Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej txhua hnub uas lawv tau ntsib dhau los, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Ua neej nyob hauv ntiajteb leej twg twb xav kom yus tau txais koob hmoov ntau. Tsis yog li ntawd xwb, coob tug tseem xav kom yus yog tus muaj hmoo tshwj xeeb, qhov ntawm txhais tau tias tsis muaj hmoo, yog qhov koob hmoov uas yus tau lwm tus tsis tau. Yog ib tug ntseeg Vajtswv muab yus txoj kev ntseeg cog rau ntawm Tswv Yexus, koj puas pom tias koj yog ib tug hmoov zoo tshaj plaws lossis tsis pom?

Hnub no, yog hnub 16/03/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Missey Butler dhau ntawm lub npe HMOOV ZOO

Peb cia li ua Vajtswv tus uas yog peb tus Tswv Yexus Khetos Leej Txiv tsaug! Vim peb nog Yexus Khetos koom ib txojsia, Vajtswv thiaj li foom ib puas tsav yam koob hmoov saum ntuj ceebtsheej los rau peb.  (Efexus 1:3)

Hauv lus Askiv muaj ib lo lus paj lug “The Luck of the Irish” siv los nthuav tawm lub ntsiab tias “hmoov zoo tshaj plaws”. Lub ntsiab tiag ntawm lo lus tias “cov neeg Ai-len hmoov zoo”. Yog li, ua li cas cov neeg Ai-len txoj hmoov no ho yog ib yam dab tsi ntawd muaj hmoo heev?

Qhov no los ntawm kev cai nyob rau cov neeg Askiv txheej laus thauv kev coj noj coj ua, cov menyuam lawv pheej mus nrhiav cov nyhom muaj 4 daim nplooj lawv suav tias yog lub cim ntawm txoj hmoov zoo. Txawm li cas los xij, kom nrhiav tau cov nplooj no tsawg kawg. Feem ntau kwv yees muaj 10.000 tsob nyhom 3 nplooj, ces lawv thiaj nrhiav tau 1 tsob muaj 4 nplooj. Hauv paus pib ntawm cov nyhom muaj 4 nplooj no, cov neeg Askiv thiaj muaj lo lus paj lug “cov neeg Ai-len hmoov zoo” los nthuav qhia tias muaj ib tug twg ntawd tau txais hmoov zoo dua lwm tus lossis muaj hmoo tshwj xeeb vim suav tias cov neeg Ai-len muaj nyhom 4 nplooj ntau dua lwm thaj chaw hauv ntiajteb no.

Zaum no, peb sim tso cov lus nug seb “Ua li puas yog cov neeg Ai-len no lawv hmoov zoo tiag? Cia li ntsia cov neeg Ai-len tej keeb kwm ib mentsis kom nrhiav tau lo lus teb.

Hnub 17/3 txhua xyoo, yog hnub nco txog tseg rau yawg Patrick nyob hauv Ai-len. Patrick yawg yeej ib txwm yog neeg Askiv nyob ntawd. Thaum tseem hluas, hnub nyoog 16 xyoo Patrick raug cov tub sab yog neeg Ai-len ntes kaw. Nyob rau lub sijhawm raug kaw ntawd. Patrick tau paub txog Vajtswv thiab ntseeg Vajtswv. Tom qab khiav dim cov neeg tub sab no. Yawg rov qab los rau hauv qub zej zog thiab tom qab no dhau los ua ib tug thawj coj rau Pawg Ntseeg. Nrog lub siab kub lug. Yawg txiav txim siab rov tuaj mus rau Ai-len coj txoj moo zoo cawm neeg txoj sia mus qhia rau cov neeg tab tom pe mlom no. Yawg lub koob npe nrov heev thaum siv cov nyhom muaj 3 nplooj ntawm no los ua piv txwv txog Vaj Peb Leeg koom ua ib.

Tom qab no, cov tub rog Ai-len los koom xyaw ua ke nrog cov tub rog Askiv lawv muab cov nyhom 3 nplooj no los dhos rau saum lawv cov ris tsho ua rog. Piv li ib lub cim qhia tias lawv twb tau Vajtswv foom koob hmoov dhau ntawm tus yawg Patrick. Lawv muaj lub cim no hauv neeg, lawv ntseeg tias lawv tab tom tuaj Vajtswv tog thiab ruaj siab tias Vajtswv yuav tiv thaiv lawv thiab pub rau kom lawv muaj yeej. Lossis muab ua lwm lo lus, lawv yuav tau txais hmoov zoo.

Yog cov ntseeg Vajtswv txawm yog tsis koom nrog cov neeg Ai-len no txoj kev coj noj coj ua los peb tuam txhij koom nrog lawv ib txoj kev ntseeg tias:

“Tus Tswv nrog nraim kuv nyob, kuv yuav tsis ntshai li; leejtwg muaj peevxwm ua tau li cas rau kuv? Twb yog tus Tswv tuaj kuv tog pab kuv, kuv yuav pom ntssoov kuv cov yeebncuab swb.” (Ntawv Nkauj 118:6-7)

Lawv li phau ntawv nrhiav ntsiab lus ntawm cov niam txwm ntawv, hmoov zoo yog yus ua tiav haujlwm zoo qhov pib yog ntawm yus cim civ ua tau lossis ntuj pub tsis yog ib tug neeg twg pab. Nyob ntawm peb cov ntseeg Vajtswv, peb hu ntawd yog KOOB HMOOV VAJTSWV PUB.

“Tus Tswv yuav foom koob hmoov rau txhua yam uas nej ua. Tus Tswv yuav ua rau nej cov yeeb ncuab swb thaum lawv tuaj tua nej. Lawv ua ke tuaj tua nej, tiamsis lawv yuav tawg ua sab ua sua rov qab. Tus Tswv uas yog nej tus Vajtswv yuav foom koob hmoov rau tej uas nej ua thiab pub kom nej tau nplej ntau puv txhab. Nws yuav foom koob hmoov rau lub tebchaws uas Nws muab rau nej lawm.” (Kevcai 28:6-8)

Qhov koob hmoov zoo tshaj plaws thaum uas peb puav leej yog Vajntxwv ntawm txhua tus Vajntxwv saum ntuj tej tub tej txhais. Tus Tswv ntawm txhua Tus Tswv thiab tau xaiv los txais txhua txoj koob hmoov ntawm sab ntsujplig.

“Peb cia li ua Vajtswv tus uas yog peb tus Tswv Yexus Khetos Leej Txiv tsaug! Vim peb nog Yexus Khetos koom ib txojsia, Vajtswv thiaj li foom ib puas tsav yam koob hmoov saum ntuj ceebtsheej los rau peb.” (Efexus 1:3)

Thov caw nrog kuv peb thov Vajtswv ua ke:

Ua Vajtswv Koj tsaug vim txoj koob hmoov tshwj xeeb uas Vajtswv pub rau kuv thaum Koj yog tus Vajntxwv ntawm txhua tus vajntxwv thiab tus Tswv ntawm txhua tus Tswv kuv tau ua Koj menyuam. Tseeb tiag kuv pom kuv tau koob hmoov ntau kawg. Thov Koj ntxiv zog kom kuv muaj siab tawv nthuav qhia txoj koob hmoov no rau cov neeg nyob ib ncig ntawm kuv ib yam li yawm Patrick tau ua pub rau cov neeg Ai-len thaum ub. Kuv thov hauv Yexus Khetos lub npe. Amees.

Cov kwv tij txhua tus, koj puas pom tias yus yog tus hmoov zoo thaum tau Vajtswv xaiv los ua Nws cov menyuam lossis tsis pom? Txhob txaus siab rau txoj koob hmoov tshwj xeeb no rau yus tus kheej xwb tiamsis siv tag rho txhua lub sijhawm los nthuav qhia txoj hmoo zoo cawm dim rau cov neeg ib ncig ntawm koj.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev txhawj xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj thiab peb xav kom txuas tau nrog koj.