Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Tej qub txeeg qub teg uas peb tseg cia rau tej menyuam tsis yog thaum twg twb yog tej liaj teb, nyiaj txiag tiamsis tseem ceeb dua ntais mas yog tus qauv kev ntseeg. Yog tsis ua zoo ceev faj ces tag nrho tej uas peb tseg cia ntshe yog txoj kev iab siab tau muab tseb rau hauv lawv lub siab rau tiam txuas ntxiv. 

Hnub no, yog hnub 09/03/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Cheryl Crofoot Knapp dhau ntawm Zaj kawm TEJ QUB TXEEG QUB TEG TSEG CIA

Tiamsis Yexus hu cov menyuam yaus los cuag nws thiab hais tias, "Cia li tso cov menyuam yaus los cuag kuv, tsis txhob txwv lawv, rau qhov Vajtswv lub Tebchaws yog cov neeg uas muaj lub siab zoo li cov menyuam yaus no tug (Lukas 18:16).

Ib hnub tshiab pib kuj zoo li txhua hnub, tsuas yog nkawm khau nws cia li dua twg lawm xwb. Dickie xav tsis thoob thaum uas xav tias ntshe yuav mag mus kawm ntawv lig thiab ntshai tsam raug niam txiv cem. Nws ob lub pob ntseg me me hnov xav txaus ntshai heev thaum uas yuav tau hnov tej lus cem tsis zoo txog tej uas nws tus kheej tau ua tsis tau thiab tsis tiav. 

Dickie muab nws lub chav rau ris tsho tshawb ntxhov nyho zaum kawg, muab lub tsho nyob saum plag tsev tshem mus thiab pom nkawm khau twb khaub hlab tas. Dickie maj nroos muab taw ntxig rau hauv nkawm khau, maj mam nqes saum tus ntaiv los, mus rau tom tsev kawm ntawv. 

Dickie muaj ib hnub nyob hauv tsev kawm ntawv dhau mus tso siab lug. Thaum tsaus ntuj nws hais lus noj qab nyob zoo rau tej phooj ywg thiab  sib ncaim taug kev taw los mus tsev, sawv ntawm tus qib ntaiv thiab xav tsis thoob thaum uas qhib qhov rooj: “sawv daws dua twg tas lawm?” 

Nrhiav chav no mus rau chav tod, nws pheej hu “txiv, niam” – tiamsis tsis muaj leej twg teb. Tsis muaj niam muaj txiv. Kuj tsis muaj khoom dab tsi. Zaum hauv lub tsev du lug, nws zaum tos niam thiab txiv nkawd los. Tsis nkag siab vim li cas tiamsis qhov xwm txheej ntseeg tsis tau ntawd cia li tshwm tuaj- nkawd hnov qab hais qhia rau nkawd tus tub tias hnub ntawd lawv tsev neeg yuav khiav mus nyob rau lwm qhov. 

Tus neeg lub npe hu ua Dickie ntawd yog kuv txiv ntag. Thaum uas tham rau kuv mloog qhov xwm txheej no, txiv los kua muag thiab mob siab ntswj lees. Tiamsis kuj pab rau kuv nkag siab tau tias vim li cas txiv ho coj tus cwjpwm nruj heev tseg rau kuv thaum uas kuv ua ntau yam tsis tiav thiab zoo tsis txaus.  Tsis muaj leej twg yuav muab pub tej uas yus tsis muaj – txiv tsuas siv zog xyaum ua raws li tej uas txiv tau luag qhia xwb. 

Thaum uas kuv cov tub tseem yau, kuv hais rau lawv tias kuv hlub lawv. Thaum lawv ua tej yam tsis yog, kuv kuj tsis tau muaj ib zaum twg hais rau lawv tias “lawv yog tus ruam”. Tiamsis kuv cem lawv ntau heev kuv tsis paub tias ntawd yog tej qub txeeg qub teg uas kuv tau txais los ntawm kuv pog thiab yawg lawv los. Kuv chim heev rau kuv tus kheej txog tus yamntxwv tau ua rau tej menyuam. Kuv thiaj siv zog thov Vajtswv pab tiamsis yeej tseem tso tsis tau pov tseg cuag li tej no yog tej uas ib txwm muaj nyob los. 

Kuv cim civ nug tias yus ntseeg Vajtswv vim li cas yus ho tso tsis tau qhov uas pheej cem neeg no tseg? Qhov tseeb yog kuv tau ua tsis yog raws li txojcai nyob rau hauv Vajluskub puag thaum pib los “Qhia menyuam kom paub ua nws lub neej, nws yuav nco ntsoov tej lus ntawd mus tas nws sim neej.” (Pajlug 22:6). Pauv rau qhov ntawd, kuv ho coj kuv tej menyuam mus txog rau ntawm qhov  chaw uas saj tau tej kev mob siab uas kuv txiv thiab kuv tau ntsib dhau. 

Tswv Yexus hais tias: “Tiamsis Yexus hu cov menyuam yaus los cuag nws thiab hais tias, "Cia li tso cov menyuam yaus los cuag kuv, tsis txhob txwv lawv, rau qhov Vajtswv lub Tebchaws yog cov neeg uas muaj lub siab zoo li cov menyuam yaus no tug” (Lukas 18:16). 

Puas yog kuv tav kev tsis pub tej menyuam mus cuag Vajtswv dhau ntawm kuv tej lus coj nruj, thiab tus kheej ua tsis taus siab ntev? Tsis paub kuv tej menyuam lawv puas khiav deb Vajtswv vim lawv hnov lawv nyob deb kuv heev? Tsis paub lawv puas yuav cia lawv tus cwjpwm tes haujlwm no rau lawv tej menyuam? 

Thaum kuv cov tub pib muaj hnub nyoog hlob zuj zus, kuv taij thov Vajtswv pab kuv kom tsis txhob cem neeg thiab thov Vajtswv tiv thaiv kuv tej menyuam, txhob cia lawv muaj kev tu siab los ntawm kuv tej lus cem ntawd. 

Tus Tswv hais tias, “Tiamsis tus Tswv hais tias, "Tsis txhob nco txog tej xwmtxheej uas twb dhau los lawm lossis tsis txhob xav txog tej xwm ntawd li. Kuv tabtom ua yam tshiab; nimno yam ntawd twb tshwm tuaj lawm, nej tsis pom yam ntawd li los? Kuv yuav ua ib txojkev mus phua plhawv hauv tej nras mojsab qhua, thiab muaj dej txhawv ntws nto hauv tej tiaj suabpuam.” (Yaxayas 43:18-19).

Kuv xav kom thaum ntawd kuv paub tias Vajtswv twb tso cai rau kuv tso tseg kuv lub neej yav dhau los, khiav tawm ntawm tej pog tej yawg thiab kuv tus kheej qhov yuam kev, thiab taug dua ib txoj kev tshiab. 

Thaum kuv cov menyuam loj hlob, kuv yuav tsis cem lawv ntxiv lawm. Tiamsis kuv lo lus nug khwv tshaj plaws yeej tseem nyob ntawd. Tsis paub kuv puas tav kuv tej menyuam kev mus nrhiav Vajtswv? Tsis paub los ntawm kuv tej lus hais lawv lub siab puas lwj puas ntsoog? Yog kuv sawv ib cag ntawm kuv tej menyuam hauv tsom iav, lawv puas ntsia pom Tswv Yexus tus duab ci hauv kuv tuaj? Tej qub txeeg uas kuv tseg rau lawv tsuas yog txoj kev chim lossis yog ib lub neej coj kuv tej menyuam mus nyob ze Vajtswv? 

Vajtswv txojlus nyob rau hauv 2 Kauleethaus 3:18 ua rau kuv muaj kev cia siab: 

“Peb txhua tus… nws muab peb hloov kom peb muaj tus yam ntxwv zoo zuj zus li tus Tswv tus yam ntxwv”.  

Ua neej nyob hauv ntiajteb no, peb tsis muaj leej twg yuav zoo kawg nkaus li. Tag nrho peb txhua tus puav leej tseem tab tom hloov pauv xwb. Tsis muaj ib zaum twg yuav lig dhau kom coj peb tej menyuam mus kom txog rau ntawm tej qub txeeg qub teg uas yog kev ntseeg. 

Kuv twb thov kom tej menyuam zam txim thiab kuj nug tej menyuam tias tej uas lawv nco tshaj plaws thaum tseem yau yog dab tsi. Tej menyuam teb tias ntawd yog lawv muaj ib tug txiv tau ua lub neej nthuav tawm nws txoj kev ntseeg, thaum twg twb tshwm ntsej muag thiab hlub lawv tag siab. Hmoov zoo tshaj thaum uas lawv “raug cem” ho tsis yog yam uas lawv muab sau khaws cia. 

Tshuav kuv txiv no ho zoo li cas? Tseeb tiag thaum no yawg twb nyob saum ntuj ceebtsheej lawm – thiab yawg yeej yog tus neeg uas kuv xav tshaj plaws!

Thov caw nrog kuv peb thov Vajtswv ua ke: Tus Tswv, thov Koj zam txim rau peb txog tus cwjpwm, tej lus hais tau ua rau tej neeg ib ncig muaj kev tu siab. Thov pab kom kuv paub ua lub neej ua qauv rau cov neeg lawv nyob tom qab kuv, pab coj lawv kev kom los nyob ze Koj. Kuv thov hauv Tswv Yexus Khetos lub npe. Amees.

Cov kwv tij txhua tus, koj tab tom ua lub neej nrog txoj kev ntseeg zoo li cas ntawm koj tej menyuam thiab cov uas nyob tom qab koj? Zaj kawm hnub no pab koj tus kheej pom tias yuav tau hloov pauv li cas kom thiaj dhau los ua tus choj tuam, coj tiam tom qab mus cuag Vajtswv tsis yog yuav tav lawv kev?

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.