Dilah geh dồ nơm máy kup rùp rngơi kup rùp wơl bơta kơlôi, bơta gơwèt sền mờ rài kis đah hwềng bol he dê tŭ do, bol he khin cha nàng pờ ala rùp hơ̆ nàng sền sơl? Bol he mơng ờs sơm pô bơdìh, lơh bè lơi ală rùp geh kup ơn hơđang mạng geh niam hàng rlau jơh. Mơya, gơs dồ nơm phim sùm sùm găm ơm kup rùp kờp tŭ dồ bă song tơ ngăn hwềng soàn bol he dê. Kòp tŭ pờ ala pang Sră Goh, bol he dồ nùs băl jòi git Yàng găm sền gŏ bơta lơi tòm rài kis đah hwềng kòp nă bol he dê.

Ngai do, ngai 2/08/2026, Bơta Hòi Dan Kòp Ngai dan jà ồng mò oh mi bơtê bal Jơnau Yàng bơh kơnòm dê bơta dong kòl Tori Dan Betzer bơh tơnggume MÁY KUP RÙP Ò TŬ LƠI ĐƠS BLACH.

“Behơ̆ kòp nă pal sơwì is să he, gen sồng rgơi sa piang lă mơ hùc mơngàn hơ̆.” ‭‭(I Kôrintô‬ ‭11‬:‭28‬)

“Behơ̆ kòp nă pal sơwì is să he,…Dilah bol he sền sơwì is să he lài, gen bol he ò kòl cahrña. Mơya tòm tŭ bol he neh kong cahrña, hơ̆ la kong Yàng lơh glài tơmàl nàng bol he in klàs di bơta lơh nền glài bal mơ dunnia.”(I Kôrintô‬ ‭11‬:‭28a, ‭31‬-‭32‬)

Di poh lài, Hìu Jum bol hi neh lơh dồ bơta dam bơlòng nàng lơh gơs pơ nah rơ gùm jền nàng lòt lơh chơng. Tềng tiah do, trồ tiah gơs bơta tòm gơl niam gen bơta rơndap tap sèng bơta nhơl dah bơdìh lơngai ngăn. Geh ala tŭ bol hi păl ruc wơl ală broă hơh tŭ gơs ală càl rơbut dờng lọt găn, gơ pồt jơh bơta hơđang blàng.

Tòm ngai hơ̆, gơs dồ nă cau “kup rùp” lòt tus pồl do tus pồl ne nàng kup wơl ală tŭ niam. Àng drim do, khai cèng tus añ in bàr pe nơm rùp pa tơlik. Mờ đơs ngăn là añ gùl gơdăn ñìm gùl gơdan ñŏ.

Tŭ sền dê ală rùp hơ̆, añ lùp is là: “Do là cau taih? bơta lơh rùp ò di păl ngăn?” Mơya, tŭ sền nền wơl, añ ò rơgơi pơndang tai: cau mờ neh kup dồ bă ò rgơi ne hơ̆ là…să tòm añ. Dul banh mi, bơta lơh rùp, jơh ală bơta neh ràng tơlik wil tơl. Gen là ngờn ngăn!

Tòm klôi sơnơng, añ sùm klôi tŭ añ nhơl ală bơta nhơl hơ̆ gen là chài rgơi ngăn. Mơya bơh krơh àng loh máy kup rùp dê, ngăn là bơta ò niam neh gơlik gŏ: añ sền gŏ ò gơ krơi bè dồ nă cau tùl gla ngăn hơđang ƀlàng. Sền gŏ sơl bol he ò rgơi đơs blach bơh dồ nơm máy kup rùp.

Gen kung bơh bơta hơ̆ ñchi bơh tài oă cau basìl nàng pờ Sră Goh đọk. Bơh Sră Goh là máy kup rùp Yàng Tòm Trồ dê, sòl àng mờ ràng tơlik dồ bă di ngăn rài kis đah hwềng bol he dê đap măt Kơnràñ.

Kòn mơnus mờng òs sùm lơh gơs is “Dồ bă tiah ring lơngai” tòm bồ tơng ngoh. Tềng tiah hơ̆, să tờm bol he sơm pô rài kis đah hwềng song ngăn , sàng goh mờ wil tơl. Bol he kờñ gơboh sền gŏ să tòm he bơh ală krơh ală kơp kờñ niam rlau mờ broă lơh ngăn. Mơya tŭ tòm toh măt mờ Jơnau Yàng, ală krơh đah hwềng ràng tơlik jơh tơl ală bơta klôi sơnơng ò di pal.

Bulah gơs dô êt “pơnah chơt”, mơya kung gơs oă pơnah niam ngăn. Đơs dut lah, bol he là broă, là phăn geh crơng gơs bơh blàng tê Kơnràñ dê, mờ bơta gơ plơ̆ kòn mơnus dê là ngăn mờ ò chài rgơi pleh sơl. Ngăn bè jơnau cau gơnoar hwơr Esai neh cih: “Bol he jơh tơl nă kung be belàt lòt tìs nrah” (Esai 53:6) hala bè cau bơtê Pol neh đơs: “Bơh jơh tơl nă neh tìs glài, siơ̆u roh bơta gơklŏ Yàng Tom Trồ dê;” (Rôma‬ ‭3‬:‭23‬)

Bơta tìs glài ò di mìng gơ ơm bơh broă lơh bơ dìh, mờ jrô dơp rlau, hơ là tòm rài kis bơta dòn: bol he rơp gơlik bơh dê tiah tờm mờ Yàng neh rcang he in, kung bè bơta kup rùp ò di añ dê sơl.

Bulah bol he ò geh nàng ơn să tòm he tòm pơnah geh cah rnã dồ nă cau ndai, bol he pal càng nền cê nàng sền sơwì să tòm he bơh bơta àng Jơnau Yàng dê.
Tòm bơta Sa Kah Yàng, Sră Goh neh lời dồ jơnau tơng kah àng loh: “Behơ̆ kòp nă pal sơwì is să he, gen sồng rgơi sa piang lă mơ hùc mơngàn hơ̆.”
‭

(I Kôrintô‬ ‭11‬:‭28‬). Bơta sền sơwì ò di nàng tơ nhơp bol he tòm bơta geh sền là geh lơh tìs hala geh tồi, mờ là dồ bơta kơ cê đah hwềng nàng pền pơn dêt să he, bơ chah bơta pơnhừ să mờ wèt nùs bơh bơta nđàc dong klàs Yàng Je-su dê.
Rùp găm sùm bol he dê mờ añ găm geh kup lời wơl bơh tòm ngai do. Bol he chò nùs nàng sền dê ala rùp gŏ ngăn hơ̆, nàng rài kis bol he geh tòm gơl bơh bơta nđàc Kơnràñ dê sơl?

Dan jà bol he dô nùs bal tòm bơta hòi dan: Khoai Yàng koñ gơboh kòn dê, Kơnràñ git loh pơnah jơngo, bơta lơbơn lơño mờ ala bơta tìs kòn dê đap măt Kơnràñ. Dăn toh glài kòn in bơh oă dơ̆ kòn pơndơl nàng soh dồ nơm ào soh hàng ngan nàng pồn dơp ala pơnah jơngo bềng bơta jòng să tòm dơ lăm. Dăn Jơnau Kơnràñ kòp ngai bè dồ nơm máy kup rùp đah hwềng, sòl àng mờ tơng gŏ ala bơta ò niam kòn dê, nàng kòn in git pền pơndêt să hơđơm jơng Kơnràñ. Dăn tề lăm kòn lik klàs bơh bơta tồi glài, nàng kòn in geh lơh goh tòm mhàm dong klàs gơklŏ Yàng dê. Dăn bơtê bơto rài kis kòn in, bơh bơta kơlôi, jơnau đơs tus dê broă lơh, nàng kòp ngai lòt găn, rùp rài kis kòn gen lơh gơklŏ bơta niam hàng Kơnràñ dê. Kòn jơh nùs hòi dăn tòm sơnđăn Yàng Jê-su Krist, A-men.

Ơ ồng mọ, oh mi koñ gơboh, nàng gơs dồ nơm rùp niam, oă dơ̆ cau păl ngui ala pơnan jơngo nàng lơh gŏ pơnah àng. Rài kis đah hwềng bol he kung bè hơ̆ sơl. Tŭ Sră Goh tơlik gŏ ala pơnah jơngo, gơ plơ̆ kòn mơnus, hơ̆ kung là tŭ rùp bơta nđàc Bơtau Dong Klàs Yàng Jê-su gơlik gơs gơklŏ ngăn rlau jơh. Bañ rngòt tŭ sền gŏ rùp să tòm he “ò niam” bơh đê krơh Kơnràñ sền gŏ, kư̆ sền sơwì ís să he bơh Jơnau Yàng- ò di mìng tŭ geh Sa Kah Yàng lơm, mơya kòp ngai, kòp tŭ. Bulah rùp ngăn bol he dê bơ̆ bơl bè lơi, mờ ya bơh mhàm Kơnràñ, bol he sùm là phăn geh lơh gơs kwơ màng mờ Kơnràñ găm sùm lơh wil tơl kòp ngai.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.