Bol he găm kis tơm pah rài mơ bơta kơp kờn geh bàn gó mơ geh jong rơ pran kơdăng rlau jơh. Mìng bơh dô nơm điện thoại, cau loi kung rgơi nàng bơtào rup is he di, rgơi geh oă cau sền gó mơ joi bàn. Ală bơta kờn, bơta yal tơnggit hala gơs cau sền sùm kợp ngai kung lik gơs bơta nàng lòng sền bơta kwơ mang rài kis he di. Bơta he pal kơlôi la rài kis be hớ kung rgơi geh bàn tờm hwềng nus he di. Bol he duh broă Yang, mơya gơs dớ he kờn cau ndai kah tus di he oă rlau mơ kah tus Bơtau Krist. Bơta he kơp kờn la sơn đăn Yang geh jong rơ hala jong rơ is să tờm he? NCau lơi la cau tờm tơm rài kis mơ bơta duh broă he di?

Ngai do, ngai 29/08/2026, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê bơh tơnggume: KƠNRÀÑ PAL TƠNGGUH

“Kơnràñ pal tơngguh, añ pal tơmù.” (Jang 3:30)

“Mơ tai, gơs jơnau tòm pơndang bal digùl ală cau bơtê Jang dê mơ dô nă cau Juda bơh bơta lơh sàng goh. Bol khai lòt tus hơ Jang mơ đơs lah: “Ơ Rabi, cau neh ơm mơ ồng đah mattơngai lik hiòng Jordan, mơ geh ồng lơh cơng niam, tŭ do khai ơm lơh ƀaptem mơ jơh tơl nă cau lòt tus hơ khai.”Jang ho lah: “Dilah ò di bơh đang trồ ai gen ò gơs cau lơi dòp geh bơta lơi.Să tòm bol mê lơh cơng añ in lah añ neh đơs: Añ ò di la Bơtau Krist, mơya añ neh geh sồr lòt tus lài mơ.

Kơnràñ.Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆. Kơnràñ pal tơngguh, añ pal tơmù.”(Jang 3:25-30)
Ăn sum đơs is he la dô nă cau “ pơn dệt tơm jơnau jong rơ”. Gơs dớ geh cau lơh sir broă dô bă lik gơs cồng nha hala lơh dô nơm broă geh jong rơ, gen an kung ò plai dô jơnau sôr bơtrut di bol khai. Gơs cau geh jơnau ưn ngai, gơs cau mìng ñó lơm, kung gơs cau pơn dệt să:”ò gơs bơta lơi, kung be os lơm!” rgơi geh gơs digul bol he cau lơi kung chơ hợp tú geh gơs cau jong rơ. Gơ la dô bơta mơng ơs kon mơnus di. Mơya, dilah ò git kơrhia, bơta kơp kờn geh jong rơ lik gơs bơta kơp kờn geh cau ndai sền dơng màng. Jơl jơh di tú he duh broă Yang, bol he kung joi bơta geh jong rơ is he di jat kon mơnus rlau mơ jong rơ Bơtau Krist di.
Tơm Sră Goh, Jang Baptit là dô na ưcau geh jong rơ di đáp cau ndai. Làng bol lot tus nàng kơnô ông bơtê mơ kong lơh băptem. Mơya, Jang dợp git he là cau lơi di đáp mat Bơtau Krist di. Ồng geh đơs să tờm he la “añ ò pal hồ che khŏ Kơnràñ.” (Jang 1:27), mơ tus di tú gơnoar broă Yang Jesu di sơlơ ngai sơlơ bơtào tơngguh, ồng đơs la: “Kơnràñ pal tơngguh, añ pal tơmù.”(Jang 3:30)

Yang Jesu pal geh tơngguh bơh să tờm Yang là kòn Yang Tơm Trồ di, là Bơtau Dong klas mơ là “bơrtơu” mơ Jang neh lơh cơng. Jang dợp git he ming là cau was gùng. Gen tàng be hớ, ông kis mơ bơtê bơh bơta gơjran săng glai nàng rcăng nus nhờm làng bol in, ai bol khai in git dô bơta kơp kờn bơh dô Bơtau Dong Klas mơ wet nus sền di Yang Jesu. Bơh cau was gùng ò di là tơnggu nàng lot tus mơ là gơnoar broă cau hớ di nàng dong cau ndai tus mơ Bơtau Krist.

Ngai do, kợp nă bol he kung rgơi geh hoi ja nàng lik gơs “cau was gùng” Yang in, bơh bơta ràng tơlik Jơnau Niam, sôr bơtrut cau ndai gơjran sang glai, kis dô nơm rài kis be Bơtau Krist mơ cèng cau ndai wet nus gơrê mơ Yang ò di gơ rê mơ he.
Ală jơnau hớ geh đơs tú gơnoar broă Jang Baptip di mơs jơh. Lài mơ hớ, lang bol lot tus mơ ồng nàng kơno ông bơtê mơ kong lơh băptem. Mơya tus di Yang Jesu sơn tơm gơnoar broă, mơ oă cau lot jat Yang. Ală cau lot jat Jang rngot cau lot jat cau rabi he di gơhuc. Digơlăn la bol he, bol he kung rngot he roh bơta gơs mat, kong húi hala ò geh jong rơ. Mơya Jang Baptit ò sơ êt sơ êl di bơta hớ, gơplơh wơl ông sền să tơm he be cau bơyô “bơrtơu” di. Bơta chơ hợp ông di ơm di bơta Bơtau Me-si geh jong rơ.

Ngai do, bol he rgơi ò đơs bơta lơi, kung ò kơlôi he rlau mơ Yang, mơya tội glai ơnia bol he nàng he yợ tơnggu is să he drờm bal mơ Bơtau Krist. Bơh tú sơn rợp he duh broă Yang bơh nus nhờm kờn gơboh Yang, mơya tú tơngai slet rlau, bol he kơlôi oă di bơta cau ndai sền he be lơi. bol he chờ hợp tú bơta bơtê he di gơs cau jong rơn, tú geh gơs cau jong rơ ntas kơni he di, hala gơnoar broă he di lik gơs tiang pơnrơ. Mơya ală bơta hớ ò tis, gơ gơlik gơs iơh tú he ai bơta jong rơ kon mơnus di lik gơs tơnggu dơng rlau mơ bơta lơh niam nus Yang Tơm Trồ.
Dunnia ngai do sôr bơtrut bol he bơta bơtào “ cồng nha is” nàng joi bơta tiang pơnrơ nàng oă cau sền gó he. Tian gơs, tơm Hìu Jum Goh, bol he kung lòng sền bơta kwơ màng is he di bơh khà: gơs đợ khà cau mút nàng kơnô iat, gơs đợ khà cau dợp nus wă rò, đợ khà cau git he. Tú hớ, bol he bươn soh ngăn duh broă Yang bơh să tờm he, ò di bơh Bơtau Krist geh jong rơ.

Jang Baptit ò di be hớ. Ồng git là “nus chơ hợp wil tơl” ồng di là bàn cau ndai tus mơ Bơtau Dong Klas, ò di là joi ală cau bơtê hala joi cồng nha is he in.

Bơta do kung là jơnau tơngkah kợp nă bol he. Là me bèp, ò di lời oh kòn gơ rê mơ he, mơya lời bol khai gơs bơta dòn mơ lot jat Bơtau Krist. La cau at bộ, bol he ò bơtào cau lot jat he, mơya bơt bơtào ală cau bơtê don song mơ Yang. Là cau duh broă tơm hìu Jum Goh, tơnggume he di la lời cau ndai bàn bơta niam Bơtau Dong klas di, ò di la lời bol khai kah sơn đăn mat hala kah tus di cồng nha he di.
Gen tàng be hớ, kơp kờn he đih be ông Jang “Kơnràñ pal tơngguh, añ pal tơmù”. Do la Jơnau yal tơnggit bơh dô nă cau geh tă tơlik bơh bơta hàm kờn is he di. Tú Bơtau Krist mut tơm nus, bol he ò càng tờm pit bơta tiang pơn rơ hala pờn drờm să tờm he mơ cau ndai. Tú hớ, bơta chơ hợp mơ wil tơl rlau jơh là tú bàn Sơn Đăn Yang geh jong rơ.

Hớ là têl sơnđô dô nơm hwêng nus pran kơldang: sơ lơ ngai sơ lơ pran tơm Bơtau Krist, ăn ò đơs oă să tờm he mơ sơlơ kơp kờn cau ndai sền gó Yang.

Dan jà bol he dô nùs bal tòm bơta hòi dan: Khoai Yang kờn gơboh, dăn Yang toh glai kon in bơh gơs tú kon duh broa Yang bơh să tờm kon ịn, ò di kơp kờn Yang geh jong rơ. Ngai do, kon dăn gơjran săng glai mơ dăn Yang tơm gơl wơl bơta duh broă kon di. Dăn Yang ai kon in git duh broă Yang bơh nus nhờm di pal mơ sàng goh. dăn jơh ală broă kon lơh tài bơh nus kờn gơboh Yang mơ kơp kờn Yang geh jong rơ. Kon jơh nus hoi dăn tơm Sơn Đăn Yang Jesu krist, A-men.

Ơ ală ồng mọ oh mi kờn gơboh, ngai 29/8 kợp năm geh kợp là ngai kah ông Jang neh săng rài (Mac 6: 17-29). Rài kis Jang Bap tit di là dô nơm rài kis dòn song bal mơ gơnoar broa Jong rơ Yang Jesu. Ngai do, kơp kưonf bol he kung gơs dô nơm nus nhờm be Jang Baptit. Kơp dớ mut tơm bơta duh broă, sền swì is nus he di: oh mi lơh broă tài bơh kơp kờn cau ndai sền dơng mang he hala lời Yang geh jong rơ. tú bơta duh broă oh mi di geh cồng nha, ơn jơh bơta gơklo Yang in. Tú oh mi duh broă ờm, chờ hợp té tài bơh Yang geh jong rơ. Hoi dăn té mơ Yang nàng ai oh mi in kis be cau was gùng dòn song Yang di, nàng bơh rài kis oh mi di, oă cau geh joi bàn mơ lot jat bal mơ Bơtau Krist.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.