Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Peb tsis muaj leej twg yuav paub tagkis zoo li cas. Vim lub neej no zoo li tej nyuag pa dej, teeb meem yuav tshwm los thiab coj peb txoj sia mus thaum twg tsis paub. Thaum paub meej tej no, peb yuav ua lub neej txawj ntse dua thiab paub siv peb lub sijhawm nyob hauv lub ntiajteb no mus npaj rau saum ntuj ceebtsheej, vim peb tau tsim los yog tseg nyob ntawm thaj chaw mus ib txhis. 

Hnub no, yog hnub 09/09/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Missey Butler dhau ntawm Zaj kawm LUB NEEJ NYOB IB VUAG DUA XWB

“Tus Tswv yog tus muaj lub siab dawb siab zoo thiab ncaj ncees; peb tus Vajtswv yog tus muaj txojkev hlub.  Tus Tswv tiv thaiv tus uas tas kev cia siab; thaum kuv raug kev txomnyem, nws cawm kuv dim.” (Ntawv Nkauj 116:5-6).

Tab tom yuav txog hnub ua kevcai nco txog qhov teeb meem uas nrov npe tshaj hauv lub ntiajteb, kuv rov qab nco txog lub sijhawm uas yog hnub 11 hli 9 xyoo 2001. 

Nyob rau lub sijhawm ntawd, kuv nyob tom chaw ua haujlwm thiab tsis los tsev li. Kuv qhib tivi los, xav tias tsis paub peb puas yuav tiv dhau qhov teeb meem phem no. Txaus nyuaj siab heev, tej xov xwm no yim hnub yim phem tuaj. Kuv zaum twj ywm saib tivi, lawv tshaj xo txog qhov no tas qhov tod tuaj tsuas yog tej xov xwm phem xwb. 

Kuv nco kuv tau hais twj ywm rau Vajtswv tias “Oh tus Tswv!” ntau zaug kawg li. Tamsim ntawd, kuv xav txog kuv lub neej no luv heev, thiab lo lus “tiamsis los ntawm Vajtswv txoj kev hlub, kuv tseem muaj sia ua neej nyob” dhau los muaj nqis heev pub rau kuv. 

Muaj qee zaug, kuv yeej xav tsis tau lo lus twg kom phim los taij thov rau lub sijhawm tag kev cia siab uas tab tom tshwm sim ntawm kuv qhov muag. Kuv nco kuv tau hnov Vajtswv lub suab maj mam hais: “txawm yog saib cuag li txhua yam nyob ib ncig koj tab tom pob puas? Tsis paub koj puas ntseeg siab rau Kuv… ” 

Thiab ntawd txawm tsis yog lub sijhawm zoo uas yuav qhia rau peb tej zaj kawm khwv txog kev ntseeg los? Ntawd txawm tsis yog lub sijhawm muab tej uas nyob hauv ntaub ntawv los siv los? Thaum peb tsis nkag siab ib yam dab tsi, thaum uas kev txomnyem tshwm tuaj loj heev, tib neeg xav qw nrov nrov tias: “Vajtswv Koj nyob qhov twg?” 

rau lub sijhawm uas txomnyem tshaj plaws no yog, Vajtswv yeej tseem yog tus ncaj ncees. Nyob rau hauv Vajtswv lub sijhawm zoo kawg nkaus, Vajtswv yuav muab “tej kev puas tsuaj ntawd rov kho dua los ua yam zoo” pub rau tus uas ntseeg siab rau Nws. Peb lub siab no yuav tau pheeb kom ruaj txawm yog tsuas yog ib nyuag txoj kev cia siab me, ib nyuas txoj kev ntseeg luaj lub noob zaub xwb los… ntawd yog tag nrho tej uas yuav coj peb mus txog rau ntawm qhov chaw so. 

Los ntawm tej uas kuv ntsib dhau, kuv yuav hais tau hais tias: “Kuv paub kuv ntseeg leej twg!” Tus uas cawm peb tab tom muaj sia nyob! Kuv paub qhov no vim tagkis no kuv nyuam qhuav nrog Nws sib tham. Yog, Vajtswv nyob ze kuv zoo li lub suab ntxhi ntawm pob ntseg, thiab tshwm ntsej muag ntawd zoo yam li peb txoj kev ua pa. qhov tseeb tiag Vajtswv yeej tsis tau tso peb tseg. Vajtswv nrog nraim peb nyob, tshwj xeeb yog thaum uas peb raug yuam kom yuav tau tawm hauv cov pa taws thiab kev txomnyem hauv lub neej los. 

Paub tias peb yeej tsis paub taig kis dab tsi yuav tshwm sim tuaj (Pajlug 27:1). Tiamsis peb paub tus uas tuav peb lub neej tom ntej. 

Ntawv Nkauj 116:1-6 sau tias: 

“Kuv hlub tus Tswv, vim nws hnov kuv tej Ius nws mloog kuv tej lus thov.  Txhua zaus uas kuv thov nws, nws mloog kuv tej Ius thov.  Kev ploj kev tuag nyob ibncig kuv; lub qhov tuag nyob rawv tos kuv, ua rau kuv ntshai thiab lwj siab ntsuav li xwb. Ces kuv thov tus Tswv hais tias: Tus Tswv, kuv thov koj cawm kuv txojsia lauj!   Tus Tswv yog tus muaj lub siab dawb siab zoo thiab ncaj ncees; peb tus Vajtswv yog tus muaj txojkev hlub.  Tus Tswv tiv thaiv tus uas tas kev cia siab; thaum kuv raug kev txomnyem, nws cawm kuv dim.”

Thov caw nrog kuv peb thov Vajtswv ua ke

Tus Tswv e’, thov ntuas kom kuv nco ntsoov tias lub neej no luv heev! Tiamsis kuv tau txhawb zog kom sawv khov kho nyob rau hauv lub neej no vim Vajtswv Koj nrog nraim kuv, tiv thaiv kuv txhua lub sijhawm uas teeb meem yuav los raug. Thov pab rau kom kuv ua lub neej haum Koj siab txhua lub sijhawm uas tseem muaj ua neej nyob rau hauv ntiajteb no. Kuv thov hauv Tswv Yexus Khetos lub npe. Amees.

Cov kwv tij yog tias hnub no yog hnub kawg tau ua neej nyob, koj yuav txiav txim siab ua lub neej zoo li cas? Koj yuav ua pub rau koj tus kheej lossis ua pub rau Vajtswv lub homphiaj Vajtswv hu koj? Tib neeg lub neej luv kawg nkaus, yog li hnub no cia li txiav txim siab kom yog rau koj tus kheej. 

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.