Tơm pah rài he găm kis, cau lơi kung geh gơs sôr bơtrut nàng lik gơs cau jak chài rlau jơh, gơs cồng nha rlau jơh, mơ geh nhă ntào hơ đăng di đap oă cau rlau. Tơm jơh rài kis lot jat Yang, dớ dớ he kung lơì ală bơta nđac Yang ai lik gơs bơta nàng he lòng mơ cau ndai nàng sền cau lơi chài rgơi rlau. Tú bơta lik gơs ò di nus he kơp gơn, tú he ò geh gơs bơta dơng he kơp kờn, tian gơs he pìn wil wơl:” Gùng he lot di hala ò? He găm lơh plai soh bơta nđac hala lơh plai soh bơta jak chài he di?”

Ngai do, ngai 03/08/2026, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl Kim Nanney bơh tơnggume: KỨ HỪH NUS TĔ

“Mơya nùs duh rngòt bal mơ bơta hừh nùs, hơ̆ la bơta cồng nha dờng.”( I Timôthe 6:6)

“Mơya nùs duh rngòt bal mơ bơta hừh nùs, hơ̆ la bơta cồng nha dờng.Bơh bol he ò cèng phan lơi tòm tŭ mut tòm dunnia, mơ bol he kung ò rgơi cèng phan lơi tòm tŭ lik sơl,mơya dilah bol he gơs phan sa phan soh, gen hừh nùs rau.Mơya cau kòñ bơta pas sơm gen gơtơmut tòm bơta ơniai, gơkòl yar dă, gơdùh tòm oă bơta hàm kòñ is, bơrngơl gơla sơbơng roh, la bơta lơh cau in gơtơnkram tòm bơta roh lơm mơ roh rui.Bơh bơta hàm hà jền priă la tòm ryas jơh ală bơta iơh bơsak dê, gơs cau tài bơh ting jat gơ gen tàng kòl gơ pơrlồm sang lòi bơta dòn, hwềng nùs kong oă bơta moat jrùng jê sồt.”I Timôthe 6:6-10)

Bơta lot nhơl tơm kơnhai duh neh rlau lời an in ală bơta tơngkah đah hwêng dô bă drô dơp ngăn, geh gơs kwơ rlau mơ dô nơm phăn bàn lơi. Dô tơm jơh ală khà hớ tus bơh dô hìu nhă ơm di tiah tờm Ireland. Bol khai neh pợ dơng mpang tê nàng wă rò bol he.

Hơđăng cờcòng yơ sa băl mơ ban buh gơs nhà bê di, bol he geh tơmbơh bơr dô bă chơ hơp đơs tus ală bơta niam tơm bơta rài kis kợp ngai ală cau tờm tiah di. Tơm măng hớ, cau tờm hìu nhă neh sôr kon ur 7 nam peh kơni bol he in kơnô bal. Tơm tú ras tê khai di peh hơ đăng che kơni di, ntas Ireland dê geh kơn teh bing liu jơh dô ơdú tian gơs an rngoh rngac ngăn. Tú ntas kơni neh lồi rau, bar nă ur clau đơs tus di bơta lot găn tơm rài kis hok peh kơni kon ur bol khai di.

Kơni hak kầm- bơta krơi is Ireland di-hớ là bơta chơ hợp mơ la bơta chài rgơi kon ur do di bơh di tú khai găm dệt. Oh neh dệt mêr mơ kơni do bơh dệt, hok git ală bơta do tơm jơh ală ngai găm kơnòm dơng, tian gơs mut ơm bơta lòng dơng mơ lơh rngoh rngac oă cau kơnô. Mơya, jơnau đơs cau mè di lơh an in rngoh rngac rlau jơh là: bulah gơwet mơ hìu nhă, oh ur do lik gơs dô nă cau lip kơni jak chài, mơya khai mìng kờn lip kơni di ală cau tờm hìu nhă kơnô rlau mơ bơta lot ai phan bàn. Jơnau yal tơnggit hớ lơh an in rngoh rngac ngăn.

Bơta sac rwah kon ur di nisơna lơh an in kah tus di bơta moat jrum drô dơp tơm nus nhờm. Bơh di 12 nam, an gơs bơta kơp kờn lik gơs dô nă cau cih sră jak chài geh tac oă sră rlau jơh, Mơya tú tơngai slet rlau, bơta lik gơs ò jat bơta an kơp kờn tian gơs an ơm tơm bơta moat jrum. Kon mơnus he di bươn soh gơ duh tơm dô nơm kai gơrmớ: sền bơta kwơ màng rài kis he di bơh bơta cồng nha đah bơh dih. Tú he ai ală phan bàn, tiang pơnrơ drờm băl mơ bơta kwơ màng ngan Yang ơn tơm să tơm he di, bol he àn bơta kơnjớ mơ sền is dilah bol he ò nhă tơm khà sơn rợp gen ală bơta bơtơl pran lik gơs ò kwơ.

Kon ur ntas hak kầm do geh rgơi mut tơm mpôl ntas kơni tiang pơnrơ, mơya khai neh sac hok pơnah ndai pha is. Ăn lup is la: oh găm lời plai soh bơta nđac Yang pạ ai?

Bol he sùm kơlôi bơta “bơt bơtào bơta nđac” drờm be broă hào guh di bơta geh tiang pơn rơ dunnia di. Mơya sèng Sră Goh tơm I Ti-mô-thê 6:6-10 tơng kah ală hwềng nus khat gơboh bơta geh cồng nha jat bơta sền gó dunnia do di: ““Mơya nùs duh rngòt bal mơ bơta hừh nùs, hơ̆ la bơta cồng nha dờng.Bơh bol he ò cèng phan lơi tòm tŭ mut tòm dunnia, mơ bol he kung ò rgơi cèng phan lơi tòm tŭ lik sơl,mơya dilah bol he gơs phan sa phan soh, gen hừh nùs rau.Mơya cau kòñ bơta pas sơm gen gơtơmut tòm bơta ơniai, gơkòl yar dă, gơdùh tòm oă bơta hàm kòñ is, bơrngơl gơla sơbơng roh, la bơta lơh cau in gơtơnkram tòm bơta roh lơm mơ roh rui.Bơh bơta hàm hà jền priă la tòm ryas jơh ală bơta iơh bơsak dê, gơs cau tài bơh ting jat gơ gen tàng kòl gơ pơrlồm sang lòi bơta dòn, hwềng nùs kong oă bơta moat jrùng jê sồt.”

Yang ai he in bơta jak chai mơ bơta nđac ò di nàng duh broă să tờm he mơya nàng ràng tơlik nus kờn gơboh mơ cèng tus bơta gơs kwơ dunnia in. nus kon mơnus di kơp kờn geh jong rơ nàng pun dơp nus roh ring tơm dơ lam, mơya Yang kờn he joi bàn bơta lơngai ngăn wil tơl tơm Yang. bulah sơnđăn mat an di geh cih hơ đăng ală sră geh tac oă rlau jơh hala ò, an dòn là gai cih an di găm duh broă dô bơta dơng rlau mơ ală bơta an hoi dăn mơ kơlôi. Yang lời ală bơta kơp kờn tơm nus he di, be Yang neh lơh mơ cau klau, cau ur geh tiang pơn rơ tơm Sră Goh. Mơya tú bơta cồng nha at bộ bơta gơs kwơ rài kis he di, dăn Yang ai he in git ơm wơl, hừh nus mơ wet nus he di ală bơta kwơ màng găm gơs sùm sùm.

Dan jà bol he dô nùs bal tòm bơta hòi dan: Khoai Yang kờn gơboh, dăn ai kon in bơta nđac mơ nus khin cha nàng lot tus hơ đăng gùng Yang neh rơn dap kon in. Dăn Yang ai kon in git pơn dệt să, dong kơl kon ò ai bơta nđac, bơta jak chai Yang ai nàng jong rơ să tờm kon, mơ lik gơs croh dà hor tus di cau gut dar mơ lơh àng gơklo sơn đăn Yang. Kon jowh nus hoi dăn tơm sơn đăn Yang Jesu Krist, a-men.

Ơ ală ồng mò oh mi kờn gơboh, ò càng đèng àng gơcrà tơm hìu đơs chờ niam hàng mơné, ntas hak kầm di ơdú dệt kung tơl nàng lơh àng gơklo Yang in. Yang neh ngùi ntas be ơs hớ nàng sơm bời, lơh broă tơm nus nhờm găm bol glar. Gùng oh mi găm lot kung be hớ. Ban lời ală pơnah dunnia do di lơh nền jơnau hoi sac krơi is mơ Yang ai oh mi in. bơh lơgar Hơ Đăng Trồ, dô gai cih rơp pơn dờm pơn iang hwêngf nus moat jrum kung cèng tus bơta kwơ màng rlau mơ sră cih geh tac hàng rbô rhiang păng. Kứ hừh nus té mơ dòn song mơ dô bơta dệt rlau jơh Yang neh jao, bơh tơm mat Yang, oh mi la bơta kwơ màng rlau jơh, ò geh bơta lơi drờm bal.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.