Txhua taig kis thaum saib tej xov xwm tshiab, peb lub siab no yeej caws zog rau lub ntiajteb muaj kev hloov pauv thiab tsis kaj siab. Muaj tej teeb meem cia li tshwm tuaj ua rau tib neeg cia li dhau los me heev thiab tsis paub ua li cas. Kev tsov rog tas, txog av qeeg, dej nyab, cuag li lub ntiajteb no yeej tsis muaj ib qhov chaw twg li tso siab. Nyob hauv tej kev puas tshuaj thiab quaj ntsuag npaum ntawd, ib lo lus nug uas sawv daws nug rov qab tshwm nyob hauv ntau tus lub hlwb: Vajtswv tab tom nyob qhov twg?

Hnub no, yog hnub 14/09/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Bruce C. Swaffield dhau ntawm Zaj kawm VAJTSWV TABTOM NYOB QHOV TWG?

“Kuv yog txojkev sawv hauv qhov tuag rov qab los thiab yog txojsia. Tus uas ntseeg kuv, txawm yog nws tuag lawm los nws yeej yuav muaj txojsia; tus uas muaj sia nyob thiab ntseeg kuv, tus ntawd yuav tsis tuag ib zaug li. Koj puas ntseeg kuv tej lus no?” (Yauhas 11:25-26).

Vajtswv tab tom nyob qhov twg thaum uas teeb meem nyob tom hiav txwv tshwmsim, tua ntau lub foob pob ua rau sab Trung Đông ntsoog qees? Vajtswv tab tom nyob qhov twg thaum uas muaj ob ntsug av qeeg loj heev nyob ntawm Venezuela txhub lawm tsheej txhiab tus tib neeg txojsia tu thiab ua rau ntau tsev neeg muaj kev quaj ntsuag? Vajtswv tab tom nyob qhov twg thaum uas muaj tej nthwv tshav ntuj kub heev ua rau toj kub nyhiab nyob rau châu Âu, ua rau vaj tsev kub nyhiab thiab ua rau ntau tus neeg tsis paub dabtsi txojsia tu lawm?

Lo lus teb yog: Vajtswv yeej tab tom kav, zoo li uas Vajtswv tau kav thaum Xetefanaus raug muab pob zeb ntaus txog tuag, thaum Yauhas Npatitus raug txiav caj dab, thaum Petus raug muab ntsia ko taw rov saud, thiab thaum Anpees muab Ka-ees tua. Vajtswv yeej tshwm ntsej muag nyob hauv tej teeb meem nyuaj siab ntawd, ib yam li thaum uas Vajtswv tib leeg tub raug muab ntsia saum ntoo khaublig. Vajtswv yeej muaj txaus lub hwjchim los tav txhua txoj kev tuag thiab hauv pauv txhua lub caijnyoog. Tiamsis, nyob hauv txoj kev txawj ntse thiab Vajtswv txoj kev tswjhwm, Vajtswv tso cai rau tej ntawd tshwmsim los.

Peb yeej tsis nkag siab li. Peb pheej nug tias vim li cas. Vim li cas Vajtswv ho tseg tag nrho tej neeg ntawd tuag? Ntawm tib neeg tus cwjpwm, peb yuav ua txhua yam los tav tej teeb meem ntawd. Vim li cas Vajtswv ho tsis ua? Lo lus teb yog: Peb tsis paub tias vim li cas. Yeej tsis ua rau kom muaj ib qhov kev txaus siab twg. Tej ntawd tsuas ua rau peb lub siab yij fab yij fwj thiab mob ntxiv xwb. nyuaj rau peb muab qhov tseeb tias muaj ib tug Vajtswv muaj hwjchim thiab puv npo kev hlub ho tso cai rau tej kev puas tshuaj zoo li ntawd tshwm los tso ua ke.

Txawm li los, koj thiab kuv yuav nrhiav tau kev ruaj siab thaum pom tias: peb tsuas ntsia pom txojsia thiab txoj kev tuag dhau ntawm lub tsom iav hauv lub ntiajteb tamsim no xwb. peb yeej tsis paub dabtsi txog yam muab zais cia nyob sab tom txoj kev tuag. Koj thiab kuv muaj cuab kav xam txog lub tshwjchim ci ntsa iab nyob saum ntuj ceebtsheej, txog lub neej ib txhis thiab Vajtswv tej tswv yim tob tob. Vim li ntawd, txoj kev ntseeg siab rau Vajtswv thiaj dhau los ua tus choj tuam coj peb hla dhau lub qhov tob ntawm txoj kev ua xyem xyav thiab tsis ntseeg. Kev ntseeg yuav tshem tsis tau tej kev mob siab puas ntsoog, tiamsis pab kom peb ntsib txoj kev tuag ntawd ntawm txoj kev cia siab tias Vajtswv yeej tseem tab tom tswj thiab Vajtswv txhua lo lus cog tseg yeej yog tseeb.

Nyob ntawm peb, txoj kev tuag cuag li yog qhov xaus. Tiamsis nyob ntawm Vajtswv, txoj kev tuag hauv ntiajteb no tsuas yog sab qhov rooj coj peb mus rau txojsia ib txhis. Tej zaum peb yeej tseem yuav quaj vim tej kev puas tshuaj – txawm yog Tswv Yexus los Nws kuj quaj thaum nws hnov xov txog nws tus phooj ywg Laxalus tag sim neej lawm. Nco ntsoov Tswv Yexus tej lus thaum Mathas hais tias: “Tus Tswv, yog koj nrog peb nyob ntawm no, kuv tus nus yuav tsis tuag!” (Yauhas 11:21). Tswv Yexus teb tias: ““Kuv yog txojkev sawv hauv qhov tuag rov qab los thiab yog txojsia. Tus uas ntseeg kuv, txawm yog nws tuag lawm los nws yeej yuav muaj txojsia; tus uas muaj sia nyob thiab ntseeg kuv, tus ntawd yuav tsis tuag ib zaug li. Koj puas ntseeg kuv tej lus no?” (Yauhas 11:25-26).

Txawm yog yuav tsau tsawv hauv tej kua muag los, thov kom peb nrhiav tau kev txhawb zog nyob hauv tej lus cog tseg ntawd. Vim Tswv Yexus twb kov yeej txoj kev tuag lawm, yog li kev tuag tsis yog tas rau tus neeg ntseeg. Lub cev no yuav lwj puas ntsoog mus, tiamsis peb txojsia nyob hauv Yexus Khetos yuav nyob mus ib txhis.

Thov caw nrog kuv peb thov Vajtswv ua ke: Tswv Yexus, sawv ntawm tej kev hloov pauv thiab teeb meem phomsij hauv lub ntiajteb nyob ib ncig kuv, kuv lub siab no yeej muaj tej lub sijhawm yoj yees thiab txhawj xeeb. Thov zam txim rau kuv tej kev khuab xeeb, tej kev ua xyem xyav thaum kuv ntsib lub sijhawm muaj kev quaj ntsuag. Thov Vaj Ntsujplig nplig cov uas muaj lub siab puas ntsoog. Thov pub kom kuv muaj ib txoj kev ntseeg ruaj khov ntsia mus kom deb, lees paub tias kuv lub zej zos tiag nws yog ntuj ceebtsheej ci ntsa iab. Nyob hauv tej kua muag vim kev quaj ntsuag ntawd, thov tuav kuv tus ntsujplig nyob hauv koj txoj kev kaj siab saum ntuj ceebtsheej. Kuv thov hauv Tswv Yexus Khetos lub npe, Amees.

Cov kwv tij, muaj tej hnub tej kev nyuaj siab vij puas ncig zoo li ib tauv fuab ntsia tsis pom, ua rau peb ntsia tsis pom txoj kev tom ntej. Pheej maj nroos mus nrhiav lo lus teb rau tej kev puas tshuaj, tiamsis muaj ib yam uas peb yuav tau lees yuav yog: muaj tej lo lus nug tsuas tau teb nyob tom lub neej ib txhis. Mus nrog kev ntseeg txhais tias yog xaiv ntseeg Vajtswv txawm yog thaum txhua yam tsaus ntuj nti tsis pom kev. Tej zaum tag nrho sim neej no peb yuav tsis muaj hnub nkag siab tias vim li cas tej teeb meem ntawd ho tshwmsim tuaj. Tiamsis peb paub zoo tus uas tab tom tuav lub ntuj no. tsuas paub li no xwb kuj txaus rau peb mus ntxiv nrog txoj kev cia siab tsis hloov pauv, vim paub tias txhua teev kua muag yuav tau Vajtswv so kom huv.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.