Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Yog tias muaj txaus nyiaj txiag thiab sijhawm, leej twg los twb xav ua kom lub tuamtsev yus pehawm ntawd zoo nkauj thiab yus lub tsev nyob kom zoo ci ntsa iab txais tos lub koob tsheej. Qhov uas peb npaj rau ib lub koob tsheej zoo muaj koob meej ntawd yog ib qhov zoo, tiamsis nco qab ntsoov tias koob tsheej Yexus yug nws ib txwm yeej zoo muaj koob meej los lawm vim ntawd yog Vajtswv lub homphiaj zoo kawg nkaus ci tuaj rau tag nrho noob neej ntiajteb. 

Hnub no, yog hnub 02/12/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Beth Duewel dhau ntawm zaj kawm IB LUB KOOB TSHEEJ MUAJ KOOB MEEJ

Tiamsis thaum txog lub sijhawm uas Vajtswv teem cia lawm, Vajtswv txib Vajtswv tus Tub los yug ua neeg, muaj ib tug pojniam yug Nws. Thiab Nws kuj coj raws li cov Yudais txoj kevcai ib yam li sawvdaws, Nws thiaj pab tau cov neeg uas Vajtswv txoj kevcai muab khi cia lawm kom lawv dim. Nws ua li ntawd, peb thiaj tau ua Vajtswv cov menyuam. (Kalatias 4:4-5)

Kuv tau pom txog tej uas kuv yuav tau muaj thaum kuv tus txiv thauj tag nrho peb tsev neeg mus ncig hauv lub xeev peb nyob xyuas tej khoom coj los tsab zam ua kom zoo nkauj rau lub caij ua koob tsheej Yexus yug. Kuv npuab kiag rau lub tsom tsheb nyob ntawm qhov rai thiab qw nrov nrov, “Oh! Peb lub qhov muag tsev yuav zoo heev yog tias nws muaj cov khoom no coj los npog rau, puas yog li ntawd koj txiv?” 

Tag nrho sawv daws yeej zoo siab thiab luag ntxhi, tiamsis kuv tus txiv paub tias yam dabtsi tab tom tos nyob rau tom hauv ntej. Tau lawm, tej zaug kuv twb muaj qee lub tswvyim lawm, piv li muab lub teeb coj mus dai rau saum ru tsev thiab pib qhov ntawd mam li muab cov hlua teeb dauv nqes rau hauv pem teb. Kuv xav tau tej lub teeb loj loj, kom cig pom kev thiab ci ntsa iab. 

Peb yeej tsis xav tias thaum peb muab cov hlua teeb dai rau, peb yuav tau muab tej kauj daus  tiag tiag uas khov cia rau saum tus kwj vuas ntawd khawb pov tseg, peb mam muab cov niag kauj daus cuav coj los dhos rau. Peb yeej tsis paub tias yuav tau poob 260 zaug mam lis lo rau cov xov teeb thiaj lis yuav nyob rau ntawm tej kwj vuas ntawd. Peb yeej tsis xav txog tias peb lub tsev yuav cig pom kev lug rau thaum tsaus ntuj ib yam li nruab hnub. 

Tau peb hnub tom qab, cov teeb nyob rau saum ru tsev kub hnyiab. Vim qhov uas muab cov teeb thiab hlua teeb coj los dhos rau tsi yog yuav tsum haum raws ntev xwb tseem yuav haum raws luv tib si. Muab hais yooj yim tias kuv cov teeb npaj cia ua koob tsheej thaum no tsis tshuav lawm. Kuv hnov txaj muag heev thaum uas kuv tau ua rau kom cov hlua teeb ntxhov, thiab tag nrho txhua yam uas yuav tsab zam rau lub koob tsheej zaum no. 

Txawm yog tej uas kuv ua nws tsis zoo lawm los, kuv yeej siv zog kom yus lub tsev cig pom kev kaj nrig txhua qhov vim kuv xav tias yuav taws kom cig txoj kev zoo siab rau txhua tus. Kuv tau muaj kev xav ua ntej tias koob tsheej xyoo no yuav zoo li cas, yuav cig thiab zoo npaum cas. Thiab thaum lub 12 hli los txog kws tshuaj tau qhia paub tias kuv txiv raug tus mob Alzheimer. Hais txog txoj kev xav, txoj kev zoo siab, txoj kev zoo nkauj ces koob tsheej xyoo ntawd yeej tsis zoo thooj li tej uas kuv twb xav lawm. Tiamsis koj puas paub tias yam dabtsi tab tom tshwmsim? 

Koob tsheej xyoo ntawd zoo kawg nkaus li, thiab tseem nco heev dua txhua xyoo tas los lawm thiab. Koob tsheej Yexus yug los txog tsis tas yuav tsab zam rau, tsis tas yuav tsim kom muaj teeb cig rau txhua qhov, thiab kuj tsis tas yuav siv zog kho txhua yam kom zoo. Thaum ntawd peb yuav muaj ntau lub sijhawm los nyob ua ke dua thiab tsom ntsoov mus rau lub ntsiab lus ntawm koob tsheej Yexus los yug, los thov Vajtswv ua ke.  Hais tau tias koob tsheej rau xyoo ntawd yog lub koob tsheej uas zoo tshaj plaws. Vim peb tsom ntsoov rau qhov kaj uas loj dua yog Tswv Yexus. 

Kuv yeej lees hais tias ntau zaug kuv tau tseg kuv lub siab xav ntsoov mus rau tej tswv yim uas yuav ua cas kom tsim muaj tej duab teeb cig kom zoo nkauj rau lub koob tsheej. Tiamsis Vajtswv lub homphiaj rau qhov uas pub txoj kev zoo siab ib txhis twb tau cig ci ntsa iab: 

“Tiamsis thaum txog lub sijhawm uas Vajtswv teem cia lawm, Vajtswv txib Vajtswv tus Tub los yug ua neeg, muaj ib tug pojniam yug Nws. Thiab Nws kuj coj raws li cov Yudais txoj kevcai ib yam li sawvdaws, Nws thiaj pab tau cov neeg uas Vajtswv txoj kevcai muab khi cia lawm kom lawv dim. Nws ua li ntawd, peb thiaj tau ua Vajtswv cov menyuam.” (Kalatias 4:4-5). 

Tswv Yexus yog qhov khoom plig zoo kawg nkaus uas yuav daws tau tej teeb meem, tej kev ntxhov siab nyob rau hauv peb lub neej. Thiab ntawm no yog Vajtswv txoj kev npaj thiab Vajtswv lub homphiaj tsis yog peb tej tswv yim loj. 

Tseeb tiag, Tus cev lus Yaxayas yeej hais ua ntej txog qhov zoo kawg nkaus nyob hauv lub tebchaws uas yog tus Mexiyas lub, yog Tswv Yexus ua tus kav: 

“Nws kev tswjhwm yuav nthuav loj zuj zus, thiab kev thajyeeb yuav muaj tsis paub kawg nyob saum Daviv lub zwmtxwv thiab thoob plaws Nws lub tebchaws. Txij no mus, Nws yuav txhim kho lub tebchaws thiab tswjhwm mus rau qhov tseeb thiab coj ncaj ncees mus ib txhis tsis kawg. Tus TSWV uas muaj hwjhcim loj kawg nkaus txiav txim siab yuav ua raws li tej no!” (Yaxayas 9:6). 

Tswv Yexus txoj kev dawbhuv zoo tshaj peb tej kev txhaum, thiab Nws txoj kev hlub tsis xaiv ntsej muag ntawd nqua hu kom peb nkag los rau hauv txoj kev sib raug zoo nrog Nws, txoj kev sib raug zoo ib txhis. Thaum txhua txoj kev tsom ntsoov puav leej tig mus rau ntawm Tswv Yexus, peb yuav saj tau txoj kev kaj siab tiag nrog rau lub ntsiab lus tiag ntawm lub koob tsheej Yexus yug, thiab ntawd thiaj yog ib lub koob tsheej uas muaj koob meej tiag.

Thov caw nrog kuv peb thov Vajtswv ua ke: Tus Tswv, thaum uas peb maj nroos npaj rau lub koob tsheej Yexus los yug no, thov ntuas kom kuv paub tig lub siab thiab tsom ntsoov rau Tswv Yexus, yog lub ntsiab tiag ntawm lub koob tsheej no, kom kuv saj tau txoj kev kaj siab tiag hauv Tswv Yexus. Kuv thov hauv Tswv Yexus Khetos lub npe. Amees.

Cov kwv tij txhua tus, yeej tsis muaj ib yam dab tsi yuav tsis yog thaum uas koj poob sijhawm, tawm tswv yim, siv sijhawm los npaj kom muaj ib lub koob tsheej zoo. Tiamsis thov txhob hnov qab tias, tag nrho tej kev npaj ntawd tsis yog ua kom koj lub koob npe nrov, tiamsis yog rub kom koj los nyob ze Tswv Yexus dua, kom pom txog Vajtswv txoj kev hlub thiab Nws lub homphiaj loj kawg nkaus, zoo kawg nkaus li.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.