Ñcau tòm bŏl he kŭng gơs ală bơta jơh nùs họi dăn mơ Yang. Gơs tŭ bŏl he kơp koñ Kơnrẵn pò dô tŭ lơmpah, tòmgơl dô nơm broă gơlik gơs hala tă săng dô nơm ơnòng kơnjơ̆. Mơya, jơnau hơ Yang di ò di tŭ lơi kŭng gơlơh be bơta he kơp gơn. Bơta hơ̆ rơp lơh bŏl he ĭn gơplơ̆ nùs mơ pin wil wơl bơta niăm her Kơnrẵn di. Mơya Sră Goh ai bŏl he ĭn git lah Yang la Cau I Lơbơn Niăm, Bơtau òs sum koñ gơboh mơ git lọh lang bơta lơi là niăm rlau jơh kon ur kon klau Kơnrẵn ĭn.

Ngai do, ngai 08/09/2026 bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Gene Markland dê bơh Tơnggume YANG GIT BƠTA NIĂM RLAU

“Cau kơñau mìng tus nàng kơñau, hàl mơ tơnroh; ai Añ neh tus tồ belàt in geh bơta kis mơ bơta kis tơngkah tơngkañ.” (Jang 10:10)

Dilah neh bic tòm hìu sơnơm, digơlan he rơp đơs di ngăn là tòm ală ngai lồi dut bơta ngùi sơnơm, ală bơta òs gơlơh alah adar. He mìng ơm gut dăr cơnòng bic, sền poăn đah dơrñang, sền tivi, kơp gơn tus tŭ sa pơnjat.

Ăñ kŭng neh lòt găn tŭ tơngai behơ̆ sơl. Àng drim ngai hơ̆, phăn sa àng drim geh cèng tus. Ăñ gơlơh bô bơkah cà phê mơ hừh hơh mhăr pò phăn ngùi sa. Mơya tŭ sền tòm dơlăm, ăñ dơh wơl. Hơđăng prèng mìng gơs ban mì mơ bar nơm tap gơm. Mơya pơnah xúc xích, phăn ăñ kơp gơn rlau jơh gen ò bàn. Ăñ họi cau y tá tus mơ đơs lah digơlan cau lơh phăn sa neh hŭi phăn xúc xích ăñ ji.

Ăñ lơh nền sa làu, gen tơnơ̆ xúc xích geh cèng tus, ăñ sa ngkơi. Dô êt phuk, gơs jơnau teh mpồng. Ăñ kơlôi òm: “Oh, cau dŏng kòl cèng phăn sa tus rau” Mơya cau cơnđòa mut là y tá, chồl pơnjat rơndeh bềng sơnơm mơ phăn ngùi y tế. Tài bơh tòm dơngoh kơlôi mìng kah tus xúc xích găm siơ̆u lơm, gen ăñ pò bơr đơs: “Ơ, ai ò di là cau cèng phăn xúc xích tus lah?” Cau y tá sền ăñ nđợ jây gen khôr ñhŏ: “Ò di, mơya ăñ gơs cèng tus bi ĭn bơtơl sơnơm kháng sinh.” Bar nă bŏl he gơdăn ñhŏ. Gen ăñ dòp git bơta he kơp gơn ò di là tŭ lơi kŭng la bơta he càng ngăn ò. Pơnah xúc xích hơ̆ digơlan rơp lơh phăn sa àng drim bơkah rlau, mơya sơnơm mìng la bơta dŏng ăñ geh bòi mhăr. Ală cau gơnoăr sơnơm mơ ală cau dŏng kòl git bơta lơi la niăm rlau ăñ ĭn.

Yang Jesu đơs: “Cau kơñau mìng tus nàng kơñau, hàl mơ tơnroh; ai Añ neh tus tồ belàt in geh bơta kis mơ bơta kis tơngkah tơngkañ.” (Jang 10:10)

Yang Jesu ràng tơlik is să tòm Kơnrẵn là Cau I Niăm, la Bơtau koñ gơboh mơ phi să tòm he bơh belat. Tŭ đơs bơh “bơta kis găm sum sum” Kơnrẵn ò hơ lah rài kis cau dòn jat Kơnrẵn rơp bơtoah hala ală bơta kơp koñ geh ho tòmtọh wơl. “Bơta kis găm sum sum” lài ngăn là bơta kis tòm Bơtau Krist : là geh tọh glài, geh ơm tòm bơta gơtòmklac băl mơ Yang Tom Trồ mơ kòp ngai geh tòmgơl jat rùp să Kơnrẵn. Bơta Yang ai pà bŏl he ĭn ò di tŭ lơi kŭng tòmtọh jat bơta he kơp koñ. Mơya bŏl he rơp dòn nền ngăn là Kơnrẵn ò lơh jat tơnggume Kơnrẵn di, tô lơh gơs kwơ rài kis bŏl he ĭn (Rô ma 8:28).

Ăñ kah tus rùp sơñio bơh cau pă tom Broă 3. Tòm hiu duh khoai Jerusalem, gơs dô nă cau pă bơh kơndul me nggùi tềng hơ̆ tồ kanadàn. Tŭ khai gŏ Pier mơ Jang rơp mor mut tòm hìu duh khoai gen dăn bŏl khai pà gòi phăn mơya Pier đơs mơ cau pă lah:“Añ ò gơs dô êt lơi màh priă, mơya bơta añ gơs añ ai mê in: Ai sơnđan Yàng Jesu Krist Cau Nasaret, ntào lòt tĕ!” Tơnơ̆, bơta gơkrơi neh gơlik gơs. Khai “Lòt ndang sơnđoh ndang mơ jòng ro Yàng Tom Trồ ndang.” (Broă 3:1-10)

Cau pă hơ̆ mìng kơp gơn dơñ geh nđợ đong priă tồ kis lòt găn ală ngai, mơya lòt găn rlau bơta he kơp gơn, khai geh sơmbòi. Bơta tềl krơi hơ̆ ò hơ lah ñcau kŭng dòp geh bơta sơmbòi ò, mơya tồ lơh cơng la Yang Jesu Krist gen bŏl he dòn găm kis sum mơ lơh jat bơta rơndăp niăm rlau jơh Kơnrẵn di. Tơ’lah dilah ngai or cau pă hơ̆ò geh sơmbòi, gen Kơnrẵn găm la Yang Tom Trồ niăm rlau jơh mơ dòn sŏng. Tài bơh hơ̆, bơta dòn bŏl he ò ơn tòm gơnoăr broă Yang òs lơh tềl krơi jat nus he di, mơya ơn hơđăng jat nùs koñ niăm her Kơnrẵn di.

Digơlan jŏ jọng rau he kŭng neh dăn Yang hơ wơl dô jơnau păl càng hala lơh dô nơm broă gơlik gơs lơi. Bŏl he geh khat gơboh ơn Yang in ală bơta, mơya bŏl he kŭng càng prap kơ̆ hwing nùs dòn bơr nùs koñ Kơnrẵn di, gen Kơnrẵn rơp ai pà bơta niăm rlau jơh tòmtọh jat tŭ tơngai mơ tơnggume Kơnrẵn di, ò di jat nùs koñ is bŏl he digeh Yang ho wơl jơnau họi dăn là bơta niăm rlau jơh, mơya gơs dơ̆ bơta niăm rlau là tŭ hwing nùs bŏl he geh cèng tus rềp băl mơ hwing nùs Kơnrẵn digul ală kơnhai sơnăm kơp gơn.

Gen behơ̆, băñ mìng jòi jat bơta lơngai Yang di, mơya jòi jat tĕ să tòm Kơnrẵn. Tòm Bơtau Krist, bŏl he gơs ală bơta. Bơtau I Belat Lơbơn Niăm giat ală bơta cèng wơl gơs kwơ sum sum mpồl belat Kơnrẵn di.

À, lồi dut gen phăn sa àng drim ăñ ji kŭng gơs bơtơl poăc bụh. Tòmtọh lah, oă dơ̆ bŏl he mìng sền gŏ bơta he koñ hơđap măt, mơya mìng gơs Yang gen git bơta lơi bŏl he càng.

Dan jà bol he dô nùs bal tòm bơta hòi dan: Khoai Yang, dăn bơtọ kon ĭn git ưnngai Kơnrẵn tòm tŭ gơs ală bơta kơp koñ kon di geh Yang ho dòp jơnau, bulah tòm tŭ òhềt geh dòp jơnau. Tài bơh kọn dòn nền gơs dô bơta rơndăp niăm her rài kis kọn di. Dăn Yang dŏng kọn kơ̆ nùs dòn cơnđòa lòt tòm nùs koñ Kơnrẵn di, mơ kòp ngai git lăm bơta kis găm kis sum sum mơ bềng tơl bơh di Kơnrẵn – Bơtau tề lăm rài kis kọn. Kọn jơh nùs họi dăn, kọn ai sơnđăn Yang Jesu Krist, Amen

Ơ ală ồng mọ ọh mi koñ gơboh, ngai do, lòi tĕ tŭ jơ sền wơl ală bơta he găm họi dăn mơ Yang. Gơs bơta lơi găm kơp koñ Kơnrẵn ho wơl jat tòmtọh nùs koñ he sơl? Khin cha tĕ ơn ală bơta păl càng Kơnrẵn ĭn, mơya kŭng họi dăn Kơnrẵn ai pà he ĭn dô nơm hwing nùs git cùn khoai dòn bơr nùs koñ Yang. Dăn Yang dŏng he dòn kơnòm lah, bulah jơnau ho wơl Kơnrẵn di là “di” hala “ò di”, gen Kơnrẵn òs găm koñ gơboh he mơ găm lơh broă jat bơta jak chài Kơnrẵn di. Jòi jat tĕ să tòm Kơnrẵn, rlau la mìng jòi jat ală bơta lơngai lơngọ bơh Kơnrẵn.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.