Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Nyob hauv txoj kev nrog tus Tswv mus, tsis yog tias thaum twg peb twb ua raws li Vajtswv tej lus qhia. Tiamsis Vajtswv yeej txais yuav thiab zam txim rau peb thaum peb lees txim rau Vajtswv. Peb tsis tas yuav them nqi kom txais tau Vajtswv txoj kev hlub tiamsis Vajtswv pub dawb rau peb yam tsis yuav dabtsi.

Hnub no, yog hnub 22/03/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Cathy Irvin dhau ntawm Zaj kawm KEV HLUB LOJ

“Peb cia li qhuas Vajtswv tus uas hlub peb. Vim peb ntseeg Vajtswv, Leej Tub tus uas nws hlub kawg nkaus, mas Vajtswv thiaj pub nws txoj koob hmoov dawb dawb rau peb” (Efexaus 1:6).

Kuv nrog kuv tus ntxhais xeeb 2 xyoo mus rau hauv ib lub chaw muag tej khoom uas lawv txais lwm lub tebchaws los muag. Kuv cia kuv tus ntxhais xeeb zaum ntawm lub tsheb thawb yog tsis ceev faj ib tsam muaj tej yam khoom muaj nqis yuav poob tawg. Tiamsis kuv tsis paub tias xyov kuv tus ntxhais xeeb puas nkag siab tej uas kuv hais. Tiamsis kuv yuav tau ua tib zoo saib ntsoov txhua yam kom zoo, nws ob txhais tes tib si. Vim thaum twg nws kov raug ces tej khoom yooj yim poob tawg tau muab tso rau ntawm tej chaw txawb uas nws kov tau.

Tom qab nrhiav ib pliag kuv nres ntawm cov khoom uas kuv yuav yuav nyob saum qhov siab. Kuv tseem yuav yuav lub taub nrog lub khob nyob puag saum kawg. Thaum kuv cev tes mus txog ces lub khob ib sab poob hauv pem teb tawg tas. “Pog ua khob tawg lawm. lub khob no pog ua tawg lawm” kuv tus ntxhais xeeb qw nrov nrov.

Kom them rov qab rau lawv kuv txiav txim siab yuav lub khob uas kuv ua tawg ntawd. Tiamsis muaj ib tug muag khoom hais rau kuv tias: “Koj tsis tas yuav them nyiam rau lub khob tawg ntawd. Nws tsuas yog ib qhov yuam kev xwb.”

Lub sijhawm ntawd kuv xav tsis thoob rau tej uas tus muag khoom ntawd hais. Tiamsis kuv yeej hais tias: “Kuv mam yuav lub khob ntawd.” Tiamsis tus muag nws tsis kam: “Koj tsis tas yuav ua li ntawd. Ntawd tsuas yog ib qhov teeb meem xwb. Kuv zoo siab qhov uas koj thiab tus mentxhais yeej tsis ua li cas, thaum cov txhais khob tawg tuaj.” Thaum hnov nws hais li ntawd, kuv luag thiab thov kom nws pab nqa lub khob haus dej mus rau ntawm qhov chaw them nyiaj tas kuv rov qab mus yuav khoom ntxiv.

Kuv tus ntxhais xeeb ntsia pom ib lub quả cầu thuỷ tinh me me nyob saum nws taub hau. Vim nws xav saib kuv thiaj muab ib lub tawm los. kuv muab lub quả cầu thuỷ tinh ntawd rau nws tuav ntawm tes. Thaum uas kuv tuav nws txhais tes ruaj ruaj ces nws paub tias lub quả cầu no tsis yog cao su tiamsis yog quả cầu thuỷ tinh yooj yim poob tawg. Yog li kuv thiaj xav tias ntawm no kuj yog ib lub tswv yim zoo qhia rau nws paub txog tej khoom uas yooj yim poob tawg. Nws tuav ntawm tes zoo zoo thiab kuv qhib lub thawv los muab rov qab tso rau hauv dua.

Txuas ntxiv, nws tuav lwm lub tiamsis thaum no poob hauv pem teb lawm. nws ntshai thiab cev tes pos qhov ncauj thiab hais tias: “Kuv ua lub quả cầu tawg lawm.” kuv hais rau nws tias: “Tseeb tiag koj tau ua tawg lawm.” tamsim ntawd kuv mus rau ntawm tus muag khoom thiab hais qhia rau nws paub txog qhov khoom ua tawg ntawd thiab them nyiaj rau. Tomqab ntawd kuv rov qab mus yuav peb qhov khoom ntxiv thiab mam mus them nyiaj. kuv hais qhia rau tus them nyiaj tias kuv yuav tau tawm mus tsis li ntawd yuav muaj teeb meem.

Thaum hnov kuv hais li ntawd ob tug muag khoom luag, co tes hais rau wb tias: “Koj txhob txhawj txog qhov ntawd. Yeej tsis muaj dabtsi txaus ntshai li.” Nkawd tseem hais rau kuv tias: “Wb zoo siab vim ntsib ib tug mentxhais ntxim hlub li ntawd.” Sawv ntawm cov muag khoom luag ntxhi li ntawd kuv pom tias kuv tau txhawb zog ib mentsis tom qab uas mus yuav khoom ntsib teeb meem.

Dhau ntawm qhov xwm txheej no kuv xav ntau txog qhov uas Vajtswv ua rau yus. Kuv paub tias muaj ntau zaug peb ua txhaum thiab tsis yog tias thaum twg twb ua raws li Vajtswv qhia. Tiamsis Vajtswv ho luag thiab hais tias: “Yeej tsis ua li cas.” ua Vajtswv tsaug vim nyob rau lub caijnyoog zoo li ntawd Vajtswv pab kom kuv pom tias kuv tau koob hmoov thaum txais tau txoj koob hmoov loj los ntawm Vajtswv los.
Paulus saj tau Vajtswv txoj kev hlub uas Vajtswv tseg rau Nws nyob hauv II Kauleethaus 12:9: “tiamsis Vajtswv teb kuv hais tias, “Kuv porn zoo hlub koj ces txaus lawm. Kuv yuav pub kuv lub hwjchim rau tus uas qaug zog.” Vajtswv hais li no, yog li ntawd qhov uas kuv qaug zog ua rau kuv zoo siab kawg li, rau qhov Yexus Khetos lub hwjchim yuav tsomkwm kuv.”

Qhov tseeb, muaj qee lub chaw muag khoom lawv yeej samhwm tseg tias: “Yog leej twg ua tawg qhov khoom twg ces yuav tau yuav qhov khoom ntawd.” Thaum uas xav txog qhov ntawd kuv tsis raug yuav qhov khoom kuv ua tawg ces kuv pom txog Vajtswv txoj kev hlub loj tseg rau kuv loj npaum cas. ua Vajtswv tsaug vim kuv tsis raug yuav qhov khoom uas kuv tsis cheem tsum yuav. Tej zaug lwm zaus kuv yuav tau mus yuav khoom ib leeg thiab thov Vajtswv pab kom kuv tsis ua tej khoom tawg ntxiv.
Koj puas xam tau tias ntuj ceebtsheej zoo li ib lub chaw muag khoom? Peb tsis tas yuav raug them nqi kom txais tau Vajtswv txoj kev hlub tiamsis Vajtswv muab pub dawb xwb.

“Peb cia li qhuas Vajtswv tus uas hlub peb. Vim peb ntseeg Vajtswv, Leej Tub tus uas nws hlub kawg nkaus, mas Vajtswv thiaj pub nws txoj koob hmoov dawb dawb rau peb” (Efexaus 1:6).

Thov caw nrog kuv peb thov Vajtswv ua ke.
Ua Vajtswv tsaug vim Koj siv zaj kawm hnub no los ntuas kom kuv nco txog Koj txoj kev hlub loj uas koj tseg rau kuv. Thov pab kom kuv nco ntsoov koj tshav ntuj thiab ua neej nyob rau hauv txoj kev hlub zoo ntawd. Thov Vajtswv pab kom kuv muaj lub siab tawv qhia txog koj txoj kev hlub pub rau cov neeg uas tsis tau paub txog koj lub npe tshwj xeeb yog cov neeg txheeb ze, phooj ywg cov ua haujlwm ua ke. Kuv thov hauv Tswv Yexus Khetos lub npe. Amees.

Cov kwv tij txhua tus yog Vajtswv cov menyuam peb txais tau Vajtswv txoj kev hlub pub dawb. Txawm yog yav dhau los yuav zoo li cas los, tej kev txhaum uas peb ntawd yuav zoo li cas los Vajtswv yeej hlub peb thiab suav tias peb ncaj ncees los ntawm Nws txoj kev hlub, tsuav yog peb paub lees txim thiab khiav los cuag Nws. yog li, yuav tau ua lub neej nco Vajtswv tshav ntuj dhau los ua tim khawv thiab qhia Vajtswv txoj kev hlub rau coob tug kom txais tau Vajtswv txoj kev hlub.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.