Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Yog Vajtswv cov menyuam, peb yog cov uas tau txais qub txeeg qub teg thiab txais tes haujlwm uas Vajtswv muab cob rau peb txhua tus ua. Kom ua tiav tej lus samhwm tseg uas Vajtswv cob rau peb, peb yuav tau paub tseeb peb lub homphiaj thiab cog lus ua lub neej pub rau Yexus Khetos. Ntawm no yog txoj kev txhais ruam mus nrog kev ntseeg, kev cia siab thiab mloog Vajtswv lus.

Hnub no, yog hnub 16/03/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Martha Noebel dhau ntawm Zaj kawm UA LUB NEEJ PUB RAU VAJTSWV

“Kuv khib nej ib yam li Vajtswv khib, rau qhov nej zoo ib yam li tus hluas nkauj uas tsis tau tham dua hluas nraug. Kuv twb qhaib nej cia rau ib tug txivneej lawm, tus ntawd yog Yexus Khetos. Kuv ntshai nyob tsam nej fav siab thiab tsis muab siab npuab Yexus Khetos tiag tiag ib yam li thaud nab ntxias tau Evas fav siab” (II Kauleethaus 11:2-3)

Vajtswv txojlus nyob hauv II Kauleethaus 11:2-3 sau tias: “Kuv khib nej ib yam li Vajtswv khib, rau qhov nej zoo ib yam li tus hluas nkauj uas tsis tau tham dua hluas nraug. Kuv twb qhaib nej cia rau ib tug txivneej lawm, tus ntawd yog Yexus Khetos. Kuv ntshai nyob tsam nej fav siab thiab tsis muab siab npuab Yexus Khetos tiag tiag ib yam li thaud nab ntxias tau Evas fav siab”

Nyob hauv lub neej nrog tus Tswv mus, peb yuav tau tseg lub sijhawm nrog Vajtswv sib tham tso ua ntej thiab mloog Vajtswv tej lus teb. Peb kuj thov kom Vajtswv qhia, pub kev txawj ntse thiab ua tus coj kev hauv txhua tes haujlwm. Vim Vajtswv yog tus coj peb kev thiab pab peb daws txhua qhov teeb meem nyob hauv lub neej no. Yog tsis tseg sijhawm txaus los nrog Vajtswv sib tham peb yuav ua poob ntau txoj kev sib raug zoo ua ke nrog tus uas niaj hnub hlub peb. Vajtswv xav hais txog qhov tseeb no rau peb lub siab thiab lub hlwb.

Kuv tus kheej los kuj ua poob ntau lub sijhawm zoo uas Vajtswv tau muab pub rau kuv vim kuv tsis muab kuv lub neej pub rau Yexus Khetos. Kuv xav tias kuv thiaj yog tus kav kuv lub neej. Kuv tsuas xav ua tej yam uas kuv pom tias kuv zoo siab xwb tsis yog ua rau Vajtswv zoo siab. Vim xav yuam kev li ntawd yog li kuv thiaj ntsib teeb meem los ntawm tej haujlwm kuv tau ua. Dhau los ntawm txhua yam tau tshwmsim kuv paub tias Vajtswv yog tus hlub kuv, Vajtswv muaj homphiaj thiab muaj kev npaj tshwj xeeb tseg rau kuv lub neej. Tiamsis kuv ho ua rau txhua yam nyuaj tuaj. Kuv ua poob ntau txoj koob hmoov uas tsimnyog kuv yuav tsum yog tus tau txais. Yog tias tseem muaj sijhawm tig tau rov qab kuv cia siab tias kuv yuav paub Vajtswv ntxov dua.

Kuv yeej tsis tau muaj ib zaum twg khuv xim vim kuv tau muab kuv lub neej fij rau Vajtswv. Kuv txais yuav Tswv Yexus thaum kuv tseem yog ib tug menyuam hluas. Kuv nco zoo zaj nkauj uas kuv tau hu qhuas Vajtswv rau hmo kuv muab kuv lub neej fij rau Nws. Kuv quaj ntau sij hawm vim txoj kev hlub zoo uas Vajtswv tseg rau kuv. Twb yog lub rooj txhawb siab tub hluas xyoo ntawd, kuv tau txhos caug rau ntawm lub sam thiaj ntoo thiab cog lus ua Vajtswv haujlwm. Tiamsis tej hluas nyob ib ncig kuv lawv kuj quaj thiab thov Vajtswv, tsa suab nrov nrov qhuas Vajtswv txaus siab vim tau nyob hauv Vajtswv txoj kev tshwm ntsej muag. Ntawm no yog ib lub sijhawm tshwj xeeb heev nyob rau hauv kuv lub neej. Kuv cia siab tias yuav tau ntsia pom lub sijhawm muaj kev zoo siab li ntawd nyob rau hauv Vajtswv Pawg Ntseeg niaj hnub nim no.

Puag hauv kuv lub siab kuj xav kom peb sawv daws niaj hnub nim no muab peb lub neej fij pub rau Yexus Khetos thaum uas peb tseem muaj sia nyob hauv ntiajteb. Tsis yog hais tias thaum twg peb twb muaj zog thiab nyob ze Vajtswv tiamsis Vajtswv yog tus nrog nraim peb thiab nyob ntawm peb ib sab.

Thov caw nrog kuv peb thov Vajtswv ua ke.
Tus Tswv, kuv paub tias kuv lub homphiaj ua neej yog ua lub neej pub rau Vajtswv thiab ua rau kom Vajtswv tau koob meej. Txhua yam hauv ntiajteb no puav leej yog ib vuag, tsuas yog txojsia ib txhis nyob saum ntuj ceebtsheej thiaj yog lub tebchaws uas peb yuav tau rov qab mus nyob. Thov Vajtswv pab kom kuv ua lub neej pub rau koj, ua tiav txhua tes haujlwm koj tau muab cob rau kuv. Thov Vajtswv pab kom kuv yuav siv txhua lub sijhawm los tshaj moo zoo rau tej neeg nyob ib ncig kuv. Kuv thov hauv Tswv Yexus Khetos lub npe. Amees.

Cov kwv tij txhua tus, zoo kawg nkaus thaum uas peb tau ua Vajtswv cov menyuam thiab tau koom tes ua ke nyob hauv tej haujlwm uas Vajtswv tau muab cob rau peb. Txhob ua poob lub sijhawm uas Vajtswv muab pub rau peb tiamsis yuav tau ncaj ncees nyob hauv txhua tes haujlwm uas Vajtswv tau muab rau peb ua. Cog lus ua ke nrog Vajtswv muab koj lub neej cia rau Vajtswv siv raws li Vajtswv lub homphiaj zoo. Ua lub neej pub rau Vajtswv yog cov lus pov thawj ciaj sia kom yuav qhia tau rau tiam txuas ntxiv pub rau Yexus Khetos.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.