Puas tau muaj zaum twg koj raug nkag siab yuam kev, thaum uas tsis muaj leej twg kam mloog yus, tsis muaj leej twg nkag siab yam uas koj tab tom ris nyob hauv siab? Hnov cuag li nyhav heev, ib yam li lub ntiajteb tig nruab qaum rau yus, thiab koj ib leeg yuav tau ris qhov kev yuam kev uas hais tsis tau ua lus no. Tiamsis nyob rau tej lub sijhawm li ntawd, yuav tau nco ntsoov tias koj tsis nyob ib leeg. Muaj ib tug nkag siab koj txoj kev chim ntawd tshaj txhua tus, thiab Vajtswv yeej nyob rawv ntawm koj ib sab, npaj txhij cev tes pab koj.

Hnub no, yog hnub 04/09/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Consuelo Gadon dhau ntawm Zaj kawm TIV DHAU KEV MOB SIAB TSIS TSIMNYOG TXAIS.

“Tus Tswv yuav pab nej tawmtsam, nej cia li ua twjywm.” (Khiavdim 14:14).

Kuv nyuam qhuav txav chaw los rau ib lub tsev kawm ntawv tshiab, tab tom nrhiav kev txuas phooj ywg nrog tej phooj ywg thiab tej kws qhia ntawd. Yeej ib txwm yog tus neeg tsis hais lus ntau, thaum twg kuj nrhiav kev zam tsis pub kom luag paub yus. Tiamsis tsis nkag siab tias vim li cas xyoo ntawd ho muaj ntau yam tshwmsim tuaj uas yog tej teeb meem txaj muag. Ib qhov tsis zoo yog ntau qhov xwm txheej tshwm tuaj los ntawm qhov uas cov kws qhia ntawv nkag siab yuam kev rau kuv.
Qhov teeb meem xub thawj yog pib thaum uas kawm phau tin học, thaum uas sawv daws tab tom npaj yuav tawm hauv lub chaw cia cov máy ces tus qhia pom ib lub phím ntawm lub máy tính kuv zaum poob lawm. Tus qhia cia li npau taws thiab qw nrov nrov, hais tias kuv yog tus neeg nyiag. Tus qhia ntes sawv daws nyob txog rau thaum uas kuv them rov qab, tiamsis kuv tsis tau muab! Kuv tsis paub ua cas, txaj muag thiab tsis paub ua dabtsi. Tsuas paub quaj xwb.
Ob peb thiv tomqab, muaj ib tug kws qhia ntawv nws xav tias kuv hais tsis zoo rau nws, nws cia li muab ib thooj mem sau ntawv txawb kuv. Kuv ceeb tas, kuv ntseeg tsis tau tej uas nyuam qhauv tshwmsim los. “Nws txawb kuv tiag los? Yuam kev xwb?” kuv xav twjywm. Tiamsis nws pib nthe thiab hais tias kuv ua saib tsis taus tus qhia ntawv.
Thaum no, thaum kuv twb muaj 42 xyoo lawm, kuv xav luag txhua zaug tham txog qhov xwm txheej ntawd. Tiamsis thaum ntawd tseeb tiag yeej tsis zoo siab li. Kuv muaj kev tu siab, nyuaj siab. Ntau zaug kuv tseem xav txog qhov uas yuav txav chaw kawm ntawv. Vim tsis muaj leej twg xav ua phooj ywg nrog kuv yog tus muaj lub suab npe phem tias yog tub sab thiab tsis paub cai.
Paulus kuj raug lawv nkag siab yuam kev thiab liam txim ntau zaug hauv nws tes haujlwm. Yawg hais txog qhov no nyob hauv II Kauleethaus tshooj 10. Muaj tus tau hais tias yawg yog tus “thaum kuv nrog nej nyob kuv ntshai nej, tiamsis thaum kuv tsis nrog nej nyob lawm kuv ua tawv kawg li tuaj rau nej” (II Kauleethaus 10:1). Ua xyem xyav tias yawg “coj raws li sab nqaij tawv” (nqe 2) thiab txiav txim tias: “Paulus tej ntawv Paulus hais tawv kawg li, tiamsis thaum nws tuaj nws ua tus nyuag tuag e, nws hais lus twb tsis muaj kuab hlo li” (nqe 10). Kuv cim civ nug tias yawg xav li cas. tsis paub yawg puas tu siab ib yam li kuv? Txawm li los yawg kuj yog tib neeg, kuj muaj kev xav ib yam li kuv.
Tswv Yexus kuj zam tsis dhau qhov uas raug thuam. Raws li kuv, Tswv Yexus yog tus nkag siab qhov ntawd dua txhua tus. Txawm yog tsis yog tus txhaum, los Nws yeej raug liam, raug txiav txim tsis ncaj ncees, thiab raug txim tua pov tseg. Nyob hauv Yauhas tshooj 8, Tswv Yexus nthuav tawm Nws lub siab hlub tshua pub rau tus pojniam raug ntes vim ua txhaum kev nkauj nraug, tus neeg no nws yeej muaj txim tiag. Raws li lub ntiajteb thaum ntawd, pog yuav tau raug txawb pob zeb kom tuag. Tiamsis Tswv Yexus hais tias: “Nej cov uas nyob ntawm no, yog leejtwg yeej tsis tau ua txhaum li, tus ntawd cia li xub muab pobzeb ntaus tus pojniam no” (Yauhas 8:7). Kheev lam thaum ntawd Tswv Yexus kuj tshwm qhov ntawd thiab pab hais daws kuv zaj ces yuav zoo heev!
Tomqab tej teeb meem ntawd, yeej tseem tshuav ob peb qhov tshwm tuaj tiamsis Vajtswv ncaj ncees. Txawm yog nyob rau tej hnub uas kuv tsau tsawv rau hauv txoj kev tu siab, txhawj ntshai thiab pib ua xyem xyav rau txhua yam nyob rau hauv muaj Vajtswv txoj kev hlub, kuv yeej tsis tau muaj zaug hnov tias Vajtswv tso kuv tseg. Tswv Yexus tau rub kuv tes, pab kuv tig kuv lub qhov muag mus rau ntawm Nws.
Txhua zaug uas ntsib kev txomnyem, kuv ho khiav rov qab mus rau ntawm Tswv Yexus, vim kuv paub tias Nws yog tus txhawb kuv zog. Nws nkag siab qhov uas raug ua saib tsis taus ntawm tej neeg coob coob zoo li cas thiab Nws ntxiv zog rau kuv lub sijhawm uas kuv qaug zog tshaj. Kuv xaiv zam txim rau cov kws qhia ntawv, vim kuj zoo li tus pojniam thaum ub raug ntes ua txhaum kev nkauj nraug, kuv kuj tau ua yuam kev, kuj ua txhaum, thiab kuv twb tau Vajtswv zam txim lawm. Txog hnub kawm tiav, kuv tsis yog tsuas muaj ib txoj kev sib raug zoo ua ke nrog cov kws qhia ntawv xwb tiamsis tseem muaj txoj kev phooj ywg zoo nrog lwm tus txog tamsim no.
Tseeb tiag, Vajtswv muaj cuab kav hloov pauv tej yam uas saib cuag li phem tshaj dhau los muaj nqis rau peb. Vajtswv ua yam ntawd rau kuv, thiab kuv ntseeg tias Vajtswv kuj yuav ua yam ntawd rau koj thiab.

Thov caw nrog kuv peb thov Vajtswv ua ke
Leej Txiv, hnub no kuv los ntawm koj xub ntiag nrog lub siab nco tshav ntuj, vim paub tias Vajtswv yog tus Tswv ntawm qhov tseeb thiab kev ncaj ncees. Ua Vajtswv tsaug vim txoj kev hlub thiab kev tshua ruaj khov uas Koj tseg rau kuv, txawm yog nyob rau tej lub sijhawm uas tsaus ntuj tshaj. Tus Tswv, thov pab kom kuv sawv khov kho nrog lub siab hlub thiab zam txim ua tim khawv txog Koj txoj kev hlub tsis tu. Kuv ntseeg Koj txoj kev tswjhwm, paub tias Koj txhais tes tab tom ua haujlwm, ua rau kom txhua yam muaj nqis rau kuv thiab rau Koj lub koob meej. Kuv thov hauv Tswv Yexus Khetos lub npe. Amees.
Cov kwv tij txhua tus, yog koj tau tiv tej kev tu siab vim tej lus thuam tsis yog qhov tseeb, thov nco ntsoov tias Vajtswv yeej tseem hlub koj, nkag siab thiab hlub koj. Cia Vajtswv kho zoo koj thiab pab koj los ntawm txoj kev hlub tsis hloov pauv. Vajtswv yuav hais daws koj zaj thiab hloov txhua yam phem dhau los ua yam zoo rau koj. Koj puas npaj txhij muab txhua yam fij rau Vajtswv hnub no?
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.