Nyob hauv lub neej, muaj tej yam uas peb tas siab txhawb tiamsis ho tuav tsis tau rau ntawm tes. Muaj tej lub noob tau muab tseb nrog kua muag, tiamsis muaj tej yam yuav tau ua siab ntev tos, thiab kuj muaj tej lub sijhawm peb yuav tau lees yuav thaub qab, muab yam uas yus nyiam tso rau ntawm Vajtswv txhais tes. Ntau zaug, yam nyuaj tshaj ho yog yuav ua li cas kom peb thiaj kam tso siab plhuav rau Vajtswv, thiab yeej tseem muaj txaus txoj kev kaj siab los ntseeg tias Vajtswv yeej tseem tab tom ua Vajtswv tes haujlwm.

Hnub no, yog hnub 16/09/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke dhau ntawm Zaj kawm COG HAUV KEV NTSEEG, TSO TES HAUV KEV TSO SIAB

“Qhia menyuam kom paub ua nws lub neej, nws yuav nco ntsoov tej lus ntawd mus tas nws sim neej” (Pajlug 22:6)

Saib ntsoov tus menyuam yau hu ua chu lub qhov ncauj hais tias “Amees” nrov nrov, tas rov qab pw saum txaj, luag ntxhi tsau tsawv rau hauv txoj kev tsaug zaug, kuv lub siab puv npo txoj kev nco Leej Txiv tshav ntuj. Tej hnub uas nyuam qhuav pib kawm thov Vajtswv ntawd nws dhau mus sai heev. Tas txog lub sijhawm mus pehawm cov menyuam yau, txog cov hlob zog kuj dhau mus sai. Thiab lub sijhawm nrog menyuam thov Vajtswv ua ke thaum loj hlob yog lub sijhawm nyuaj kuj dhau mus.

Sijhawm zoo li tua hneev, yog tiag! “Ua Vajtswv tsaug tau nrog nraim kuv, coj kuv nyob hauv txoj kev cob qhia kuv tej menyuam. Ua Leej Txiv tsaug tau qhia rau kuv paub saib xyuas tus mentxhais uas leej txiv tau muab cob rau kuv.” Thiab kuv pom tias, tsis yog leej twg los twb tau Vajtswv pub sijhawm nrog tej menyuam nyob ua ke, yus tu kiag, yus qhia kiag lawv.

Ib yam li hauv Khiavdim tshooj 2 qhia rau peb paub txog daim duab ntawm ib leej niam hu ua Yaukedas. Los ntawm lub siab tawv hauv txoj kev ntseeg ua twjywm, Yaukedas tau koom tes rau qhov uas tsim muaj Mauxes tus cwjpwm tomqab no nyob rau lub sijhawm luv luv uas pog muaj nrog pog tus menyuam nyob ua ke. Nyob hauv Vajtswv lub homphiaj, dhau ntawm Vajtswv tej lus cog tseg nrog Aplaham, haiv neeg Yixalayees tau tsim muaj, loj hlob thiab coob zuj zus nyob rau tebchaws Iziv tau 400 xyoos.

Nyob hauv Vajluskub ntawm Khiavdim tshooj 1 thiab 2 coj peb mus rau ntu sijhawm uas tsaus ntuj nti tshaj hauv keebkwm Yixalayees, thaum vajntxwv Falaus samhwm rau tag nrho lub tebchaws: “Cia li muab cov Henplais tej menyuam tub uas nyuam qhuav yug tau los txhua tus pov rau hauv tus Dej Niles, tiamsis tseg cov menyuam ntxhais cia” (Khiavdim 1:22). Nyob rau lub sijhawm muaj kev phomsij phem li ntawd: “Thaum ntawd muaj ib tug txivneej uas yog xeem Levis, mus yuav nws xeem ib tug ntxhais los ua pojniam, thiab tus pojniam ntawd yug tau ib tug tub rau nws. Thaum tus pojniam ntawd porn hais tias, tus tub no ntxim hlub heev, nws txawm muab zais tau peb lub hlis” (Khiavdim 2:1-2).

Tej xyoo ua neej txomnyem raug tsimtxom rau tiam uas vajntxwv Falaus ntawd tsis ua rau pog Yaukedas txoj kev ntseeg tuag, tus ntxhais uas yog xeem Levis no nws ntseeg siab rau nws poj koob yawm txwv tus Vajtswv. Txoj kev ntseeg no tau ua rau Yaukedas kam muaj lub siab tawv, xaiv kev phomsij tu nws tus tub thaum uas vajntxwv tej tub rog tab tom nrhiav tua pov tseg.

“Twb yog vim Mauxes niam thiab txiv ntseeg, thaum yug tau Mauxes, nkawd thiaj muab Mauxes zais tau peb lub hlis. Nkawd porn hais tias, nkawd tus metub ntawd zoo nraug heev, nkawd thiaj muaj lub siab tawv tsis ua raws li vajntxwv tej Ius” (Henplais 11:23).

Tas, lub cim ntawm ib tug Vajtswv ciaj sia thiab muaj hwjchim nws cog ruaj ruaj rau hauv Yaukedas lub siab txij lub sijhawm uas nws tso lub tawb rau dej tshoob mus, txog rau lub sijhawm uas pog xyab nws txhais tes rov qab mus tos nws tus tub ntawm vajntxwv Falaus txhais tes rov qab los, nrog rau txojcai tau tu tus menyuam nyob hauv vajntxwv tus ntxhais txhais tes.

Ib qhov txujci xav tsis thoob uas Vajtswv tau ua nyob rau ntawm leej niam no hauv txoj kev txomnyem tau ua rau Yaukedas txoj kev ntseeg uas yog ib zaj xwm tau mloog dhau ntau tiam txog tej poj koob yawm txwv, txog ntua thaum tau pom Vajtswv tus muaj hwjchim txhais tes tau cawm nws tus menyuam. Kev ntseeg cog ruaj ruaj hauv Vajtswv txoj kev txawj ntse uas pog tau ua twjywm ntsia pom ntawd thiaj ua twjywm qhia rau tiam txuas ntxiv yog: Aloos, Mili-as thiab tshwj xeeb yog Mauxes. Txawm yog twb tau yim caum xyoo dhau mus los, tej uas Mauxes tau ntsia pom, tau hnov thiab tau muab tseb los ntawm lawv niam ua rau nws muaj lub siab tawv sawv khov kho thaum hnov Vajtswv lub suab hauv tus nplaim taws tab tom cig: “Kuv yog koj cov yawgkoob tus Vajtswv, yog Anplahas, Ixaj thiab Yakhauj tus Vajtswv.” Yog li ntawd, Mauxes tsis muaj cuabkav yuav ntsia taus Vajtswv, nws thiaj muab tes pos nws ntsejmuag” (Khiavdim 3:6). Vajtswv lub npe tau ua rau Mauxes rov qab nco txog yus yog leej twg thiab yus yog leej twg tug.

Thaum ncaj ncees cob qhia, thiab tseb rau hauv Mauxes txog ib tug Vajtswv tsis yog tsuas yog tej poj koob yawm txwv xwb tiamsis tseem ciaj sia dhau ntawm Yaukedas lub neej, nws yeej paub txog nưs lub sijhawm luv luv uas nws muaj. Tas yuav txog lub sijhawm, uas ib zaug ntxiv, Yaukedas yuav tau tso tes, muab nws tus tub lub neej tso rau ntawm Vajtswv txhais tes uas qhov muag ntsia tsis pom, tiamsis lub cim ntawm txoj kev tshwm ntsej muag ntawd yeej yuav tsis ploj nyob hauv nws. “Thaum tus menyuam ntawd loj hlob lawm, leej niam thiaj coj mus cob rau Falaus tus ntxhais uas yuav tus menyuam ntawd ua nws tus tub. Falaus tus ntxhais hais tias, “Kuv muab tus tub no hauv dej los, yog li ntawd, kuv yuav tis tus tub no lub npe hu ua Mauxes” (Khiavdim 2:10). Txoj kev zoo siab paub yus tus tub dim txoj kev tuag, tas yus cim civ tu loj hlob, cob qhia thiab tu ntawd nws kuj yuav dhau mus sai sai.

Tsau tsawv hauv Vajtswv tej lus, kuv nkag siab Yaukedas lub siab. hnub uas nws muab nws tus tub tso rau ntawm Falaus tus ntxhais txhais tes, tej zaum Yaukedas yeej xav ntau heev thaum nws txiav txim muab Nws tus tub tso rau hauv Vajtswv txhais tes mus nyob hauv lub neej nyob deb thiab puv npo kev sim siab nrog txoj kev ntseeg uas pog tau tseb rau hauv nws tus tub. Kuj ib yam li kuv nyob rau hnub uas kuv cov menyuam kawm ntawv tiav, kuv zoo siab heev thaum ntsia pom tej menyuam kawm tas ntawv qib siab, hauv lub siab yeej tseem muaj txoj kev tsis qab siab. ib yam li Yaukedas muab nws tus tub cob rau vajntxwv tus ntxhais, kuv paub tias, ntawd yog lub sijhawm yuav tau tso tawm, tso tes cia lawv mus ua lawv lub neej, lub neej uas nyob rau ntiajteb no, muaj fuab cua zoo thiab kev vam meej heev, leej txiv ntawm txoj kev dag ntxias tab tom tsis zais ntsej muag tawm los muab qhov tseeb ua kom tsis yog.

Thiab Vajtswv yeej ua siab ntev tshaj. Nws yeej tseem coj kuv kev mus rau ntawm thaj chaw muaj dej qab, qhib daim duab zoo kawg nkaus rau ntawm kuv lub qhov muag txog Yaukedas txoj kev ntseeg tawg paj thiab txi txiv. Tej hnub uas ua lub neej nplua mias hauv vajntxwv Falaus lub loog, tej kev txawj ntse thiab khawv koob ntawm tebchaws Iziv yeej tshem tsis tau lub noob txog Vajtswv lub hwjchim, puv npo kev thiab ua siab ntev. Lub noob me uas Yaukedas tau ncaj ncees tseb tau tawg kaus hauv Vajtswv lub hwjchim. Vajtswv ua rau kom loj tuaj, tawg paj txi txiv. Qhov tseeb txog ib tug Vajtswv muaj hwjchim dhau ntawm txhua tiam neeg Yixalayees nyob hauv Mauxes tau loj dua tag nrho txhua lub hwjchim tsaus ntuj uas Falaus thiab tag nrho tebchaws Iziv tau pehawm. Mauxes txiav txim xaiv Nws niam txoj kev ntseeg thiab nws haiv neeg kev ntseeg, ib yam li Vajluskub tau sau tseg: “Twb yog vim Mauxes ntseeg, thaum nws hlob lawm nws tsis pub sawvdaws hu hais tias nws yog Falaus tus ntxhais tus tub. Nws txaus siab nrog Vajtswv haivneeg raug kev txomnyem; nws hais tias nws ua li ntawd zoo dua li nws yuav mus ua tej kev phem kev qias uas nyob ib nyuag ntu xwb” (Henplais 11:24-25).
Kev coj noj coj ua tebchaws Vietnam ib txwm ua rau kuv xav tias menyuam yog niam txiv li. Yog li, thaum uas ris lub nra yog ib leej niam, peb muaj cai cob qhia, taw kev thiab txiav txim rau lub neej tom ntej raws li yus lub siab nyiam. Tiamsis, Vajtswv tej lus tau qhib qhov muag thiab hloov pauv txoj kev ntsia: “Qhia menyuam kom paub ua nws lub neej, nws yuav nco ntsoov tej lus ntawd mus tas nws sim neej” (Pajlug 22:6).

Kuv thiaj pib paub tias nyob hauv kev ua ib leej niam leej txiv, Vajtswv nqua hu kom peb yuav tau ncaj ncees tseb rau hauv tej menyuam lub noob uas yog Vajtswv tej lus. Tas, nyob rau Vajtswv lub sijhawm, peb kawm tau txoj kev tso rau hauv txoj kev cia siab, muab tej menyuam cob rov rau Vajtswv hauv Vajtswv lub homphiaj raws li Vajtswv tau npaj tseg rau peb txhua tus lub neej thaum pib.
Tsau tsawv rau hauv Vajtswv txoj kev nthuav tawm, kuv ntsia pom muaj ib tug Vajtswv loj, yog tus “muaj hwjchim loj yuav ntsuas tsis tau… Yexus Khetos nyob saum ntuj ceebtsheej kav cov timtswv, kav tej vajntxwv thiab tej nomtswv uas muaj hwjchim kav hauv ntiajteb no tibsi. Yexus Khetos muaj hwjchim loj dua tej nomtswv uas sawvdaws hwm, tsis hais tiam no loss is tiam tom ntej.” (Efexaus 1:19,21), ua rau kuv muaj kev kaj siab, kub siab lug nrhiav, kawm tej uas Vajtswv qhia kom kuv nrog tej menyuam nyob ua ke.

Thov caw nrog kuv peb thov Vajtswv ua ke: Vajtswv, kuv ua Koj tsaug koj tau hlub, ntseeg thiab pub rau kuv muaj moo tau tu, qhia tej menyuam ua neej rau koj. Ua Tswv Yexus Khetos tsaug tau cawm kuv, coj kuv rov qab los rau ntawm thaj chaw uas Vajtswv twb npaj tseg rau cov uas ua niam ua txiv thaum pib. Ua Vaj Ntsujplig tsaug tab tom kav kuv, zoo siab hlo qhia, coj thiab pub kev txawj ntse kom peb ua tiav lub luag haujlwm yog ib leej niam leej txiv raws li Vajtswv lub siab nyiam zoo. Thov pab kom kuv ntseeg tias tus uas twb pub rau kuv tej menyuam kuj yog tus uas hlub tej menyuam ntau tshaj kuv yuav hlub tiv thaiv lawv zoo dua li uas kuv yuav tiv thaiv, thiab coj tej menyuam kom mus raws li Vajtswv lub homphiaj zoo uas Vajtswv tau npaj tseg rau lawv ua ntej uas tsim lub ntiajteb no los. Thov kom lub noob uas yog Vajtswv tej lus yuav rhau cag, loj hlob, tawg paj txi txiv ua rau Vajtswv tau koob meej. Kuv thov hauv Tswv Yexus Khetos lub npe, Amees.

Cov kwv tij txhua tus, Vajtswv tej lus nyob hauv Yakaunpaus 4:14 sau: “Nej twb tsis paub hais tias xyov tagkis nej txojsia yuav zoo li cas. Nej txojsia zoo li tej huab uas nyob ib pliag xwb ces twb yaj tas lawm”, sijhawm Vajtswv tso cai rau peb koom tes rau txoj kev cob qhia thiab ua qauv rau cov menyyuam yeej tsis nyob mus li. Yog li, yuav tau xyaum raws li Yaukedas tus qauv, siv txhua lub sijhawm muaj nqis uas Vajtswv pub tseb rau peb tej menyuam, tseb hauv tej menyuam tiam txuas ntxiv lub siab uas Vajtswv tso ib ncig ntawm peb, txoj kev tsimnyog uas Vajtswv tau tsim muaj, tau hlub thiab yog tus uas tej menyuam yog Nws tug. Nyob hauv tsev neeg, hauv Pawg Ntseeg, yuav tau pab kom lawv paub Vajtswv, hlub Vajtswv thiab mus hauv Vajtswv txoj kev, tas “thaum lawv laus lawm los, lawv kuj yuav tsis tso tseg”.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.