Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Koj puas tab tom ua lub neej muaj kev hlub thiab muaj zog? Yog tias muaj cia li ua Vajtswv tsaug rau Nws txoj koob hmoov. Tiamsis kuj tsis txhob hnov qab tias peb lub hnub nyoog nyob rau hauv Vajtswv txhais tes. Yuav tau paub saib txhua hnub muaj nqis thiab siv kom txawj ntse.

Hnub no, yog hnub 08/10/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Sandra Felton dhau ntawm zaj kawm THOV QHIA PEB PAUB SUAV PEB TXHUA HNUB

Thov Koj qhia kom peb paub hais tias peb txojsia luv kawg li, peb thiaj yuav xeev los ua neeg ntse. (Ntawv Nkauj 90:12).

Pom lub qe (bi) poob hauv kuv lub hnab tshos los, kuv rov nco txog kuv tau muab nws qhov twg los. Tom qab kev pehawm Vajtswv hauv tuam tsev tas, kuv tau nrog tij laug Walt sib tham thiab nws tau muab lub qe (bi) ntawd rau kuv. Tij laug Walt pheej nqa tej qe (bi) no tuaj hauv tuam tsev muab pub rau tej menyuam.

Walt thau ib lub los tuav ntawm tes, nws hais rau kuv “Ntawm no yog thiv tas los, ib thiv zoo kawg”

Tom qab nws txhais lub ntsiab lus uas nws nyuam qhuav hais. Txawm yog tab tom ua neej zoo siab luag ntxhi, muaj zog los, nws xav suav seb nws tseem ua neej nyob tau pes tsawg thiv ntxiv dhau ntawm qhov uas nws npaj ib lub taub ntim cov qe (bi) thiab suav tias ib lub qe (bi) piv txwv rau ib lub thiv. Thiab txhua thiv thaum hnub so, nws thau ib lub tawm hauv lub taub thiab saib cov qe (bi) tab tom tas zuj zus. Tej no txhawb rau Walt paub txog qhov tseem ceeb ntawm txhua hnub, pab kom nws nkag siab tias lub neej no muaj nqis npaum cas.

Yog hais txog qhov uas tswj lub sijhawm ces peb txhua tus puav leej muaj sijhawm los ua tej yam tseem ceeb cheem tsum yuav tau ua. Tiamsis sijhawm muaj nrim. Nyob ntawm tus ntseeg Vajtswv, lub taub ntim qe (bi) ntawd piv rau peb txoj sia uas Vajtswv twb teem tseg rau peb lawm.

Tus sau Ntawv Nkauj 90:12 tau nthuav qhia

“Thov Koj qhia kom peb paub hais tias peb txojsia luv kawg li, peb thiaj yuav xeev los ua neeg ntse.” (Ntawv Nkauj 90:12).

Hais tseeb tiag kuv yeej tsis xav txoj hau kev uas Tiglaug Walt tau xav vim nws tsis tshua zoo thaum uas xav txog lub neej tab tom yaig mus zuj zus txhua hnub. Tiamsis nws lub tswv yim muaj ib qhov zoo yog tias peb xav mus rau lub ntsiab yog. Ntawd yog peb tab tom muaj ntau lub qe (bi) zoo nkauj coj los siv raws li txoj kev uas peb xav.

Yog li, yam zoo tshaj plaws yuav tau thov Vajtswv pab peb ua ob yam ib yam li tus sau Ntawv Nkauj tau taij thov, ntawd yog:

• Thov Vajtswv qhia kom peb paub suav peb tej hnub nyoog. Suav txhua hnub kom peb paub ua Vajtswv tsaug txog txhua hnub tseem tau muaj sia nyob thiab paub tias Vajtswv yog thiaj yog tus tswv, Nws yog tus tuav peb lub neej tom ntej thiab peb txojsia.

Txuas ntxiv yog:

• Thov Vajtswv pab kom peb paub siv txhua hnub txawj ntse. Siv txhua hnub uas Vajtswv pub ua kom muaj nqis tuaj, kom Vajtswv tes haujlwm tawg paj txi txiv thiab yus tus kheej kuj loj hlob dua.

Thov caw nrog kuv peb thov Vajtswv ua ke: Tus Tswv, thov qhia kom peb paub suav peb txhua hnub nyoog, thiab thov pub txoj kev txawj ntse rau peb kom ua lub neej txhua hnub uas Koj pub rau peb kom tsimnyog, muaj nqis thiab tsis hnov khuv xim. Kuv thov hauv Yexus Khetos lub npe. Amees.

Cov kwv tij, saib lub neej tamsim no, koj puas pom tias yus tab tom ua yus lub neej no txawj ntse? Yam twg yog yam koj yuav tau hloov kom txhua hnub koj ua lub neej dhau los muaj nqis dua rau Vajtswv tes haujlwm thiab rau koj tus kheej?

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.