Bơta koñ gơboh òs găm gơs oă pơnah, mơ gơs dơ̆, ală broă lơh gơlik gơs lơh rngoh rngac nùs cau gơkrơi rlau jơh wơl geh ràng tơlik jat bơta he ò kơlôi rlau jơh. Ală bơta lơh bŏl he ĭn kah sum bơh dô nă cau ò di la ală phăn bàn kas màng rlau jơh hala ală jơnau hơ pơgon niăm her. Hơ̆ mìng là broă lơh dềt rhền, dô nơm broă lơh òm òm tian gơs oă cau òhềt kah kơlôi. Mơya ală bơta he kơlôi gơlơh be òs hơ̆nisơna wơl sền rmê gơnoăr pràn dô nơm plai nùs koñ gơboh bềng bơta nđàc.

Ngai do, ngai 04/02/2023 bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Kellin Gibson dê bơh Tơnggume NÙS KOÑ GƠBOH GƠS GƠNAP GƠNOĂR DỜNG

“Behơ̆ dilah Añ la Yàng mơ la Cau Bơto, mơ neh rào jơng bol mê in, gen bol mê kung pal rào jơng bal mơ gơp behơ̆ sơl. (Jang 13:14)

Ăñ rơp ò tŭ lơi hŭi phăn bàn nisơna gen dô nă cau bơyô dềt mềr bơh kơnòm neh ơn ăñ ĭn. Bơh sơntom, ăñ mìng kơlôi là dô tŭ tơngai lòt spa băl mơ ală cau bơyô. Mơya gen, ngai hơ̆ gơlik gơs dô bơta kir sơnre gơs kwơ màng ngăn. Tŭ cau bơyô ăñ ji cùn gơltăng diđap măt ăñ ji mơ đơs lơbơn lơbè rào jơng ăñ ĭn, ăñ neh ơm mŏmŏ diđap bơta pơndềt să mơ koñ gơboh gen cau bơyô ur hơ̆ gơwèt mơ ăñ.
Kòp dơ̆ kah wơl phuk jây hơ̆, ăñ sơwì lùp is wơl lah: Gen dô nơm broă lơh koñ gơboh mơ pơndềt is să he behơ̆ rơp gơlik gơs digul bar nă cau òs la tòmdră băl mơ gơp sơl ơ?

Gơs dô tap fim truyền hình yau mơ ăñ gơboh gơbài ngăn neh sơñio ăñ ĭn kơlôi jrô bơh bơta do. Hơ̆ la The Rebel (1959), jat jơng dô nă cau tòm là Johnny Yuma – dô nă cau ling neh rlô tơnơ̆ bơta tòmlơh, lòt gơlềng gơlàng ală đah tiah nàng jòi jat rài kis gơs kwơ.

Tòm dô tap fim ne, Johnny ntào tòmdră jai băl mơ dô nă cau òs kup bơtat bơtrơh cau ndai tòm bọn. Broă lơh hơ̆ neh ơn nùs tôr dô nă cau ur cih sră pơ’ar. Kòl ơn nùs bơh đah bơdih niăm her Johnny di, cau ur do sơntom cih bơh he bơh dô nă cau chài rgơi bơh bơta gơn kơnòm lơh cau tòm in ơn nùs tôr kơlôi. Mơya, ală broă gơsơlơ̆ wơl pha is. Ală broă bơtơl hơ̆ ò lơh làng bŏl sền dờng màng Johnny, mơ gơsơlơ̆ wơl gơlik gơs bơta dơñŏ – tơnhial tòm bọn.

Tŭ dòp git tiang pơnrơ nhe di mìng geh bơtào gơs bơh jơnau yăl tơnggit ò gơs ngăn, Johnny jòi tus cau klau khai neh lơh pha lin mơ lơh dô bơta lơh jơh tơl nă gơkrơi. Ala bơh bơta dòp leng bơta jọng ro driau dờng hala ràng tơlik he la dô nă cau geh pha, khai cùn gơltăng mơ jùt niam khŏ jă jơng cau hơ̆ di. Khai ò dơñ bơta gơklŏ geh bơt bơtào gơs hơđăng blac pơrlồm.

Rùp sơñio hơ̆ neh ơm wơl tòm bồ dơngoh ăñ sum jŏ sơnăm. Hơ̆ la dô nơm bơta krơh niam bơh bơta pơndềt să mơ bơta nđàc di tŭ tìp băl mơ cau sò tơm. Mơya, jơh ală broă mìng là mbùr lu li diđap ơn digah bơta Yang Jesu neh lơh tòm Jang 13. Bơtau hơđăng ală bơtau neh cùn gơltăng rào jơng ală cau bơtê he di. Mơ tòm ală cau geh Kơnrẵn rào jơng gơs Juđa – cau neh rcang săn pơndăng Kơnrẵn.

Bulah behơ̆, Yang Dong Jesu găm đơs: “Behơ̆ dilah Añ la Yàng mơ la Cau Bơto, mơ neh rào jơng bol mê in, gen bol mê kung pal rào jơng bal mơ gơp behơ̆ sơl. Bơh Añ neh lơh krơh bol mê in, nàng bol mê in kung lơh be Añ neh lơh bol mê in sơl.” (Jang 13:14-15)

Koñ gơboh ală cau koñ gơboh he là bơta òs mòng. Mơya Yang Jesu họi jà bŏl he lòt rlau bơta òs mòng hơ̆: koñ gơboh ală cau pơndăng mơ lơh he ĭn ji sồt moat jrung. Hơ̆ là tòm ryas Jơnau Niăm di – koñ gơboh cau bulah cau hơ̆ ò dipăl nàng gơboh. Tài bơh bŏl he găm la cau glài, Bơtau Krist neh koñ gơboh bŏl he mơ phi bơta kis bơh he.

Gơs cau lơi neh lơh he in ji sồt moat jrung, kơlôi tìs he hala lơh lòt ò sŏng rĭng gơwèt mơ he sơl? Dilah Yang Jesu găm họi jà he “rào jơng “ cau hơ̆ ĭn, he rơp lơh bơta hơ̆ mbe lơi taih? Rơp gơlik gơs mbe lơi dilah he sac rwah nùs koñ gơboh kơ̆ dơn ala sal tê, sac rwah bơta tọh glài ala wơl ròng siam bơta srat bơtang, hala òs òm họi dăn cau lơh he ĭn ji nùs?

Johnny Yuma ò di lơh nền lài bơta niam gơwèt mơ cau tòmdră mơ he. Mơya tŭ lơmpah tus, khai sac rwah pơndềt să ala wơl jòi kai nàng lơh nền cê să tòm he. Mơ Yang Dong Jesu găm lòt găn rlau mơ hơ̆. Kơnrẵn ò mìng bơtọ bơh bơta pơndềt să, mơ să tòm Kơnrẵn là rùp gơlik ngăn bơta pơndềt să hơ̆. Kơnrẵn cùn gơltăng rào jơng ală cau bơtê ĭn, bulah Juđa cay mor săng pơndăng Kơnrẵn. Mơ Kơnrẵn kŭng găm họi jà bŏl he cơnđòa lòt jat krơh hơ̆.

Dan jà bol he dô nùs bal tòm bơta hòi dan: Khoai Yang, ngai do kon dăn tơnliah să he diđap măt Kơnrẵn. Dăn bơtọ kọn git koñ gơboh be Kơnrẵn neh koñ gơboh kon, mơ git duh broă cau ndai bơh hwing nùs pơndềt să, tơ’ai lah bơta hơ̆ ò tŭ lơi buơn ò. Dăn ai kon ĭn gơnoăr pràn nàng tọh glài mơ nùs khin cha nàng sac bơta koñ gơboh kơ̆ dơn ala wơl bơh bơta sal tê. Dăn tŭh bềng bơta nđàc tòm hwing nùs kon, tồ kon git koñ gơboh cau bulah la ală cau lơh kọn ĭn ji sồt. Kơp koñ rài kis kọn pơnđăng sol wơl bơta koñ gơboh bềng bơta nđàc Kơnrẵn di tòm ală bơta. Kon jơh nùs họi dăn, kon ai sơnđăn Yang Jesu Krist, Amen.

Ơ ală ồng mọ ọh mi koñ gơboh, bơta koñ gơboh Bơtau Krist di òs sum lòt rlau ală bơta rnoas boh lăm òs mòng ală plai nùs mìng git să tòm he gọi hơđăng dunnia do. Dùh broă cau neh lơh he ji sồt ò tŭ lơi cèng tus bơta gơklŏ diđap măt cau rài do, mơya pò wơl dô nơm gùng bơta sơmbòi mơ lơngap lơngai tòm hwing soàn bŏl he. Dăn Yang ai pà bŏl he ĭn tơngkah tơngkăñ bơta nđàc nàng koñ gơboh be Kơnrẵn neh koñ gơboh, tọh glài be Kơnrẵn neh tọh glài, mơ tơnliah să dùh broă be să tòm Kơnrẵn neh lơh krơh bŏl he ĭn. Ngai do, Yang Dong Jesu găm họi jà he koñ gơboh mơ duh broă ñcau, bulah he gơlơh sền cau hơ̆ ò tŭ lơi dipăl?

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.