Ngai do, jơh tơl nă bol he găm kis tơm pah rài gi ga đah poăc să mơ bìng bơta gơ lòng bol glar. Rài kis he di bìng tơl bơta broă lơh, tơnggume, gung lot, tian gơs ò rgơi geh tú jơ nàng iat jơnau Yang di. Digul bơta bol glar hớ, Yang Jesu găm geh gơs dô jơnau hơ pơgòn gơ wet mơ ală cau tus mơ Yang.

Ngai do, ngai 26/07/2026, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl Dina Sleiman bơh tơnggume: Ơ JƠH ALĂ CAU KONG BÒL GLAR LƠH BROĂ MƠ ÀÑ KƠNJƠ̆

“Ơ jơh ală cau kong bòl glar lơh broă mơ àñ kơnjơ̆, tus tĕ hơ Añ; Añ rơp ai bol mê in rlô bòl.”(Mathiơ 11:28)

“Ơ jơh ală cau kong bòl glar lơh broă mơ àñ kơnjơ̆, tus tĕ hơ Añ; Añ rơp ai bol mê in rlô bòl.Bol mê tui tĕ yô Añ jê mơ bơtê jat Añ, bơh Añ gơs nùs niam lơnhơn mơ pơndêt să, gen hwềng soàn bol mê rơp geh rlô bòl. Bơh yô Añ la ƀuơn mơ phan àñ Añ jê la nggòc.”(Mathiơ 11:28-30)

An là dô nă cau kờn rlô ing. Dớ dớ an đơs is tơm nus la:”Dilah Yang Jesu king lời tú jow nàng rlô ing, gen nchi bơtài he gơ lơh sùm giga?”

Kứ kơlôi tus bơta hớ, an dợp git la bơta rlô ing ò di mìng là bơta pal càng poăc să di lơm. Gơwet mơ cau dòn Yang, rlô ing kung la lơh jat đah hwêng dong kơl he ràng tơlik bơta dòn kớ tơm Yang Tơm Trồ rlau mơ kơ nờm pran is he di.

Bol he găm kis tơm dunnia sền dơng màng broă lơh mơ cồng nha. Oă cau sền bơta kwơ màng rài kis he di jat bơh cồng nha he gơlik gơs. Bơta moat jrum rlau jơh la bơta hớ kung geh gơs tơm rài kis đah hwêng he di. Bol he kờn duh broă oă rlau, lơh sir oă broă Yang in rlau tai. Tian gơs, bol he lơh drờm băl bơta giga mơ bơta don song. Gơlik gơs oă cau ơm tơm bơta bol glar, ò tơl pran, tian gơs rô ran tơm hwêng nus mơ đah poăc să.

Rlô ing là dô pơnah tơm bơta rơn dap tap sèng niam lơhơn Yang Tơm Trồ pạ ai kon mơnus in. Bơh sèng sơn rợp tơm Sră Goh, Yang neh bồ bơtào dô bơta lơh nền do. Sơnròp Gơlik Gơs 2:2 cih:” Ngai poh Yàng Tom Trồ neh lơh sir ală broă Kơnràñ neh lơh, mơ ngai poh Kơnràñ rlô.”

Sră Goh ai he in git Yang Tơm Trồ là Bơtau ò bol ò glar, kung ò tú lơi bic(Ê-Sai 40:28; Đơs Crih 121:3-4). Mơya, Bơta mơ Yang neh rlô tơm ngai poh ràng tơlik bơta rlô là dô pơnah tơm bơta rơn dap tap seng niam lơhơn Yang Tơm Trồ pạ ai kon mơnus in. Tú he rlô, bol he dợp git he geh gơs nhàl mơ hok git he pal gơ rê mơ Bơtau ò tu lơi gơs nhàl.

Mơya, bơta rlô dơng rlau jơh mơ Yang Tơm Trồ kờn ai kợp nă bol he in ò di mìng là rlô đah poăc să, mơ kung la bơta rlô tơm hwêng nus he di. Bơh bơta hớ mơ Yang Jesu đơs: “Ơ jơh ală cau kong bòl glar lơh broă mơ àñ kơnjơ̆, tus tĕ hơ Añ; Añ rơp ai bol mê in rlô bòl.Bol mê tui tĕ yô Añ jê mơ bơtê jat Añ, bơh Añ gơs nùs niam lơnhơn mơ pơndêt să, gen hwềng soàn bol mê rơp geh rlô bòl. Bơh yô Añ la ƀuơn mơ phan àñ Añ jê la nggòc.”(Mathiơ 11:28-30)

Nàng git loh rlau jơnau hoi ja Yang Jesu di, bol he pal sền di pah rài lik gơs sèng Sră Goh do. Tơm pah rài hớ, oă cau Juda pal kis hơđơm oă bơta boh lam bơh ală cau kwang at bộ neh sôr. Bol khai neh geh bơtô la dilah kờn niam nus Yang Tơm Trồ, bol khai pal prap gar mơ lơh jat bơta boh lam. Rài kis bơta dòn likgơs àn kơnjớ ò găm tai bơta tơm klac dệt mêr mơ Yang Tơm Trồ. Di gah hớ, bol khai kis tơm bơta at bộ Bơtau EJiptơ di, băl mơ bơta àn kơnjớ bơh jen pria, dà lơgar. Tơm bơta hớ, oă cau gơlowh bol glar, ò tơl pran mơ ò joi bàn bơta lơngai ngăn.
Ơm digul ală cau găm ơm tơm bơta àn kơnjớ hớ, Yang Jesu hoi ja bol khai tus mơ Yang nàng geh bơta rlô mơ ò gơs cau lơi pạ ai bol khai in.

Jơnau hoi ja găm ai kợp nă bol he in tơm ngai do. Tú he git la Yang Tơm Trồ găm at bộ mơ broă lơh Yang di ò kơnòm di bơta pran is he di, bol he ò càng tai kis tơm bơta bol glar pal rcăng jơh ală broă. Bơta hớ ò di là he kis ơlah ơlài hala ò lơh sir gơnoar broă. Mơ gơplơrwơl, bol he kứ lơh broă dô bă triang tơryồng mơ dòn song, mơya git jao jơh Yang in ală bơta dơng rlau mơ bơta pran he di.

Tơm ngai do digơlan oh mi găm àn oă gơnoar broă. Bơta àn kơnjớ tơm broă lơh, hìu nhă hala gơnoar broă lơh oh mi in bol glar. Rgơi geh gơs oh mi găm oă broă lơh tian gơs ò geh tú nàng ơm is mơ Yang.

Dilah be hớ, jơnau hoi ja Yang Jesu di găm lời oh mi in. Lài mơ tú he duh broă Yang, ơm té mơ Yang. Lài mơ tú bơtơl pran nàng lơh oă rlau Yang in, hok git té pal git rlô tơm Yang.

Gen tàng be hớ, bơta sôr oh mi di ngai do là bươn soh ngăn: lời té tú jơ nàng rlô bol. Lời té ală bơta àn kơnjớ ò gơs kwơ, lời oă tú jơ nàng hoi dăn, duh broă Yang mơ ơm tơm bơta tơlik mat Yang di. Kơp tú he tus mơ Yang, prap kớ jơnau hơ pơgon Yang di:“Ơ jơh ală cau kong bòl glar lơh broă mơ àñ kơnjơ̆, tus tĕ hơ Añ; Añ rơp ai bol mê in rlô bòl.”

Dan jà bol he dô nùs bal tòm bơta hòi dan: Khoai Yang kờn gơboh, dăn Yang toh glai kon in tài bơh kon oă lơh broă kơlôi rcăng rài kis in, tian gơs húi hoi dăn mơ Yang. Bulah rài kis găm gơs oă bơta bol glar mơ àn kơnjớ, kon git Yang găm àn ală bơta kơnjớ hớ mơ kon, dăn ai hwêng nus kon in git rlô tơm bơta kờn gơboh mơ bơta sền gar Yang di. Kon Jơh nus hoi dăn Tơm Sơn Đăn Yang Jesu Krist, A-men.

Ơ ală ồng mò oh mi kờn gơboh, rgơi gơs ngai do oh mi găm àn kơnjớ . Rgơi geh gơs oh mi găm sền gar dô nă cau tơm hìu nhă ơm tơm bơta kop jê, găm tơm toh mơ bơta àn kơnjows bơh broă lơh, kơlôi rcăng oh kon in, hala găm lơbơn siau tơm gơnơar broă. oh mi găm kờn Yang, găm kờn duh broă Yang, mơya nus kứ kơdăn săng tơlik jơh tài boh să tơm he ò geh gơs bơta lơi nàng pạ ai tai. Dilah oh mi găm ơm tơm bơta do, ban húi jơnau hoi ja Yang Jesu di:” Tus té mơ An” Yang ò sôr oh mi pal pran kơdăng mơ tus mơ Yang. Yang hoi ja oh mi cèng bơta bol glar mơ lơbơn siau he di nàng jao jơh Yang in nàng geh bơtao wơl. Tú hwêng nus geh rlô tơm Yang, oh mi geh bơta pran pa nàng kờn gơboh mơ duh broă kong be pợnat tai nàng lot tus. Sơn tườm té ngai do bơh bơta ơn is tú jơ nàng ơm is mơ Yang. Gơs dớ, bơta mơ oh mi kờn ò di la lơh oă broă, mơ la ơm rềp mơ Bơtau ai pran pa oh mi in. Bơh bơta rlô tơm Yang, oh mi joi bàn bơta chơ hợp mơ bơta pran nàng kis wil tơl Yang in mơ gơlik gơs bơta lơngai tus di cau gut dar in.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.