Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Vajluskub qhia peb paub tias ua ntej uas peb thov ces Vajtswv twb paub lawm thiab Nws twb teb peb tej lus thov lawm. Puas tau muaj ib zaug twg koj xav nug tias, “ yog li vim li cas Vajtswv tseem xav kom yus taij thov thaum uas Nws twb paub txhua yam tas lawm?” Cia siab tias koj yuav nrhiav tau lo lus teb nyob hauv zaj kawm hnub no.

Hnub no, yog hnub 16/12/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Missey Butler dhau ntawm zaj kawm UA NTEJ LAWV TAIJ THOV

thaum lawv tseem thov Kuv tsis tau xaus, Kuv twb teb lawv lawm (Yaxayas 65:24,)

Kuv xav nrog Vajtswv sib tham thaum kuv tshav tsheb taug kev mus rau kuv qhov chaw ua haujlwm. Tsis ntev los no saib xov xwm txog kev tsov rog nyob rau tom hiav txwv, kuv hais rau Vajtswv tias, “ Tus Tswv, kuv nkag siab tias Koj paub meej tej kev mob siab uas koj cov menyuam tab tom tiv vim kev tsov rog. Paub tiag Koj kuj mob siab heev”.

Thiab kuv hnov  Vajtswv hais rau kuv tias, “Yog, kuv tus ntxhais, koj nkag siab Kuv lub siab. Koj nkag siab kuv nyuaj siab mob siab npaum li cas. Kuv tsis yog tsuas ntsia  pom tej qhov chaw uas raug foob pob tawg thiab phom rhuav tshem xwb, tiamsis Kuv tseem ntsia pom tag nrho lub ntiajteb no tab tom ua neej nrog rau txoj kev mob siab li cas. Tshuav koj tsuas ntsia pom yam ze ntawm qhov muag xwb, tiamsis Kuv ntsia pom tag nrho daim duab”.

Tamsim ntawd, Vajtswv txojlus nyob hauv Yaxaas 55:8 tuaj rau kuv, Tus Tswv haistias, “Tej uas Kuv xav zoo tsis thooj li uas nej xav, thiab tej uas Kuv ua zoo tsis thooj li tej uas nej ua.”

Kuv thov Vajtswv, “Yog, Tus Tswv, yeej yog li ntawd. Tib neeg yeej paub tsi tag thiab qhov ntawd ua rau peb ua xyem xyav rau Vajtswv Koj txojkev hlub thiab ua rau peb tsis ntseeg siab tias Vajtswv xav cawm, xav kho, thiab cawm tag nrho cov ntsujplig muaj nqis uas tab tom tsau tsawv rau hauv txojkev txomnyem quaj ntsuag thaum uas lawv ua lub neej nyob rau hauv lub ntiaj teb puv npo kev txhaum no.

Tamsim ntawd Vajtswv qhia rau kuv nco txog ob nqe Vajluskub muaj zog heev hais txog Vajtswv yog tug paub tag nrho txhua yam. Nyob hauv Yaxayas 65:24, Vajtswv ntuas peb tias, “Thaum lawv tseem thov Kuv tsis tau xaus, Kuv twb teb lawv lawm.”  Thiab ib zaug ntxiv nyob rau hauv phau Ntawvnkauj 139:4, tus sau phau Ntawvnkauj lees yuav, “ txawm yog thaum kuv tseem tsis tau hais lus los koj twb xub paub ua ntej lawm hais tias kuv yuav hais dabtsi.”

Thawj qhov uas kuv ua ua ntej yog, “Tus Tswv, yog tias Koj paub lo lus teb ua ntej thaum peb tsis tau thov yog ua cas Koj ho yuam kom peb taij thov Koj?”

Tamsim ntawd, Vajtswv nthuav qhia hauv kuv lub siab tias, “ Lo lus thov Vajtswv hloov tsis tau Kuv- tiamsis nws hloov tau koj”.

Oh! Tsis tau muaj ib zaug twg uas kuv yuav xav txog kev thov Vajtswv zoo li ntawd. Tiamsim yim cia Vajtswv txojlus tog rau hauv yus ces kuv yim pom tau tias qhov ntawd yog tseeb.

Vajluskub sau: Kuv yog tus TSWV Kuv yeej tsis hoov li” (Malakis 3:6). 

Nyob rau lub sijhawm ntawd, kuv pom tau tias peb tsis thov Vajtswv kom Vajtswv hloov Vajtswv lub siab. Tiamsis yog Vajtswv xaiv siv peb tej lus thov zoo li ib txoj hau kev kom Nws lub siab nyiam tau ua. Dhau qhov ntawd peb kuj yuav saj tau Vajtswv lub hwjchim thiab dhau los mus zoo li Nws. Twb yog vim li ntawd Tswv Yexus thiaj qhia peb thov Vajtswv, “ txawm li cas los koj tsis txhob ua raws li kuv lub siab nyiam, tiamsis ua raws li koj lub siab nyiam xwb!” (Lukas 22:42). Vajtswv siv peb ib yam li Nws txhais tes txuas kom ntev  mus rau ib lub ntiajteb uas tab tom quaj ntsuag thiab ua tsi taug pa, tab tom cheem tsum Vajtswv ib qho kev chwv dawb huv.

“rau qhov peb paub hais tias txij thaum ub los txog niaj hnub no ib puas tsav yam uas Vajtswv tsim ntsaj ntsoog qees ib yam li tus pojniam uas mob plab yuav yug menyuam”  ( Loos 8:22)

“ib puas tsav yam uas Vajtswv tsim tos ntsoov xav pom hnub uas Vajtswv cov menyuam los.ib puas tsav yam uas Vajtswv tsim yeej tsis xav raug kev puastsuaj, tiamsis Vajtswv pom zoo tej ntawd raug kev puastsuaj. Txawm li ntawd los tseem muaj kev ciasiab. Hais tias muaj ib hnub twg ib puas tsav yam uas Vajtswv tsim, yuav dim ntawm txojkev puastsuaj thiab yuav nrog Vajtswv cov menyuam tau lub tshwjchim uas ci ntsa iab.  (Loos 8:19-21).

Thaum cov tsheb khiav ceev heev dhau ntawm kuv thaum sawv ntxov maj nroos mus ua haujlwm, kuv ua twj ywm xav txog tej yam zoo tshaj plaws nyob hauv txoj kev sib txuas lus nrog Vajtswv. Ib zaug ntxiv kuv tau ntsia pom ib lub siab ntawm ib tug vajntxwv ntawm txhua tus lub siab. Thiab ua rau kuv lub siab txawm mob rau tus ntawd.

Koj puas yuav teb lo lus nqua hu thiab koom rau txoj kev thov Vajtswv? Koj yuav xav tsis thoob thaum pom tias  thaum peb tsis tau thov Vajtswv ces Vajtswv twb muaj lo lus teb lawm. Tseeb tiag tus Tswv uas peb pehawm thiab ua Nws tes haujlwm yog tus Vajtswv uas zoo kawg nkaus!

Thov caw nrog kuv peb thov Vajtswv ua ke: 

Ua Vajtswv Koj tsaug vim ua ntej thaum kuv taij thov ces Koj twb teb kuv tej lus thov. Thov pab kom kuv paub zoo txog koj tus dej siab thiab niaj hnub taij thov kom Vajtswv Koj lub siab nyiam tau ua tiav rau hauv lub ntiajteb no thiab hauv kuv lub neej. Kuv thov hauv Tswv Yexus Khetos lub npe. Amees.

Cov kwvtij, kev taij thov tsis ua rau Vajtswv hloov Nws lub siab thiab Nws tus cwjpwm tiamsis nws hloov peb. Thov Vajtswv pab peb nkag siab zoo txog Vajtswv lub siab thiab cog lus yim hnub yuav ua neej pub rau Vajtswv. Txoj kev lees paub no puas yuav pab rau koj yim txiav txim siab, paub tswj yus lub siab, thiab siv zog dua hauv koj lub neej thov Vajtswv?

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.