Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Yog tib neeg, yuav tsis muaj leej twg zam tau tias yuav tsis mob nkeeg, rau sab nqaij tawv thiab sab ntsujplig li. Ua Vajtswv tsaug Tswv Yexus tsis yog tsuas los cawm sab ntsujplig xwb tiamsis tseem coj txoj kev kho zoo los, vim Yexus Khetos lub npe yog lub uas kho zoo peb tej mob tej nkeeg ntag. 

Hnub no, yog hnub 05/12/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Ashley Key dhau ntawm Zaj kawm YEXUS KHETOS LUB NPE: TUS KHO ZOO MOB NKEEG

“Twb yog vim peb tej kev txhaum nws thiaj raug ntaus nqaij ntuag ntshav nrog, twb yog vim tej kev phem uas peb ua, nws thiaj raug nplawm. Qhov uas nws raug txim txomnyem ntsuav, yog pab kom peb tau nyob kaj siab lug, nws raug nplawm twb yog kho kom peb tej kev mob kev nkeeg zoo”. (Yaxayas 53:5).

Vajtswv hais rau cov neeg Yixalayees nyob rau hauv Khiavdim 15:26 tias: “Tus Tswv hais rau lawv hais tias, "Yog nej mloog kuv Ius thiab ua raws li kuv lub siab nyiam, thiab muab siab npuab kuv tej kevcai txhua nqe huv tibsi, kuv yuav tsis rau txim rau nej kom muaj mob muaj nkeeg li uas kuv tso rau cov Iziv. Kuv yog tus Tswv, tus uas kho nej tej mob tej nkeeg”. 

Nyob rau hauv ntu Vajluskub no, Vajtswv yog tus nthuav qhia Nws lub npe tias Nws yog – tus Tswv Rafas lub ntsiab txhais tias yog tus kho zoo tej mob tej nkeeg. 

Hauv Yaxayas 53:5 kuj hais txog tus kws kho mob ib yam li ntawd: “Twb yog vim peb tej kev txhaum nws thiaj raug ntaus nqaij ntuag ntshav nrog, twb yog vim tej kev phem uas peb ua, nws thiaj raug nplawm. Qhov uas nws raug txim txomnyem ntsuav, yog pab kom peb tau nyob kaj siab lug, nws raug nplawm twb yog kho kom peb tej kev mob kev nkeeg zoo”. 

Nqe Vajluskub no taw txog Tswv Yexus, tus tub qhe uas tiv kev txomnyem, tus ris peb tej kev txhaum saum Ntoo Khaub Lig. Thiab los ntawm tej uas Nws raug nplawm, tsim txom sab nqaij tawv uas Tswv Yexus ris, thiab thaum kawg tuag saum Ntoo Khaub Lig, peb tau kho zoo rau txhua sab, thiab txhua txoj kev. 

Hnub no koj puas tab tom tiv ib tug mob twg hauv koj nruab nrog cev? Koj puas tab tom tawm tsam nrog txoj kev mob siab hauv kev hlub, muaj kev tu siab, lossis sab ntsujplig puas tshuaj? Kiag tamsim no, cia li muab qhov tseeb no cim nco rau hauv koj lub siab thiab koj lub hlwb: Tswv Yexus yog tus Tswv kho zoo, yog peb tus kws tshuaj uas muaj hwjchim. Nws yog peb txoj kev ua neej thiab yog peb lub homphiaj ua neej nyob txhua hnub, peb yuav tau txais kev kho zoo ntawm tej mob nkeeg thiab txhua yam phem uas tab tom tawm tsam peb. 

Thov caw nrog kuv peb thov Vajtswv ua ke

Ua Tswv Yexus Koj tsaug vim Koj yog tus kho mob nkeeg, tau los rau hauv lub ntiajteb no cawm ib tug neeg txhaum phem zoo li kuv. Thov Koj lub hwjchim kho zoo kuv hnub no, kho zoo kuv txhua lub qhov txhab, thiab pub lub hwjchim rau kuv kom kuv ncaj ncees rau Koj mus ib txhis. Kuv thov hauv Tswv Yexus Khetos lub npe. Amees.

Cov kwv tij txhua tus, Tswv Yexus – yog tus kho zoo mob nkeeg yuav cawm kom koj dim ntawm txhua txoj kev mob ntawm sab nqaij tawv mus rau sab ntsujplig tib si. Vajtswv yuav muab  tej qhov nkhaus ceem kom rov ncaj, ua rau kom koj dhau los ua ib tug tshiab nyob rau hauv Nws. Hnub no, cia li tuav Tswv Yexus lub npe thiab taij thov Vajtswv txoj kev kho zoo rau koj thiab rau tej neeg ib ncig koj. Thiab cia siab tias qhov tseeb no yuav txhawb koj kom koj saj tau ib lub koob tsheej tau txais koob hmoov zoo.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw: [email protected]. Tswv Yexus hlub koj.Thiab peb xav kom txuas tau nrog koj.