Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Peb txhua tus ib leeg nyias yeej muaj nyias tej yam uas zoo tsis txaus. Txhua tus puav leej yuav muaj zaum hnov tub qaug rau tej yam uas tus kheej ua tsis tau. Tiamsis koj puas paub, Vajtswv tsis ntsia saib peb los ntawm tej yam uas peb ua tsis tau. Vajtswv hlub peb txog qib uas tsuas ntsia pom peb txhua tus txoj kev zoo nkauj uas yog Vajtswv cov menyuam xwb. Vajtswv xav kom peb mloog Vajtswv lub suab hlub mos muag ntawd tshwm nyob rau hauv peb txhua tus lub siab.

Hnub no, yog hnub 07/03/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Martha Noebel dhau ntawm Zaj kawm KUV ZOO NKAUJ KAWG

“Tus Tswv uas yog nej tus Vajtswv yeej nrog nraim nej nyob; nws lub hwjchim ua rau nej kovyeej lawm! Tus Tswv yuav txaus siab kawg rau nej vim nws txojkev hlub, nws yuav pub nej muaj lub neej tshiab. Nws yuav hu nkauj thiab zoo siab heev rau nej” (Xefaniyas 3:17)

Ntau zaug nyob hauv lub sijhawm thov Vajtswv, peb pheej cim civ nug peb tias: “Vajtswv puas hnov kuv lub suab?” muaj ntau zaug peb khuab xeeb tsis paub Vajtswv puas tshua txog peb lub neej. Peb xav hnov Vajtswv lub suab hais tias Vajtswv hlub tshua. Qhov no mloog cuag li tsis tshua yog kev, puas yog? Peb paub tias Vajtswv tab tom ua tus saib xyuas tag nrho peb lub neej. Yog li tej ntawd tsis yog qhov teeb meem uas peb yuav txhawj.

Hnub no kuv mloog ib zaj nkauj, lub ntsiab lus hais tias “Koj zoo nkauj kawg”. Thaum lub suab nkauj pib nrov, kuv txawm cia li pom ntau yam. Zaj nkauj hais txog ib leej txiv nws tos nws tus ntxhais hlob tau yug los. Kws tshuaj hais tias muaj ib qhov xov tsis zoo yuav ua rau yawg tag kev cia siab. Yawg tus ntxhais nyuam qhuav yug los yeej muaj zog tiamsis zoo tsis txaus. Tus ntxhais muaj ib qhov tsis zoo txog sab nqaij tawv. Zaj nkauj tsis qhia paub tias xyov tsis zoo qhov twg, tiamsis qhov xwm txheej tom qab ntawd ua rau kuv kua muag poob.

Leej txiv mus rau ntawm nws tus ntxhais thiab muab puag hauv xub ntiag. Yawg puag yawg tus menyuam thiab hais tias: “Koj zoo nkauj heev”. Nyob rau hauv ib lub ntiajteb uas sawv daws puav leej tsis txais tej yam tsis zoo, qhov uas leej txiv coj li ntawd ua rau kuv xav tsis thoob. Yawg tsis quav ntsej txog yam tsis zoo ntawm nws tus menyuam, yawg tsuas yog hlub nws tus menyuam tag siab tag ntsws Tsis tas li ntawd, tus ntxhais ntawd yog yam uas zoo tshaj plaws nyob rau hauv yawg lub neej. Yawg hais tias txawm zoo li cas los yog yuav tso tag nrho lub ntiajteb no tseg pauv yawg tus ntxhais los, yawg yeej yuav xaiv yuav tus ntxhais. Mloog txog qhov no, kuv tauv tsis tau kuv lub kua muag. Zaj nkauj muaj nqis heev.

Zaj nkauj ua rau kuv nco txog Tswv Yexus. Tswv Yexus tso nws lub zwm txwv ci ntsa iab tseg tuag theej rau cov neeg tsis tsimnyog zoo li peb. Nws maj mam hais zoo li leej txiv tau hais rau nws tus menyuam. Koj zoo nkauj kawg. Txoj kev zoo nkauj ntawd yog tag nrho tej uas Vajtswv ntsia pom thaum Vajtswv saib peb. Vajtswv tsis quav ntsej txog yam tsis zoo, tiamsis tsuas pom yam zoo nyob hauv nws cov menyuam xwb. Tsis saib peb zoo li cov neeg puas tsuaj, tiamsis saib peb zoo li cov menyuam nyob hauv qhov kaj thaum mus rau ntuj ceebtsheej: zoo kawg nkaus.

Nyob hauv zaj nkauj kuv hais txog muaj ib ntu hais tias:
Koj zoo nkauj kawg. Zoo nkauj rau txhua feem. Koj zoo nkauj kawg. Txiv niaj hnub tos hnub no
Txawm yuav muab lub ntiajteb los pauv los txiv yeej tsis kam.
Vim koj zoo nkauj heev.

Peb pom tias peb zoo nkauj heev puas yog? Peb puas paub tias Vajtswv hlub peb npaum cas? Ntau zaug peb cim civ nug: “Vajtswv puas pom kuv zoo nkauj?” Txoj kev hlub uas Vajtswv tseg rau peb zoo nkauj kawg li. Tswv Yexus tau tuag kom peb thiaj saj tau txoj kev hlub zoo kawg nkaus ntawd. Tswv Yexus muaj ntau zaug twb hais rau peb tias: “Koj zoo nkauj kawg. Koj puas hnov txiv tab tom hais?”

Vajtswv yeej tseem hais mus hais los lo lus ntawd rau peb txhua tus niaj hnub nim no. Peb puas hnov cov ntsiab lus ntawm zaj nkauj uas Vajtswv maj mam xa los rau peb? “Koj zoo nkauj kawg. Koj puas hnov txiv lub suab?”

“Tus Tswv uas yog nej tus Vajtswv yeej nrog nraim nej nyob; nws lub hwjchim ua rau nej kovyeej lawm! Tus Tswv yuav txaus siab kawg rau nej vim nws txojkev hlub, nws yuav pub nej muaj lub neej tshiab. Nws yuav hu nkauj thiab zoo siab heev rau nej” (Xefaniyas 3:17).

Thov caw nrog kuv peb thov Vajtswv ua ke.
Ua Leej Txiv tsaug vim tau hlub kuv txawm yog kuv yeej zoo tsis txaus. Thov Vajtswv koj qhib kuv lub siab lub hlwb kom kuv hnov koj tej lus hlub. Thov kom kuv lub neej no yuav nthuav tawm koj txoj kev hlub kev zoo rau lub ntiajteb tau pom. Kuv thov hauv Tswv Yexus Khetos lub npe. Amees.

Cov kwv tij txhua tus, txawm yog peb yog cov neeg ua tsis tau dabtsi los Leej Txiv uas yog Vajtswv tus muaj hwjchim, Nws txoj kev hlub yuav hliv kom puv nkaus rau peb qhov txhua chaw tsis zoo, ua rau peb kom dhau los zoo kawg nkaus ntawm Vajtswv xub ntiag. Thov kom peb yuav ua lub neej nrog qhov tseeb zoo kawg nkaus no thiab muaj lub siab tawv tig los rau ntuj ceebtsheej, nyob hauv leej txiv txhais tes muaj kev hlub.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.