Bol he sùm joi bơta tơm gơl dô bă krơi is – be dô bơta tơm gơl lik gơs pơr đar khùng khìm gơ cra, hala bơta măng jơngo kong săng tơlik bơh bơta àng drim. Kon mơnus bol he di kung kơp kờn geh oă bơta tơm gơl gơ wet mơ hwêng nus he di. Tú he tơm toh mơ nhar is he di, mơ jơh ală bơta bơtơl pran gơ duh tơm bơta gùng lồi, bol he nisơna dợp git he găm kơp kờn dô bơta tơm gơl pah rlau mơ bơta at kớ kon mơnus di. Bol he kơp kờn dô Bơtau rgơi mut tus di tơm rya hwêng nus he di, nàng tơm gơl tơm dơ lam mơ lik gơs rài kis pa wil tơl.

Ngai do, ngai 07/09/2026, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê bơh tơnggume: JƠNAU YĂL TƠNGGIT TƠM GƠL GƠWET MƠ BOL HE

“Behơ̆ dilah cau lơi ơm tòm Bơtau Krist, hơ̆ la cau neh crơng gơs pa; ală bơta yau neh roh rau, do ală bơta gơlik gơs pa lơm.”(II Kôrintô 5:17)

“ Tòm tŭ lòt gùng, Yàng Jesu gŏ dô nă cau jơngo bơh tòm tŭ pa deh.Ală cau bơtê lùp Kơnràñ lah: “Ơ Rabi, ñcau neh tìs glài, cau do hala mè bèp khai, gen tàng bơh tŭ pa deh khai neh jơngo behơ̆ taih?”Yàng Jesu ho lah: “Hơ̆ ò di tài bơh cau do hala mè bèp khai neh tìs glài ò, mơya nàng ală broă Yàng Tom Trồ dê geh yal tơlik tòm khai.Tòm tŭ gam trồ ngai, bol he pal lơh ală broă Bơtau neh sồr Añ lòt tus, mang tus gen ò gơs cau lơi rgơi lơh broă ò. Tòm tŭ Añ gam ơm tòm dunnia, Añ la bơta àng dunnia dê.”Đơs rau, Kơnràñ choh tòm ù, ai dà diau bơcă gơs bŏ, bong di mat cau jơngo,mơ sồr khai lah: “Lòt tĕ mơ rào tòm tơnau Silôe,” (Jơnau do gơtha la “Geh sồr lòt.” Behơ̆, khai lòt rào mơ rê wơl gen geh gŏ.)Ală cau ơm rềp mơ ală cau lài òr neh gŏ khai kanadàn, đơs lah: “Do ò di la cau neh nggui kanadàn ò ơ?”Cau ƀà đơs lah: “Ngan la khai;” cau ƀà tai đơs lah: “Ò di, mơya dô nă cau ndai bơsùt be khai gơ dê.” Ai cau jơngo đơs lah: “Să tòm añ do. Bol khai lùp cau jơngo lah: “Behơ̆ gen, mbe mat mê geh gơ pò wơl taih?”hai ho lah: “Dô nă cau sơnđan la Jesu neh bơcă bŏ, bong di mat añ, mơ sồr añ lòt tĕ hơ tơnau Silôe mơ rào. Behơ̆ añ neh lòt, rào mơ geh àng mat.” (Jang 9:1-11)

An kờn ngăn sền ală bơta yal bơh bơta tơm gơl wơl hìu ơm. Nus nhờm geh hưh ngăn tú sền gó dô nơm hìu ơm neh yau, tơr lung, gơ lơh be ò rgơi nàng “lơh pa wơl” nisơna lik gơs dô nơm hìu niam. An kờn sền kợp pơnah: bơh bơta tơm pơnah vẽ lài, hồ ală kờ tủ neh yau rau, tus di tú pờng tơrlah jơh tơr lah jơh dơrñang. Mơya bơta ăn kơp kờn rlau jơh la bơta lik gơs lồi dút, tú pơn đăng rụp “lài” mơ “ lồi”. Gơs dớ, bơta pha gơ krơi is ngăn, digơlăn ò sền tơl ală bơta hớ, an ò dòn hớ là hìu ơm bơh yau or.

Mơya, ală bơta bơt bơtào wơl dô bă krơi is kon mơnus di kung ò drờm be bơta mơ Yang neh tơm gơl hơ đăng rài kis bol he di. Bơta yal yau đơs bơh bơta tơm gơl lơh ăn in kờn rlau jơh geh cih wơl tơm Jang tap 9. Yang Jêsu mơ ală cau bơtê tip dô nă cau jơngo mat bơh tú pa deh. Kơnràñ ai bŏ bong di mat cau jơngo mơ sôr ồng lot rào di tơnau Silôe.

Cau ồng hớ neh tơm gơl tian gơs ală cau neh git ồng kung ò dòn khai là cau jơngo mat lài or. Hớ la dô bơta “ lơh wơl pa” dô bă wil tơl! Mơ hớ kung là bơta mơ Yang Jesu kơp kờn lơh sir hơ đăng bol h. Yang ò di ming geh gơnoar sơm bời kop ji đah poac să, mơ kung dong klas mơ tơm gơl hwêng nus ơm dơlam he di. Yang ò di ming lơh he in lik gơs “ dô nă cau niam rlau” he di, Yang ai he in dô nơm rài kis pa, geh deh wơl pa dô bă wil tơl!

Sră Goh cih:”“Behơ̆ dilah cau lơi ơm tòm Bơtau Krist, hơ̆ la cau neh crơng gơs pa; ală bơta yau neh roh rau, do ală bơta gơlik gơs pa lơm.”(II Kôrintô 5:17)

Tú he git duh rngot mơ dòn bơr Yang Jesu, bol he geh tơm gơl kợp ngai nàng lik gơs be Yang rlau (Kôlôse 3:10). Bơta sơ ệt sơ êl rơp lơi nus kờn gơboh in, bơta kơlôi rcang geh tơm gơl bơh nus ring lơngai, nus mhar gơjran lik gơs nus kong ơt, nus kră kơldăng lik gơs lơbơn niam bơh nus niam lơhơn. Jat tú tơngai, bơta tơm gơl hớ do bă loh làng tian gơs ală cau neh git he geh krơi is di đap ală broă lơh Ynag tơm trồ di!

Sơn rơp, Yang Jesu đơs tus bơta jơngo mat dô nă cau ồng di la:“Hơ̆ ò di tài bơh cau do hala mè bèp khai neh tìs glài ò, mơya nàng ală broă Yàng Tom Trồ dê geh yal tơlik tòm khai.”(Jang 9:3)

Tú he don duh Yang Jesu mơ ơn jơh ală bơta àn kơnjớ he di Yang in, Yang rơp tơm gơl rài kis he di. Bơta tơm gơl hớ ò di mìng ai kwơ he in lơm ò, mơ kung dong cau ndai sền gó gơnap gơnoar mơ bơta nđac Yang tơm Trồ di. Rài kis he di lik gơs dô cơng tàng kis gơwet bơta niam lơhơn mơ dòn song Yang di. Tus di dô ngai, kợp nă bol he kung rgơi yal wơl bơta tơm gơl krơi is he di, be cau jơngo mat lài or, dô bơta yal yau niam rlau jơh ală bơta rơn dap tơm gơl hìu ơm hơ đăng dunnia do.

“Ưnngài tĕ Yàng Jehôwa, bơh Kơnràñ la niam;Bơta kòñ gơboh kơ̆ dơn Kơnràñ dê gam sùm sùm.Ală cau Yàng Jehôwa neh dong tơwài, đơs tĕ bơta hơ̆,Hơ̆ la ală cau Kơnràñ neh tơwài bơh di bơta bòl glar kalke,”Đơs Crih 107:1-2)

Dan jà bol he dô nùs bal tòm bơta hòi dan: Khoai Ynag kờn gơboh, kon ưn ngai Yang bơh Yang là Yang Tơm Trồ bơta sơm bời mơ bơta tơm gơl. Neh rlau ală ngai lot găn mơ Yang, Dăn ai kon in sơ lơ ngai lik gơs Yang Jesu rlau tai, nàng cồng nha Yang Hwêng Goh di sơ lơ ngai sơ lơ geh ràng tơlik loh làng tơm rài kis kon di. Dăn ai kon in nus khin cha mơ git jak nàng lơh cơng bơh bơta niam lơhơn Yang di, kung be ală broă krơi is Yang neh tơm gơl hưo đăng rài kis kon di. Kon Jơh nus hoi dăn tơm Sơn Đăn Yang esu Krist. A-men

Ơ ală ồng mò oh mi kờn gơboh, bàn sền di ală bơta tơrlah tơrlung tơm ngai neh rlau mơ kơlôi he la dô nơm bơta neh săng tơlik. Gơwet mơ Yang Jesu, ò geh rài kis lơi la roh rùi. Yang là cau gơnoar dơng, rơp chờ nus nàng mut di tiah klăm jơngo rài kis he di, hồ tă jơh ală bơta neh yau mơ bơtao wơl dô nă cau pa. Bơta tơm gơl hớ ò di lik gơs tơm dô măng, mơ la lot găn kợp ngai tú he git dờn bơr mơ lot jat Yang. Lời té Ynag phà tơrlah jơh dơrnhang tồi glai di, bơta jong să mơ nus rngot, nàng lời bơta àng Ynag di pơn đăng sol, lơh oh mi in lik gơs dô nơm phan crơng gơs pa àng gơ cra digul dunnia ngai do.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.