Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Yog tias muab txhua tus piv zoo li lub laujkaub av, ces peb yuav zoo sib thooj ob yam no: Ib lub lauj kaub twg los nws yeej muaj nws tus yamntxwv zoo sib txawv, thiab lub laujkauj twg los kuj muaj ib qhov xeev. Yeej tsis muaj ib lub laujkaub twg tseem zoo li qub, txhua tus puav leej ntsib dhau txoj kev tu siab thiab iab siab. Tiamsis Vajtswv tau los muab tej daim txhais tawg ntawd rov qab los npuab rau kom dhau los ua ib lub laujkaub zoo kawg nkaus, zoo nkauj thiab tau Vajtswv hlub Vajtswv saib rau nqi.

Hnub no, yog hnub 13/03/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Gene Markland dhau ntawm Zaj kawm TUS NEEG MUS NRHIAV TEJ TEJ KHOOM UAS LUAG MUAB POV TSEG

“Kuv zoo ib yam li tej khoom uas luag muab povtseg lawm” (Ntawv Nkauj 31:12).

Indiana Jones yog ib tug tub txawg ua movies uas kuv nyiam tshaj plaws. Kuv nyiam yawg txoj kev mus rau ub rau no, thaum uas yawg mus nrhiav txhua txoj kev coj noj coj ua nyob rau ntau lub tebchaws thaum ub.

Nyob hauv lub neej tiag cov tub txawg lawv yuav tau poob sijhawm ntau xyoo thiaj nrhiav tau tej nyuag txhais laujkaub tawg rau ub rau no. Lawv muab tej ntawd coj los tso ua ke. Ntau zaug lawv kuj muaj cuab kav muab tej txhais ntawd coj rov qab los lo tau ua ke kom rov qab yog lub laujkaub thaum pib.

Thaum no lub laujkaub yuav dhau los zoo li lub tshiab. Tomqab rov qab ua zoo li qub lawm, ces tej lub zoo luag yuav coj mus tso rau hauv tsev khaws cia, tso rau tej qhov chaw siab tseg rau tib neeg tuaj saib.
Tiamsis kuj muaj ib txhia neeg lawv nyiam mus yuav tej ntawd los khaws cia. Muaj ib hmo thaum kuv pw tsaug zog kuv ua ib zaj npau suav txawv heev: Kuv npau suav kuv mus rau hauv ib lub tsev loj heev tsis muaj dabtsi, kuv xuas raws txoj kev sab nraud phab ntsa mus txog rau ntawm ib chav loj. Tsaus ntuj nti tiamsis muaj ib qhov pom kev nyob sab tes laug, yog li kuv thiaj mus rau ntawm qhov pom kev ntawd.
Ntawm kuv xub ntiag yog ib daim phab ntsa loj tau zas zoo nkauj heev. Ntawm sab phab ntsa yog ib lub chaw rau tsom iav cig pom kev thiab nyob saud muaj ib lub laujkaub av. Zoo li ib lub chav rau nyob hauv tsev rau khoom. Txhua lub laujkaub puav leej ci pom kev, thiab kuv yeej ntsia pom meej meej.

Thaum mus ze zog saib kom meej, kuv pom muaj ob yam. Ib, txhua lub laujkaub yeej muaj nws qhov zoo raws li nws muaj, ob, lub laujkaub twg twb muaj qhov xeev. Muaj tej lub xeev ob kab loj, kuj muaj tej lub xeev qhov txhua chaw zoo li kab zaug cab sab. Tiamsis txhua lub laujkaub puav leej rov qab muab kho zoo li qub lawm thiab tso rau ntawm ib qhov chaw zoo heev.

Kuv ua tib zoo saib lub laujkaub nyob sab tes laug, nws muab av cub los xwb, yeej tsis muaj duab dabtsi. Muaj ib qhov xeev tawg loj heev saum ncauj los ti nkaus hauv, tiamsis los ntawm ib txoj kev twg ntawd luag twb muab kho rau zoo heev li qub. Tiamsis yeej tseem ntsia pom qhov xeev ntawd.

Txuas ntxiv yog ib lub laujkaub tau ua zoo heev. Kos txhua ntsus kev tsov rog muaj yeej rau saud. Lub laujkaub uas nyob rau hauv vajntxwv lub loog muaj xim ntsuab muaj ntau qhov tsis zoo tiamsis twb tau muab kho zoo lawm.

Tas rov qab txog ib lub laujkaub qub zoo, saib, muaj tus duab nplooj ntsuab thiab daj. Txawm yog twb ua zoo lawm los yeej tseem pom kab xeev saum ncauj los rau hauv taw. Cuag li lub laujkaub no yog lub laujkaub ntawm ib tug tub txawv.

Txuas ntxiv ces yog ib lub laujkauj qis, kos daim duab hiav txwv thiab cov ntses. Sab nraud saib yeej tsis muaj dabtsi tiamsis sab hauv muaj ib qhov xeev loj heev, tau luag kho thiab tso kom zoo li qub.
Lub laujkaub kawg kuv saib yeej tsis muaj dabtsi, tiamsis thaum ua tib zoo saib ces pom nws tawg thiab tau muab los lo rau ntau zaug. Thiab tseem muab los ntxiv rau. Tiamsis lub laujkaub twb tau kho kom rov qab zoo li qub.

Kuv thaub qab thiab xav, kuv cim civ nug txog lub ntsiab ntawm tej khoom qub qub no, ces kuv txawm hnov muaj ib lub suab nrov tom qab tuaj: “Koj puas xav paub lub ntsiab ntawm tej lub laujkaub ntawd?” Kuv yeej tseem khawm tes nrees thiab tsis tig rov qab. Kuv xav tias ntshai lub suab ntawd yog tus tswv ntawm tej lub laujkaub ntawd, kuv teb: “Ua li, thov qhia rau kuv paub saib.”

“Koj saib kom meej daim ntawv nyob rau ntawm qhov chaw txawb thawj thawj.”

Tus ntawd hais tias: Nkag mus rau ntawd, kuv nyo hau mus nyeem pom: “Adas”

“Adas?” Kuv nug.

“Yog” tus ntawd teb. “Adas muaj ib qhov yuam kev ua rau peb thiaj mag them ib tug nqi kim. Tiamsis tus nqi ntawd yog tus nqi uas kuv txaus siab hlo them.”

Tas tus neeg ntawd kom kuv saib daim txuas ntxiv. Pom sau “Daviv”

Nws hais tias: “Yog, ib tug vajntxwv muaj ntau qhov yuam kev, tiamsis yog ib lub laujkaub zoo. Koj puas thooj yim li ntawd thiab?”

“Yog” Kuv teb.

Tus ntawd maj mam hais: “Ntawm no yog lub laujkaub uas kuv saib muaj nqis”.

Lub laujkaub no nws yog lub qub qub kos nplooj ntsuab nplooj daj, thiab sau daim ntawv hauv qab tias yog “Paulus”

“Paulus, Paulus” – lub suab ntawv ntxhia tuaj – “ib tug neeg muaj puv npo kev kawm txawj ntse thiab hwjchim. Tiamsis kab xeev qe qw no ua rau lub laujkaub no tsis khov lawm ntau, tiamsis kuv txoj kev hlub xwb txaus lawm”.

Tshuav lub laujkaub uas kos daim duab hiav txwv sau lub npe tias “Petus.”

Tus ntawd hais tias: “Lub laujkaub no loj, ruaj thiab muaj peev xwm rau tau ntau yam, tiamsis sab hauv xeev tas lawm. Kuv yuav tau muab khaws cia ib ntus txog rau thaum kho tau. Ces nws yuav dhau los ua ib nyob rau hauv lub laujkaub uas zoo tshaj plaws. Tshuav thaum no koj saib lub laujkaub txuas ntxiv.

Kuv nyo hau mus nyeem daim ntawv nyob saum lub laukaub xeev tas, thiab ntsia pom kuv lub npe. Kuv kua muag dauv lawv thaum xav txog tej kev mob siab puas ntsoog, tej qhov txhab tej kev nyuaj siab thaum tseem yau vim tsev neeg sib nrauj.

“Kuv zoo ib yam li tej khoom uas luag muab povtseg lawm” (Ntawv Nkauj 31:12).

Kuv tig rov qab mus rau ntawm tus neeg uas sau tej laujkaub xeev ntawd, thiab ntsia pom tus Tswv! Nws lub qhov muag tob yam nkaus li hiav txwv, thiab nws lub suab luag sov so. Kuv khiav mus nkaum rau ntawm Nws txhais tes muaj hwjchim: “Ua Leej Txiv tsaug tau muab tej qhov tawg hauv kuv lub neej los lo ua ke”. Koj txoj kev hlub thiab kev kho zoo ntws twj ywm hauv kuv.

Tus Tswv txav los thiab muab Adas lub laujkaub nqa nce. “Metub, thawj thawj lub laujkaub uas yog Adas, ces txhua lub laujkaub tomqab puav leej zoo tsis txaus, puav leej muaj qhov xeev.”

Tswv Yexus mus dhau ib lub chaw txawb zuj zus, maj mam tsaws, plhws ntshis txhua lub laujkaub. Tas rov qab muab tso rau saud. Kom qhov pom kev ua ci nyias qhov zoo nkauj sib txawv.

Tus Tswv hais ntxiv: “Kuv twb pub kuv tib leeg tub uas yog Tswv Yexus los txhiv cov laujkaub tawg thiab nqa tej qhov txhais tawg ntawd los rau kuv. Thiab metub, koj yuav tau nco ntsoov, tsuas yog thaum kuv muab tej qhov xeev ntawd los lo ua ke xwb ces tej lub laujkaub ntawd thiaj muaj nqis.”

Tus Tswv npuaj npuaj kuv xub pwg thiab luag ntxhi rau kuv thaum kuv mus dhau, tig rov qab los rau ntawm qhov tsaus ntuj hauv chav ntawd. Thaum tus Tswv nkag los, qhov kaj cia li cig tuaj, kuv xav tsis thoob vim chav no loj heev. Saib cuag li dav dua puag tim qab ntuj kawg lawm. kuv lub qhov muag nrhiav Leej Txiv thiab kuv pom nws tab tom los rau ntawm kuv, deb deb puag tid… ntawm ntau lub laujkaub xeev twb tau Nws txhiv los, yog ib cov laujkaub khaws los tsis muaj leej twg yuav suav txheeb.

“Tiamsis tus Tswv, koj yeej yog peb leej txiv Peb zoo li cov av nplaum, thiab koj yog tus puab peb” (Yaxayas 64:8).

Thov caw nrog kuv peb thov Vajtswv ua ke.
Tus Tswv kuv yog ib lub laujkaub uas tawg tas! Ua Koj tsaug Koj tau los nrhiav kuv, zam txim rau kuv thiab them tus nqi kom rov qab muaj tej qhov txhais hauv kuv lub neej rov lo ua ke. Ua Koj tsaug Koj tau rov qab kho kom kuv zoo li lub laujkaub tshiab, txawm yog tseem pom qhov xeev los yeej zoo nkauj thiab tau hlub. Thov Vajtswv koj zoo siab siv kuv, muab kuv pauv los ua lub laujkaub muaj nqis rau koj tes haujlwm. Kuv thov hauv Tswv Yexus Khetos lub npe. Amees.

Cov kwv tij txhua tus, los ntawm tej daim txhais cuag li kho tsis tau, thaum no peb tau Vajtswv rov qab muab kho zoo li lub laujkaub tshiab. Txawm yog yeej tseem pom tej kab xeev los, peb paub tias peb zoo kawg nkaus nyob hauv Vajtswv lub qhov muag, tus tau tuag theej peb kom peb rov qab zoo li qub. Thov kom peb dhau los ua tej lub laujkaub muaj nqis nyob hauv tus Cawm Seej txhais tes kom dhau los ua tej haujlwm muaj nqis rau Vajtswv lub tebchaws.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.