Kòn mơnus sùm koñ geh cau dòp să tòm he. Bol he hừh nùs tŭ geh at tê dồ nă cau geh gơnoăr, chò hò tŭ geh dồ nă cau geh oă cau đăl git hơ jơnau cih hơđang mạng. Bol he kơlôi lah geh rơ bŏ mờ ala cau geh cơng pơn rơ dòng rơp lơh să he in geh chơ. Bơta dòp cau dunnia dê là lơ hơ mờ lơ yah ngăn. Bulah bol khai chò nùs nhŏ mờ bol he ngai do, bol khai kung ò rgơi lòt băl mờ bol he tòm kòp ala măng jŏ ò bik, hala tŭ gơs bơta jê sồt rlau jơh tòm rài kis. Krơi is, gơs dồ bơta koñ gơboh mờ bol he ò căng pơnđơl lơh nàng geh cau sền. Gơs dồ Bơtau dờng rlau ngăn neh chò nùs pền pơndêt să tòm nnàg cơnđoà tòm rài kis he dê, nàng ntào dê đap he. Kơnràñ neh chò nùs phi să tòm kis he dê nàng he geh dòp rọ, geh koñ gơboh.

Ngai do, ngai 25/07/2026, Bơta Hòi Dan Kòp Ngai dan jà ồng mò oh mi bơtê bal Jơnau Yàng bơh kơnòm dê bơta dong kòl Tori Troncone bơh tơnggume BƠTA TÌP MĂT TÒM GƠL RÀI KIS

“Bơh bơta kòñ gơboh, Kơnràñ neh lơh nền lài bol he in kơnòm di Yàng Jesu Krist nàng geh kòp la kòn klau kòn ùr, jat be nùs kòñ niam Kơnràñ dê” ‭‭(Ephesô‬ ‭1‬:‭5‬ )

Bol he neh geh tŭ lơi tìp măt dồ nă cau geh oă cau git sơl? Gen añ neh tìp bàr pe dơ̆. Bulah cau hơ̆ là cau cih ala khà đơs, cau đong phim hala dồ nă cau nhơl thể thao, bơta tìp măt sùm gơlòt jat dồ bơta rơndap. Añ ơm dê tềng hàng tòm mpồl cau gal mờ kong ơt kơp tus dê dar he. Tŭ cơnđoà gŭ hơđap, cau hơ̆ rơp nhŏ, lùp să, ưn ngài mờ ký să hơđang ào hala rùp, mờ nhŏ nàng kup rup băl mờ añ. Ala cau añ neh tìp gen niam nùs ngăn, mờ ya tơ̆ nơ̆ mờ hŏ ò gơs dồ nă cau lơi tòm bol khai kah tus añ. Bol hi ò gơlik gơs cau bơyô. Bol hi ò prap bơta nàng boh bơr băl. Añ kung ò geh jà nàng lòt nhơl hala lòt rơ gùm. Mơya jơh nùs mờ đơs, dilah añ kơp gơn bơta hơ̆ gen ngăn añ là cau bơngơl ngăn.

Sră Goh ai bol he in git Yàng Jê-su kung neh lơh ala mpồl làng bol lòt tus mờ Kơnràñ dê ala kơnhai năm Kơnràñ lơh broă hơđăng ù. Mơya ală cau hơ̆ tus mờ Kơnràñ ờ di bơta tus nàng sền lơm hala bơta cơng pơn rơ roh lơm. Dê tòm dơlăm, bol khai kơp koñ geh kơno jơnau đơs bềng gơnoăr Kơnràñ dê (Luka 6:18) mờ kơp koñ geh dồ bơta sơmbời wil tơl (Mak 2:3, Mak 10:47). Hơ̆ là jơnau đơs tòm nùs ala cau bềng bơta jê sồt. Bol khai kơp koñ jòi dồ Bơtau rơp lơh bềng lìu tiah pah mờ lơh rài bơta jê sồt, sùm rcang jòi dồ tiah tòm mpồl làng bol oă ngăn neh nàng tus mrêp mờ Kơnràñ (Mak 3:9). Mờ kung geh bơta dòn dêt rhền ngăn hơ̆ là kơp koñ dồ bơta, geh ƀư di tiang ào Kơnràñ.(Luka 8:43, Mathiơ 14:36)

Tŭ sền gŏ dê ala bơta kơp koñ hơ̆, Kơnràñ sùm ràng tlơik bơta koñ gơboh mờ jơh nùs nàng ê sền bol khai. Ala sră bè là Mathiơ 14:14, Mak 1:32-34, hala Luka 9:11 là ala cơntàng loh làng hwềng nùs Kơnràñ dê. Tŭ cơnđoà mut tòm bơta gŏ mat Kơnràñ, làng bol yau òr neh geh pơnah tòm bơta sơm bơì, jòi gŏ bơta gơn kơnờm, bơta ring lơngai mờ geh rơ lô ngăn hwềng soàn in. Ala bơta tềl krơi hơ̆ ờ mìng lơh rài bơta jê sồt poac să, mờ là bơta ràng tơlik loh làng nùs koñ gơboh bơh đang trồ, là cơng tàng Lơgăr Yàng Tòm Trồ dê neh geh ơm digùl tòm dunnia do. Dờng màng rlau jơh, hơ̆ là gơs dồ dơ̆ Kơnràñ ai bol khai bơta kơp koñ rlau mờ bơta kơp gơn: Dòp rọ bol khai lơh gơs cau tòm hìu Kơnràñ dê.

Tòm sră Mak tap 3, bol he đọk gŏ Yàng Jê-su neh lơh dồ mpồl làng bol is koñ tus. Bol khai rơ gùm gut dăr hìu Kơnràñ mờ ala cau bơtê găm ơm pơ jum băl tòm dơlăm. Ala cau tòm hìu nhẵ kơno ala broă gơlik gơs gen hwài Kơnràñ lik bơh mpồl găl (sèng 20-21)

“Mpồl làng bol nggui gùt dar Yàng Jesu, đơs mơ Kơnràñ lah: “Ne, mè mơ oh mi ồng dê ntào bơdìh jòi ồng.” Mơya Yàng Jesu ho lah: “Ñcau la mè mơ oh mi Añ taih?” Kơnràñ sền làm ală cau nggui gùt dar mơ đơs lah: “Do la mè Añ mơ oh mi Añ! Bơh cau lơi lơh jat nùs kòñ Yàng Tom Trồ dê, cau hơ̆ la oh mi, ruh lŏ mơ mè Añ jê.” (Mak‬ ‭3‬:‭32‬-‭35)

Geh gŏ măt băl tòm mpồl làng bol ngai hơ̆ gen ngăn là bơta dờng màng ngăn. Gen tŭ mơ tòm pit băl di gùl oă ngăn cau nàng kơno Yàng Jê-su bơto, ò gơs dồ nă cau lơi nàng kơlôi tus lah Kơnràñ neh dòp rọ bol khai là cau băl dồ hìu. Bol khai neh geh dòp dồ bơta nđàc lìu làc, rlau mờ bơta bol khai kơp koñ.

Jơnau Niam ai bol he mờ añ in tòm ngai do kung là jơnau song gơklŏ hơ̆: tŭ bol he jòi jat, cơnđoà mờ jơh nùs ơn bơta dòn dê Yàng Jê-su, bol he kung geh pà ai dồ sơnđăn dờng màng rlau do! Jơnau Yàng tòm sră Hebrơ 2:11 neh lơh nền: “Bơh Bơtau lơh gơlik gơs sàng goh bal mơ ală cau gơlik gơs sàng goh, la bơh dô nă Bèp mơ gơlik gơs. Gen tàng Yàng Jesu ò ƀàssìl sơnđan bol khai la oh mi,”
Mờ cau bơtê Pol kung neh ràng tơlik tòm Epheso 1:5: “Bơh Bơtau lơh gơlik gơs sàng goh bal mơ ală cau gơlik gơs sàng goh, la bơh dô nă Bèp mơ gơlik gơs. Gen tàng Yàng Jesu ò ƀàssìl sơnđan bol khai la oh mi,”

Hơ̆ ngăn do là bơta tờm bơta hơbal koñ gơboh: bơh mhàm dờng màng Yàng Jê-su dê, di gùl cau tìs mờ Bơtau crơng gơs ò gơs bơta geh kơr yăn bơh tìs glài, mờ ya geh tòm gơl lơh gơs cau tòm dồ hìu mềr kyăr. Kòn mơnus sùm gơs bơta rngòt ò geh cau dòp rọ, mơya tòm Bơtau Krist, bol he neh geh dòp mờ geh gơ rê mờ Kơnràñ sùm sùm. Añ kung jơh nùs ưnngài bơh jơnau hơ wil tơl hơ̆ tòm ngai do. Añ jơh nùs nàng sang lời ala bơta tìp măt băl mờ ala cau jak chài hala geh cơng pơnrơ oă cau git tòm dunnia do, nàng geh dồ dỡ sền gŏ Bơtau Dong Klàs Yàng Jê-su, mờ dòp rọ jơnau jạ cơnđoà mut tòm mpồl hìu nhă đờng sùm sùm Kơnràñ dê!

Dan jà bol he dô nùs bal tòm bơta hòi dan: Khoai Yàng koñ gơboh, kòn ưn ngài Kơnràñ bơh neh ai kòn in geh tŭ cơnđoà mut tòm bơta tòm klac đềt mềr mờ Kơnràñ. Kòn ưn ngài bơh Kơnràñ ò di là dồ Bơtau dờng ngài ngăn, ò rơgơi nàng tìp. Kòn ưn ngài Yàng bơh ờ geh dồ nă cau lơi tus mờ Kơnràñ là ờ geh dòp rọ. Gen là lơngai ngăn rlau jơh tŭ Kơnràñ koñ lòt băl mờ ơm tòm hwềng nùs kòn, nàng kòn geh hòi sơnđăn là kòn Yàng Tòm Trồ dê. Kòn jơh nùs hòi dăn tòm sơnđăn Yàng Jê-su Krist, A-men.

Ơ ồng mọ, oh mi koñ gơboh, dunnia do rơp hŭi dê he, ala cau bơyô mờ bol he jòng rơ ò tŭ lơi git dê bơta gŏ mat bol he tòm rài kis bol khai. Bơta rngòt ò geh cau dòp rọ, cau lơi is, bơta ơm is dê gùl mpồl làng bol là bơta kơnjơ̆ mờ oă cau tòm bol he păl kong añ kòp ngai. Mơya tòm Bơtau Krist, jơh bơta ngài ngăn rơp geh jùt jơh. Bơta hơ bă; koñ gơboh bơh mhàm màng Kơnràñ dê neh pờ dồ nơm mpồng cèng tus đang trồ, cèng bol he bơh là dồ nă cau tồi glài lơh gơs cau kòn gơrê mờ jơi bơtiàn sàng goh Yàng Tòm Trồ dê. Ngai do, tŭ cơnđoà lòt di gùl bơta kơnjơ̆ mờ bơta sền ờ niam kòn mơnus dê, gen cih kah te dồ jơnau song do: Bol he ò di là dồ nă cau ò geh cau git. Bol he là cau tòm hìu nhă Yàng dê, geh Kơnràñ koñ gơboh, jơm gòm mờ geh dòp rọ. Gen pờ tĕ nùs, jơh nùs dòn kơnờm dê Kơnràñ mờ geh pơnah băl tòm bơta nđàc sùm sùm mờ Bèp Đăng Trồ neh rcăng lài rài kis bol he in.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.