Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Cov neeg Nyablaj muaj ib lo lus paj lug hais tias “noj tsau dhau ces tsis qab, npau taws heev ces poob kev txawj ntse”. Tseeb tiag, thaum peb npau taws, peb pheej cia txoj kev npau taws kov yeej txoj kev xav, dhau ntawd thiaj coj peb mus ua tej yam tsis yog kev, ua tej yam tsis zoo, ua rau tus kheej muaj kev tu siab tom qab no. Yog ib tug ntseeg, peb yuav tau ceev faj txog tej no kom peb tsis poob mus rau kev txhaum thaum peb tab tom npau taws.

Hnub no, yog hnub 03/10/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Dan Betzer dhau ntawm zaj kawm NPAU TAWS DHAU YUAV POOB KEV TXAWJ NTSE

Tsis txhob npautaws sai; tsuas yog cov neeg ruam thiaj npautaws sai xwb. (Tej Lus Qhia 7:9).

Ib lub siab xav zoo yog ib qhov tseem ceeb tuav tau rau kom koj lub neej tiaj tus, thiab zoo.

Koj puas yooj yim chim, npau taws txog qib uas ua tej haujlwm tsis zoo lawm lossis tsis muaj?

Yog li sim saib seb yam dabtsi ua rau koj tsis zoo siab? Yam dab tsi ua txhaum rau koj, ua rau koj muaj kev chim siab? Ntawd puas yog ib tug tsav tsheb tsis zoo, tsav tsheb yuav ua rau muaj tej kev phom sij? Lossis ib tug tswv ntawm tsev ua haujlwm hais lus ntau, ntxim ntxub?

Cia li saib zaj xwm txheej muaj tiag nyob hauv qab no.

Nyob rau Manila, Philippines, muaj ib tug txiv neej tau tuag thiab tshuav ib tug raug to tas thaum nkawd sib ntaus nyob rau hauv lub tsev karaoke. Qhov teeb meem tau tsim muaj yog vim lub suab hu nkauj.

Zaj xwm txheej pib yog li no: muaj ib pab neeg qaug cawv tau mus thab zes ib tug txiv neej vim lawv hais tias yawg hu tsis yog suab lawm, tsis raws suab taub. Tus txiv neej no tsis tswj tus kheej thiab tso tes khiav tiamsis nws tau sib cam nrog lawv thiab txawm cia li muaj kev sib ntaus. Pom li ntawd muaj ib tug ua haujlwm muaj li 54 xyoo tau sawv los cheem. Thaum kawg lawv nkaug riam raug thiab nws tuag. Tshuav ib tug qhov txhia chaw to tas.

Tshuav ntawm no ho yog ib qhov xwm txheej txawv thiab. Cov xov xwm nyob rau ntawm Philippines qhia paub tias ntau lub tsev hu nkauj karaoke tau tshem tawm tus yawm Frank Sinatra cov nkauj “My Way”, tshem tawm hauv cov nkauj yuav siv los hu vim tias pheej muaj tej kev sib ntaus li ntawd thaum muaj cov neeg hu nkauj pheej xaiv txoj nkauj no los hu.

Mloog cuag li zoo luag heev thaum uas lawv sib ntaus vim tej nyuag xwm txheej tsis tsimnyog. Tiamsis yog ua tib zoo xav txog yus lub neej, koj puas cim civ chim, npau taws rau tej nyuag haujlwm me, xws li tsheb daig mus tsis taus? Lossis koj lub siab nov kub heev thaum uas hnov ib tug neeg koj tsis paub hais lus tsis zoo txog koj? Lossis koj tsis nyiam thaum uas muaj ib tug neeg twg txeeb koj thaj chaw koj nyiam nyiam nyob rau hauv tuam tsev zaum lawm?

Nco ntsoov tias tus hma nws me tiamsis muaj cuab kav nrhuav tshem tag nrho kom koj vaj txiv hmab hauv lub neej puas tshuaj. Yuav tau muab cov tsiaj ntawd ntes, txhob cia lawv nrhuav tshem koj lub neej ntxiv.

“Cia li ntes cov hma thiab tej menyuam hma los rau wb ua ntej uas cov hma ntawd los rhuav wb lub vaj txiv hmab uas tab tom tawg paj ntsa iab.” (Xalumoos tej nkauj 2:15).

Vajtswv txojlus qhia

“Yog thaum twg nej chim, nej tsis txhob pub qhov uas nej chim ntawd ua rau nej ua txhaum thiab tsis txhob chim tas hnub. Tsis txhob cia dab ntxwgnyoog tau kev ntxias nej.” (Efexaus 4:26-27).

“Tsis txhob npautaws sai; tsuas yog cov neeg ruam thiaj npautaws sai xwb.” (Tej Lus Qhia 7:9).

Thov caw nrog kuv peb thov Vajtswv ua ke: Tus Tswv, thov pab kom kuv tswj tau kuv tus kheej nyob rau hauv txhua yam kuv ntsib kom coj tus cwjpwm txawj ntse, tsis tseg sijhawm rau dabntxwg nyoog muaj sijhawm nkag tau los rau hauv kuv lub neej. Kuv thov hauv Tswv Yexus Khetos lub npe. Amees.

Cov kwv tij txhua tus, muaj ntau yam nyob rau hauv peb lub neej yooj yim ua rau kom peb npau taws. Txoj kev npau taws tej zaug yuav los lub sijhawm twg los tsis paub, ntau zaug tseem yog tej nyuag xwm txheej yooj yim xwb. Yog li yuav tau ua lub neej nco ntsoov ceev faj, paub tias dabntxwgnyoog tab tom nrhiav sijhawm nkag los rau hauv koj lub neej, thaum ntawd ua siab ntev, vam khom Vajtswv kom tsis txhob muaj tej lus hais, thiab haujlwm ua tsis zoo thaum peb npau taws.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.