Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Teeb meem, kab mob kev nkeeg, kev tshaib kev qhis, kev tsov rog… yog tej yam uas Tswv Yexus tau cev lus ua ntej thaum hais txog hnub uas lub ntiajteb yuav kawg. Thaum hais txog hnub lub ntiajteb kawg, tib neeg muaj kev txhawj, kev ntshai thiab ntshai ua ib ce tshee nyho. Tiamsis nyob rau ntawm cov ntseeg Vajtswv, peb muaj Vajtswv tej lus cog tseg kom peb cia siab rau hnub uas Tswv Yexus yuav rov qab los nrog lub tshwjchim ci ntsa iab. Tswv Yexus rov qab los ua rau peb muaj kev cia siab txog lub neej tom ntej tsis muaj kev txhawj, kev nyuaj siab thiab tau nrog Tswv Yexus nyob ua ke mus ib txhis nyob rau saum ntuj ceebtsheej. 

Hnub no, yog hnub 23/06/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Rich Miller dhau ntawm Zaj kawm TXOJ KEV CIA SIAB NYOB RAU TIAM KAWG NO

“thiab tsis txhob nyuaj siab, vim txojkev zoo siab uas los ntawm tus Tswv twb txhawb tau nej lub zag lawm.” (Nehemis 8:10). 

Koj puas hnov txhawj thaum hnov txog tej xov xwm kuv ntxhov tab tom tshwmsim, kev tsov rog tshwm txhua qhov hauv lub ntiajteb no txhua hnub? Toj pob dej nyab, teeb meem tshwm txhua qhov thiab yim hnub yim phem. Tib neeg ua txhaum yim zais zoo dua thaum ub. Yog tias koj hnov txhawj, ntshai ces ntawm no yog txoj xov zoo tseg rau koj: Vajtswv yog tus uas tab tom tswj lub ntiajteb no thiab Tswv Yexus yuav rov qab los sai sai. 

Koj txoj kev tos lub sijhawm Tswv Yexus rov qab los yuav cuam tshuam ntau txog tej teeb meem uas tab tom tshwmsim los nyob rau hauv lub ntiajteb no. Ntawm no kuj yog tej uas kuv tau ntsib thaum kuv saib ntsoov mus rau Tswv Yexus. 

Tej xwm txheej tshwmsim los nyob rau lub sijhawm ntiajteb yuav kawg no tau ua rau kuv tag kev cia siab. Tiamsis thaum xav txog Vajtswv txojlus, ntseeg siab rau Vajtswv tej lus cog tseg, peb yuav hnov kaj siab thiab puv npo kev cia siab thaum Tswv Yexus rov qab los. Tswv Yexus yuav rov qab los ua tus kav txhua lub tebchaws, txhua haiv neeg. Nyob rau hauv tej ntawd, kuv vam khom Vajtswv yog tus uas sawv rov qab los, kom pab peb muaj yeej (Loos 8:37). Kuv kuj cia siab tos tej yam uas Tswv Yexus cog lus yuav ua rau lub sijhawm uas ntiajteb yuav kawg. 

Tswv Yexus twb ceeb toom peb tias: “Neeg ntiajteb yuav tsimtxom nej” (Yauhas 16:33). Peb hnov tsis muaj kev kaj siab txog tej xwm txheej tau tshwmsim los thoob plaws lub ntiajteb no yog yam uas ib txwm muaj. Tiamsis Vajtswv txojlus ntuas peb tias: “Zoo siab nrog tus zoo siab, quaj nrog tus quaj” (Loos 12:15). Peb tsis hnov tag kev cia siab lawm vim Tswv Yexus yog Nws tej menyuam txoj kev cia siab. Ua Vajtswv tsaug tau pub rau kuv saj tau txoj kev kaj siab no thaum uas paub txog lub homphiaj hnub Tswv Yexus yuav rov qab los. 

Ob peb xyoo dhau los, kuv qhia phau ntawv Tshwmsim rau ib pawg me, hais txog Tswv Yexus yuav rov qab los, coj Pawg Ntseeg mus ua ntej uas peb yuav raug kev ntxeev ntxias. Tag nrho tej teeb meem, kab mob kev nkeeg txaus ntshai yuav tshwmsim los nyob rau lub sijhawm no thiab txhua yam yuav phem heev. Muaj ib tug txwj laug sawv los thiab hais tias: “Tsis yog li ntawd. Phau ntawv Tshwmsim ua rau peb muaj kev cia siab”. Yawg rov hais ntxiv: “Koj tsis txhob tsuas hais txog phau Tshwmsim qhia txog lub sijhawm ntiajteb kawg xwb tiamsis nws tseem yog txoj kev cia siab tos hnub Tswv Yexus rov qab los thiab”. 

Ua Vajtswv tsaug txog txoj kev uas Vajtswv tau hloov kuv. Vajtswv pub rau kuv muaj ib txoj kev ntsib dhau dua tshiab txog tej yam uas yuav tshwmsim tuaj. Qhov haujlwm no nws hloov pauv kuv txoj kev ntsia txog txhua yam uas tshwmsim los nyob rau hauv lub ntiajteb no. tshaj txhua yam, phau Tshwmsim nthuav qhia rau peb tias Tswv Yexus yog Vajtswv tus menyuam Yaj, yog tus uas tswj tag nrho lub ntiajteb no. Nws yog peb lub hauv paus cia siab. Vajtswv txojlus nyob rau hauv Ntawv Nkauj 2:1-6 sau tias: 

“Vim li cas txhua haiv neeg tuav hauv ntxeev siab. Vim li cas cov pejxeem tuav tswvyim ua tej uas tsis muaj qabhau? Lawv cov vajntxwv los ntxeev siab, thiab lawv tej nomtswv tuaj txoos ua ke tuav tswvyim tawmtsam tus Tswv thiab tawmtsam tus vajntxwv uas tus Tswv xaiv. Lawv hais tias, "Cia peb nyob ywj siab tsis txhob cia nkawd kav peb, thiab cia peb khiav tawm ntawm nkawd kev tswjhwm." Tus Tswv nyob saum nws lub zwmtxwv saum ntuj luag lawv plig, thiab thuam lawv tej tswvyim uas tsis muaj qabhau.  Nws ntuas lawv npautaws vog thiab nws txojkev chim ua rau lawv ceeb ras pes dheev.  Nws hais tias, "Kuv tsa kuv tus vajntxwv rau saum lub Roob Xi-oos a uas yog kuv lub roob dawbhuv lawm”

Ib yam li tau sau ntawm Ntawv Nkauj 2:4 tias: “Tus Tswv nyob saum nws lub zwmtxwv saum ntuj luag lawv plig” Nws caw peb txhua tus mus koom Nws tus menyuam yaj rooj tshoob nyob rau hnub ntsib Tswv Yexus los ntawm txoj kev cia siab thiab lub suab luag ntxhi. Vajtswv kuj cog lus tias txoj kev zoo siab nyob rau ntawm tus Tswv yog peb lub zog (Nehemis 8:10). Thov Vajtswv pub txoj kev cia siab tshiab txawm yog yuav ntsib ntau yam teeb meem li niaj hnub nim no. muab koj txoj kev cia siab tso plhuav rau ntawm Vajtswv. Vajtswv tab tom ua haujlwm nyob rau ntawm txhua haiv neeg thiab Tswv Yexus yuav rov qab los tos peb sai sai.

Thov caw nrog kuv peb thov Vajtswv ua ke

Ua Vajtswv tsaug txog tej lus cog tseg Vajtswv koj tau npaj ib qhov chaw nyob saum ntuj ceeb tsheej tseg rau peb thiab Tswv Yexus yuav rov qab los tos peb mus nrog Nws nyob ua ke. Thov pab rau kom peb ruaj siab tos Koj hauv txoj kev zoo siab, cia siab txawm yog yuav ntsib tej teeb meem, kab mob, kev tsis sib haum xeeb nyob rau tiam uas lub ntiaj teb yuav kawg no. thov Vajtswv Koj pab rau peb kom vam khom rau ntawm Koj thiab ntseeg tias Koj yog tus tswj lub ntiajteb no. Peb thov hauv Tswv Yexus Khetos lub npe. Amees.
Cov kwv tij sawv daws, yuav muaj ntau yam txaus ntshai tshwmsim tuaj nyob rau tiam lub ntiajteb no yuav kawg tiamsis pauv qhov uas peb ntshai ces peb muaj kev cia siab nyob hauv Tswv Yexus yog Vajtswv tus menyuam Yaj. Nws yog tus uas kav tag nrho qaum ntuj ntiajteb no, Vajtswv tso cai rau txhua yam tshwmsim los nyob rau hauv Vajtswv lub homphiaj zoo kawg nkaus. Tswv Yexus kov yeej tej kev txomnyem nyob rau hauv lub ntiajteb no kom peb kov yeej txoj kev txhawj ntshai. Kav tsij mus qhia txog Tswv Yexus lub npe kom thaum Nws rov qab los tag nrho peb txhua tus puav leej tau mus nrog Nws nyob ua ke.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj