Txawm yog tej zaub mov ntawm xub ntiag yuav qab thiab zoo npaum twg los, tiamsis yog koj lub plab twb noj lwm yam tsau lawm ces thaum txog pluas tiag, koj kuj tsis hnov xav noj mov ntxiv li lawm. Vajtswv txojlus yog cov zaubmov yug Vajtswv cov menyuam ntawm sab ntsujplig. Tiamsis yog thaum peb cia tej yam tsis zoo ntim puv nkaus hauv peb lub neej ces yuav yooj yim heev ua rau peb tsis xav noj thaum sawv ntawm Vajtswv Txojlus.
Hnub no, yog hnub 09/03/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Sherri House dhau ntawm tus npe TSIS XAV NOJ

Nws cia nej tshaib, Nws mam li muab cov manas uas nej thiab nej cov yawg koob tsis tau noj dua rau nej noj. Nws ua li ntawd, twb yog Nws qhia kom nej paub hais tias, tsis yog mov xwb thiaj cawm tau neeg txojsia, tiamsis tus Tswv tej lus txhua lo thiaj cawm tau neeg txojsia (Kevcai 8:3)

De taum tom vaj los tsaws xyaw qij, qos (vawg) zom mos thiab nqaij nyuj. Tus pa tsw qab thoob plaws tsev. Yog li pluas noj qab qab tau npaj tiav tseg rau tsev neeg. Hnub ntawd yog hnub kuv cov menyuam thiab tej nyuam xeeb tuaj saib kuv, yog li kuv zoo siab heev thaum nrog tsev neeg nyob ua ke ntawm pluas hmo. 

Kuv tus me tub xeeb loj tshaj nws yog hom nyiam ncaws pob. Vim dhia ntau yog li tsis muaj ib yam dab tsi yuav txwv tau tsis pub kom nws txhob nqhis es tsis noj. Yog li kuv thiaj npaj nws cov zaub mov ntau tshaj ob npaug dua lwm tus. Tiamsis yam ua rau kuv xav tsis thoob yog thaum uas muab tais zaub mov tso ntawm nws xub ntiag nws hais tias nws tsis tshaib. Lo lus hais tawm ntawm tus menyuam  muaj zog thiab muaj leeg tes heev ua rau peb xav tsis thoob, tsis paub puas yog tus menyuam muaj mob lossis tsis muaj. 

Tom qab ntawd, kuv thiaj ua tib zoo saib pom nws ob lub qhov muag ntsia tus kwv kuv paub tau cov nyuag ua cas lawv tsis xav noj lawm. Ua ntej uas yuav noj hmo, nkawd ob kwv tij twb noj ob peb pob qos txeeb nkig lawm yog li nkawd lub plab thiaj ntim tsis lo mov ntxiv lawm txawm yog tej zaub mov yuav zoo thiab qab npaum twg. 

Thaum ua zoo xav txog tej no, kuv pom tau ntau tug lub neej ntawm sab ntsujplig kuj zoo li kuv ob tug tub xeeb no. Ntau zaug peb hnov tsis xav noj los vim txhua hnub, peb niaj hnub noj ntau yam, yuav siv feem ntau txeeb peb lub sijhawm thiab lub zog. Peb lub hlwb thiab kev xav dhau los muaj haujlwm ntau tsis tau so, thiab peb tsis hnov tshaib tej uas Vajtswv nyiam thiab npaj rau peb hauv Nws txojlus lawm. 

Tseeb tiag, qhov uas tsis xav noj ntawm sab ntsujplig tsis yog ib yam uas tshiab tshiab. Tig rov qab los rau cov neeg Yixalayees, Vajtswv haiv neeg, lawv tau pom nws ua ntau yam txuj ci tseem ceeb, tej uas zoo kawg nkaus los, tiamsis lawv kuj poob rau hauv tej xwm txheej ntawm sab ntsuj plig tsis xav noj li. Yog li, phau ntawv 2 Kevcai qhia rau peb paub tias Vajtswv tau muab lawv txo nqes, ua rau lawv ntsib ntau yam kev khwv, kev cov nyom sim lawv kom coj lawv rov qab los nyob ze Vajtswv dua, kom lawv nqhis Vajtswv Txojlus thiab tshwm ntsej muag nyob ntawm nws. 

Nws cia nej tshaib, Nws mam li muab cov manas uas nej thiab nej cov yawg koob tsis tau noj dua rau nej noj. Nws ua li ntawd, twb yog Nws qhia kom nej paub hais tias, tsis yog mov xwb thiaj cawm tau neeg txojsia, tiamsis tus Tswv tej lus txhua lo thiaj cawm tau neeg txojsia  (Kevcai 8:3). 

Thaum xav txog kuv tus menyuam xeeb tsis xav noj mov, kuv kuj tau Vajtswv ceeb toom txog kuv sab ntsujplig tam sim no. Tej haujlwm qhov txhua chaw hauv lub neej ntau dhau heev thiab tsis muaj chaw rau kev tshaib nqhis Vajtswv txojlus lawm. Kuv ua txhua txoj haujlwm puv nkaus hauv lub neej thiab tsis nug Vajtswv tias yam twg yog yam Vajtswv npaj rau kuv ua. Kuv hnov haujlwm ntau dhau tsis pom Vajtswv nrog kuv ua ke. Kuv paub kuv yuav tau tshaw kom tau Vajtswv  dua ib zaug ntxiv. Kuv tsis xav kom Vajtswv muab kuv txo nqes ib yam li Vajtswv tau ua rau nws haiv neeg Yixalayees thaum ub. 

“Cov uas xav ua raws li Vajtswv lub siab nyiam, cov ntawd tau koob hmoov, Vajtswv yuav muab rau lawv kom txaus nkaus li lawv lub siab xav” (Mathais 5:6). 

Thov caw nrog kuv peb thov Vajtswv ua ke:

  Vajtswv, thov Koj zam txim rau kuv vim kuv tau cia txhua txoj haujlwm, tswj kuv lub neej, txog qib uas ua rau kuv tsis tshaw Koj thiab Koj Txojlus ntxiv lawm. Ua Koj tsaug vim Koj tseem hlub, tos coj kuv rov los. Thov Koj tsim dua kuv kom muaj ib lub siab dawbhuv, ib lub siab tshaw Vajtswv Koj tshaj txhua yam hauv lub neej. Kuv thov hauv Yexus Khetos lub npe. Amees. 

Cov kwvtij sawv ua hlub tshua, cim civ rov tshuaj yus lub siab thiab yus lub neej sab ntsujplig kiag hnub no. tamsim no, leej twg lossis yam dab tsi tab tom tswj koj lub siab? Tej ntawd puas tav koj txoj kev tshaw Vajtswv? Yog koj pom tias yus tau ntsia ntsoov rau lub neej thiab tab tom khiav deb Vajtswv, cia li lees txim thiab thov Vajtswv rov tsim dua yus lub siab tshiab, kom koj tshaib nqhis Vajtswv thiab Nws txojlus. 

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev txhawj xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj thiab peb xav kom txuas tau nrog koj.