Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Puas muaj zaum twg koj cim civ tsim txom koj tus kheej los ntawm txoj kev xav tias yus tsis zoo, yus muaj ib puas tsav yam tsis zoo? Puas muaj zaum twg koj hnov tub qaug rau koj tus kheej thaum ntsia tej neeg ib ncig yus puav leej yog cov neeg ua tau haujlwm tiav, cov neeg zoo nkauj zoo nraug, cov neeg txawj ntse? Tseeb tiag yog nyob hauv lub neej no yeej tsis muaj dabtsi. Tiamsis muaj ib txoj xov zoo tseg pub rau cov neeg zoo tsis txaus li peb.

Hnub no, yog hnub 01/02/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Brooke Keith dhau ntawm Zaj kawm TXOJ KEV HLUB ZOO KAWG NKAUS PUB RAU TUS NEEG TSIS ZOO

Rau qhov kuv paub tseeb hais tias tsis muaj ib yam dabtsi yuav cais tau peb ntawm Vajtswv txojkev hlub (Loos 8:38-39).

Kuv xav tias kuv yog ib tug neeg tsis zoo nyob hauv lub neej no. Koj yuav xav tsis thoob thaum uas paub tias kuv yog tus tswj tsis tau tus kheej zoo thiab yooj yim npau taws. Kuv tib leeg yog tus nyob hauv tsev neeg muaj lub pob ntseg zoo li txiv thiab muaj lub nruab qaum tiaj tiaj thiab yeej tsis muaj duav zoo li pog. Thaum uas kuv saib kuv tus kheej hauv tsom iav, nrog tus cwjpwm thiab sab nraud tsis zoo li ntawd, tej zaug yuav pom tias kuv yog ib tug neeg zoo li txhua tus thiab xwb.

Tiamsis yeej tsis yog peb, sawv daws puav leej zoo li ntawd? Leej twg los twb muaj yam tsis txaus, thiab ntau zaug peb ho tswj tsis tau peb tus kheej thaum uas peb muab peb tus kheej piv rau tej neeg ib ncig uas cuag li zoo txaus txhua yam.

Thaum tseem kawm cấp 3, kuv muaj ib tug phooj ywg nws muaj txhua yam puav leej zoo txaus. Nws lub cev ntaj ntsug zoo nkauj heev, yog ib tug hu nkauj nyob hauv Pawg Ntseeg, yog ib tug kawm ntawv tau sawv daws qhuas txog thaum kawm xaus thiab tseem yog ib tug ntxhais zoo nkauj heev nyob hauv tsev kawm ntawv. Thaum kuv swb, nws yog tus muaj yeej. Thaum uas kuv hais tias kuv zoo tsis txaus ces tau ua rau Vajtswv nyuaj siab, ces kuv tus phooj ywg rov qab tau sawv daws qhuas txog tej yam zoo kawg nkaus ntawd, “zoo kawg nkaus” uas nws tau ua.

Txhob nkag siab yuam kev kuv, kuv yeej hlub kuv tus phooj ywg ntawd heev. Tsis yog neeg zoo xwb, nws tseem yog kuv ib tug phooj ywg zoo. Nyob rau ntawm kuv, nws yog ib qhov pov thawj ciaj sia rau tej haujlwm zoo uas Vajtswv ua dhau los ntawm Vajtswv cov menyuam. Thaum ntawd, kuv xav tias kheev lam kuv tau zoo li nws, kheev lam kuv ua tau txhua yam hauv txhua tes haujlwm, kheev lam kuv ua tau lub neej zoo dua ib mentsis. Ces tej zaug Vajtswv yuav hlub kuv ntau dua.

Txawm yog yuav poob ib lub sijhawm los, thaum no kuv pom tias txhua yam kev xav ntawd puav leej yuam kev. Vajtswv tau tsim kuv los – yog kuv ib leeg xwb. Vajtswv paub tias muaj ib hnub twg kuv yuav yuam kev, thiab Vajtswv yuav coj kuv rov qab los.

Tsis ntev los no, kuv rov qab ntsib kuv tus phooj ywg ntawd. Nws yeej tseem zoo nkauj li qub, tseem zoo nkauj thiab txais tau kev muaj yeej nyob hauv lub neej. Tshuav kuv, tom qab ntau xyoo yuam kev nyob rau hauv lub sijhawm tsis zoo, kuv zoo siab thaum uas kuv rov qab ntsib nws thaum kuv tseem zoo.

Kuj hmo ntawd, kuv mus pw lig thiab nyeem Vajtswv txojlus. Thaum nyeem txog Mathais 9:12-13, kuv yeej txwv tsis tau kuv lub qhov ncauj tsis pub kom nws txhob luag. “Yexus hnov lawv sib tham li ntawd, nws teb hais tias, “Cov neeg tsis muaj mob yeej tsis mus cuag kws tshuaj , tsuas yog cov neeg muaj mob thiaj mus cuag kws tshuaj xwb. Nej cia li mus nyeem Vajtswv Txojlus uas hais tias, ‘Qhov uas kuv xav tau yog, kom nej muaj lub siab hlub, tsis yog tus tsiaj uas muab tua theej txhoj,’ rau qhov kuv tsis yog los hu cov neeg ncaj ncees, tiamsis yog kuv los hu cov neeg txhaum.” Yog, Vajtswv yog tus uas hu kuv tus phooj ywg zoo kawg nkaus ntawd, tiamsis tshaj txhua yam, Vajtswv kuj hu cov neeg uas zoo tsis txaus li kuv los cuag nws thiab.

Txawm yog koj tab tom muaj kev sib tawm tsam txog lub neej yav dhau los lossis tamsim no los nco ntsoov tias zaj xwm txheej qhia txog Vajtswv txoj kev hlub pib los ntawm tej yam uas peb zoo tsis txaus ntawd. Vajtswv hais rau peb tias Vajtswv zoo siab vim nrhiav tau tus yaj uas mus yuam kev dua li uas cuaj caum cuaj tug tseem nyob zoo ntawm hav zaub. (Mathais 18:12-13).

Hnub no kuv xav kom koj paub tias, txawm yog koj yuav yog leej twg los Vajtswv hlub koj thaum koj tus neeg yog tus zoo li ntawd. Tiamsis vim Vajtswv hlub koj ntau dhau yog li Vajtswv yuav tsis cia koj pheej yuam kev rau ntawm yam koj ua tsis tau. Nco ntsoov kuv tej lus thiab muab kuv lub neej los ua qauv: Vajtswv txoj kev hlub tau nthuav tawm zoo kawg nkaus nyob hauv tej yam uas peb ua tsis tau zoo. Peb tus Cawm Seej muaj cuab kav pub txoj kev hlub zoo kawg nkaus rau peb, thiab koj tsis tas yuav dhau los zoo kawg nkaus mam lis txais tau txoj kev hlub ntawd.

Thov caw nrog kuv peb thov Vajtswv ua ke
Ua Vajtswv tsaug vim koj txais yuav ib tug neeg zoo tsis txaus li kuv, kom kuv tau ua koj tus menyuam uas koj hlub. Ua Vajtswv tsaug vim koj tau hlub kuv tsis yuav dabtsi, txais yuav ib tug neeg zoo li kuv. Thov Vaj Ntsujplig hloov pauv kuv txhua hnub, kom kuv dhau los zoo li koj. Kuv thov hauv Tswv Yexus Khetos lub npe. Amees.

Cov kwv tij, peb txoj kev ua tsis tiav yeej tsis yog yam yuav txiav txim siab rau Vajtswv txoj kev hlub zoo tsis txaus. Peb tsis tas yuav siv zog kom dhau tau los ua neeg zoo kawg nkaus Vajtswv mam hlub, vim Vajtswv hlub peb tus neeg tiag, hlub yam peb zoo tsis txaus thiab muaj tsis txaus, Vajtswv xav ua tus pab peb hloov pauv, loj hlob txhua hnub. nco ntsoov qhov tseeb no thiab ruaj siab rau txoj kev yuav mus tom ntej, vim paub tias peb txoj kev ua tsis tau yuav dhau los zoo kawg nkaus nyob hauv Nws.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.