Muaj tej txua kev tsuas pib thaum uas peb txais yuav khiav tawm ntawm qhov chaw uas ib txwm swm. Lub neej yeej ib txwm tsis yog ib lub pas dej tus, tiamsis yog ib tug dej ntws tsis tu nrog tej tsag siab siab. Koj puas muaj txaus lub siab tawv muab txoj kev tswj tus kheej tso tseg, nkag mus rau hauv ib txuas kev uas tsis yog yus txiav txim? Ntau zaug, lub neej yuam kom peb yuav tau nttsib tej yam uas peb xav khiav nkaum tshaj. Vim nyob ntawm tej qhov chaw uas peb xav tias cuag li yuav ntog ntawd, ho yog qhov chaw uas peb nrhiav tau lub zog zoo tshaj ntawm Leej Txiv saum ntuj.

Hnub no, yog hnub 24/04/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Danni Andrew dhau ntawm Zaj kawm HAUV QAB TUS DEJ TOB

“Thov tsis txhob pub dej los nyab kuv, thov tsis txhob pub kuv tog rau hauv qab thu dej tob lossis pooh rau hauv lub qhov ntxa.” (Ntawv Nkauj 69:15).

Thaum kuv tseem yau yau, kwv yees li tsib xyoos, niam coj peb mus da dej. Tej menyuam yaus pheej ntov dej, sib zeg nrog dej ua si li txhua zaug. Ob tug tijlaug nkawd xav tias yuav tsis zoo siab yog muab kuv nias rau hauv dej. Thaum dej ploj kuv taub hau lawm, txoj kev ntshai tshwm los. Lub sijhawm ntawd lawv thiaj tso kuv tshwm tuaj thiab ua taus pa, txoj kev zoo siab ua si nrog dej thaum no dhau los ua txoj kev ntshai. Dhau ntawd los yog dej ploj kuv taubhau xwb kuv cia li ntshai.

Tsis ntev no kuv ua tsheb sib tsoo, yuav tau kho ntev heev vim raug kuv lub nruab qaub, lub duav thiab xub pwg. Kuv coj tsis tau zoo li tej kev kho, yog li cov kws tshuaj thiaj yuam kom kuv sim hauv dej. Kuv tsis nkag siab vim li cas, xyaum ib yam nkaus li ntawd tiamsis xyaum hauv dej nws ho txawv nyob saum nruab qhuab, thiab kuv lub cev pib zoo sai thaum ua hauv dej.

Muaj ib zaug kuv mloog ib zaj lus qhuab qhia, qhia tias ua neej nrog Tswv Yexus zoo li qhov uas plos hauv dej. Thaum pib koj tsuas ua ntub taw me ntsis xwb, tas dej maj mam ploj zuj zus, thiab yeej tsis ntshai raug ntsawj mus. thaum dej nto ntawm hauv caug, koj yeej tseem tsis ua cas. Tiamsis thaum mus deb zog, dej txog duav, ces dej pib ntsawj tau koj mus. tsuas yog thaum koj plos hauv dej tas nrog koj lub cev, koj thiaj muaj kev ywj pheej ua ywj koj siab.

Thaum no kuv twb xaus kev kho thiab npaj mus xyaum hauv dej. Thaum uas kuv xyaum nrog cov dej tsawg nyob hauv pas dej, hnov txawv tsis deb li uas kuv xyaum saum nruab qhuab. Ces tus mob hauv cev pib rov qab mob thiab kuv xyaum tsis tau tej zaj xyaum uas yuav pab rau kuv. Tiamsis thaum kuv mus rau ntawm ntu dej tob zog, ces yeej siv cuab yeej pab kom kuv txhob tog, lub sijhawm ntawd kuv lub cev yooj yim dua thiab muaj nqis rau kuv lub cev.

Tsuas yog thaum uas kuv qhia mus rau hauv ntu dej tob tas kuv lub siab thiab hais tias: “Tus Tswv, thov coj kuv mus kom txog rau qhov chaw uas koj xav kom kuv mus”, kuv thiaj tau kev kaj siab tiag. Twb yog nyob hauv ntu dej tob ntawd, kuv txoj kev ntseeg rau Vajtswv dhau los muaj zog heev. Thaum kuv dhia rau hauv tus dej uas Tswv Yexus pub, Nws tau rub kuv tes. Nws yog kuv lub chaw cawm siav. Thaum kuv nkag rau hauv qhov dej tob kuv muab tag nrho kuv lub neej tso rau Nws, tag nrho kuv lub neej pib muaj nqis. Thiab tsis hnov cuag li yus tab tom tsau tsawv rau hauv.

Kuv nco txog Petus zaj xwm.

“Yexus teb hais tias, “Cia li tuaj! ” Petus txawm tawm hauv lub nkoj mus kotaw saum nplaim dej mus cuag Yexus. Tiamsis thaum Petus porn cua ntsawj hlob hlob nws ntshai kawg li, ces nws txawm tog zog rau hauv dej, nws hu nrov nrov hais tias, “Tus Tswv, thov koj pab kuv! Tamsim ntawd Yexus txawm cev loo tes mus tuav nkaus Petus thiab hais tias, “Ua li cas koj kev ntseeg yuav tsawg ua luaj li! Ua li cas koj tsis cia siab?” (Mathais 14:29-31).

Thaum Petus pom Tswv Yexus mus saum npoo dej, yawg tawm hauv lub nkoj thiab mus rau ntawm Tswv Yexus. Tsuas txog thaum yawg tsis saib Tswv Yexus lawm yawg thiaj poob rau hauv.

Thaum twg uas kuv tseem saib ntsoov Tswv Yexus, kuv yeej yuav tsis ntshai. Thaum kuv lem muag ntawm Tswv Yexus lawm, kuv thiaj pib tog. Thaum poob mus rau hauv qhov dej tob, kuv tso kuv txoj kev ntseeg rau ntawm Tswv Yexus thiab cia Nws coj kuv mus kom txog rau qhov chaw nws xav kuv mus. tsuav yog kuv saib ntsoov Tswv Yexus xwb kuv yuav tsis muaj hnub poob.

Tus dej uas Tswv Yexus hu kom koj nqes tes, koj tab tom sawv rau qhov twg? Puas yog dej tsuas txog ntawm luj taws xwb? hnub no, ua siab tawv mus rau tom qhov tob me ntsis. Sim saib nws yuav coj koj mus txog rau qhov twg. Txhob pheej cia txoj kev ntshai tuav koj sawv rawv tim ntug dej xwb, nyob hauv txoj kev khuv xim vim chwv tsis tau Nws.

Thov caw nrog kuv peb thov Vajtswv ua ke: Tus Tswv, thov muab tej kev ntshai fij rau Koj thiab tej kev qhov txhab tob tob nyob hauv kuv lub siab tso rau koj. Ntau zaug kuv tau cim civ siv zog luam dhau tus dej hauv lub neej cia li tas zog thiab tog zuj zus rau tej kev txhawj. Thaum no, kuv thov tso txoj cai tswj kom muab tag nrho txhua yam tso rau ntawm koj txhais tes. Thov pub kom kuv muaj siab tawv tawm hauv lub nkoj nkag mus rau hauv qhov dej tob tob ntawm txoj kev hlub. Thov tuav kom kuv saib ntsoov koj, kom txawm yog cua yuav ntsawj loj tuaj los, kuv yeej nrhiav tau txoj kev kaj siab thiab kev muaj yeej. Nyob hauv qhov dej tob ntawd, thov Vajtswv pab thiab coj kuv mus kom txog rau qhov chaw uas koj xav. Vim tsuas yog nyob hauv koj xwb, kuv thiaj tau txais kev ywj pheej tiag. Kuv thov hauv Tswv Yexus Khetos lub npe, Amees.

Cov kwv tij txhua tus, dej yog ib yam uas txaus ntshai rau kuv thaum tseem yau, hnub no ho dhau los ua lub hauv paus ciaj sia thiab kho zoo kuv tus ntsujplig. Zoo tshaj li, thaum peb muab txhua yam tso rau Vajtswv ua tus tswj, ces “lub qhov tob” tsis yog lub qhov yuav muab txhua yam faus cia, tiamsis yog lub hiav txwv dav ua kom peb rov qab zoo. Tej zaug koj muaj tej qhov txhab txog txoj kev ntshai, tej qhov txhab ua rau koj tsis kam mus rau tom ntej. Tiamsis nco ntsoov, tus uas tuav koj txhais tes yog Petus tab tom nyob kiag ntawm koj ib sab. Txhob ntshai lub qhov dej tob, tsuas ntshai qhov uas ua lub neej qhuav qhawv, tsis muaj Vajtswv kev tshwm ntsej muag xwb. koj puas npaj txhij cia Vajtswv dhau los ua lub tsho cawm coj koj taug txoj kev uas tsis muaj nrim kiag hnub no?

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.