Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Peb tab tom ua neej nyob rau lub ntiajteb puv npo tej kev teeb meem, muaj kev tawm tsam thiab tsis thaj yeeb. Lub neej vam meej ua rau peb ntsib lub nra nyhav, ntsib kev sim siab thiab muaj kev sib txeeb txhua hnub. Muaj coob tug lawv pom tias lawv tsis paub kev mus, tsis muaj kev ntseeg thiab yuam kev hauv qhov tsaus ntuj. Peb cheem tsum ib tug duab ci kom pom kev, taw kev thiab coj peb mus txog rau ntawm qhov chaw muaj nqis, ntawm lub homphiaj ua neej. Qhov kaj dawbhuv ntawd tsis yog los ntawm leej twg los tsuas yog los ntawm peb tus Vajtswv los ntag.

Hnub no, yog hnub 02/03/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Michael Plemmons dhau ntawm Zaj kawm TUS DUAB CI DAWB HUV

“Nej sim mloog saib, kuv sawv sab qhovrooj nraud thiab khob; yog leejtwg hnov kuv khob thiab qhib qhovrooj rau kuv, kuv yuav los hauv tus ntawd lub tsev. Kuv yuav nrog nws noj mov thiab nws yuav nrog kuv noj mov” (Tshwmsim 3:20).

Peb tab tom ua neej nyob rau ib lub caijnyoog uas tsis tau ntsib dua nyob rau hauv keeb kwm tib neeg li. Lub caijnyoog tsis tiaj tus kev tsis sib haum tshwmsim thoob plaws txhua hnub hauv lub ntiajteb no. Yeej tsis muaj ib lo lus twg yuav nthuav tawm tau nrog tej kev sim siab uas xov xwm tshaj txhua sij hawm. Kev txhawj, kev ntshai, tsis kaj siab rau lub neej tom ntej ua rau peb lub hlwb thiab tib neeg lub siab tsaus ntuj nti.

Yog li hnub no, kuv xav xa lus txhawb zog tuaj rau cov neeg uas tab tom ntsib kev txomnyem: muaj ib tug nws tshua txog koj thiab zoo siab hlo yuav cawm koj, txawm yog koj tab tom ntsib teeb meem dabtsi. Tagnrho cov tib neeg ua neej nyob hauv lub ntiajteb no puav leej ntsib teeb meem, ib leeg nyias muaj nyias ib qhov kev tu siab sib txawv. Kuv lub siab puas ntsoog kuv lub siab mob thaum ntsia pom tej kev puas ntsoog uas lub ntiajteb tab tom ntsib dhau ntawd.

Tsheej triệu tus tib neeg tab tom ntsib qhov teeb meem tsis muaj nyiaj. Lawv yog cov neeg khwv noj khwv haus. Lawv rau siab ntso ua haujlwm, pab lawv tsev neeg, coj raws li kev cai. Tiamsis vim poob haujlwm, lawv tej neeg txheeb ze muaj mob, lawv ntsib qhov teeb meem tsis muaj nyiaj uas lawv tus kheej daws tsis tau. Txhua hnub dhau mus lawv txhawj ntshai txog lub neej tom ntej tsis muaj kev cia siab, lawv tsis paub yuav ua li cas thiab cuag li yeej nrhiav tsis tau txoj kev tawm.

Nyob rau hauv lub ntiajteb uas yim hnub yim tswj tsis tau li no, peb ntshaw kom nrhiav tau lub haum phiaj tiag hauv lub neej. Kuv yeej mob siab ua ke nrog cov ntsuj plig uas tab tom nrhiav kev taug hauv lub neej uas puv npo kev txhawj. Niaj hnub no, tib neeg yuav tau ris lub nra nyhav, kev teeb meem txhua hnub – yog yam uas tiam dhau los lawv yeej tsis tau ntsib dua, los ntawm txhua caug kaum tuaj, peb raug tsim txom los ntawm ntau lub tswv yim sib txawv, yuam kom peb yuav tau nrhiav kom tau lo lus teb rau lub homphiaj thiab lub ntsiab lus hauv lub neej.

Lub ntsiab lus ntawd tsuas nrhiav tau nyob hauv Cawm Seej Tswv Yexus xwb. Nyob rau hmo ua ntej Tswv Yexus raug kev txomnyem, Tswv Yexus hais rau cov thwjtim tias Vajtswv muaj homphiaj thiab muaj txoj kev npaj dawbhuv. Tswv Yexus yog Vajtswv los yug ua neeg. Tswv Yexus los rau hauv lub ntiajteb no ua pov thawj qhia rau lub ntiajteb pom Vajtswv txoj kev hlub thiab Vajtswv txoj kev ncaj ncees. Nws txhais tes kho zoo cov neeg muaj mob muaj nkeeg, cawm cov ntsujplig tab tom tag kev cia siab. Nws tej lus yog lub siab hlub tshua thiab txoj kev nkag siab tob.

Lub ntiajteb thaum ntawd lawv muaj kev nkag siab yuam kev txog Vajtswv. Cov vajtswv cuav lawv tau ua rau tib neeg nkag siab yuam kev thiab tsim muaj ib txoj kev xav txawv Vajtswv txoj kev hlub. Tiamsis Tswv Yexus muaj ib lub homphiaj thiab muaj ib txoj kev npaj. Tswv Yexus tab tom ua ib tes haujlwm dawbhuv, kom ua tiav qhov haujlwm no, Tswv Yexus yuav tau tuag. Vim Tswv Yexus qhov haujlwm yog lub homphiaj thiab lub ntsiab lus muaj nqis pub rau tib neeg, ib zaug xwb txaus lawm.

Nyob saum Ntoo Khaub Lig, Tswv Yexus ris txoj kev txaj muag, ris tej kev txhaum thiab txoj kev txiav txim rau tib neeg dhau txhua tiam. Tiamsis Tswv Yexus tseem muaj dua lub homphiaj siab dua ntxiv. Tswv Yexus paub tias dhau ntawm nws txoj kev tuag ntawd, yuav qhib dua ib txoj kev rau tib neeg txais yuav qhov kaj dawbhuv uas yog txojsia los ntawm Vajtswv los. Txawm yog lub neej no yuav txomnyem npaum twg los, Tswv Yexus twb tuag kom cov neeg uas ntseeg Nws txais tau txojsia ntev dhawv mus ib txhis nyob hauv Vajtswv.

Ntawd yog Vajtswv lub homphiaj ntev, hloov pauv tib neeg tus ntsujplig. Tswv Yexus hais tias lub noob zaub txawm yog nws me los nws yuav loj hlob tuaj ua ib tsob ntoo loj. Thaum peb muab peb lub neej fij rau Vajtswv, Vajtswv tsis yog tsuas zam txim rau peb xwb, tiamsis tseem ci tus duab ci dawbhuv uas muaj sia muaj Vajtswv tus yamntxwv rau peb. Nws yuav hliv kom puv nkaus nws txoj kev hlub kev txhawb zaug rau peb txhua tus.

Yog li, cov ntsujplig uas tab tom txomnyem thiab tag kev cia siab, cia li mloog Vajtswv lus tab tom hu koj hnub no. Mloog Vajtswv lub suab mos muag tab tom ntxhia tuaj ntawm tej suab nrov nroo ntws nyob ib ncig ntawm koj. Vajtswv yuav ua rau kom koj tej qhov mob thiab txoj kev ttu siab hauv koj lub siab loog. Nws yuav rhuav tshem koj txoj kev txhawj ntshai, coj txoj kev kaj siab, kev hlub thiab kev tshua rau koj tus ntsujplig. Yuav hloov pauv koj txoj kev mob dhau los ua kev zoo siab, pauv koj txoj kev txomnyem los ua kev kaj siab, thiab ci pom kev rau koj lub neej los ntawm Vajtswv lub homphiaj dawbhuv.

Tseem tos dabtsi thiab, cia li txais yuav Tswv Yexus lo lus caw: “Nej sim mloog saib, kuv sawv sab qhovrooj nraud thiab khob; yog leejtwg hnov kuv khob thiab qhib qhovrooj rau kuv, kuv yuav los hauv tus ntawd lub tsev. Kuv yuav nrog nws noj mov thiab nws yuav nrog kuv noj mov” (Tshwmsim 3:20).

Thov caw nrog kuv peb thov Vajtswv ua ke.
Tus Tswv, nyob rau lub ntiajteb txhua yam ntxhov nyho li no, peb cheem tsum koj kawg li. Thov Koj tus duab ci uas yog qhov tseeb rau saum kuv, pub rau kuv muaj lub zog tshiab nyob hauv koj kom tiv taus tej kev sim siab hauv lub neej. Thov pab kom kuv caum lub homphiaj dawbhuv uas koj pub rau kuv kom kuv txoj kev sib tw khiav no nyob hauv txoj kev thaj yeeb. Kuv thov hauv Tswv Yexus Khetos lub npe. Amees.

Cov kwv tij txhua tus, Vajtswv tib leeg yog tus uas yuav pub rau peb lub neej no muaj nqis thiab muaj homphiaj thaum ua lub neej nyob rau lub neej muaj kev txomnyem no. Nws niaj hnub hlub thiab paub tseeb peb tej kev cheem tsum thiab peb tej teeb meem, nws tshua txog peb, saib xyuas peb thiab pub rau peb muaj kev kaj siab txhua feeb. Mus raws li Vajtswv lo lus caw, thiab Vajtswv yuav hloov pauv peb lub neej raws li txoj kev uas zoo tshaj plaws.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.