Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Peb yuav muaj kev kaj siab tiag thaum uas peb rov qab tau sib raug zoo ua ke nrog Vajtswv. Dhau ntawm Tswv Yexus txoj kev los yug ua neeg thiab tus nqi uas nws them peb thiaj tau suav tias ncaj ncees thiab dhau los ua Vajtswv menyuam. Lub caij ua koob tsheej kuj yog lub sijhawm ntuas kom peb yuav tau ua kom zoo peb qhov haujlwm yog ua tus hais kom sawv daws rov qab sib haum xeeb ua ke nrog Vajtswv thiab coj ntau tus los cuag Vajtswv.

Hnub no, yog hnub 19/12/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Helen Ryser Smith dhau ntawm Zaj kawm KOOB TSHEEJ YOG LUB CAIJ MUAJ KEV THAJ YEEB

“Thov kom Vajtswv tus uas nyob saum ntuj ceebtsheej tau koob meej , thiab thov kom cov neeg uas nyob hauv ntiajteb txhua tus uas ua haum Vajtswv siab tau zoo nyob kaj siab lug!” (Lukas 2:14).

Thaum tseem yog ib tug tub kawm nyob hauv tsev kawm ntawv qib siab, kuv muaj caij mus txog rau teb chaws Israel mus kawm ntawv ua ntej yuav txog koob tsheej ob peb hnub. Kuv xav kom tau kawm nyob hauv lub tsev kawm ntawv Hebrew University of Jerusalem, yog li kuv thiaj suam npe mus kawm nyob ntawm Ulpan. Ulpan txhais tias yog ib lub chaw kawm tshawb nrhiav txog hom lus Yudais.

Kuv maj nroos mus txuas phooj ywg nrog cov kawm ua ke. Nyob hauv lawv cov ntawd muaj ib txhia yog cov tub tshaj xo nyuam qhuav mus ua haujlwm, muaj ib tug kws qhia ntawv sab tâm lý học tuaj ntawm Princeton tuaj, muaj ib tug xibhwb thiab nws pojniam tuaj ntawm Texas tuaj, ib tug pojniam tuaj ntawm tebchaws Đức tuaj, muaj ib tug tub kawm yog neeg Askiv twb kawm hauv lub tsev kawm uas yog hais cov lus Yudais. Muaj ib pab yog cov kws tshuaj tuaj tim Hà Lan tuaj thiab ib tug tuaj ntawm New York tuaj nws nyuam qhuav nrog tsev neeg tuaj rau tebchaws Israel.

Dhau ntawd tseem muaj ib tug niam tsev hluas nws txhais tes qhwv nrees. Kuv hnov xov tias thaum nws tab tom tsav tsheb ces nws raug cov neeg sawv tawm tsam ntaus ua rau nws sab tej thiaj raug mob. Muaj ib tug tub tuaj ntawm lub nroog Yeluxalees qub. Nws hais tau lus Ả-rập thiab xav kawm lus Henplais.

Pib kawm tag kis sawv ntxov, Xibhwb hais lus noj qab nyob zoo rau peb los ntawm lo lus: “Shalom, talmidim” muaj lub ntsiab tias “Nyob zoo nej sawv daws”. Ib hnub kawm rau teev thiab ib thiv kawm tsib hnub, peb yuav tau nco tej lus tshiab nyeem kom nrov nrov ib lo lus zuj zus nyob hauv phau ntawv kawm. Ua yeebyam thiab sib tham ua ke thaum mus noj tshais. Thaum nkees lawm ces peb siv lus askiv los sib tham ua ke thiab thaum uas peb coj li ntawd peb tus xibhwb qhia ua txuj zoo li tsis nkag siab. Qhov uas peb siv lo lus tshiab los sib tham ua ke yog yam uas tseem ceeb kawg kaus.

Tej zaug peb muaj coob tug paub lo lus “Shalom” txhais tias kev thaj yeeb. Thaum sijhawm kawm dhau mus ces kuv pom tias chav kawm nws tso siab heev tiamsis kuj yog qhov chaw uas muaj ntau txoj kev sim siab. Txhua tus kawm ib leeg nyias muaj nyias lub homphiaj sib txawv thaum uas mus kawm lus Henplais. Txawm yog hnub nyoog sib txawv, nyias muaj nyias peev xwm thiab yug los ntawm tsev neeg zoo li cas los yeej koom tib lub homphiaj yog kawm lus Henplais ua ke. Ntawm no yog cov lus qub thaum ub, yog ib hom lus tau muab sau nyob hauv Vajluskub, yog ib lo lus uas peb ib txwm tsis tau paub dua.

Yog tias tej uas kuv ntsib dhau nyob hauv lub neej qhia rau kuv paub txog lub ntsiab ntawm lo lus hais nyob kom sib haum xeeb, ces thaum kuv kawm lus Henplais yog qhov pov thawj meej meej qhia rau peb paub txawm yog peb nyuam qhuav pib kawm tej qib uas yooj yim xws li sib tham ua ke xwb. Tseeb tiag, koj yeej yuav siv tsis tau lus Henplais los nrog lwm tus sib tham kom nrov nrov los ntawm tej lo lus uas koj hais lossis siv koj tus kheej lub zog. Koj yeej yuav tsis muaj peev xwm ua rau kom lwm tus nkag siab txog koj tab tom hais dabtsi. Yog li koj thiaj nrhiav kev kawm luag li lus zoo li ib txoj kev siv los ua kom rov qab sib haum dhau los ntawm txuas ua ke nrog sawv daws. Muaj ib txhia neeg ces lawv nkag siab tias koj tab tom hais dabtsi thiab xav nrog koj sib tham ua ke tiamsis kuj muaj ib txhia neeg lawv tsis nkag siab koj hais dabtsi li.

Nyob rau lub sijhawm uas kuv kawm hauv tsev kawm ntawv Vajtswv pab kom kuv pom txog qhov txujci loj tshaj plaws yog ua kom sib haum xeeb ua ke yog Tswv Yexus dhau los ua txojlus nyob nruab nrab ntawm peb kom peb thiaj muaj cuab kav rov qab sib haum tau nrog Vaj Leej Txiv. Dhau ntawd peb kuj yuav tau nyob kom sib haum xeeb ua ke thiab.

Kuv twb koom xya lub koob tsheej ua ke nyob hauv lub nroog Yeluxalees lawm. nyob ntawm kuv, txoj kev ntseeg rau txojlus cog ruaj rau hauv kuv lub neej zoo li Vajtswv txojlus tau sau nyob rau ntawm Hauxeyas 1:7
“Tiamsis kuv yuav hlub cov Yudas. Kuv yog tus Tswv uas yog lawv tus Vajtswv, kuv yuav cawm lawv, tiamsis tsis yog kuv siv ntaj lossis hneevnti thiab xubvos lossis nees thiab tubrog caij nees los cawm lawv.”

Tsis tas li ntawd, Vajtswv txojlus nyob hauv Lukas 2:14 qhia ib qhov tseeb zoo kawg nkaus rau peb: “Thov kom Vajtswv tus uas nyob saum ntuj ceebtsheej tau koob meej, thiab thov kom cov neeg uas nyob hauv ntiajteb txhua tus uas ua haum Vajtswv siab tau zoo nyob kaj siab lug!”

Niaj hnub nim no kuv tseem tab tom kawm lo lus thaj yeeb thiab sib haum xeeb ua ke nyob hauv lus Henplais yog Shalom, talmidim.

Cia siab tias koob tsheej xyoo no koj lub siab yuav puv npo kev kaj siab thaum uas koj ua koob tsheej nco txog Tswv Yexus los yug. Cia siab tias koj lub siab yuav txais tau kev kaj siab los ntawm Vajtswv muab pub.

Thov caw nrog kuv peb thov Vajtswv ua ke
Ua Tswv Yexus tsaug vim koob tsheej nco txog Tswv Yexus los yug kuv thiaj rov qab tau sib haum xeeb ua ke nrog Vaj Leej Txiv. Kuv txais tau txoj kev kaj siab ib txhis thaum nyob hauv koj txoj kev hlub. Thov Vajtswv pab kom kuv siv tej lus hais thiab tes haujlwm ua kom qhia koj txoj kev kaj siab rau tej neeg ib ncig nyob rau lub koob tsheej xyoo no. kuv cia siab tias koj yuav txais tau kev kaj siab tsuas muaj nyob hauv Leej Txiv. Kuv thov hauv Tswv Yexus Khetos lub npe. Amees.

Cov kwv tij txhua tus, zoo kawg nkaus thaum uas peb muaj sijhawm ua tim khawv qhia txog Vajtswv txoj kev hlub loj kawg nkaus nyob rau lub koob tsheej xyoo no. peb txhua tus puav leej yog tub txib rau Vajtswv lub tebchaws qhia Txojmoo Zoo rau tib neeg. Koj tej lus tim khawv yuav yog tus choj tuam kom rov qab sib haum xeeb ua ke nrog Vajtswv thiab txais tau txoj kev kaj siab ib txhis ntawm Vajtswv.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.