Koj puas ntseeg tias niaj hnub nim no Vajtswv yeej tseem ua txujci? Ntau zaug, txujci tsis tas yuav nthuav tawm ua kom nrov ib yam li peb xav. Txujci tej zaug nws yuav maj mam tshwm tuaj thaum uas cuag li tsis muaj dabtsi – muaj ib lub qhov rooj tshiab tab tom qhib, ib lo lus thov Vajtswv ntsiag to tau Vajtswv teb, lossis kev kaj siab puv npo hauv lub siab puas ntsoog. Tseeb tiag, txhua hnub peb ua neej nyob puav leej yog ib qhov pov thawj rau Vajtswv lub hwjchim – vim txoj kev hlub ntawm Ntoo Khaub Lig yeej tseem ntws los rau peb txhua tus lub neej. Tiamsis tsis paub peb puas txaus ntseeg thiab khov kho txais yuav tej ntawd?

Hnub no, yog hnub 23/08/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Marissa Nordlum dhau ntawm Zaj kawm NTOO KHAUBLIG YOG LO LUS TEB.

“Kuv yuav ua kom nej rov noj qab nyob zoo, kuv yuav kho nej tej qhov txhab kom nqawm. Kuv yog tus Tswv uas hais li ntawd.” Yelemis 30:17

Puas muaj zaum twg koj tab tom saj tau ib qhov txujci uas Vajtswv ua, tiamsis ho tsis paub? Kuv twb ntsib dhau zoo li ntawd lawm. Ntau zaug tej txujci tshwm tuaj nws ua twjywm ua rau peb tsis paub yam zoo tab tom tshwmsim ntawm xub ntiag. Txhua hnub, muaj ntau qhov txujci me tab tom maj mam tshwm tuaj ntawm ib ncig peb.

Kuj muaj tej qhov txujci loj ua rau peb nco tsoov tsis hnov qab. Ib yam li muaj ib zaug kuv ntsia pom ib tug hluas tau kho zoo thaum pehawm. Yav dhau los, vim mob rau ntawm ob lub hauv caug, nws mus tsis taus ntau hli. Tiamsis hnub ntawd, nws sawv taus pehawm Vajtswv, tsa suab qhuas Vajtswv.

Lossis muaj ib tug niam tsev kuj mob ung thư ntu kawg, xav tias ntshai tsis muaj kev cia siab. Peb pawg me tau koom siab thov Vajtswv rau nws tsis tseg tau ib lub sijhawm ntev. Tiamsis, muaj ib hnub, peb hnov xov: nws twb tau kho zoo hauv Tswv Yexus Khetos lub npe lawm!

Thaum tej txujci ntawd tshwm tuaj, tej neeg ib ncig puav leej zoo siab, txhawb nqa Tswv Yexus lub hwjchim! Peb lub siab xav tsis thoob thaum paub tias Vajtswv yeej tseem tab tom ua haujlwm!

Tiamsis yog tias koj tab tom nyob rau ntu sijhawm muaj kev tu siab, thiab yeej tseem tsis tau pom ib qhov txujci twg tshwm tuaj? Yog koj tab tom tos ib lub caijnyoog hloov pauv, ib qhov txujci los saum ntuj los? Tej zaug koj tab tom cheem tsum ib qhov kev cia siab kom ntseeg tias Vajtswv tab tom ua haujlwm, ntseeg tias Vajtswv yeej tseem yuav kho zoo. Kuv nkag siab qhov ntawd, vim kuv twb nyob rau lub caijnyoog zoo li ntawd. Thiab hnub no, kuv xav hais tias kuv thooj yim rau koj.

Vajtswv txojlus nyob hauv Malakaus tshooj 7 sau txog zaj xwm txheej Tswv Yexus kho zoo rau ib tug neeg lag ntseg. Zaj xwm txheej no yog lub hauv paus txhawb zog rau peb hnub no. Vajluskub tsis sau cia meej meej txog lub caijnyoog lossis tus txiv neej no tus mob zoo li cas, tiamsis nyob hauv Malakaus 7:34-35, Vajtswv txojlus sau:

“Yexus tsa qhovmuag saib saum ntuj thiab nws xyu ib suab, ces nws txawm hais rau tus txivneej ntawd hais tias, “Efathas,” lo lus ntawd txhais hais tias, “Cia li qhib hlo! Tamsim ntawd tus txivneej ntawd txawm hnov lus; nws tus nplaig tsis txhav thiab hais tau lus meej lawm.”

Tswv Yexus coj tus neeg ntawd tawm ntawm cov pej xeem coob coob, kom tsis hnov tej suab nrov nroo ntws. Ntawm thaj chaw ntsiag to ntawd, Tswv Yexus tsa tes rau saum nws thiab hais tias: “Cia li qhib” tsuas chwv ib me me xwb, los ntawm Tswv Yexus kev ua pa – tus neeg no lub pob ntseg cia li qhib, tus nplaig cia li hais taus lus thiab pib hais meej meej. Ntseeg tsis tau kiag li!

Yooj yim heev rau peb xav tias tej zaj xwm txheej nyob hauv Vajluskub tsuas yog tej zaj xwm deb deb, yeej tsis tshwm hauv lub neej tiag. Tiamsis tseeb tiag nws tsis yog li ntawd. Dhau ntawm Ntoo Khaub Lig, los ntawm Tswv Yexus tes haujlwm twb ua tiav dhau ntawm Nws txoj kev tuag, niaj hnub nim no peb yuav saj tau Vajtswv lub hwjchim hauv lub neej txhua hnub.

Koj puas xav mloog ib lo lus tseeb? Kuv kuj muaj caij tau cim civ nug, tsis paub Vajtswv puas tseem kho zoo. Tseeb tiag, kuv yeej tseem tab tom thov Vajtswv, tos Vajtswv ua ib qho txujci hauv kuv lub neej. Tiamsis thaum kuv tab tom tos, kuv txiav txim ntseeg tias Vajtswv yeej tseem ua haujlwm. Vajtswv yeej tseem kho zoo. Kuv nco txog txhua zaug uas Vajtswv tau kho zoo kuv yav dhau los, thiab hais txog Vajtswv txoj kev kho zoo rau tom ntej! Txawm yog txujci yeej tseem ua nyob rau tiam no thiab tiam tom ntej los kuv yeej yuav qhuas Vajtswv! Ntawd yog qhov pib ntawm tej teeb meem.

Vajluskub Yelemis 30:17 sau: “Kuv yuav ua kom nej rov noj qab nyob zoo, kuv yuav kho nej tej qhov txhab kom nqawm. Kuv yog tus Tswv uas hais li ntawd.”
Hnub no, yuav tau muab qhov tseeb ntawv qhia tawm hauv koj lub neej. Txhob ua poob txoj kev cia siab!

Koj puas hnov qaug zog? Puas yog koj lub cev lossis koj tej txheeb ze tab tom muaj mob? Koj tab tom cheem tsum Tswv Yexus chwv txog? Nco ntsoov tias tej lus tim khawv txog Vajtswv lub hwjchim kho zoo, tej yam uas koj tau hnov lossis tau pom! Txawm yog yuav yog sab nqaij tawv, kev xav lossis sab ntsujplig – Tswv Yexus puav leej yuav pab tau rau koj. Ntoo Khaub Lig yog lo lus teb mus ib txhis. Tswv Yexus cov ntshav yeej tseem muaj hwjchim! Saum Ntoo Khaub Lig, koj tej kev phem yuav tau raug zam, txhua lub txim tau muab tso tseg, thiab txoj kev cawmdim tau muab pub. Ntawd yog qhov khoom plig loj tshaj yeej tsis muaj dabtsi yuav piv tau. Tsis yog tas li ntawd, Ntoo Khaub Lig lub hwjchim yeej tseem nrog peb nyob txhua hnub pub lub zog rau peb ua lub neej pub rau Vajtswv. Yog li, txhob ua poob txoj kev cia siab. Yuav tau thov Vajtswv lub npe. Ntseeg siab rau Nws. Tso txoj kev ntseeg rau ntawm Vajtswv txoj kev kho zoo!

Thov caw nrog kuv peb thov Vajtswv ua ke: Tus Tswv Yexus, ua Koj tsaug vim dhau ntawm Ntoo Khaub Lig, Koj txoj kev tuag thiab lub hwjchim kho zoo tau nthuav tawm hauv kuv lub neej. Muaj tej lub sijhawm kuv qaug zog tos ib qhov txujci tshwm tuaj yeej tseem nrhiav tsis tau lo lus teb. Tiamsis hnub no, kuv xaiv ntseeg tias koj yeej tseem ua twjywm ua haujlwm. Kuv ntseeg tias lub hwjchim saum Ntoo Khaub Lig yeej tseem tab tom muaj sia. Kuv ntseeg tias Tswv Yexus lub hwjchim yuav puv npo kev cawmdim, kom kho zoo thiab hloov pauv kuv lub neej. Kuv thov hauv Tswv Yexus Khetos lub npe. Amees.

Cov kwv tij txhua tus, Vajtswv yeej tseem ua haujlwm nyob rau hauv peb txhua tus lub neej, txawm yog koj thiab kuv puas yuav ntsia pom thiab tsis pom los. Nws tus Ntoo Khaub Lig yuav yog lo lus teb rau txhua qhov teeb meem hauv peb lub neej. Cia siab tias hnub no peb yuav qhib qhov muag, qhib siab los ntsia pom tej txujci yeej tseem tab tom tshwmsim tuaj ib ncig ntawm peb. Thiab yog koj tab tom tos ib qhov txujci rau yus lub neej, ces thov txhob qaug zog. Vajtswv yeej tseem tab tom ua haujlwm. Thiab txawm yog qhov txujci ntawd yuav los ntxov los lig los, kav tsij qhuas Vajtswv. Vim Vajtswv tus Ntoo Khaub Lig, Vajtswv txoj kev cawmdim yog qhov txujci loj tshaj plaws nyob hauv peb lub neej!

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.