Ngai do, broă bơtọ yăl Jơnau Niăm lơh ală cau dòn jat Yang basil baso. Bŏl he găm kis tòm dô pah rài lah mìng nđợ nơm broă lơh tòm mạng xã hội, ală bơta gen păl ràng tơlik bơta tòmlah, gơcrè ală jơnau tòmdră. Oă cau mìng dòn dòp bơta lơi bŏl khai rơp sền gŏ hala ràng tơlik bơh dơngoh kơlôi lơm. Tài bơh hơ̆, tŭ yăl bơh Yang Jesu, bŏl he ò di mìng tìp ală sèng lùp kalke, mơya kŭng rơp tìp bơta pin wil wơl, tòm pơndăng hala toài lah kòl tơñŏ towhial. Mơya, digul bơta tòm pơndăng behơ̆, Yang găm họi jà bŏl he dòn sŏng bơtọ yăl Jơnau Niăm – tài bơh Kơnrẵn gơs gơnap gơnoăr tòmgơl tơn bulah ală nùs nhờm kră kơldăng rlau jơh.

Ngai do, ngai 01/09/2026 bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Jessica Teed dê bơh Tơnggume DÔ NÙS BĂL TÒM GƠNOĂR SÔR

“Tòm Juda, tê Yàng Jehôwa kung ơm hơđang làng bol mơ ai bol khai in bơta lơh gơs dô bă bal nàng lơh gơlik gơs jat be cau bơtau mơ ală cau kwang bơtau dê neh sồr jat be jơnau Yàng Jehôwa dê.” (II Yal Yau 30:12)

“Behơ̆, bol khai lơh nền pơyoa dô jơnau yal tơnggit làm jơh Israel, bơh Beerseba tus hơ Dan, mơ làng bol pal lòt tus nàng prap gàr bơta pơjum sa ngai wèr Lòt gan Jehôwa Yàng Tom Trồ Israel in tòm Jerusalem; bơh bol khai neh ò prap gàr bơta pơjum sa dô bă gal ngan be khà neh ai gơnoar sồr. [6] Behơ̆ ală cau cèng sră neh lòt làm jơh Israel mơ Juda nàng cèng sră pơyoa bơh bơtau mơ ală cau kwang duh broă bơtau dê neh sồr, gơs jơnau cih be do: “Ơ làng bol Israel, rê wơl tĕ hơ Yàng Jehôwa la Yàng Tom Trồ Abraham, Isak mơ Israel dê, tồ Kơnràñ rơp rê wơl hơ ală cau gam wơl tòm bol mê la ală cau neh klàs bơh di tê ală cau bơtau Asiri dê. Ală cau cèng sră pơyoa lòt bơh ƀòn dờng do tus hơ ƀòn dờng ne tòm Epraim mơ Manase, lòt ngài jơl tus di Jebulun, mơya làng bol dơñŏ mơ lah sơrpah mơ dơñŏ tơnhial di bol khai. Mìng dô êt lơm bơh mpồl Aser, Manase mơ Jebulun pơndêt să bol khai dê mơ lòt tus hơ Jerusalem. [12] Tòm Juda, tê Yàng Jehôwa kung ơm hơđang làng bol mơ ai bol khai in bơta lơh gơs dô bă bal nàng lơh gơlik gơs jat be cau bơtau mơ ală cau kwang bơtau dê neh sồr jat be jơnau Yàng Jehôwa dê. (II Yal Yau 30:5-6, 10-12)

Tòm oă bă tiah, pơjum dùh khoai Yang òs sơntom tòmtọh tŭ jơ jat bơta rơndăp. Mơya, ăñ lòt găn oă bơta pha is tŭ gơs pơnah dùh broă Yang tòm bọn dờng Trujillo, Peru. Tŭ jơ pơjum neh tòmtọh mơ neh lòt găn, ală cau khat gơboh mut tòm hìu dùh khoai kòp êt nă, gen tŭ jơ pơjum òhềt sơntom pơjum. Lài mơ tŭ bồ dơngoh ăñ kơlôi broă lơi gơlik gơs, cau gơnoăr bơtọ sền gar Hiu Jum Goh neh tơrgòm mpồl bơtọ yăl bŏl he di ơm ntào diđap hìu jum. Cau gơnoăr bơtọ đal git kọn sau Yang lòt pơjum òhềt tơl, gen behơ̆, jơh tơl nă bŏl he neh dô nùs băl lòt teh mpồng kòp hìu tòm ală hìu cau nàng họi jà ală cau lòt dùh khoai Yang. He ò jai kơlôi sơnơng broă hơ̆ tòm tiah ơm he di ò? Bơta hơ̆ lơh ăñ ĭn kah tus ală broă bơtau Eseciel neh lơh tòm II Yăl Yau 29-31.

Bơtau Eseciel neh lơh nền bơta song do hơđơm măt Yang Jehôwa. Bơtau hur hir lơh wơl pa Hiu Duh Khoai Yang Tom Trồ di, lài or ală cau bơtau neh phà tơrlah mơ lơh ƀơ̆ iơh jơh, nàng lòi làng bŏl Israel rơp ri wơl băl mơ Kơnrẵn mơ kơrmap gar Pơjum Lòt Găn. Bơtau neh sôr ală cau kŏng sôr lòt ntoat yăl wơl kòp bă tiah Israel mơ Huda nàng họi jà làng bŏl ri wơl băl mơ Yang Jehôwa mơ dô nùs pơjum băl mơ bơtau.

“Ală cau cèng sră pơyoa lòt bơh ƀòn dờng do tus hơ ƀòn dờng ne tòm Epraim mơ Manase, lòt ngài jơl tus di Jebulun, mơya làng bol dơñŏ mơ lah sơrpah mơ dơñŏ tơnhial di bol khai. Mìng dô êt lơm bơh mpồl Aser, Manase mơ Jebulun pơndêt să bol khai dê mơ lòt tus hơ Jerusalem.” (II Yăl Yau 30:10-11)

Tŭ sền sră nhar dà lơgar tŭ hơ̆ tòm Sră Goh, bŏl he rơp ò gơkrơi diđap bơta cơnđòa lòt krơi ngăn do. Bơh bọn Jerusalem đah đơm, ală cau cèng sră pơyoa neh ntoat jơng găn ală dor mơnơm nàng guh tus đah đăng. Tus di tiah Epraim là 40 kây sồ, tus tiah Manase là 90 kây sồ, mơ tus di nhar tiah Sabulôn hala Aser tòm tiah đah đăng Galile, gùng lòt kơh mơnơm kalke, guh tus mor 200 kây sồ. Bŏl khai ò gơs rơndeh, kŭng ò gơs gùng niăm sŏng nàng lòt. Bŏl khai mìng gơs 2 nơm jơng mơ dô nơm nus duh hơng tài bơh gơnoăr sôr.

Mơya, bŏl glăr kalke dờng gùng dà lòt nđợ rhiăng kây sồ ò di tài bơh bơta lơbơn pràn bơh poăc să hala gùng lot kơh mơnơm iơh rmơh. Bơta gơlòng ji sồt rlau jơh là bơta tòm pơndăng. Kơlôi tĕ lah, tơnơ̆ ngai mơ măng cèng sră pơyoa bơtau di tus làng bŏl, gen bơta dòp leng wơl là ală gar măt sền òsơp, ală jơnau srat sơntom mơ tơnñŏ tơnhial. Cau duh broă Yang buơn ngăn gơplơ̆ nùs mơ nùs basil baso tŭ dunnia wơlke mơ Jơnau Niăm.

Mơya gơkrơi ngăn, ală cau at sră pơyoa do ò lòi ală jơnau srat sơntom di lơh gơplơ̆ jơng. Bŏl khai hur hir sền gŏ cau ndai ri wơl mơ Yang oă rlau la ơn nùs kơlôi tus broă he kòl cau lơh he in mbe lơi. Bulah pơnah dờng rlau cau pơndăng, dô êt nă cau dòp rò, bŏl khai kư̆ găm kơ̆ nùs. Tài bơh bŏl khai git la bulah mìng dô êt nă cau ơm tòm Aser hala Manase kŏng pơndềt să ri wơl hơ Jerusalem, gen jơh tơl dà kơlhê mơ dà măt hơđăng gùng dà lòt jŏ jọng gen gơlik di păl ngăn!
Do là dô nơm cơng tàng bơh bơta dòn sŏng Yang Tom Trồ! Kơnrẵn ngùi ală cau dềt rhền, ò jat be rnoas dunnia di, gen geh rcang bŏl khai ĭn gơnap gơnoăr nàng lik lòt họi jà ală làng bŏl. Kơnrẵn ai pà bŏl khai ĭn bơta kơ̆ nùs mơ khin cha, bulah gơs ală bơta tòm pơndăng lơi kŭng ò lơh lơngơr gơnoăr sôr đah hwing bŏl khai neh geh họi sac nàng lơh sir. Gen he mơ ăñ gơs rcang sir cơnđòa lòt be ală cau cèng sră pơyoa năm lài or sơl?

Tê Yang Tom Trồ neh lơh hơđăng cau Huda lơh bŏl khai ĭn dô nùs băl. Tŭ jơh tơl nă tơrgòm wil tơl, bŏl khai dô nùs klọ săng ală cơnòng duh khoai rùp rac làng bŏl bơdih jơh tòm bọn dờng Jerusalem di. (II Yăl Yau 30:12-14)

Ăñ dòn nền cê ngai do, Yang Tom Trồ kŭng rơp gơtòmklac mơ lơh dô nùs băl bŏl he tòm dô bơta gơtơnggŏ, be tòm pah rài bơtau Êsecia. Yang bŏl he di la Bơtau koñ gơboh kơ̆ dơn mơ sŏng rĭng. Ò gơs bơta lơi kalke Kơnrẵn ĭn. Kơnrẵn ò koñ dô nă cau lơi chơt rọh, mơya koñ ală gơltăng rơp cùn mơ kòp nơm lơmpiat rơp yăl tơlik Yang Jesu Krist la Yang. (II Pier 3:9)

Gơklŏ ngăn git nđợ tŭ geh sền gŏ làng bŏl Yang ngai do dô nùs cơnđòa lòt kòp gùng dềt gùng dờng, ràng tơlik tòm pà bơta koñ gơboh mơ họi jà ală cau cơnđòa mut gơtòmklac băl mơ Bơtau hơđăng ală bơtau.

Dan jà bol he dô nùs bal tòm bơta hòi dan: Khoai Bèp koñ gơboh, kon hur hir ngăn geh ntoat sir bơta ntoat pơrlòng bơta dòn do bơh nùs pơndềt să mơ dòn sŏng. Dăn dŏng kọn òs wèt sền sŏng Yang Jesu, jơh nùs cơnđòa lòt tus, ò gơplơ̆ nùs diđap ală bơta kalke hala tòm pơndăng. Kơp koñ bơta koñ gơboh Kơnrẵn di geh ràng tơlik bơh kòp jơnau đơs hala broă lơh kọn di. Dăn ală cau gut dăr sền gŏ Yang bơh rài kis kọn di, tồ bŏl khai kŭng geh chồl bơtrut jòi jat mơ tus rềp Kơnrẵn rlau. Kọn jơh nùs họi dăn, Kon ai sơnđăn Yang Jesu Krist, Amen.

Ơ ală ồng mọ ọh mi koñ gơboh, ò git he mbe lơi, mơya nùs ăñ koñ hur hir geh sền gŏ làng bŏl ăñ ji git tus Yang Dong Jesu găm kis sum sum. Ăñ koñ sền gŏ ală rài kis geh tòmgơl, ală hwing nùs ji sồt moat jrung geh sơmbòi. Ơ cau koñ gơboh, bŏl he he găm gơs tŭ lơmpah geh gơs pơnah be ală ntê pơnah să jan kis tòm Să Jan Kơnrẵn. Bŏl he rơp lơh gơs bơta àng digul tiah klăm jơngọ nàng cèng tus bơta gơn kơnòm tus di ală rài kis cau rọh bơta gơn kơnòm. He rơp rcang nùs tòm klac gơnoăr pràn băl mơ ăñ nàng lơh jat gơnoăr sôr hơ̆ sơl?

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.