Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Nyob rau ntawm tej tus uas niam txiv tuag tas ces kuj txhais tau tias lub sijhawm ua menyuam rau tus neeg ntawd tsis tshuav lawm. Tiamsis nyob rau ntawm tus neeg yog ntseeg Vajtswv, Peb yuav yog Vajtswv tej tub tej ntxhais mus li. Txawm tsis tshuav niam txiv lawm los Vajtswv yeej tseem hlub thiab saib xyuas peb.

Hnub no, yog hnub 22/10/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Gail Casteen dhau ntawm zaj kawm LUB SIJHAWM UA MENYUAM TSIS TSHUAV LAWM?

Kuv yuav muab lawv ua Kuv qhov chaw nyob thiab kuv yuav niaj hnub nrog lawv nyob. Kuv yuav yog lawv tus Vajtswv thiab lawv yuav yog Kuv haiv neeg… Kuv yuav yog nej txiv, nej yuav yog Kuv cov tub cov ntxhais. Tus TSWV uas muaj hwjchim loj kawg nkaus yog tus uas hais li no. (2 Kauleethaus 6:16b,18)

Muaj ib tug phooj ywg nyuam qhuav hu xov tooj tuaj nug kuv txog lub sijhawm tamsim no tab tom zoo li cas. Koj hnov xav tsis thoob thaum uas kuv hais tias yeej tseem nyob zoo thiab yeej tseem hnov kaj siab lug. Tiamsis tseeb tiag kuv tab tom nyob rau ntu uas muaj kev quaj ntsuag. Kuv niam nyuam qhuav tuag rau hnub thiv thaum sawv ntxov tas los no.

Thaum me los, kuv tau ntshai heev tsis xav kom ntsib tej hnub zoo li no. Kuv paub tias niam twb muaj hnub nyoog lawm thiab niam yuav tuag ua kuv ntej. Ua ntej uas niam tuag tsis tau ntev ces cov neeg uas nrog niam tib txhij kuj tuag zuj zus. Txawm yog paub meej qhov tseeb no los lo lus nug ntawd pheej keev tshwm sim hauv kuv lub hlwb, “Kuv lub neej yuav zoo li cas yog tias tsis muaj niam lawm?” Thaum muaj 17 xyoo kuv ncaim kuv tsev neeg mus kawm ntawv hauv tsev kawm qib siab. Kuv rov qab los tsev tom qab 2 lub caij ntuj sov thiab nrhiav tau ib teg haujlwm ua nyob ze ntawd. Nyob rau ntau lub xyoo kuv kawm tsev qib siab, ntau zaug nyob rau tej hnub so, kuv tsav tsheb los tsev saib tsev neeg. Kuv lub tsev kawm ntawv nyob deb tsev neeg li 4 sijhawm tsav tsheb. Tom qab kawm ntawv tiav, kuv ua haujlwm rau ib lub tuamtxhab ua haujlwm loj heev nyob rau lwm lub nroog. Tiamsis kuj npaj sijhawm los saib niam. Kuv pom tias ntawm no yog kuv lub luag haujlwm vim kuv txiv twb tuag thaum kuv muaj 15 xyoo lawm. Niam ib leeg tu 3 tug menyuam. Kuv tas tseem tshuav 2 tug yau tab tom nyob hauv tsev thiab. Yog niam laus, kuv nkag siab tias yus muaj lub luag haujlwm saib xyuas niam thiab tsev neeg.

Nyob rau 5 xyoo uas kuv ua neej nyob rau sab teb chaws Châu Âu, kuv thiab niam wb pheej sib xa ntawv ua ke thiab. Kuv tham rau niam txog tej haujlwm, tej kev coj noj coj ua, txog thaj chaw zoo nkauj thiab tej neeg ua kom muaj kev sov siab ua siab zoo uas kuv muaj sijhawm tau paub thiab nrog lawv ua phooj ywg. Niam kuj muaj sijhawm tuaj ncig xyuas kuv 2 zaug. Kuv tej phooj ywg lawv hlub tus poj niam uas muaj tus yam ntxwv neeg me me no thiab thaum twg twb ua ntsej muag luag ntxhi, thiab tshwj xeeb tseem paub ua qaib kib qab tshaj plaws rau pluas hmo. Niam paub ua rau cov neeg uas npau taws tshajplaws kom lawv kuj luag ntxhi dhau tej zaj xwm txheej zoo thiab txaus luag uas nws hais tawm.

Rov los tham txog kuv tus phooj ywg tau hu xov tooj tuaj rau kuv tag kis sawv ntxov no. Kuv tus phooj ywg hais tias leej twg nyob rau lub caijnyoog zoo li no kuj yuav zam tsis dhau kev mob siab. Tiamsis txij li thaum niam poob, hnub twg kuv twb ntsia pom niam lub ntsej muag luag ntxhi. Saib niam hluas tshaj ntau npaug thaum muaj hnub nyoog 89 xyoo thaum uas niam tuag. Yam uas kuv pom tau tias thaumno niam tau txais kev zoo siab lawm. Hais tiag, kuv yeej tsis nco tias yav dhau los kuv puas tau ntsia pom niam kaj siab thiab zoo siab npaum li no lawm tau.

Kuv paub tias niam tab tom nyob rau ntawm ib thaj chaw zoo tshaj dua. Yog li, kuv yuav ua li cas hnov nyuaj siab tau? Tiamsis kuv tus phooj ywg nws ho pom tias kuv yog ib tug neeg txawj daws tej xwm txheej tiamsis ntxov thiab lig yuav muaj zaum twg kuj swb xwb. Kuv nkag siab kuv tus phooj ywg lub siab zoo, tus uas tau nrog kuv mus ua ke dhau ntau lub sijhawm txomnyem, tag kev cia siab thiab thaum twg twb npaj txhij nyob ntawm kuv ib sab thaum kuv qaug zog. Kuv tus phooj ywg hais rau kuv tias lub sijhawm kuv ua menyuam twb tas lawm vim kuv niam tau tuag lawm.

Tom qab tham xov tooj tas, kuv zaum thiab ua zoo xav. “Kuv lub sijhawm ua menyuam twb tas lawm tiag lov?” Kuv tsis tau muaj zaum twg xav txog tej no. Muaj ib txoj kev nyuaj siab pib phwj tawm hauv kuv lub siab. Tiamsis tamsim ntawd, thaum uas lub kua muag pib poob saum kuv lub ntsej muag, kuv rov nco txog nqe Vajluskub uas tus phooj ywg tau xa rau kuv tau ob peb thiv tas los. Nqe Vajluskub ntawd sau txog tej uas Vajtswv hais li no:

“Kuv yuav muab lawv ua Kuv qhov chaw nyob thiab kuv yuav niaj hnub nrog lawv nyob. Kuv yuav yog lawv tus Vajtswv thiab lawv yuav yog Kuv haiv neeg…

Kuv tej kua muag yeej ntws tiag tiag tiamsis tsis yog ntws vim tu siab tiamsis yog zoo siab. Kuv lub sijhawm ua menyuam yeej yuav tsis muaj ib zaum twg tas li. Txawm yog kuv niam tau tuag lawm los kuv yeej tseem yog Vajtswv tus ntxhais. Tus uas yeej tseem hlub thiab saib xyuas kuv txhua lub sijhawm. Yog, kuv yuav yog Nws tus ntxhais mus ib txhis.

Thov caw nrog kuv peb thov Vajtswv ua ke: Ua Vajtswv Koj tsaug txawm cov neeg uas hlub tshaj tau sib ncaim los Vajtswv Koj tseem yog peb tus Vajtswv thiab peb yeej tseem yog Koj tej menyuam yog Koj tej tub tej ntxhais, tau Koj hlub thiab saib xyuas. Kuv ua Koj tsaug thiab paub Koj txiaj ntsig hauv Tswv Yexus Khetos lub npe. Amees.

Cov kwv tij txhua tus zaj kawm hnub no xav xa tshwj xeeb rau tus uas tab tom hnov kho siab nyob ib leeg, thaum uas muaj ib tug neeg txheeb ze tau tuag lawm. Tab pov tias ntawm txoj kev hlub yuav tsis muaj leej twg zam dhau kev nyuaj siab tiamsis ntseeg tias koj yuav tsis muaj zaum hnov qab mus ib txhis tias yus tseem yog Vajtswv tus uas siab tshajplaws li menyuam. Nws yeej tseem nyob ntawd, saib ntsoov peb txhua kaujruam thiab tsis muaj hnub nres tsis hlub peb.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.