Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Thaum tab tom zaum rooj ntawm Tuam Tsev tagkig hnub so pehawm, tamsis ntawd txawm cia li muaj ib tug neeg thov khawv qias ntsuav tsw kauv los zaum ze koj. Koj yuav ua ua li cas? Koj yuav sawv thiab nrhiav kev khiav mus, los yog yuav txav mus ti ti thiab nug saib puas muaj yam yuav pab tau lawv? Koj tes haujlwm puas yuav nthuav tawm Tswv Yexus txoj kev hlub? 

Hnub no, yog hnub 06/07/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Diane Markins dhau ntawm Zaj kawm HLUB TUS NEEG TSIS TSIMNYOG HLUB

“Ua neeg siab dawb siab zoo, koj lub neej thiaj yuav vammeej. Pab lwm tus, luag thiaj yuav pab koj” (Pajlug 11:25).

Kuv nyuam qhuav nyeem phau “Under the Overpass – Nyob hauv qab choj” tus sau yog Mike Yankoski, yog ib zaj xwm txheej muaj tiag tham txog ob tug tub hluas xav ntsib dhau lub neej tsis muaj tsev. Nyob rau ntau hli , nkawd ua neej nyob tom tej kev hauv nroog Denver, Washington D.C., Portland, San Francisco, San Diego thiab kuv lub zej zog, Phoenix. 

Nkawd kawm tau tias “Cov neeg tsis muaj tsev nyob” raug suav zoo li cov neeg tuag lawm, thiab raug cem saib tsis taus. Lawv mus pehawm txhua hnub thiv, thiab cuag li yeej tsis tau txais tos zoo. Vim lawv hnav tsis zoo thiab muaj tus pa tsw ntxhiab tawm ntawm lawv tuaj. Lawv ntau zaug tseem raug muab raws tawm hauv ib lub tuam tsev nyob rau hauv peb lub nroog. 

Sau hais txog lub nroog Phoenix, tus sau hais tias: “Peb tau ntsib dhau tej yam loj, tej tuam tsev loj, thiab ntsib tej kev sib ntsib loj, tiamsis saj tsis tau txoj kev hlub nthuav tawm nyob rau ntawm txhua tus, tseg rau ob tug neeg taug kev tsis zoo li wb no”. 

Feem ntau peb yeej tsis lees hais tias yus yog tus ua saib tsis taus lwm tus lossis yus tsis muaj lub siab txais tos qhua, tiamsis kuv tsis paub tias xyov peb puas yuav zoo siab thaum uas muaj ob tug txiv neeg qias ntsuav, tsw ntxhiab xav zaum ze peb nyob rau hauv tuam tsev, lossis zaum ke nrog peb noj mov tom qab pehawm. Kuv lees hais tias kuv yuav yog thawj tug neeg khiav mus rau lwm qhov. 

Tej zaug peb ntaus nqi rau lawv hais tias lawv yog tus tub nkeeg, lossis quav yeeb, thiab siv zog zam kom dhau ua ntej uas lawv yuav vam kom peb ib yam dab tsi twg. Tus sau Yankoski qhia paub txog cov tib neeg uas yawg ntsib nyob rau hauv zaum uas “mus sim no” tsis yog tamsim lawv txawm cia li mus ua neeg pluag li no. Tej ntawd nws maj mam tshwm los raws li lub sijhawm, thiab xaus los ntawm tej xwm txheej ua rau lawv lub neej puas tshuaj tag. 

Peb yuav tau nco ntsoov txog Tswv Yexus txoj kev tuag uas Nws tau ua, thiab tej yam ntxwv uas Tswv Yexus tau ua nthuav qhia. Kuv tsis yog tsuas hais txog Tswv Yexus txoj kev tuag uas txaus ntshai ntawd xwb tiamsis tseem yog lub sijhawm Tswv Yexus nrog cov neeg tsw ntxhiab nyob ua ke, ntsib txhua hnub. Tswv Yexus tau nrog lawv sib tham, nrog lawv noj mov ua ke, chwv lawv thiab tshua txog lawv. Thiab Tswv Yexus kuj xav kom peb yuav coj ib yam li ntawd. 

“Tus Vajntxwv yuav teb lawv hais tias, 'Kuv qhia tseeb rau nej hais tias, qhov uas nej tsis pab cov neeg no tus uas yau dua cov, ces yog nej tsis pab kuv ntag” (Mathais 25:45). 

Peb puas tab tom khiav raws li lub koob npe npaj tej lub homphiaj loj tiamsis kev hlub ho me heev? Txawm yog tus ntawd yuav yog ib tug neeg tsw kauv lossis muaj tus yamntxwv “tsw ntxhiab” los peb yuav tau mus rau ntawm lawv, siv ib mentsis sijhawm los mloog, txhawb lawv, saib seb peb puas yuav pab tau lawv tej kev cheem tsum li cas. Ib mentsis zaub mov noj, ib lub ntsej muag luag ntxhi, ib lo lus hais zoo lossis muaj ib lub pob ntsej mloog hais yuav nthuav tawm Vajtswv txoj kev hlub tseg rau lawv – cov tib neeg uas lawv yeej ib txwm tsis tau txais tau tej qhov khoom plig zoo li ntawd. 

Tsis paub cov neeg uas peb ntsib puas paub tias peb yog cov ntseeg dhau ntawm peb txoj kev hlub? Puas muaj yam dab tsi koj yuav tau hloov pauv kom koj txoj kev sib raug zoo nrog Yexus Khetos tau nthuav tawm meej meej? Thaum koj hlub tshua lwm tus, koj yuav txais tau txoj kev hlub ntau tshaj. 

“Ua neeg siab dawb siab zoo, koj lub neej thiaj yuav vammeej. Pab lwm tus, luag thiaj yuav pab koj” (Pajlug 11:25).

Thov caw nrog kuv peb thov Vajtswv ua ke

Leej Txiv! Kuv hnov kuv tsis zoo thaum uas kuv tsis hlub lwm tus ib yam li Koj tau hlub kuv. Kuv thov lees txim txog tej zaug uas tau txhob txwm zam dhau thiab tsis nthuav tawm txoj kev hlub tseg rau cov neeg uas tsis muaj hmoo li kuv. Txij no mus, thov Koj ntxiv zog kom kuv muaj lub siab txav mus rau ntawm cov neeg uas tsis tsimnyog hlub, kuv tshua lawv thiab nrhiav kev pab lawv los ntawm kuv lub peev xwm. Thov pab kom kuv nthuav tawm Koj tus duab dhau ntawm kuv txhua tes haujlwm. Kuv thov hauv Tswv Yexus Khetos lub npe. Amees.

Cov kwv tij txhua tus, lwm zaug yog ntsib ib tug neeg tsis muaj tsev nyob, cia li sim mus kom ze lawv thiab muab tej uas koj muaj pub rau lawv: ib khob dej, ib lub ncuav, lossis tsuas yooj yim yog ib lo lus nug lawv. Ntseeg tias lawv yuav pom txog Tswv Yexus txoj kev hlub, tus uas tau siv tag nrho Nws lub neej los ua haujlwm pub rau cov tib neeg muaj lub neej tsis tsimnyog hlub ntawd. Cia li ua rau kom txoj kev hlub ntawd tsw qab mus rau txhua qhov, kom txhua tus puav leej paub tias peb yog Vajtswv cov menyuam mog phooj ywg!

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.