Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej txhua hnub uas lawv tau ntsib dhau los, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Txhua tus ntseeg Vajtswv puav leej nyob rau hauv txoj kev ua tsov ua rog nrog yeeb ncuab txaus ntshais heev li. Kom npaj txhij rau kev sib ntau sib tua ua tsov rog no, tsis muaj dua lwm txoj kev ua txawv yog peb yuav tau tuav ruaj kev ntseeg thiab mloog lawv li Vaj Ntsujplig ua tus coj kev hauv lub neej.

Hnub no, yog hnub 12/03/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Jeff Calhoun dhau ntawm tus npe NTSUS ROG COV NYHOM

Vajluskub: “Rau qhov tsis yog peb tawm tsam neeg, tiamsis yog peb tawmtsam tej dab uas nyob saum nruab ntug, tsis hais cov thawj, tej uas muaj hwjchim loj thiab tej uas muaj hwj chim uas kav tiam tsaus ntuj. Yog li ntawd, nimno nej yuav tsum muab Vajtswv tej cuabyeej los hnav. Yog nej ua li ntawd thaum dab ntxwgnyoog los tawmtsam nej, nej thiaj kov yeej. Thiab thaum tej kev tawm tsam ntawd dhau lawm, nej thiaj tseem nyob ruaj nrees (Efexaus 6: 12-13).

“Rau qhov tsis yog peb tawm tsam neeg, tiamsis yog peb tawmtsam tej dab uas nyob saum nruab ntug, tsis hais cov thawj, tej uas muaj hwjchim loj thiab tej uas muaj hwj chim uas kav tiam tsaus ntuj. Yog li ntawd, nimno nej yuav tsum muab Vajtswv tej cuabyeej los hnav. Yog nej ua li ntawd thaum dab ntxwgnyoog los tawmtsam nej, nej thiaj kov yeej. Thiab thaum tej kev tawm tsam ntawd dhau lawm, nej thiaj tseem nyob ruaj nrees” (Efexus 6:12-13).

Tus ntseeg tab tom nyob rau hauv ib ntsus rog. Tej no tsis yog ib yam yuav muab zais zoo zoo cia vim tshab plaws Vajluskub, tus ntseeg lub neej tau piv li ib ntsus rog.

Hauv keeb kwm Vajtswv haiv neeg, cov neeg tau Vajtswv xaiv yuav tau mus xyaum kom npaj txhij ua rog ntawm sab ntsujplig thiab sab nqaij tawv tib si. Thaum peb muab peb lub neej fij pub rau Vajtswv, ntseeg Tswv Yexus ua yus tus Tswv Cawm Seej ces peb twb sau npe rau hauv Vajtswv pab tub rog lawm. Tamsim no, ntau tshaj txhua hmub, dab ntxwgnyoog tab tom nthuav qhia nws tej cuab yeej ua rog, thiab peb yog Vajtswv cov tub rog thaum twg twb npaj txhij tiv thaiv. Nyob hauv Efexus 6, ib ntus Vajluskub uas cov ntseeg txhua tus yeej paub zoo. Paulaus hais txog ntsus rog ntawm sab ntsujplig uas peb raug hu los koom rau. Paulaus ntuas peb “Yuav tau hnav Vajtswv tej cuab yeej rau”.

Kuv pom ntau tus nkag siab ntu Vajluskub no zoo ib yam li txoj kev txhawb zog. Paub tias hauv Vajtswv Txojlus muaj tej no. Txawm li ntawm los peb ho xav saib tej cuab yeej uas Paulaus hais txog zoo li tiv thaiv thiab txhab cuab rau tej thaj chaw peb ua tsis tau, kom txij ntawd mus peb sawv qawm tes saib thiab hais rau yeeb ncuab tias: Koj yuav kov tsi yeej kuv vim kuv muaj Vajtswv cov cuab yeej. Tej zaug qhov kev nkag siab li no kuj yog qhov tsim nyog, tiamsis kuv ho pom tias zoo li no thaum Vajtswv txojlus hais kom yus yog tus pib ua.

Tseeb tiag Vajtswv yeej tsis yog hu peb hnav Vajtswv tej cuab yeej rau kom tiv thaiv peb tus kheej thaum tab tom khiav nkaum yeeb ncuab. Hloov chaw ntawm, kuv ho pom ntu Vajluskub no yog ib co lus nqua hu tawm mus tom tshav rog. Thiab kuv ntseeg tias ntawm no yog lub ntsiab puag thaum ub Paulaus xav hais txog hauv ntu Vajluskub no. Vim tias yog tsis mus tom tshav rog ntaus rog, ces lawv hnav cuab yeej ua rog ua tus dab tsi?

Zoo li cov lus txhawb cov tub rog lub zog ua kom lawv muaj lub siab kub lug, ntawm no Paulaus qhia txog qhov tseeb ntawm kev ua rog, qhov cheem tsum yuav tau ntseeg siab thiab pheeb rau ntawm yus tus Vajntxwv, thiab qhov tseeb tiag tej zaug yeeb ncuab yuav yog ib tug heev, tiamsis kuj tsis yog tias yuav ntaus tsis yeej. Hauv lwm lo lus hais ntawm no tsis yog cov lus ntuas rau cov kwv tij ntseeg Yexus li Paulaus ntau tsab ntawv. Qhov no yog lus nqua hu, rau ib lub homphiaj uas tshwj xeeb dua.

Ntawm no, Paulaus ntuas kom peb yuav tau paub ceev faj kom zoo vim kev tsov rog no tshwm sim txhua lub sijhawm, tsis paub xaus li. Nyob hauv nqe 18 yawg hais, “Ib puas tsav yam uas nej ua no, nej yuav tsum thov Vajtswv pab. Nej yuav tsum thov Vajtswv txhua lub sijhawm raws li Vajtswv tus Ntsujplig coj nej”. Yawg ntuas peb tias peb tus yeeb ncuab tsis yog neeg tiamsis yog tus yeeb ncuab ntawm sab ntsujplig. Vim li no, tus yeeb ncuab no nws tsis ua rog zoo li tib neeg. Tsis pw, tsis so, thiab noj haus li peb. Tus yeeb ncuab no thaum twg los nws twb npaj txhij ua rog txhua lub sijhawm 24/7.

Lub neej ntseeg dhau los tau qhia rau peb paub tias yuav tau nyob hauv Vaj Ntsujplig ua tus coj kev, kom peb saj tau txoj kev thaj yeeb tiag ua zoo, cia Vajtswv coj peb mus rau ntawm qhov chaw so, kho kom peb zoo, thiab yog lub hauv paus muaj zog tshiab nrog rau kev txuas lus nrog Vajtswv ua ke.

Hauv Yausuas 5, peb nyeem tau tias, haiv neeg Yixalayees tab tom tsa tsev so ze lub nroog Yelikaus, yog ib lub yeej ruaj khov tshaj plaws yuav tav tau Vajtswv haiv neeg nkag los mus rau hauv teb chaws cog lus tseg. Thaum uas lawv tab tom muaj zog, kub siab lug ces Vajtswv hais rau kom Yausuas muab tag rho haiv neeg ua kevcai txiav. Vim li no, Yausuas thiab tag rho cov pej xeem yuav tau tos kom rov qab zoo dua tom qab ua kevcai txiav. Ntawd yog lub sijhawm cheem tsum rau lawv yuav tau npaj rau tej ntsus rog ntev tom hauv ntej kom vam khom Vajtswv, mloog lawv li Vajtswv lus thaum nkag los mus ntaus teb chaws cog lus tseg.

Vajtswv kuj ua “kevcai txiav” rau peb tib neeg sab hauv, pab tau kom peb npaj txhij rau kev tsov kev rog tom ntej ua yuav txog. Qhov no tej zaug yuav ua rau peb mob tiamsis peb tes haujlwm yog yuav tau mloog lus , yuav tau cia Vaj Ntsujplig ua haujlwm hauv peb lub siab thiab peb tus ntsujplig, kom peb tau so nrog Vajtswv txoj kev thaj yeeb kom txog rau thaum peb hnov nyob ze Vajtswv tshaj plaws.

Thaum peb rov qab tshuaj xyuas yus lub neej, kuv pom kuv tsis cia Vaj Ntsujplig coj txhua lub sijhawm. Kuv paub kuv tsis tau thov Vajtswv, tsis taij thov txhua zaus.

Yog ib tug tub rog hauv Vajtswv pab tub rog, kuv paub tias kuv yuav tau coj raws nraim li txhua lo lus txib. Kuv tes haujlwm yog thaum twg twb yuav tau “hnav Vajtswv tej cuab yeej txaus nkaus”, pheej tshaj thov Vajtswv, taij thov, thov hauv Vaj Ntsujplig”. Yuav tau “ruaj siab nyob ntev, thiab ceev faj”.

Thov caw nrog kuv peb thov Vajtswv ua ke: Vajtswv, kuv paub hais tias, kuv tab tom nyob rau hauv ib ntsus rog cov nyhom heev, tsis paub xaus, thiab kuv tus yeeb ncuab muaj ntau txoj kab ke tsis zoo. Thov Koj pab kom kuv hnav txhij txhua Koj tej cuab yeej, ntseeg siab tag nrho, mloog lawv li Koj tej lus taw qhia kom lawv tsi muaj peev xwm tiv thaiv tau, thiaj coj kev muaj yeej los. Kuv thov hauv Yexus Khetos lub npe. Amees.

Cov kwv tij uas hlub tshua, koj tab tom npaj rau kev tsov rog ntawm sab ntsujplig thiab yeeb ncuab uas yog ntxwgnyoog zoo li cas? Koj puas nyob rawv hauv Vaj Ntsujplig? Ntseeg tias dhau ntawm zaj kawm hnub no, koj yuav rov tshuaj xyuas dua koj tus kheej thiab txiav txim siab ua lub neej ruaj siab rau txoj kev ntseeg, mloog lus, thiab coj lawv li Vajtswv ua tus coj kev.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev txhawj xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw: [email protected] Yexus hlub koj thiab peb xav kom txuas tau nrog koj.