Koj puas tau muaj zaum twg hnov tias yus ib txwm swm tej kev mob txog qhov uas tsis paub tias nws yog mob lawm tau? Ua mus ua tuaj peb thooj yim zuj zus rau tej qhov txhab qub tej uas nyob twj ywm hauv qhov tsaus ntuj ntau hli. Ntau zaug, peb ntshai tsam zoo, ntshai tsam laj laj swm tus cwjpwm tshiab, ib lub neej uas tsis muaj tus duab ntawm lub txaj pw kho mob ib txwm swm. Thiab nyob rau tej hnub ntev ntawd, Tswv Yexus los thiab nug ib lo lus nug ua rau tus mloog nws xav tsis thoob: “koj puas xav kom tau kho zoo?”

Hnub no, yog hnub 18/09/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Helen R. Smith dhau ntawm Zaj kawm KOJ PUAS XAV TAU KHO ZOO?

“Koj puas xav zoo?” (Yauhas 5:6)

Tej zaum koj twb mus saib ib tug twg ntawd thaum uas lawv muaj mob. Mus saib, tseg sijhawm nrog tus mob nyob ua ke yog yam zoo. Sim rov qab nco saib zaum uas mus saib mob, koj hais li cas rau lawv? Thaum no sim xav saib tus mob lawv coj li cas yog tias koj mus saib thiab nug, “koj puas xav kom tau kho zoo?”

Mloog cuag li nws txawv, vim txhua tus uas muaj mob yeej xav kom zoo mob? Lo lus nug no mloog cuag li tsis cheem tsum. Tiamsis, nws ho yog lo lus nug uas Tswv Yexus tseg rau ib tug neeg tuag tes tuag taw nyob rau hauv zaj xwm sau tseg hauv Txojmoo Zoo Yauhas:

“Nyob hauv lub nroog Yeluxalees muaj ib lub pasdej nyob ze ze ntawm lub Roojvag Yaj thiab muaj tsib lub qabkhav nyob ncig lub pasdej; qhov chaw ntawd lus Henplais hu ua Npexathas. Muaj ib co neeg mob coob coob tuaj pw hauv tej qabkhav ntawd, cov neeg dig muag, cov neeg cegtawv thiab cov neeg tuag tes tuag taw. Yexus porn nws pw ntawd, Yexus paub hais tias nws mob tau ntev los lawm; Yog li ntawd, Yexus thiaj nug nws hais tias, “Koj puas xav zoo?” (Yauhas 5:2-6).

Yog li, tus neeg ntawd nws puas xav kom tau zoo tiag tiag? Peb caug yim xyoo ua neej nrog kab mob, ntawd yog ib ntu sijhawm ntev heev. Txoj kev mob no swm txog qhov uas puas kho tau zoo ua rau nws hnov ntshai, vim yeej tsis paub yuav zoo li cas yog tias tsis muaj lub txaj ntawd pw lawm.

Tiamsis, lub sijhawm ntawd tus neeg no nws tsis ua xyem xyav, kuj ploj mus sai. Sawv ntawm Vajtswv tej lus muaj hwjchim: “Cia li sawv, thiab nqa koj daim pam mus” nws cia li ua lawv li ntawd. Lub txaj uas nws pw tau peb caug yim xyoo thaum no nws muab kwv saum xub pwg. Txij lub sijhawm ntawd los, nws lub neej hloov pauv lawm.

Tas, cov thawj coj saib xyuas kev ntseeg tuaj (Yauhas 5:10). Lawv pom tus txiv neej no ib txwm pw ntau xyoo los thaum no ho tab tom mus kev muaj zog sis, lawv ho tsis zoo siab tiamsis lawv ho taw rau qhov uas nws ua txhaum kevcai hnub Xanpataus, vim nws kam kwv lub txaj mus. lawv thiaj nug nws heev: “leej twg kom koj mus: “cia li kwv thiab mus? ntau zaug lawv, tseem ntes Tswv Yexus vim Nws “kam” kho mob rau hnub so ntawd. Txaus nyuaj siab tshaj, lawv yeej tsis nug Tswv Yexus ib los: “Koj puas kho tau rau peb kom peb zoo?” txawm yog lawv tus ntsujplig tiag thiaj yog yam uas cheem tsum kom tau kho zoo, tsuas yog lawv tsis paub xwb.

Pauv qhov uas xav tsis thoob rau tej txujci uas nyuam qhuav tshwmsim dhau, lawv dig muag nrhiav txhua txoj kev los tawm tsam Tswv Yexus. Vim yog Nws kho mob rau hnub Xanpataus thiab lees tias Vajtswv yog Nws Txiv, lawv suav tias Tswv Yexus yog tus raug txim tuag li tus mob thiab.

Tswv Yexus paub zoo lawv tab tom nrhiav kev tawm tsam thiab txiav txim rau Tswv Yexus. Tiamsis pauv qhov uas nws hais daws nws zaj, Tswv Yexus yeej tsis ua xyem xyav. Nws yeej tsis ntshai, ntau zaug tseem hais tej lus ua rau lawv yim npau taws thiab xav tawm tsam.

“Leej Txiv tsa cov neeg uas tuag lawm sawv rov qab los li cas, Leej Tub yuav pub txojsia rau cov neeg uas nws porn zoo pub rau ib yam li ntawd. Leej Txiv tsis txiav txim rau leejtwg, tiamsis nws tsa Leej Tub ua tus txiav txim, kom txhua tus hwm Leej Tub ib yam li hwm Leej Txiv. Tus uas tsis hwm Leej Tub, tus ntawd yeej tsis hwm Leej Txiv tus uas txib Leej Tub los thiab.” (Yauhas 5:21-23).

Tswv Yexus txaus siab hlo pub txoj kev kho zoo rau tus uas mloog thiab ntseeg nws. Kuj ib yam li Leej Txiv pub txojsia, Vaj Leej tub kuj pub tau txojsia. Tsis tas li xwb, Vaj Leej Txiv twb muab txhua lub hwjchim rau Tswv Yexus lawm. Yog li peb yuav ntsib Nws los ntawm tus kho zoo lossis tus txiav txim? Nyob ntawm tus uas lees tias Nws yog tus cawm seej thiab ua tus Tswv hauv yus lub neej, Nws yog tus kho zoo peb txhua lub qhov txhab uas nyob tob tob, thiab ke yog tus txiav txim ncaj ncees yuav coj peb mus txais lub neej dawbhuv. Nyob hauv Nws, peb muaj kev cia siab ruaj khov tias yus yuav tau txais kev kho zoo, txawm yog nyob rau tiam no lossis tiam tomqab. Thiab peb yuav tsis ntshai hnub uas sawv ntawm hnub Tswv Yexus txiav txim.

Ntawm no yog Tswv Yexus tej lus xa xov rau peb txhua tus:

“Kuv qhia tseeb rau nej hais tias: tus uas mloog kuv Ius thiab ntseeg tus uas txib kuv los, tus ntawd thiaj tau txojsia ntev dhawv mus ibtxhis. Nws yuav tsis raug txiav txim, rau qhov nws twb tawm hauv txojkev tuag los tau txojsia lawm” (Yauhas 5:24).

Thov caw nrog kuv peb thov Vajtswv ua ke: Tswv Yexus, tus uas nkag siab txhua yam uas nyob tob tob. Ntau zaug, kuv ib txwm swm ua neej ua ke nrog tej kev tu siab, tej kev tub qaug thiab tej kev mob, txog qhov uas kuv hnov qab tias Nws yog tus muaj hwjchim kho zoo txhua yam. Tus Tswv, kuv xav kom tau txais kev kho zoo. Thov pub kev ntseeg rau kuv kom sawv khov kho thiab muaj lub siab tawv mus raws li Vajtswv lub suab hu. Thov hloov pauv kuv, kom txhua hnub kuv ua lub neej nyob siab tshaj qhov uas ntshai tsam raug txiav txim, tiamsis tau puv npo lub hwjchim cawmdim thiab txoj kev hlub mus ib txhis. Kuv thov hauv Tswv Yexus Khetos lub npe, Amees.

Cov kwv tij txhua tus, hnub ntawd, tus neeg tuag tes tuag taw twb sawv, kwv nws lub txaj mus, pauv qhov uas pw tos ntawm ntus pas dej. Hnub no, Tswv Yexus kuj tab tom nug koj lo lus nug ntawd: “Koj puas xav zoo?” Tej zaum, “lub txaj” uas koj pw yog qhov kev tag kev cia siab, tej uas luag hais, lossis hnov txaj muag rau tej kev txhaum. Nws tsis yuam kom koj cim civ nrhiav kev kho zoo rau tus kheej. Nws tsuas cheem tsum ib lub siab npaj txhij ntseeg thiab teb Vajtswv lub suab hu. Thaum koj teb tias: “Tus Tswv, kuv xav kom tau zoo!” Nws yuav pub lub zog rau koj kom koj sawv taus, tawm ntawm qhov chaw koj daig ntawd ntev loo thiab mus ua ke hauv txoj kev ywj pheej uas Vajtswv pub rau koj.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.