Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Tib neeg lub neej muaj ntau feem, ntau ntu suav tau tias yog “thaj chaw tsis paub”  vim peb tsis paub tias xyov lub neej yuav coj yam dabtsi los rau peb. Qhov tseem ceeb tsis yog paub lossis tsis paub, tiamsis yog peb yuav mus li cas thaum nyob rau hauv thaj chaw tsis paub ntawd. 

Hnub no, yog hnub 13/01/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Sue Bohnert dhau ntawm Zaj kawm THAJ CHAW TSIS PAUB

Twb yog vim Anplahas ntseeg, thaum Vajtswv kom Anplahas tawm mus nyob lub tebchaws uas Vajtswv coglus tseg hais tias Vajtswv yuav muab pub rau nws, nws thiaj mloog Vajtswv lus. Anplahas tawm hauv nws lub tebchaws mus, tiamsis Nws tsis paub hais tias xyov nws yuav mus qhov twg.  (Henplais 11:8)

Kuv qhib cov ntaub ntawm qhov rai thiab ntsia pom ib hnub tshiab tsis muaj chaw xaus ntxiv. “Tus Tswv, tsis paub hnub no yuav muaj yam dabtsi tshwm sim los?  Vim li cas kuv ho ntsib nws kiag tim ntsej tim muag tsis tau?”  Nyob tob tob hauv kuv txoj kev xav sib xyaw ntxaws ua ke ntawd, txoj kev mob siab txaus ntshai rov qab voob nthwv los raug rau kuv tagkis no; txoj kev tu siab no ua rau kuv quaj los kua muag txawm yog kuv lub cev sab nqaij tawv tsis hnov  txog txoj kev mob no. 

Tus sau Byron Bohnert tau sau tias, “Ntau zaug nrog tus Tswv mus cuag li tsis paub mus qhov twg, tiamsis yog tias peb tsom ntsoov mus ces ncua kev peb yuav mus ntawd ho yog ib ncua kev uas tsim nyog kawg.”

Qhov uas tsis paub meej ntawd kuv hu tias “Thaj chaw tsis paub”.  Muaj ib hnub, thaum zaum rau ntawm lub máy tính thiab tshawb nrhiav saum Internet, kuv pib nrog Vajtswv sib tham. “Tus Tswv, kuv tab tom tsav nkoj mus rau ntawm thaj chaw uas kuv tsis paub. Kuv tsis paub kuv yuav mus qhov twg”. Tom qab ntawd, kuv saib rau hauv kuv lub máy tính, kuv ntsia pom cov ntawv nyob sab hauv tshwm tuaj, “Unknown Zone”,   txhais tias yog “thaj chaw tsis paub”. Puas tau muaj zaum twg koj ntsia pom kab ntawv no nyob rau saum koj lub máy tính lawm tau?  Ntawd yog thaj chaw uas koj yuav tau ntsib dhau thaum uas koj tos kom yuav mus ntshawb nrhiav tau koj tshooj fuab cua. (trang  web). 

Tag nrho peb txhua tus puav leej yuav tau nkag rau thaj chaw no ntau zaug nyob rau hauv lub neej xws li nyob rau hauv lub neej txij nkawm, tsev neeg, haujlwm, tsev kawm ntawv, pawg ntseeg… Tseeb tiag tej no nws pib thaum uas nyuam qhuav yug los lawm. Kuv lub neej no yuav coj yam dab tsi los? 

Tej lus qhia tau hais tias: "Txhua yam uas tshwm muaj ntawd, yeej teem tseg ntev los lawm. peb sawvdaws paub hais tias tsis muaj leejtwg yuav cav ncauj yeej tus uas muaj tswv yim tshaj nws” (Tej Lus Qhia 6:10). 

Koj paub tias yus muaj ib tug ciam tab tom mus, tiamsis koj tsis paub meej tias xyov yuav ua li cas thiaj mus txog rau ntawd. Kev npaj tos tej uas yuav los nyob rau tom hauv ntej tej zaug yuav ua rau koj kub siab lug thiab lub  peev xwm yuav tsis muaj nrim thaum uas koj nkag los rau hauv thaj chaw no. 

“Twb yog vim Anplahas ntseeg, thaum Vajtswv kom Anplahas tawm mus nyob lub tebchaws uas Vajtswv coglus tseg hais tias Vajtswv yuav muab pub rau nws, nws thiaj mloog Vajtswv lus. Anplahas tawm hauv nws lub tebchaws mus, tiamsis Nws tsis paub hais tias xyov nws yuav mus qhov twg.” (Henplais 11:8). 

Tiamsis peb kuj tsis muaj ib zaum twg paub ua ntej txog tej thaj chaw tsis paub no lawv kuj yuav tig nraub qaum rau peb thiab ua rau peb yuav tau tawm tsam nrog kev txhawj ntshai thiab tag kev cia siab npaum li cas. Yog li, tom qab uas nyob rau hauv thaj chaw tsis paub no, peb ho pom peb mus txog rau ib thaj chaw tshiab ntxiv nyob rau lub sijhawm tsis muaj haujlwm ua, muaj mob muaj nkeeg, tshuav nuj nqis, lub neej txij nkawm sib nrauj thiab cov npe no tseem yuav muaj ntau heev mus tsis paub xaus. 

Ib yam li tus sau Ntawv Nkauj tau hais txog: 

"Kuv ntshai kawg nkaus, thiab txojkev tuag tsuam rawv kuv. Kuv ntshai ibce tshee nyho thiab txhav tas, txojkev txhawj ntshai ua rau kuv tas kev cia siab lawm. Kuv xav kom kuv muaj tis ib yam li tus nquab. Kuv yuav ya mus nrhiav chaw so. Kuv yuav ya mus deb deb thiab mus nyob tom roob mojsab qhua. Kuv yuav maj nroos mus nrhiav tsev rau kuv nyob nkaum tej khaubzeeg cua thiab tuatsam nag”  (Ntawv Nkauj 55:4). 

Peb sib mos nrog ntau lo lus nug. Tsis paub kuv puas yuav tiv dhau kom lub nkoj tsis tog? Kuv puas yuav tuag ib tog kev? Kuv puas tseem yuav mus tau ntxiv? Koj puas ceev faj txog Tswv Yexus cov thwjtim tau hnov zoo li cas thaum uas lawv nyob rau saum lub nkoj tab tom muaj cua daj cua dub? Tus vajntxwv ntawm txhua tus vajntxwv tab tom nrog lawv nyob ua ke thiab lawv yeej tseem txhawj ntshai. 

Nyob rau hauv phau ntawv "Ntseeg siab rau Vajtswv hauv txhua yam" tus sau Byron Bohnert tau sau: 

"Thaum koj raug kev txomnyem thiab teeb meem voob nkaus koj, ces lub siab tsis paub yuav voob nkaus koj lub hlwb. Yog tsis ua zoo, peb lub neej yuav qaug yeeg. Yog peb tsom ntsoov rau peb tej teeb meem thiab tsis muaj hnub ntsia rau saud, peb yuav swb thiaj yuav saj tsis tau Vajtswv txoj kev kaj kev siab."

Nyob rau hauv thaj chaw tsis paub, peb yuav tau ntseeg siab rau Vajtswv txawm yog thaum uas peb tsis paub tias peb  tab tom yuav mus rau qhov twg. Koj yuav tsis paub Vajtswv yuav qhib ib lub caijnyoog zoo rau koj li cas yog tias koj yeej tsis tau ntseeg siab rau Nws thaum lub sijhawm koj tsis paub yuav mus qhov twg. Cov lus no nyob rau hauv Yaxayas 42:16 yuav ua rau kom koj muaj lub siab tawv thaum uas koj nkag los rau hauv thaj chaw tsis paub:

"Kuv yuav coj Kuv haivneeg uas digmuag taug txojkev uas lawv ibtxwm tsis tau taug dua. Kuv uav muab lawv txojkev tsaus ntuj hloov ua kev kaj, tiab muab tej kev uas tsis xwmyeem ncawd kom tiaj rau lawv taug. Tej no yog tej uas kuv yuav ua, thiab kuv yuav tsis muab tej no tso tseg ib zaug li.

Thov caw nrog kuv peb thov Vajtswv ua ke: Tus Tswv, thaum uas kuv nkag los mus rau hauv tej thaj chaw tsis paub nyob rau hauv lub neej, thov Koj nrog kuv nyob thiab coj kuv kev mus kom txog rau Koj tej koob hmoov. Kuv thov hauv Tswv Yexus Khetos lub npe. Amees.

Cov kwv tij txhua tus, thaj chaw tsis paub uas koj tab tom ntsib dhau yog dabtsi?  Lub neej txij nkawm, haujlwm, kev ua haujlwm, kev hlub, kev kawm… ? Txawm yog tsis paub lub neej tom ntej yuav coj yam dab tsi los rau koj, nco ntsoov tias tsis txhob tsom ntsoov rau koj tej teeb meem xwb tiamsis cia li tig mus rau ntawmVajtswv thiab ntseeg siab rau Nws ua tus coj koj kev.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.