Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Tej zaug kev kaj siab yog yam uas txhua tus puav leej tos ntsoov. Tiamsis nyob rau hauv lub ntiajteb puv npo kev tsov rog, kev tsis ncaj ncees, teeb meem tshwm thiab muaj kab mob kev nkeeg, ces kev kaj saib cuag li yog ib txoj kev npau suav nyob deb heev, lossis tib pliag ntshis xwb cia li yaj tshis lawm. Kev txhawj xeeb maj nroos los nkag los txuam xyaw, txoj kev tag kev cia siab, tws kev thaum tej kev sim siab hauv lub neej no tshwm tuaj ua rau peb ua tsis taus pa. Yog li peb yuav nrhiav txoj kev kaj siab tiag qhov twg? Tsuas muaj tib lo lus teb xwb, ntawd yog nrhiav ntawm Vajtswv – yog lub hauv paus ntawm txoj kev kaj siab ruaj khov.

Hnub no, yog hnub 14/03/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Hannah Goodwyn dhau ntawm Zaj kawm KEV KAJ SIAB TIAG

“Thov tus Tswv foom hmoov rau nej thiab tsomkwm nej; Thov tus Tswv ua siab dawb siab zoo rau nej thiab hlub nej; Thov tus Tswv tsa qhovmuag saib nej thiab pub rau nej muaj kev kaj siab lug” (Teev Npe 6:24-26).

Kev kaj siab yog yam uas txhua tus puav leej ntshaw kom tau rau tus kheej, rau tsev neeg, rau tej neeg txheeb ze uas tab tom ntsib kev txomnyem thiab rau lub ntiajteb. Kuv paub tias nyob rau hauv tiam no, tag nrho peb txhua tus lub neej puav leej muaj puv npo teeb meem thiab txhawj xeeb ntau tshaj plaws.
Tiamsis muaj ib yam uas Vajtswv tab tom ua ib qhov haujlwm uas zoo tshaj peb tej kev xav.

Kuv tsis hais txog txoj kev kaj siab zoo li ntiajteb txoj, nws yeej yog ib txoj kev kaj siab nyob deb, lossis nws tsuas yog ib vuag xwb yuav yaj tshis mus. Kuv tab tom hais txog Vajtswv txoj kev kaj siab ruaj khov, txoj kev kaj siab muaj cuab kav rhuav tshem tej kev txhawj kev ntxhov siab nyob rau hauv peb lub neej.
Peb txhua tus nyias puav leej muaj nyias kev ntshai thiab txhawj, yeej zam tsis tau. Tiamsis tshuav kuv, kuv ntshai tsam kuv rov qab rog rog tuaj dua tom qab ntau hnub kuv yoo kom kuv yuag. Tiamsis kuv kuj txhawj rau kuv tsev neeg. Kuv txiv tsis muaj zog lawm tom qab uas nws raug tus mob tuag tes tuag taw. Kuv tus tijlaug yog tub ceev xwm, nws txojsia phomsij heev txhua hnub. Kuv kuj ntshai tsam yus yuav nrhiav tsis tau yus tus txiv tom ntej ib txhis.

Tag nrho peb txhua tus puav leej ntshai. Tiamsis thov kom nco ntsoov qhov no: Vajtswv muaj cuab kav ua tau txhua yam. Yeej tsis muaj ib yam dabtsi Vajtswv ua tsis tau. Thaum Vajtswv pab zog, peb lub neej yuav zoo tuaj txawm yog tej uas peb tau xav txog. Txhua yam yeej yuav tsis ua cas.

Vajtswv coj kuv mus txog rau ntawm Filipis 4:6-8 thiab kuv xav siv cov lus no los txhawb koj:
“Nej tsis txhob nyuaj siab rau ib yam dabtsi hlo li, thaum nej thov Vajtswv nej cia li qhia txhua yam uas nej xav yuav rau Vajtswv, thiab thaum nej thov nej yuav tsum nco ntsoov ua Vajtswv tsaug. Yeej tsis muaj leejtwg yuav paub qhov uas Vajtswv ua rau nej muaj kev kaj siab thiab qhov uas nej nrog Yexus Khetos koom ib txojsia thiab tej uas nej xav huv tibsi. Cov kwvtij, kuv thov xaus lus li no hais tias nej yuav tsum cim ntsoov tej uas zoo thiab tsimnyog qhuas rau hauv nej lub siab: tsis hais tej uas tseeb, tej uas tsimnyog hwm, tej uas ncaj ncees, tej uas dawbhuv, tej uas ntxim nyiam thiab tej uas yuav tau koob meej, nej yuav tsum khaws tej ntawd cia rau hauv nej lub siab huv tibsi.”

Ntawd yog tej uas peb yuav tau ua – tso siab plhuav cia Vajtswv hliv kom puv nkaus Vajtswv txoj kev kaj siab rau peb lub neej pauv qhov uas peb pheej ua neej ntshai nrhw nyob hauv txoj kev tsis kaj siab.

Nyob rau hauv ntu caijnyoog uas muaj teeb meem no, muab peb txoj kev ntshai fij rau Vajtswv thiab so rau hauv Vajtswv tus duab ntxoov uas kaj siab. Thiab tuav rawv Vajtswv txoj koob hmoov uas tau pub rau cov neeg Yixalayees dhau ntawm Mauxes: “Thov tus Tswv foom hmoov rau nej thiab tsomkwm nej; Thov tus Tswv ua siab dawb siab zoo rau nej thiab hlub nej; Thov tus Tswv tsa qhovmuag saib nej thiab pub rau nej muaj kev kaj siab lug” (Teev Npe 6:24-26).

Thov caw nrog kuv peb thov Vajtswv ua ke.
Tus Tswv, nyob rau hauv lub ntiajteb uas muaj puv npo txoj kev ntxhov siav li no, Koj yog kuv lub hauv paus kaj siab ruaj khov. Txawm yog lub neej no yeej tseem tshuav ntau txoj kev txhawj los, kuv yeej ntseeg tias Koj niaj hnub tiv thaiv thiab ntis kuv nyob hauv koj tus duab ntxoov. Thov kom koj txoj kev kaj siab hliv los thiab ntis tag nrho peb, txij no mus txog hnub uas koj rov qab los. Kuv thov hauv Tswv Yexus Khetos lub npe. Amees.

Cov kwv tij, peb tsis tas yuav txhawj lossis tsis muaj kev kaj siab rau tag kis, vim Vajtswv yog peb lub hauv paus kev kaj siab. Muab tag nrho peb tej kev txhawj, tej kev cheem tsum, tej kev ntshaw, fij rau Vajtswv, thiab ntseeg Nws. Thaum ntawd peb yuav tau so nyob rau hauv Vajtswv tus duab ntxoov, thiab zoo siab nyob rau hauv Vajtswv txoj kev hlub. Ntawm no yog lub sijhawm uas peb yuav txais tau txoj kev kaj siab tiag – txoj kev kaj siab ruaj khov uas tsis muaj dabtsi yuav ua tau rau kom yoj yees.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.