Tòm rai kis, kơp dơ̆ tip bol glar kălke, nhức la kălkê bơh khà jền priă, bol he ơs geh chôl bơtrồt lah: “Dòn kơnờm tĕ Yàng, bơh Kơnràñ rơp ai bơntơl”. Mơ ya, ală tŭ bơta pal cang gơlik gơs dơng ir mơ lòt tiă rlau mơ pràn kơldăng, kalkê ngăn nàng bol he rgơi kơlôi tus bơta ai bơntơl Yàng dê. Tòm ală tŭ behơ̆, oh mi geh bơto tơngkah bơta lơi?

Ngai do, ngai 17/08/2025, Bơta Hòi Dan Kòp Ngai dăn jà ală ồng mò oh mi bơtê bal Jơnau Yàng kơnòm dê bơta dong kơl Gordon Robertson bơh tơnggumê BƠTAU AI BƠNTƠL BỀNG LIU.

“Lik tĕ jồm ală gri gòi ală cau gơp ƀòn ai dê, bañ jồm dô êt. (II Ală Bơtau 4:3)

Gơs dô jơnau pơnđik niam geh jôi bàn tòm Sră Goh đơs lah: “Cau gơs nùs dờng ơnàng rơp geh hòm lai; Ai cau chò nùs pà gòi rơp geh pà gòi.” (Jơnau Pơnđik 11:25)

Crih crai ngăn tòm tŭ dô nă cau geh git tus bơh nùs nhơm dơng ơnang bol khai dê. Mơya bơta crih crai rlau tai la Sră Goh kung ràng tơlik Yàng Tòm Trồ là Bơtau behơ̆. Be Jăng 3:16 neh cih: “Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.”

Yàng Tòm Trồ là Bơtau ai bơntơl bềng liu mơ Kơnràñ kung ràng tơlik bơta hơ̆ găn dê broă lơh ngăn.

Bol he sền gŏ bơta dọ tòm yal yau bơh cau ur pơnrau rbah jôi tus cau gơnoăr hwơr Êlise mơ đơs lah mò ò găm bơta lơi ndai tai rlau mơ dô gri mơñà dềt. Ông hơ wơl: “Lik tĕ jồm ală gri gòi ală cau gơp ƀòn ai dê, bañ jồm dô êt” (II Ală Bơtau 4:3).

Bơh bơta dòn, mò pơnrau lòt làm bòn nàng jồm ală gri gời. Tòm tŭ dòn bơr, bơta krơi neh gơlik gơs: mò tuh mơñà, mơ ală gri hơ̆ geh bềng.

Yăl yau hơ̆ tơngkah bol he lah: Dilah bol he kơp gơn Yàng Tòm Trồ lơh broă, gen Kơnràñ kung kơp gơn bol he pal lơh wil tơl gơnoăr broă he dê, hơ̆ la dòn lah Kơnràñ rgơi tuh bềng ală gri.

Añ kòñ ngăn yăl yau bơh gơnoăr broă CBN tòm ală ngai sơnrơp. Tŭ hơ̆, bềp añ dơp sră nàng bơtao gơs CBN bulah ồng gơlơh be ò gơs phăn lơi tòm tê. Ồng kòñ gơs dô nơm “gri” nàng Yàng tuh bềng. “Gri” hơ̆ digơlăn là dô nơm khà jên tòm ngân hàng. Gen tàng ồng lòt tus ngân hàng mơ Yàng neh chôl ồng tòm Portsmouth, Virginia. Tơnơ̆ neh cih bơntơl jơh ală sră mơ sac sră jên, cau lơh broă tòm ngân hàng đơs: “Ồng pal càng geh dô pơnah jền nàng ơn bơh sơnrơp.”
Tòm să bèp añ mìng gơs 3 đô-la 25 xu, mơ ồng kung pal càng lơi wơl 25 xu nàng tơm jên lòt gùng tòm gùng ri hiu. Gen ồng dơp cau lơh broă in 3 pet đô-la rơklôn. Khai ñŏ mơ đơs: “jên sec gơs khà 6 đô la.” Bèp añ lùp: “Añ rgơi cih dôs tòm tài khoản ờ?” . Ò git mbe lơi, khai ai gơnoăr. Tòm tŭ añ lăng tòm gơnoăr broă CBN ngai do, añ git gơs oă bơta dơng neh sơntơm bơh khà jên ít lúi hơ̆!
Kơp nă bol he cang rcăng ală “gri” nàng Yàng lơh bềng: rai kis is, jền priă, mơ ală bơta bol he kơp gơn Yàng rơp lơh tòm jơ ngai rơp tus. Bulah bol he mìng sơntơm mơ bơta dềt rhền, să tòm Yàng là Bơtau rơp lơh ală broă dơng, bơh Kơnràñ là Bơtau dong klas, hôi sac, lơh rngoh rngac chôl bơtrôt, ai gơnoăr pràn mơ ai bơntơl bol he in.

Bơta kas mang rlau jơh mơ bol he gơs la tŭ jơ. Gùng dà ngui niam rlau jơh tŭ jơ hơ̆ ò bơta lơi ndai la ơn rài kis nàng bơto yal Jơnau Niam jơh lang bol in, kơp jơnau đơs, kơp jơi bơtian, mơ kơp lơgar. Bol he pal kis ală bơta lơh lơgar trồ in chò hòp.

Êsai 61:11 hơ lah: “Bơh kung be ù lơh chi che hòn, mơ dô nơm suơn lơh gar sơntìl neh sih gơ in hòn dờng, gen kung behơ̆ sơl, Yàng Jehôwa At Bồ Hơđang Jơh rơp lơh bơta song ring mơ bơta jòng ro gơtơngguh di đap jơh ală làng bol.”
Cau do neh tam, cau nê neh tuh dà, mơya Yàng Tom Trồ neh lơh gơ in hòn dờng.

Dan jà bol he dô nùs bal tòm bơta hòi dan: Ơ Yàng, kòn ưnngai Yàng bơh Kơnràñ la Bơtau ai pà dơng ơnang! Kòn dòn Yàng sùm rcăng ai rai kis kòn in, bulah gơs dơ̆ kòn ò wơng jơh bơta ai bơntơl Kơnràñ dê be cau mò pơnrau rai yau: ming gơs dô nơm gri mơñà dềt mơya neh geh Yàng ai bềng liu. Dan Yàng bơntơl tai bơta dòn hơđăng kòn, nàng kòn cơnđòa lòt tòm tòm bơta dòn kơnòm hơ̆, ò di jat ală bơta măt kòn sền gŏ, mơya mơ nùs nhơm dòn kơnơm dê bơta ai bơntơl dòn song Kơnràñ dê. Kòn jơh nùs hôi dan tòm sơnđăn Yàng Jêsus Krist, Amen.

Ơ ală ồng mò oh mi kòñ gơboh, Yàng Tòm Trồ mơ bol he găm duh khoai la Bơtau ai pà dô bă bềng liu. Bơta Kơnràñ kơp gơn dê bol he la dô rai kis dòn kơnơm dê bơta rong siam Kơnràñ dê, bulah tòm tŭ tơl hala siơ̆u. Yàng ò di la “cau dong kơl” mơ bol he ming jôi tòm tŭ bol glar gợi, mơya là Bèp kòñ gơboh sùm lòt bal tòm kơp ngai, tòm kơp bơta gơlik gơs tòm rai kis.

Ồng mò oh mi gơs ală bơta kơp kờñ dơng lơgar Yàng in hơđăng ù do ò? Ồng mò oh mi neh prăp dô bơta rcăng ndăp bơto yal hala dô bơta rơndăp tìp mpôl dơng, mơya khà jên mơ bơta dong kơl găm siơ̆u sơl? Băñ kơlôi rcăng! Ơn tĕ jơh ală bơta hơ̆ Yàng in. Kơnràñ la Bơtau iat kơno, hơ wơl mơ ai bơntơl ală bơta oh mi pal càng tòm tŭ oh mi git jao phi ală bơta păl càng he dê Kơnràñ in.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.