Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Lus taw kev pab kom peb mus txog rau ntawm thaj chaw peb yuav mus tsis tas poob sijhawm ntau los nrhiav kev. Tiamsis ntau zaug twb muaj cov lus taw kev lawm los peb yeej tseem mus yuam kev, vim tej zaug tau nkag siab yuam kev cov lus taw kev no. Cov ntseeg Vajtswv yuav tau ua tib zoo mloog thiab nkag siab zoo txog tej lus taw kev hauv Vajtswv txojlus kom peb tsis mus yuam kev.

Hnub no, yog hnub 06/10/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kathy Schultz dhau ntawm zaj kawm LUS TAW KEV

Tus TSWV thov qhia kom kuv paub Koj txoj kev qhia kom kuv paub tej kev no tseeb (Ntawv Nkauj 25:4).

Puas tau muaj zaum twg koj tau lwm tus taw kev tiamsis ho tsi nkag siab tej lus taw kev ntawd? qhov no tau raug rau kuv nyob rau hnub tas los.

Kuv tus phooj ywg taw kev hauv xov tooj rau kuv kom kuv mus saib nws lub tsev tshiab nyuam qhuav yuav tau. Kuv xav tias nrhiav kev mus kuj tsis khwv pes tsawg, thaum uas twb muaj kuv tus phooj ywg qhia kev. Vim xav pom lub tsev tshiab sai kuv tau cim civ tsav tsheb mus. Kuv maj mam mus hla dhau tej ntawv ceeb toom, tej kev cais, tiamsis tsis nkag siab tau cuag li kuv tau hnov qab ib yam dab tsi lawm. Yeej tsis yooj yim kom uv leeg tias kuv tau mus yuam kev lawm.

Kuv twb muaj cov lus taw kev tau muab sau cia rau hauv ntawv zoo zoo lawm. Yog li yam dab tsi tau tshwm sim? Kuv tsav tsheb rov qab, ua tib zoo saib seb yuam kev qhov twg. Thaum kawg, thaum tag kev cia siab, kuv rov qab hu xov tooj ib zaug ntxiv rau phooj ywg. Nws luag thiab tawb kuv me ntsis tiamsis kuj zoo siab thaum uas rov qab hais dua ib zaug ntxiv txog cov lus taw kev.

Ntseeg tsis tau kiag li. Kuv tus phooj ywg taw kev tias mus hla dhau lub teeb daj liab ntsuab, tiamsis kuv ho mloog tias cais mus rau sab xis dhau ntawm lub teeb daj liab ntsuab. Tsuas yog mloog yuam kev ib lo lus xwb yuav yog ib yam tsis zoo kiag li.

Tiamsis dhau ntawm qhov no, Vajtswv kuj qhia ib zaj kawm tseem ceeb rau kuv. Kuv puas ua tib zoo mloog Nws tej lus kom yog lawm los tsis tau? Lossis kuv mloog tsis txog chaw thaum kawg kuv mus yuam kev rau lub ntiajteb no. Puas yog kuv xav tias tej no tsis muaj ib yam twg tshiab li, tej no tsis muaj dab tsi khwv yog li tsis tas yuav ua tib zoo mloog? Ua Vajtswv tsaug uas kuv tau hu thiab txais tau kev pab yog ntawm Vajtswv thaum uas kuv mus yuam kev. Vajtswv ua tib zoo rov qab hais tej lus taw kev ntawd kom yog rau kuv kom kuv rov qab tig los taug txoj kev yog.

Nyeem Vajluskub, thov Vajtswv thiab xav txog Nws txojlus yog txoj kev pab kom mus yog kev. Zoo kawg thaum uas peb paub tias peb tsis mus yuam kev rau thaj chaw tsis muaj kev cia siab?

“Tus TSWV thov qhia kom kuv paub Koj txoj kev qhia kom kuv paub tej kev no tseeb, qhia kom kuv ua neej raws li Koj txoj kev tseeb, rau qhov Koj yog kuv tus Vajtswv uas cawm kuv dim. Kuv yeej ibtxwm cia siab rau Koj.” (Ntawv Nkauj 25:4-5).

“Vajtswv txojlus txhua zaj puavleej yog Vajtswv tshoov neeg lub siab kom neeg sau. Vajtswv txojlus yog txoj uas qhia qhov tseeb, qhuab ntuas tus uas ua txhaum, pab tau tus uas ua yuam kev, thiab qhia kom sawvdaws paub ua lub neej ncaj ncees. Vajtswv txojlus qhia li ntawd kom tus uas ua Vajtswv txoj haujlwm thiaj paub txhij thiab txawj ua txhua yam haujlwm zoo.” (2 Timautes 3:16-17).

Lwm zaum thaum hnov leej twg taw kev, kuv mam kom lawv rov qab hais dua. Yog kuv nyeem Vajtswv tej lus taw kev hauv Nws txojlus, kuv mam nyeem mus nyeem los kom nkag siab yog. Kuv mam siv sijhawm ntau los mloog Vajtswv lub suab hauv kuv txoj kev thov Vajtswv. Nco ntsoov tias qhov no tseem ceeb vim tsuas yog peb nkag siab yuam kev ib me ntsis xwb kuj ua rau koj yuam kev rau tod tsis muaj kev cia siab li.

Thov caw nrog kuv peb thov Vajtswv ua ke: Tus Tswv, thov pab kom kuv paub ua tib zoo nyeem, kawm thiab xav Koj txojlus kom txais tau koj tej lus taw kev meej meej, kom mus raws li Koj lub siab nyiam. Kuv thov hauv Yexus Khetos lub npe. Amees.

Cov kwv tij, yog kom tsis mus yuam kev, tsis poob mus rau ntu tsis paub mus qhov twg tag kev cia siab, koj cia li siv sijhawm los mloog Vajtswv tej lus thiab nkag siab kom meej txog Nws tej lus taw kev. Lub neej no yim muaj haujlwm ntau tsis muaj sijhawm khoom koj yim yuav tau npaj ib lub sijhawm twg los cuag Vajtswv, tsis yog tsuas nyeem Vajluskub xwb tiamsis tseem muaj sijhawm los xav thiab nkag siab kom zoo txog Nws txojlus.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.