Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Nyob rau lub caij uas txhua yam pib mus rau lub caij nplooj ntoo zeeg, saib tej nplooj ntoos pib hloov nplooj, tej fuab cua kub kub ntawd pib hloov mus laj zuj zus, saib lub ntuj txawm cia li zoo nkauj, ces nyob rau ntawm coob tug, lub caij nplooj ntoo zeeg yog lub caij zoo tshaj plaws hauv ib lub xyoo. Tej fuab cua nrog xyoob ntoo ntawd kuj coj sawv daws mus rau ntawm Vajtswv, Tus uas tsim tag rho lub ntiajteb no, yog Tus uas ua rau kom Nws lub tshwjchim nthuav tawm thoob plaws lub ntiajteb no.

Hnub no, yog hnub 13/09/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Missey Butler dhau zaj kawm LUB CAIJ NPLOOJ NTOO ZEEG

Tej liaj tej teb thiab qoobloo uas nyob hauv tej teb cia li zoo siab! Tej ntoo hauv havzoov yuav qw zoo siab thaum uas tus TSWV los kav lub ntiajteb no. (Ntawv Nkauj 96:12-13)

Yog ib tug ntxhais loj hlob nyob rau sab qab teb, teb chaws Amelikas, kuv yeej nkag siab lub caij ntuj kub nws ntev npaum li cas. Tej hnub uas kub kub ntawd yuav ntev mus txog ntua hli 9 thiab ntau zaug tseem yog hli 10 thiab.

Nyob rau lub caijnyoog no, koj yuav nrhiav pom kuv nyob rau saum tej ceg txiv ntoo siab, tsob ntoo (cây phong) lossis tsob ntoo qhib (cây sồi ) loj loj nyob rau hauv peb lub vaj dav yuav luag li ob txhiab txhim.

Kuv tej ris tsho hnav nyob rau lub caij ntuj kub xws li ris Jean xiav, tsho tes luv thiab txoj hlua liab thiab khi kuv cov plaub hau daj npws loo ntawd los ua ib cov plaub zoo li cov plaub tshis ci nploos. Kuv txoj kev hlub thaum ntawd tsuas muaj xyoob ntoo xwb. Txog rau hnub no, txhua zaug uas peb tsev neeg los nyob ua ke, cov tij laug niam laus yeej tseem tawb kuv tias yog “tus menyuam yaus nyob saum ntoo” thiab rov tham txog kuv tej qhov txhab nyob ntawm luj tshib thiab hauv caug ua pov thawj rau tej ntawd.

Nco txog tej lub sijhawm ntawd zoo siab thiab zoo kawg nkaus li. Tej tsob ntoo loj loj ntawd tsis yog tsuas ua rau kom muaj tus duab ntxoov laj ntxiag xwb lossis ua rau kom pom deb dav, khoob lug nyob rau saum ntuj, tiamsis dhau ntawm tej ntoo ntawd, kuv pom tau tias kuv ntsia pom ze dua txog Vajtswv uas yog tus Tswv ntawm lub ntuj no”. Tus uas kuv pheej hnov hais txog nyob rau hauv tsev kawm Vajluskub hnub so.

Kuv yeej saj tau Vajtswv tshwm ntsej muag txhua qhov thaum uas kuv tuav ib daim nplooj ntoos loj loj muaj xim daj twg. Cov leeg nplooj sib txuas daws nyob rau saum daim nplooj thiab tej kab me me nkaum hauv tej qab nplooj ntawd ua rau kuv nyiam ntsia heev.

Kuv yeej tab pov tias lub sijhawm uas kuv xav tshaj hauv ib xyoo yog thaum lub ntuj hloov mus rau lub sijhawm nplooj ntoo zeeg. Kuv nyiam tej xim sov so xws li, daj, dajliab, liab thiab xiav uas lub caij nplooj ntoo zeeg tau coj los nyob rau ntawm txhua yam. Tej fuab cua cuag li yeej laj txhias, zoo kaj siab, cia rau tej nas xov dhia sib zeg ua si thiab nrhiav txiv noj. Thiab tej nplooj qhuav maj mam zeeg zuj zus, tig ncig mus ncig los zoo li ib rev paj zoo nkauj heev.

Tom qab ob peb thiv tau txais tej fuab cua laj ntxiag, kuv pom tias kuv thaj chaw nkaum nyob rau saum tej ceg ntoo nws khoob lug thiab tsawg zuj zus. Tej nplooj ntoo ntxoov muaj xim zoo nkauj thaum no twb poob rau hauv pem teb tag. Kuv dhia saum ntoo los rau hauv pem teb thiab mus ko taw liab saum tej nplooj ntawd. Kuv ua tib zoo xaiv tej nplooj uas zoo kawg nkaus, tshiab tshaj plaws thiab muab los khi ua ke. Tsis ntev xwb, kuv yuav muaj ib teg nplooj ntoo loj muab fij pub rau Vajtswv, Tus uas tsim ib puas tsav yam, yog tus Tswv ntawm lub ntuj. Vim kuv paub tias Nws yog tus uas tsim muaj ib puas tsav yam zoo nkauj no, Nws tsim muaj tej tsob ntoo loj loj ua chaw nkaum rau kuv thaum lub caij ntuj kub. Nws tsim muaj tej kab me me tseg rau kuv nrog ua phooj ywg. Thiab Nws kuj cia lub caij nplooj ntoo zeeg tuaj kom muaj ntau xim tshiab nyob rau hauv lub neej. Ib puas tsav yam ntawd dhau los ua tus choj tuam pab kom kuv paub thiab hlub tus uas Tsim los, txij ntawd mus nyob rau hauv txoj kev sib cog lus ua ke mus ib txhis.

Thaum no, txawm yog twb hlob tiav hluas, los kuv yeej tseem xav khaws tej nplooj ntoo zeeg muaj ntau tus xim, zoo nkauj thiab tshiab tshiab no nyob rau lub caij no, los ua ib teg nplooj tso rau hauv kuv lub tsev. Tej nplooj ntawd pab rau kom kuv nco txog lub caij nyoog zoo kawg nkaus thaum tseem yau, yog lub sijhawm zoo thaum uas kuv nrhiav tau Vajtswv, thiab tej uas Nws tsim los tab tom nthuav qhia thoob lub qab ntuj no kom ci nws lub tshwj chim yog tus uas tsim ib puas tsav yam. Ib tug ntxhais me li kuv twb tau pom Vajtswv lub tshwjchim no nyob rau hauv kuv lub vaj puas thaum kuv tseem yog menyuam yaus.

“Tej liaj tej teb thiab qoobloo uas nyob hauv tej teb cia li zoo siab! Tej ntoo hauv havzoov yuav qw zoo siab thaum uas tus TSWV los kav lub ntiajteb no. (Ntawv Nkauj 96:12-13).

Thov caw nrog kuv peb thov Vajtswv ua ke: Ua Vajtswv Koj tsaug rau ib puas tsav yam zoo kawg nkaus uas Koj tau tsim los. Rov qab muaj dua ib lub caij nplooj ntoo zeeg rov los txog nthuav qhia rau kom kuv pom txog Koj lub tshwjchim ci ntsa iab. Thov pab kom kuv yuav koom siab ua ke nrog ib puas tsav yam ntawd qhuas txog Koj yog tus uas tsim ib puas tsav yam. Amees.

Cov kwv tij txhua tus, nyob rau tej hnub uas lub neej puv npo tej nra nyav thiab qaug zog zis, cia li siv sijhawm mus nrhiav ib puas tsav yam Vajtswv tsim los. Cia li ntsia saib tej fuab cua thiab xyoob ntoo uas tabtom hloov pauv. Tej ntawd pab tau koj li cas nyob rau ntawm koj txoj kev sib txuas ua ke nrog Tus Tsim Ib Puas Tsav Yam?

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.