Tom tŭ ntao di đap bơta sơrbơng rong dờng tòm rai kis, bơta lơh lòt lai ngan oh mi di la ñchi? Hơ̆ ngan la pal tùs cùn gơltang di jơng Yàng dan Kơnràñ tề lam, hala ntoat tus joi ală gùng dà jơi kòn mơnus di sơl? Bol he òs kơlôi lah he dòn kơnòm di Yàng, jơl tus di di tŭ ală bơta sơrbơng rơng golik tus mơ klò jơh bơta song ngăn lah: bol he kờñ Yàng ai lơngai mơ tề lam, mơya bol he ò lòi tê bơh bơta gonoăr ăt bồ klas bơh di tê he dê. Ƀuôn ngăn nàng bol he pò bơr jòng rò hơđăng bồ mơnơm hơn chò, mơya kal kê ngăn nàng dòn dùh Kơnràñ tòm croh bơta klăm jơngo dê.

Ngai do, ngai 19/7/2026, tonggu Hoi Dan Kòp Ngai dan ja ông mò oh mi kơlôi sơnưng Jơnau Yàng kơnòm bơta dong kờl Maria Schleicher bơh tơnggu JƠNAU HOI DAN GƠS GƠNĂP GONOĂR

“Lời cầu nguyện của người công chính có quyền năng và rất linh nghiệm.” (Gia-cơ 5:16)

Tòm tŭ jơh ală bơta golik niam, añ gŏ ơn Yàng in jơnau jòng rò mơ duh khoai ngăn ƀuôn soh ò git mƀe lơi. Mơya tus tŭ càl rbùt gơtơn tus, añ sền gŏ ƀuôn ngăn gơ pừ tòm tŭ he kứ pơnđơl pràn àñ ơnòng mơ tăt bồ jơh ală bơta. Sền gơlơh be broă ntoat tus di jơng Yàng tòm bơta gơlik gơs kal kê ò di la bơta lơh lòt be òs añ jê.

Jakơ 5:13 gơs cih lah: “Gơs cau lơi tòm ală oh mi tip bơta bol glăr jề sồt sơl? Cau hơ̆ hoi dan tĕ. Gơs cau lơi geh bơta chò hòp sơl? Cau hơ̆ đơs chò tĕ jòng ro Yàng.”

Pơnah jòng ro Yàng gèn añ lơh niam ngan. Ală tŭ rài kis gơlik gps niam, jonau “Ưnngai nđàc Bèp!” sùm gơ ơm di cồng sơndồi. Añ sền gŏ broă ơn jơh ală bơta gơ klŏ Kơnràñ in gơlik be òs- bơh Kơnràñ la Bơtau mềng dùl di pal dòp geh jơh ală jơnau đơs chò jòng ro tòm tŭ ntao di hơđăng bồ bơta hòn chò, hwềng nus añ dòp git dô bă jrô ndơp lah ò gơs dô bơta niam lơi mơ ò tus bơh Yàng.

Mơya bol glăr ngăn tòm tŭ bơta gơlòng tus, añ pồn să he, mơ mhăr joi gùng dà nàng àñ ơnòng jơh ală bơta. Hơ̆ la dô pơnah hơ wơl ò tòm toh, tòm tŭ bol he nisơna lơh să tòm he gơlik gơs gùng dà ala bơh dòp git he la dô nă cau pal càng bơa dong klàs. Bulah behơ̆, ttòm tŭ ngai sơlò tih dờng tơm bơta gơtòm klac mơ Yàng Jesu, añ sơntòm dòp git mhăr rlau bơh lai bơta lah pơrhơng Yàng Hwềng Goh dê kòp tŭ he kỡn lơh lòt jat nus is. Kơnràñ be gam lah pơrhơng, tơngkah hwềng nus añ lah Yàng Tom Trồ ngan la Bơtau ăt bồ (Đơs crih 103: 19). Bơta tơngkah mhăr hơ̆ hwoai nus añ wèt tus hơ Bèp, dong añ sơmbăt kơ̆ bơta dòn tòm nus nhờm niam Kơnràñ dê ala bơh kừ tơnggơr sên di ryà dà càl rbùt di đăp măt.
Jơnau Yàng neh ràng tơlik tom Jakơ 5: 16: “Jơnau hoi dan cau song ring dê gơs gơnap gơnoăr dờng bă tam ngan.”

Niam ngăn tòm tŭ git lah jơnau hoi dan rac roc bol he di gơs gơnap gơnoăr dờng ngan! Mơya bơta hơ̆ ngăn gơs gơtha la ñchi? Ngan sơl lah bol he gơs gơnoăr ăt bồ công nhà rài kis he di hala ăt lăm gùng Yàng lơh lòt? Ưn ngai Yàng, wil tơl la ò! Gơnoăr pràn bơta hoi dăn ò ơm tòm broă pơr dac nus kờn Bơtau Gơnap Gonoăr jat nus cau, mơla tòm gơl hwềng nus bol he jat nus sang goh Kơnràñ dê. Yàng HỀng Goh ngui jơnau hoi dăn nàng tề lam bol he tòm bơta gơtòm klĕ jrô ndơp rlau mơ Kơnràñ. Gan di bơta hoi dan, Kơnràñ ràng tơlik nus niam mơ bơta kờñ gơboh Kơnràñ dê, digah hơ̆ lơbờñ niam bơtô tiăr, bơt mòn bol he lòt tòm gùng dà song ring.

Añ gam kah tòm tŭ añ pa dòp rò Yàng lơh gơs cau tom rai kis añ jê, añ dơ̆ sơnrop pa git lam bơta lah pơrhơng bowh Yang Hwêng Goh. Kơnràñ hoi ja añ lơh dô nơm broă mơ añ ò gơs dô ềt bơta kờp kờñ lơi, añ kơldăng bồ joi ală gùng dà nàng “Rơmhòc” Kơnràñ gơl nus!

Añ ơn oă tŭ jơ nàng hoi dăn, ràc ròc dăn mơ Yàng tom gơl gùng rơndap nàng an ò pal càng lòt bơh bơta dòn mơ dòn duh gơnoăr sôr Kơnràñ dê.

Tơnơ̆ hơ̆, bơta krơi rlau jơh neh gơlik gơs tom tŭ jơ añ hoi dan sền gơlơh be kal kê ò gơs gùng hơ̆: Yàng ò tòm gơl bơta gơlik gơs jat bơta añ kờp kơñ- Kơnràñ neh sơntòm tòmgơl să tòm añ!

Dơ sơnròp tom rai kis, an dòp git jơnau hoi dăn he dê gơs gơnap gơnoăr dờng, mơya gơnap gơnoẳr hơ̆ wil tơl gơri mơ Yàng Tom Trồ! Kơnràñ ràng tơlik bơta kờñ gơboh mơ bơta gòm gơrwàng dờng ngan Kơnràñ dê ai añ in gan dê bơta hoi dăn, gan di bơta kơlôi sơnưng Jơnau Kơnràñ mơ găn di ală jơnau chồl bơtrồt jak chài bơh di oh mi gơs bơta dòn bal.

Lôi dùt, añ dòn duh mơ hồ săng bơta kơlôi lah he găm sơmbat prăp gơnoăr ăt bồ. Bulah bơta gơldăng nus mơ bat dòn duh tŭ hơ̆ neh lơh añ in pal kong ò git nđờ bơta sràt bơtang, mơya tŭ sền wơl, añ dòp git hơ̆ la dô bơta bơtê đah hwềng jrô ơnang ngan tòm rai kis he dê. Añ wơng loh rlau lah Yàng Tom Trô sum at bồ mơ lơh jơh ală bơta tồ gơlik gơs kwơ cau lơi in kờñ gơboh di Kơnràñ (Roma 8:28).
“Ai Yàng Tom Trồ, gùng dà Kơnràñ dê la wil tol; Jơnau hơ pơgon Yàng Jêhôwa dê neh geh lòng la song ngan; Kơnràñ la khel đo jơh ală cau lơi in king crŭ să he tòm Kơnràñ.” (Đơs Crih 18:30)

Dan jà bol he dô nùs bal tòm bơta hòi dan: Khoai Bèp Hơđang Trồ, gơs ală tŭ kòn kờñ ăt bồ is rài kis he dê. Kòn kơlôi lah he git bơta lơi la niam rlau jơh he in, mơya ngăn lah mìng tòm Kơnràñ la Bơtau git jơh. Jơnau hoi dan kòn dê gơs gơnap gơnoăr bơh să tòm Kơnràñ la Bơtau Gơnap Gơnoăr. Dan Yàng dong kòn pơng đin wil tơl nus ham kơñ ăt bồ poac să dê,nàng kòn cơnđoà lot tom bơta khat gơboh ngan mơ bơta sền gàr wil tơl Kơnràñ dê. Kòn jơh nus hoi dăn tòm sơndăn Yàng Jesu Krist, Amen.

Ơ ală ông mò oh mi kờn gơboh, ngan lah, bơta dơng mang rlau jơh ò di la bol he ntao kơ̆ mƀe lơi tòm tŭ càl rbùt dờng. Bơta klŏ labol he rgơi lòi tê nàng jao gơnoăr tề lam Yàng in hala ò. Ală bơta gơpừ, jề sồt bơh nus is kră kơldăng he de neh lơh gơlik gơs wil tol rgơi gơlik gơs plai dô bơta dòn duh dê, dilah tŭ jơ do, ông mò oh mi kong dơh wơl ală bơta kơlôi sơnơng is poac să dê. Ngai do, dăn ƀañ sền ò kwơ bơta chồl bơtrồt lah pơrhơng Yàng Hwềng Goh dê. Jao wơl tĕ gơnoăr ăt bồ lơh gơs cau tom rai kis he dê Bơtau Gơnap Gơnoăr in, mơ sền Kơnràñ ăt bồ rai kis ông mò oh mi di jat gùng dà wil tơl rlau jơh.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.