar k òn. Dan Yang ai pà nus nhơm nđac sơngit be Yàng os kon gơboh di ala hweng soan nrah nring. Dan rngau rong gah nus nhơm kon nàng kon ho jonau Yàng hòi ja. Dăn Yàng ai pà nus khin cha mơ pran kol dang nàng dô bă bal toes Gơlik công nha Yang in. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh, ồng mò oh mi go blang sre dưm hơ đap mat pal càng cau toes be bol he sợ? Dan bol he ò dê ming sền lơm mơya pal khi cha cơnđoà mut tòm digul blang toes, nàng bal mơ Yàng toes ala hweng soan dơng mang gam kop gơn geh dong klas. Yàng ò cang ala cau wil tơl, Yang mìng càng ala cau rcang sir conđoà lòt. Mơ tòm tu he cơnđoà lòt, Yàng rơp rcang, lòt bal, mơ Yàng rơp lơh bơta mơ bol he ò rgoi lơh. Ngai do, dan kop na bol he ho wol jonau hòi ja pal càng ngan hơ dê be cau gơ noar hwor Esai bơh lài or: “Gơs kon, dan sôr kon”

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.