Tòm rài do, bol he os geh tìp công nha os mòng: Dilah kơp kòñ geh cồng nha hala geh ntào tơngguh tòm pơnah lơi, kòn mơ nus pal cang bơtê pơr srăm mơ iat kơ no jơ nau bơtô tơngkah. Bơh bơta git wă, bơta chài rgơi tus bơta git làm tòm rài kis, jơh ală bơta hơ̆ pal cang bơh tŭ jơmơ jơh nùs ơn nus ơn tôr. Ò gơs bơta cồng nha kơ̆ cê lơi gơlik os mòng mơ siơ̆u bơta rcang ò. Mơya, sền dê rài kis đah hwềng, bol he lòi nđò tŭ jơ nàng rcang mơnàng bơta dòn he dê taih? Bơta Yàng kơp kòn kòp nă cau bơ tê Yang dê ò dê la kah prap đah bơ dìh mơya gơlik công nha oă rlau tai. Nàng geh gơlik plai đo Yang in, gơs dô bơta bol he pal càng đal git.

Ngai do, ngai 13/09/2026, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê bơh tơnggume: GEH RCANG NÀNG GƠLIK CỒNG NHA

‘Broă hơ̆ lơh sùm tòm bàr nam, tian gơs jơh tơl nă cau Juda mơ cau Grek ơm tòm lơgar Asi làm kơno jơnau Yàng dê. ‘   (Broă 19:10)

“Mơya tài bơh gơs ală cau kơldang nùs ò dòn, đơs iơh di Gùng Duh Khoai Yàng di đap mpồl làng bol, gen khai sang lòi bol hơ̆, cèng ală cau dòn mơ bơto bơyai kòp ngai tòm klòng bơtê Tirannus. Broă hơ̆ lơh sùm tòm bàr nam, tian gơs jơh tơl nă cau Juda mơ cau Grek ơm tòm lơgar Asi làm kơno jơnau Yàng dê. (Broă 19: 9-10)
“Klờng Ngai Rlô la ñchi ơ mè?”, “Bơtê Klờng Ngai Rlô la ñchi?”, “Kòn kòñ bic tai dô êt tòm drim ngai sang goh…..” Hơ̆ la ală bơta kơlôi sơ nơng os mòng tŭ sơn tòm ală ơdŭ Klờng Ngai Rlô tòm Hiu Jum. Añ ò kah añ gơ boh gơ bài Sră Goh tòm tŭ jơ hơ̆ hala ò. Añ mìng kah lah, kòp àng drim tòm toh poh jo, añ git pal cang tus tòm ơdŭ.

Añ kah tus cau pơr gru Hạnh, cau neh jơh nus bơtô jơnau Yang cau kơ nòm dờng bol he in. Ală tŭ jơ bơtê pơr srăm hơ niam ngan. Bol he tus tòm ơ d, pò sra đơs chò goh. mơ jong ro Yang bal gen sơn tòm bơ tê Sraw Goh . Ò gơs kơ ni, ò gơs micro kung ò gơs mpafn pơn đang rùp. Mơya, an ưn ngai Yang tài bơh gan dê klowng ngai rlo dềt hơ, an mơ ala oh mi ndai jo do neh kơ bơ ta don mơ don song duh broa Yang bu lah neh lòt ting ala tiah ndai.

Tơ nơ, tus dê dô nơm Hiu Jum Goh ndai dờng rlau, mơya an go gơs dô êt cau kơ nòm să lòt bơ tê Klờng ngai rlô. Gơs tu an kung gơ plow nus mơ oă dơ sang lòi tu jo dờng màng do. Mơya ala tu jow tơ nơ, Yang neh coa còp oă cau pơ nu ơ ruh tòm Hiu Jum Goh. Bol khai sơn tòm bơ tê Klờng ngai rlô, tian gơs ơ du yau ò găm tiah tai mơ bol he pal tus dê ơ du pa dờng ơ nàng rlau.

Mơya, ò dê bă tiah lơi nus nhơm bơ tê Jo nau Yang kung pơn jat be hơ. Gơs ala ơ du bơ tê Jow nau Yang ò gơs cau mơ bơta hơ rang tơlik bơta bol he neh lơh roh bơta ji glo tơr hir gơ wet mơ Jow nau Yang. Di gơ lan lòt gan dô ngai lơh broa bol glar, cau lơi kung pal cang rlo. Tài bơh hơ, lòi 30 phuk nàng sền Jo nau Yang hala lòt bơ tê Sra Goh gơlowh la dô bơta kơr yan dơng. Kòn mơ nus bol he gơ dùh tòm bơta gơ woa broa mơ bol glar.

Mơya, tu sền ala mpang sra Broa, seng yal tòm klong Tiranu ai bol he in dô bơta sền go pa bơh bơta ơn nus ơn tor lài ngan nang bơ tê Jo nau Yang be Sra Broa 19:8-10 cih wol.

Tòm bòn dờng Êpheso, pơ gap 2000 nam lai or, tom bota lòt bơ tô yal dơ pe cau bơ tê Pol , ồng sơn tòm gơ noar broa gan dê bơ ta bơ tô jow nau Yang tòm hiu jum tòm pe kơn hai. Nchi bơ tài ông Pol sac hiu jum nang bơ tô jo nau Yang tài bơh têng hơ cau Juda mơ cau bơ dih duh rngot Yang Tom Trồ, neh git Sra Goh yau. Gen do la tiah ring niam nang bơ to yal bơh Yang Je su. Mơya ông Pol neh geh tìp bơ ta pơn dang tu bơ to yal têng hiu jum. ò gơ plo nus ông neh cah is ala cau bơ tê nang bol khai bơ tê tòm Klong Tiranu. Do la Klong dô nă cau jak chai cau Gơ rek dê sơn đan la Tiranu. Jat ala broa lơh niam tòm rài hơ, ala klong bơ tê tòm àng drim.Tai bơh , oă cau jak chai ai tơng git di gơ lan ông Pol neh ngùi tu jo rlo ngai nang bơ tê tềng do.

Tòm bar nam, ông Pol bơ tô ala cau bơ tê nang bol khai pran kơl dang tòm bơta lơh cơng bơh Yang, tian gơs “jơh tơl nă cau Juda mơ cau Grek ơm tòm lơgar Asi làm kơno jơnau Yàng dê.” Ò dê mìng dô êt nă iat kơ no bơh jow nau Yang, mơ lah “joh tơl nă”. Công nha dờng do ràng tơlik lah tơ nơ mơ dô na geh ròng siam mơ rcang bơh Jow nau Song, cau hơ rơp tòm gơl nang bơ to yal Jow nau Yang ala cau gùt dar war we in. Tu geh tìp “cau kơldang nùs ò dòn”, “đơs iơh di Gùng Duh Khoai Yàng” bơh cau ndai, cau bơ tê Pol mơ ala cau bơ tê ndai ò gơ plo nus mơ ngac ngar tòm gơl bơta lơh broa mơ Yang Tòm Trô ai lơ ngai hơ đang broa bol khai dê. Gen be hơ, bơte jow nau Yang cau don Yang dê ò geh kơr yan bơh bơta gơlik gơs gùt dar mơya geh tơng guh gan de bơta don song mơ kơ cê bơ to yal Jo nau Song.

Sền dê sèng yal tòm Klong Tỉanu, bol he sền go dô nơm rùp niam ngan bơh gơ noar broa bơ t ya l Jo nau Yang. ala klong ngai r lo, ala ơ du bơ tê cau dòn hala ala tu jow bơ tê S ra goh tòm Hiu Jum ngai do la ala “Klong Tiranu” rài do dê. Hơ la ala ba tiah joh nus bơ tô Sra Goh cau don in. Mơya ò de dơh ting hơ gòi, Bơ to yal Jonau Yang pal la ba tiah bơ to ala cau bơ tê nên ngan Yang Jessu In, nàng ala cau bơ tê hơ ò kis mìng tòm hiu jum mơya gos bơta kis đah hweng bơh dơ lam mơ gơ nap gơ noar Yang Hweng dê nang lik bơ tô yal bơh Yang, nàng dô nus bal tus tơng gui la tơh tơl nă “geh kơno jơnau Yàng dê”, di gùl dà lơ gar bềng tơl bơ ta tòm gơl mơ gơ hùc bơh lơh bơta niam.

Tòm ngai wer boto yal jownau niam, kòp nă bol he geh hoi ja nang sên wol gơ noar broa he dê tòm bơta bơ tê mơ bơ tô yal Jow nau Yang. Cau bơ to Jownau Yang di gơ lan la cau pơ gru tòm ala Klong Ngai Rlo, kòp na cau tề lam kơp ơ du Sra Goh, cau mè cau bèp tòm hiu nha …. Bol he sền te Krơh cau bơ tê Pol tòm Tiranu. Ông neh ngui tu lơm pah, tu jo, ò càng bơ toah hala ò kư jowh nus bơ ntoo ala cau don Yang kòp ngai. Gơ noar broa bơ to yal Jow nau Yang pal cang bơta don song mơ jowh nus be hơ. Bulah ala tu jo pơ jum hiu nha gơ lơh dềt rheenf ò bàn tơn cồng nha, mơya kư dòn lah hơ lah ala gar geh tam tòm nus nhơm rài tơ nơ dê.

La cau don , kòp nă bol he sên dơng màng dê tu lơm pa bơ tê Jow nau Yang hala ò? Gơaa do, gơ woa broa hala ò rgoo rơn dap tu jo mơya bol he ò niam nus sang sơrbi bơ ta kơl nhơl hala alah ơ dar nàng sền sơ wi Jow nau Yang dô bă song. Bol he rgoi loi oă tu jo nàng ngùi điện thoại, mơya pơ lai dô êt phuk nang rong siam rài kis đah bơ ta dòn he dê.

la cau bơ tô hala cau bơ tê Jow nau Yang, kòp nă he kơp kòn să tòm geh kran cê tòm bơ ta don mơ sơlo tơng guh tòm bơ ta don. Bơta ntao dong đah hweng ò rgoi gos công nha tơ nơ mơ dô măng ò, mư ya công nha ala ngai kơn hai rong siam tom Jow nau Yanggan dê tu jow bơ tê Sra Goh is kung be tu jow bơ tê pơr sram mơ ala oh mi dô bơ ta dòn ndai. Ồng mò oh ni niam nus rcang sir Jow nau Yang nàng duh broa Yang mơ geh công nha tơngkah tơng kan dà lơ gar Yang dê sơl?

Dan jà bol he dô nùs bal tòm bơta hòi dan: khoai Yang kòn gơ boh, dan pà ai nus nhơm ji gloh tơr hir mơ ơn nus ơn tôr sền sơ wi Jow nau Yang kòp ngai. Dan Yang dong kòn ò dê ming iat mơ ya git kis mơ lơh gơ cre Jow anu Yang cau gùty dar war we inm, tài bơh kòn don tu Jo nau Yang geh rang tơlik gen oă rài kis geh tòm gơl ceng tus công nha dơng Hiu Jum in, dà lơ gar mơ bòn tòm kòn dê. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh, ngai do la ngai bơ to yal Jo nau Yang, kơp kòn rài kis bol he geh rcang nang gơlik công nha rlau tai Yang i, lơh nền te tu jo sên, bơ tê Jow nau Yang is kop ngai mơ don song bơ tê Sra Goh tòm Hiu Jum. Mơya ban mìng bơ tê nàng git Sra Goh goi mơ bơ tê gơ weft mơ nus nhơm ji gloh tơr hir geh Yang tòm gol mơ ngùi, nàng rài kis ồng mò oh mi la dô nơm os đèng pơn đang sol Jo nau Yang mơ bơta kwo mang cau don dê, cèng tus bơta gơn kơ nòm mơ tòm gơl gơp bòn mơ dà lơ gar gùt dar in.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.