Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Puas tau muaj zaum twg koj ntsib dhau qhov uas yuav tos ib tug neeg ib lub sijhawm ntev heev thiab muaj ib hnub tus neeg ntawd txawm cia li tshwm plaws los ntawm koj xub ntiag? Qhov ntawd yuav zoo siab heev tsis paub yuav hais li cas thiab yeej xav qhia txoj kev zoo siab ntawd rau sawv daws puas yog. Ntawd kuj yog cov thwj tim xub thawj txoj kev zoo siab thaum uas lawv ntsib tus Mexiyas uas lawv niaj hnub tos ntau ntev loo los no. 

Hnub no, yog hnub 18/12/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Ken Barnes dhau ntawm Zaj kawm KHETOS LUB NPE: TUS MEXIYAS 

“Adales txawm mus hais rau nws tus tijlaug Ximoos hais tias, "Wb twb ntsib tus Mexiyas lawm." (Lo lus Mexiyas txhais hais tias "Khetos.") (Yauhas 1:41).

“Peb twb ntsib tus Mexiyas lawm!” Sim xav txog qhov uas lawv tos, lawv thov Vajtswv thiab cia siab ntsoov tos tus Mexiyas ntev loo los no. Thiab tamsim ntawd, muaj ib hnub, Tswv Yexus tshwm kiag los muaj nqaij muaj txha, ntawm lawv xub ntiag. 

Adales tau ua yam uas txhua txhia tus yuav ua. Yawg khiav mus nrhiav tus neeg uas txheeb ze yawg tshaj plaws yog yawg tus tijlaug, hu ua Ximoos, qhia txojxov zoo no. Tom qab ntawd, ces nkawd yeej tsis muaj hnub xav nrug deb tus Tswv. Nkawd tau dhau los ua Tswv Yexus tus uas yog neeg Naxales ob tug thwjtim xub thawj. 

Zaj xwm txheej no ua rau kuv nco txog nees nkaum xyoo dhau los kuv tau tag siab mus nrhiav tus neeg uas Vajtswv xaiv rau kuv lub neej. Tom qab ntau lo lus taij thov nrog ntau lub kua muag thiab muaj qee zaus “hu neeg yuam kev”, ces muaj ib hnub, tus ntawd txawm cia li tshwm plaws rau ntawm kuv xub ntiag. Thaum kawg kuv kuj xav thoob thiab pom tias nws yog tus txiv neej uas kuv tab tos los ntev loo. Thiab kuv kuj tsis muaj hnub xav ncaim nws mus li. 

Tus tub txawg sau ntawv Shakespeare tau sau: Peb cia li nres peb txoj kev mus ua si thaum peb ntsib tus neeg uas peb hlub. Nyob rau ntawm cov thwjtim xub thawj los kuj zoo ib yam nkaus li ntawd. Thaum uas lawv pom tias lawv tau nrhiav pom Yexus Khetos lawm, lawv txoj kev tos ntawd twb daws tau lawv txoj kev qhis lawm – ces lawv lub sijhawm mus nrhiav cia li xaus. 

Txoj kev zoo siab no nyob rau hauv lub koob tsheej no yog: Thaum peb nrhiav pom Tswv Yexus, thaum peb txhawb nqa Tswv Yexus ua tus Tswv thiab peb tus Cawm Seej hauv peb lub neej, ces peb lub sijhawm tos kuj cia li xaus. Peb tsis tas yuav nrhiav ntxiv nyob rau hauv lub ntiajteb no. siv zog txhawm kom puv tej qhov chaw seem uas tsuas yog Tswv Yexus tib leeg xwb thiaj muaj peev xwm txhawm tau. Peb twb nrhiav tau tus Mexiyas lawm.

Thov caw nrog kuv peb thov Vajtswv ua ke

Ua Vajtswv tsaug tom qab uas ntau zaug tshawb nrhiav, thaum kawg kuv kuj ntsib Koj – tus Mexiyas los rau hauv lub ntiajteb no cawm kuv lub neej. Thov Vajtswv Koj tswj kuv kom tsis nrug deb koj, thiab kuv lub qhov ncauj yuav tshaj tawm Koj lub npe dawbhuv mus rau tej neeg ib ncig kuv, thiab tag nrho lub ntiajteb no. Kuv thov hauv Tswv Yexus Khetos lub npe. Amees. 

Cov kwv tsis muaj dua ib txoj keev zoo siab twg loj npaum nkaus li tau ntsib tus neeg uas peb hlub. Txij no mus, koj thiab kuv tsis tas yuav siv zog nrhiav lossis tos tos nkees tas ntxiv, vim tus Mexiyas twb los tuaj theej peb thiab sawv rov qab los vim peb, los nyob hauv peb lub siab, muaj ib hnub peb yuav tau nrog Nws nyob ua ke mus ib txhiab ib txhis saum ntuj ceebtsheej ci ntsa iab. 

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.